[᭗᭖ 76B]
᭗᭖
ᬮ᭄ᬫᬦᬶᬲ᭄ᬘᬢᬸᬃ᭞ᬢᬸᬯ᭄ᬬᬯᬭᬵᬧ᭄ᬲᬭᬧᬜ᭄ᬘ᭞ᬦᬶᬦ᭄ᬤ᭄ᬬᬸᬂᬪᬹᬫᬶ᭞ᬓᬧᬸᬳᬦ᭄ᬕᬶᬦᬦ᭄ᬢ᭄ᬬᬾᬂᬫᬸᬮᬢ᭄᭛᭜᭛ᬧᬸᬄᬕᬶᬦᬦ᭄ᬢᬶ᭟ᬢᬦ᭄ᬓᬯᬃᬡ᭄ᬦᬭᬶᬂᬦᬹᬱ᭄ᬬᬾᬂᬪᬹᬄ᭞ᬯᬸᬯᬸᬲᭂᬦ᭄ᬰ᭄ᬭᬷᬤ᭄ᬬᬄᬓᬸᬦ᭄ᬢᬶ᭞ᬳᬫᭀᬂᬲᬸᬢᬲᬂᬧᬵᬡ᭄ᬟᬯ᭞ᬲᬫᬲᬶᬭ
ᬤᬾᬦ᭄ᬬᬳᬲᬶᬄ᭞ᬧᬥᬳᬩᬲᬫᬾᬂᬲᬵᬦᬓ᭄᭞ᬲᬾᬓᬲᬾᬮ᭄ᬯᬦ᭄ᬧᬢᬶᬳᬸᬭᬶᬧ᭄᭟᭒᭟ᬢᬦ᭄ᬓᬯᬸᬯᬸᬲ᭄ᬰ᭄ᬭᬫᬾᬂᬕᬸᬦᬸᬂ᭞ᬯᬸᬲ᭄ᬫᬸᬮᬶᬄᬳᬵᬲ᭄ᬢᬶᬦᬧᬸᬭᬶ᭞ᬳᬫᭀᬦ᭄ᬤᭀᬓᬶᬂᬧᬭᬸᬳᬜᬃ᭞ᬲᬓᬾᬂᬲᬂᬧ᭄ᬭᬪᬸᬋᬱᬶ᭞ᬓᬶᬤᬸᬮᬾᬂᬭᬵᬚ᭄ᬬᬳᬵᬲ᭄ᬢᬶ᭠
ᬦ᭞ᬓᬶᬦᬲᬶᬳᬦ᭄ᬤᬾᬦᬶᬂᬪᬹᬫᬶ᭟᭓᭟ᬳᬦᬪᬭᬤ᭄ᬯᬲᬹᬦᬸ᭞ᬋᬱᬶᬤ᭄ᬭᭀᬡᬲᬶᬭᬵᬦᬫᬶ᭞ᬲᬾᬭᬶᬂᬲᬸᬢᬲᬶᬅᬰ᭄ᬯᬢ᭄ᬢᬫ᭞ᬮᬶᬯᬃᬲᬶᬄᬤᬾᬦᬶᬭᬵᬲᬹᬦᬸ᭞ᬓᬲᭂᬧᭂᬃᬭᬶᬂᬕᬚᬳ᭄ᬯᬬ᭞ᬲᬶᬦᬬᬸᬢ᭄ᬤᬾᬪᬷᬱ᭄ᬫᬋᬱᬶ᭟᭔᭟ᬲᬶᬭᬢᬲᬶᬦᬗ᭄ᬕᬸᬄ
ᬕᬸᬭᬸ᭞ᬲᬂᬓᭀᬭᬯᬫ᭄ᬯᬂᬧᬵᬡ᭄ᬟᬯᬶ᭞ᬯᬶᬦᬸᬭᬸᬓᬶᬂᬥᬦᬸᬃᬤ᭄ᬟᬭ᭞ᬧᬥᬯᬶᬤᬕ᭄ᬟᬲᬫᬾᬓᬸ᭞ᬳ᭄ᬢ᭄ᬬᬦ᭄ᬲᬶᬄᬰ᭄ᬭᬷᬓᬸᬭᬸᬦᬵᬣ᭞ᬳᬢᬸᬃᬲᬓᬲᬚ᭄ᬜᬋᬱᬶ᭟᭕᭟ᬲᬸᬓᬾᬂᬓᬳ᭄ᬬᬸᬦ᭄ᬲᬂᬫᬪᬶᬓ᭄ᬱᬸ᭞ᬦᬸᬮ᭄ᬯᬵᬲᬶᬄᬰ᭄ᬭᬷᬓᬸᬭᬸᬧᬢᬶ᭞ᬫᬓᬤᬶ
[᭗᭗ 77A]
ᬲᬂᬋᬱᬶᬪᬷᬱ᭄ᬫ᭞ᬳᬸᬯᬸᬲ᭄ᬯᬶᬦᬭᬳᬶᬂᬍᬯᬶᬄ᭞ᬳᬸᬮᬄᬓᭀᬭᬯᬧᬡ᭄ᬟᬯ᭞ᬲᬫᬲᬫᬤᬾᬦ᭄ᬬᬵᬗᬧ᭄ᬢᬶ᭟᭖᭟ᬲᬗ᭄ᬓᬦᬶᬂᬳ᭄ᬬᬸᬦ᭄ᬰ᭄ᬭᬷᬤ᭄ᬭᭀᬡᬫ᭄ᬧᬸ᭞ᬢᬦ᭄ᬮᬾᬦ᭄ᬰ᭄ᬯᬢ᭄ᬢᬫᬳᬵᬃᬚ᭄ᬚᬸᬦ᭞ᬓᬭ᭄ᬯᬵᬯᬾᬳᭂᬦ᭄ᬩ᭄ᬭᬵᬳ᭄ᬫᬰᬶᬭᬄ᭞ᬫᬓᬳᬾᬢᬸᬦ᭄ᬬᬍᬧᬲ᭄ᬫᬸ
ᬮᬶᬄ᭞ᬩᬾᬲᬸᬓ᭄ᬫᬭᬶᬂᬲᬸᬦ᭄ᬬᬵᬢ᭄ᬢᬓ᭞ᬲᬥᬦᬰ᭄ᬭᬷᬫᬺᬢᬧᬢᬶ᭟᭗᭟ᬳᬲᭂᬗᬶᬢ᭄ᬭᬶᬂᬳ᭄ᬬᬸᬦ᭄ᬳᬕᬸᬭᬸ᭞ᬪᬷᬫ᭠ᬓᬸᬢᬦ᭄ᬓᬮᬾᬦ᭄ᬓᬢᭀᬦ᭄᭞ᬳᬵᬫ᭄ᬩᭂᬓᬦᬶᬓᬂᬧᬵᬡ᭄ᬟᬯ᭞ᬬᬳᬾᬢᬸᬰ᭄ᬭᬷᬦᬺᬧᬓᬸᬭᬸ᭞ᬫᬗᬸᬦ᭄ᬧᬓᬶᬭᬩᬜ᭄ᬘᬦ᭞ᬳᬶᬮᬗᬦᬂ
ᬪᬷᬫᬵᬤᬶᬧᬢᬶ᭟᭘᭟ᬳᬦᬯᬸᬯᬸᬲ᭄ᬫ᭄ᬧᬸᬥᬗ᭄ᬕᬸᬭᬸ᭞ᬭᬶᬂᬓᭀᬭᬯᬫ᭄ᬯᬂᬧᬵᬡ᭄ᬟᬯ᭞ᬳᬫᬮᬓ᭄ᬯᬾᬂᬧᬜ᭄ᬘᬮᬦᬵᬣ᭞ᬳᬗ᭄ᬤᬾᬲᬶᬤ᭄ᬟᬢᬦ᭄ᬳᬦᬦ᭄ᬢᬸ᭞ᬲᬵᬫ᭄ᬧᬸᬦ᭄ᬲᬶᬭᬧᬥᬍᬕ᭞ᬳᬵᬃᬚ᭄ᬚᬸᬦᬚᬬᬦᬾᬂᬲᬸᬓᬶᬢ᭄᭟᭙᭟ᬓᬩᬦ᭄ᬤᬧᬜ᭄ᬘᬮᬧ᭄ᬭᬪᬸ᭞
ᬩᬶᬦᬓ᭄ᬢᬓᬢᬸᬭᬾᬂᬤ᭄ᬯᬶᬚᬵᬃᬱᬶ᭞ᬤ᭄ᬭᬸᬧᬤᬳᬶᬦᬸᬮᬶᬳᬓᭂᬦ᭄᭞ᬗ᭄ᬳᬶᬂᬭᬵᬢ᭄ᬮᭀᬭᬶᬂᬕᬗ᭄ᬕᬳᬶᬓᬸ᭞ᬳᬶᬦ᭠ᬚ᭄ᬜᬦ᭄ᬤᬾᬤ᭄ᬯᬶᬚᬯᬭ᭞ᬤ᭄ᬭᬸᬧᬤᬧᬜ᭄ᬘᬮᬫᬹᬓ᭄ᬢᬶ᭟᭑᭐᭟ᬭᬶᬳᬸᬮᬶᬄᬧᬜ᭄ᬘᬮᬧ᭄ᬭᬪᬸ᭞ᬲᬸᬬᭀᬥᬦᬲᬶᬭᬭᬯᭀᬲ᭄᭞ᬧᬋᬂᬲᬵ
Kaca:Bali-lontar-gaguritan-pandawa-dasa-01-300ppi.pdf/77
Kaca puniki sampun kauji-wacén
