Kaca:Bali-lontar-gaguritan-pandawa-dasa-01-300ppi.pdf/75

Saking Wikisource
Kaca puniki sampun kauji-wacén

[᭗᭔ 74B]
᭗᭔
ᬯᭂᬤ᭄ᬬᬾᬂᬩᬧ᭟᭕᭘᭟ᬬᬦ᭄ᬲᬵᬫ᭄ᬧᬸᬦ᭄ᬲᬶᬄᬲᬶᬭᬂᬩᬧ᭞ᬲᬸᬦ᭄ᬳᬬᬳᬾᬂᬓᬶᬢᬲᬫᬶ᭞ᬢᬦ᭄ᬯᬶᬯᬮᬶᬂᬲᬳᬚ᭄ᬜ᭞ᬚᬵᬢᬶᬦ᭄ᬬᬢᬦ᭄ᬫᬶᬢ᭄ᬬᬾᬂᬯᬸᬯᬸᬲ᭄᭞ᬰ᭄ᬭᬷᬥᬃᬫ᭄ᬫᬯᬗ᭄ᬰᬵᬗᬸᬘᬧ᭄᭞ᬤᬸᬄᬫᬵᬲ᭄ᬓ᭄ᬯᬭᬶ᭞ᬧᬋᬂᬧᬭᬾᬂᬪᬺᬖ᭄ᬯᬵᬰ᭄ᬭᬫ᭟᭕᭙᭟ᬲᬂᬮᬶᬦᬶᬗ
ᬦ᭄ᬲᬶᬭᬮᬫ᭄ᬧᬄ᭞ᬰ᭄ᬭᬷᬧᬜ᭄ᬘᬵᬢ᭄ᬫᬤᬦᬭᬶᬲ᭄᭞ᬫᬸᬗ᭄ᬲ᭄ᬬᬾᬂᬪᬺᬖ᭄ᬯᬵᬰ᭄ᬭᬫᬫᬗ᭄ᬓᭀ᭞ᬢᬦ᭄ᬓᬯᬃᬡ᭄ᬦᬳᬶᬂᬳ᭄ᬦᬸ᭞ᬰᬶᬖ᭄ᬭᬧ᭄ᬭᬵᬧ᭄ᬢᬭᬶᬂᬧᬰ᭄ᬭᬫᬦ᭄᭞ᬲᬂᬫᬬᬢᬶ᭞ᬲᬳᬸᬯᬸᬲᬶᬭᬵᬦ᭄ᬧᬫᬹᬚᬵ᭟᭖᭐᭟ᬢᬸᬫᬸᬗ᭄ᬓᬸᬮ᭄‌ᬤ᭄ᬬᬄᬓᬺᬱ᭄ᬡᬯᬢ᭄ᬬ᭞ᬲᬶᬧ
ᬜ᭄ᬘᬵᬢ᭄ᬫᬭᬋᬫ᭄ᬲᬫᬶ᭞ᬭᬵᬫᬪᬃᬕ᭄ᬖᬯᬵᬘᬸᬯᬘᬦ᭞ᬤᬸᬄᬫᬵᬲ᭄ᬓ᭄ᬯᬶᬩᬸᬲᬹᬃᬬ᭄ᬬᬲᬸᬦᬹ᭞ᬓᬫᬬᬗᬦ᭄ᬯᬯᬂ᭠ᬧ᭄ᬭᬵᬧ᭄ᬢ᭞ᬓᬶᬢᬲᬫᬶ᭞ᬦ᭄ᬤᬯᭂᬕ᭄ᬧᬥᬳᬮᬸᬗ᭄ᬕᬸᬳ᭟᭖᭑᭟ᬧᬭᬦ᭄ᬕᬯᬾᬯᬸᬯᬸᬲᬦ᭞ᬧᬸᬦᬧᬵᬦᬳᬶᬦᬸᬮᬢᬶ᭞ᬓᬺᬱ᭄ᬡᬯᬢ᭄ᬬᬫᬢᬸ
ᬭᬮᭀᬦ᭄᭞ᬧᬸᬓᬸᬮᬸᬦ᭄ᬲᬂᬫᬳᬵᬪᬶᬓ᭄ᬱᬸ᭞ᬬᬾᬓᬶᬦᬵᬣᬾᬂᬦᬹᬱᬵᬫ᭄ᬩᬭ᭞ᬕᬸᬭ᭄ᬯᬾᬂᬋᬱᬶ᭞ᬳᬫ᭄ᬭᬶᬄᬲᬸᬓᬦᬶᬂᬪᬝᬭ᭟᭖᭒᭟ᬥᬃᬫ᭄ᬫᬯᬗ᭄ᬰᬲᬶᬧᬵᬃᬣᬵᬗ᭄ᬕ᭞ᬭ᭄ᬯᬤᬾᬯᬲᬤᬾᬯᬫᬮᬶᬄ᭞ᬲᬫᬪᬓ᭄ᬢ᭄ᬬᬾᬂᬲᬂᬧᬵᬡ᭄ᬟᬶᬢ᭞ᬯᬺᬓᭀᬥᬭᬳᬫᬸ
[᭗᭕ 75A]
ᬯᬸᬲ᭄᭞ᬢᬩᬾᬳᬓᬸᬢᬦ᭄ᬧᬦᭂᬫ᭄ᬩᬄ᭞ᬳᬓᬸᬪᬓ᭄ᬢᬶ᭞ᬢᬦ᭄ᬬᭀᬕ᭄ᬬᬵᬓ᭄ᬦᬾᬂᬲᭂᬫ᭄ᬩᬳᬦ᭄᭟᭖᭓᭟ᬯᬯᬂᬫᬵᬢᬸᬃᬥᬃᬫ᭄ᬫᬯᬗ᭄ᬰ᭞ᬲᬶᬗ᭄ᬕᬶᬄᬧᬸᬓᬸᬮᬸᬦ᭄ᬲᬂᬋᬱᬶ᭞ᬳᬸᬮᬸᬦ᭄ᬲᬫᬲᬧᬕᬸᬭᭀᬦ᭄᭞ᬦᬥᬄᬯᬲᭃᬄᬧᬤᬫ᭄ᬧᬸ᭞ᬋᬱᬶᬲᭂᬫ᭄ᬩᬳᬦ᭄ᬲᬂ
ᬧᬜ᭄ᬘ᭞ᬲᬹᬃᬬ᭄ᬬᬾᬂᬪᬹᬫᬶ᭞ᬲᬓᬸᬯᬸᬩᬶᬂᬦᬹᬱᬵᬫ᭄ᬩᬭ᭟᭖᭔᭟ᬋᬱᬶᬯ᭄ᬓᬲᬦᬶᬭᬶᬗ᭄ᬯᬂ᭞ᬧ᭄ᬭᬬᬦᬥᬄᬲᬶᬄᬳ᭄ᬬᬂᬭᬯᬶ᭞ᬳᬫᬮᬓ᭄ᬯᬾᬂᬓᬺᬱ᭄ᬡᬯᬢ᭄ᬬ᭞ᬕᬯᬾᬧᬦᬸᬢᬸᬩᬶᬓᬂᬪᬹᬄ᭞ᬳᬗ᭄ᬤᬾᬲᬶᬭᬧᬾᬮᬶᬳᬦ᭞ᬗ᭄ᬯᬂᬧᬜ᭄ᬘᬾᬓᬶ᭞ᬲᬶᬂᬳᬶᬦᬚ᭄ᬜᬦ᭄‌ᬧ᭄ᬭ
ᬬᬭᬢ᭄ᬯ᭟᭖᭔᭟ᬲᬶᬦᬫ᭄ᬩᬸᬢ᭄ᬤᬾᬫᬸᬦᬶᬯᬭ᭞ᬤᬸᬄᬩᬧᬲᬂᬕᬗ᭄ᬲᬮ᭄ᬲᬶᬓᬶ᭞ᬓ᭄ᬱᬫᬵᬓ᭄ᬦᬬ᭄ᬬᬃᬗ᭄ᬕᬩᬧ᭞ᬳᬸᬦᬶᬮᬩᬸᬳᬦᬶᬂᬯᬸᬯᬸᬲ᭄᭞ᬤᬸᬓ᭄‌ᬫᬺᬢᬶᬱ᭄ᬝᬫᬹᬃᬓ᭄ᬓᬩ᭄ᬭᬢ᭞ᬢᬸᬗ᭄ᬓᬩᬸᬤ᭄ᬟᬶ᭞ᬳᬾᬲᬸᬓ᭄ᬢᬦ᭄‌ᬫ᭄ᬭᬱ᭄ᬝᬶᬢᬲᬢ᭄ᬭᬶᬬ᭟᭖᭖᭟ᬳᬦᬵ
ᬦᬸᬕ᭄ᬭᬳᬗ᭄ᬓ᭄ᬯᬩᬧ᭞ᬳᬚᬶᬥᬃᬦᬸᬃᬥᬭᬲᬫᬶ᭞ᬲᬸᬓ᭄ᬱ᭄ᬫᬦᬶᬓᬚᬬᬾᬂᬭᬡ᭞ᬢᬦ᭄ᬓᬚᬬᬤᬾᬦᬶᬂᬰᬢ᭄ᬭᬸ᭞ᬫᬓᬵᬤᬶᬤ᭄ᬬᬄᬓᬺᬱ᭄ᬡᬯᬢ᭄ᬬ᭞ᬤᬦ᭄ᬓᬶᬦᬦ᭄ᬢᬶ᭞ᬕᬯᬾᬖᬭᬓᬶᬢᬧᬜ᭄ᬘ᭟᭖᭗᭟ᬳᬚᬲᬦ᭄ᬤ᭄ᬬᬳᬬ᭄ᬯᬕᬶᬮ᭞ᬳᬚᬫᭀᬳᬶ᭠