[᭗᭒ 72B]
᭗᭒
ᬲᬂᬘᬢᬸᬃᬲᬶᬓᬶ᭞ᬫᬧᬾᬓᬶᬤᬾᬭᬧᬲᬚ᭄ᬜ᭞ᬳᬗ᭄ᬤᬾᬳᬦᬭᬵᬚ᭄ᬬᬳᬶᬓᬸ᭞ᬲᬂᬮᬶᬦᬶᬗᬦ᭄ᬯᬯᬂᬫᬸᬘᬧ᭄᭞ᬓᬓᬂᬓ᭄ᬯᬶᬓᬶᬬᭀᬕ᭄ᬬᬤᬸᬫᭀᬦᬧᬲᬚ᭄ᬜᬵ᭟᭔᭐᭟ᬦᬳᬦ᭄ᬯᬸᬯᬸᬲᬶᬭᬂᬓᬧᬢ᭄᭞ᬥᬃᬫ᭄ᬫᬯᬗ᭄ᬰᬵᬧᬹᬚᬵᬓᬺᬢᬶ᭞ᬤᬤᬶᬚᬕ
ᬢ᭄ᬳᬶᬓᬂᬯᬦ᭞ᬲᬶᬧᬵᬃᬣᬗ᭄ᬕᬚᬵᬢᬸᬭᬸᬦ᭄᭞ᬧᬓ᭄ᬱᬶᬲᬢ᭄ᬯᬢ᭄ᬫᬳᬦ᭄ᬦᬭ᭞ᬫᬮᬸᬳᬶᬲ᭄ᬢ᭄ᬭᬶᬳᬢᬶᬢᬶᬧ᭄ᬬᬫᬭᬶᬂᬚᬕᬢ᭄᭟᭔᭑᭟ᬲᬂᬭ᭄ᬯᬤᬾᬯᬲᬶᬭᬧᬹᬚᬵ᭞ᬲᬓ᭄ᬭᬳᬶᬓᬂᬢᬭᬸᬲᬫᬶ᭞ᬤᬤᬶᬲᬮᬹᬲᬓᬥᬢᭀᬦ᭄᭞ᬲᬤᬾᬯᬳᬫᬹ
ᬚᬕᬸᬦᬸᬂ᭞ᬤᬤᬶᬧᬦ᭄ᬢᬶᬲᬤ᭄ᬓᬳ᭄ᬬᬗᬦ᭄᭞ᬧᬥᬲᬶᬤ᭄ᬟᬶ᭞ᬗ᭄ᬳᬶᬂᬤᬸᬭᬦ᭄ᬲᬶᬤ᭄ᬟᬳᬸᬭᬶᬧ᭟᭔᭒᭟ᬯᬺᬓᭀᬥᬭᬫᬧ᭄ᬭᬬᭀᬕ᭞ᬗᬯᬾᬩᬵᬬᬸᬦᬶᬓᬂᬪᬸᬫᬶ᭞ᬫᬓᬤᬶᬩᬵᬬᬸᬦᬶᬓᬂᬯᭀᬂ᭞ᬲᬶᬂᬢᬸᬫᬸᬯᬸᬄᬧᬥᬩᬵᬬᬸ᭞ᬧᬸᬦᬂᬚᬕᬢ᭄ᬲᬧ᭄ᬭ᭠
ᬪᬵᬯ᭞ᬳᬍᬧ᭄ᬡᬰ᭄ᬭᬶ᭞ᬳᬶᬦᬭᬦᬦ᭄ᬦᬹᬱᬵᬫ᭄ᬩᬭ᭟᭔᭓᭟ᬇᬓᬦᬂᬯ᭄ᬯᬂᬳᬶᬦᬸᬚᬭᬦ᭄᭞ᬤᬾᬦᬶᬭᬲᬂᬮᬶᬫᬂᬲᬶᬓᬶ᭞ᬓᬶᬢᬤᬤᬶᬯᬤ᭄ᬬᬦᬶᬗ᭄ᬯᬂ᭞ᬳᬶᬗ᭄ᬓᬾᬦᬾᬧᬋᬂᬤᬸᬫᬸᬦᬸᬂ᭞ᬬᬾᬓᬸᬯᬾᬰ᭄ᬫᬤᬸᬦᬸᬗᬦ᭞ᬘ᭄ᬭᬓᬾᬦ᭄ᬓᬮᬶᬄ᭞ᬲᬓ᭄ᬭᬫᬦ᭄ᬢ
[᭗᭓ 73A]
ᬲᭀᬯᬂᬲᭀᬯᬂ᭟᭔᭔᭟ᬧᬥᬲᬸᬓᬩᬸᬤ᭄ᬟᬶᬦᬶᬯ᭄ᬯᬂ᭞ᬦᬥᬄᬲᬶᬄᬲᬂᬧᬜ᭄ᬘᬧᬢᬶ᭞ᬳᬢᬧ᭄ᬲᬫᬳᬢᬸᬃᬪᬓ᭄ᬢ᭄ᬬ᭞ᬭᬶᬂᬚᭃᬂᬲᬂᬧᬜ᭄ᬘᬧ᭄ᬭᬪᬸ᭞ᬦᬭᬳᬶᬂᬢᬢ᭄ᬯᬥᬃᬫ᭄ᬫ᭞ᬓ᭄ᬱᬦ᭄ᬢᬩᬸᬤ᭄ᬟᬶ᭞ᬓ᭄ᬭᬫᬦᬶᬗᬓᬺᬢᬶᬪ᭄ᬯᬡᬵ᭟᭔᭕᭟ᬭᬶᬳᬸᬯᬸᬲ᭄ᬧᬶᬦᬶᬢᬸᬢᬭ
ᬦ᭄᭞ᬲᬫᬳᬫ᭄ᬯᬶᬢᬶᬚᭃᬂᬳᬚᬶ᭞ᬧᬥᬬᬜᬸᬚᬸᬃᬧᬓᬸᬯᭀᬦ᭄᭞ᬲᬚᬗ᭄ᬓᭂᬧᬦ᭄ᬬᬮᬸᬫᬓᬸ᭞ᬲᬧ᭄ᬭᬧ᭄ᬢᬦᬾᬫᬭᬶᬂᬳᬸᬫᬄ᭞ᬓᬶᬦ᭄ᬓᬶᬦᬓᬾᬦ᭄ᬓᬶᬦ᭄᭞ᬩᬶᬲᬩᬸᬤ᭄ᬟᬶᬢᬢᬦ᭄ᬤᬸᬭᬦ᭄᭟᭔᭖᭟ᬳᬦᬳᬓᬃᬬ᭄ᬬᬾᬂᬕᬕᬲᬯᬄ᭞ᬳᬫ᭄ᬭᬶᬳᬓ᭄ᬦᬫᬺᬢᬾᬂᬪᬸᬫᬶ᭞ᬮᬾᬦ᭄
ᬬᬩᬸᬤ᭄ᬟᬶᬫᬶᬗᭀᬦᬶᬗᭀᬦ᭄᭞ᬳᬫᬲᬃᬳᬤᭀᬮ᭄ᬳᬢᬸᬓᬸ᭞ᬳᬦᬘᬶᬢ᭄ᬢᬓᬲ᭄ᬬᬦ᭄ᬓᬲ᭄ᬬᬦ᭄᭞ᬯᬗᬸᬦ᭄ᬕᭂᬦ᭄ᬤᬶᬂ᭞ᬢᬩᬸᬳᬦ᭄ᬲᬃᬯ᭄ᬯᬳᬦ᭄ᬤᬄ᭟᭔᭗᭟ᬓᬸᬝᬦᬶᬭᬲᬂᬧᬜ᭄ᬘᬵᬢ᭄ᬫ᭞ᬢᬦ᭄ᬪᬶᬦᬾᬗᬲ᭄ᬢᬶᬦᬧᬸᬭᬶ᭞ᬓᬮᬶᬫᬾᬢᬸᬗ᭄ᬕᬮ᭄ᬓᬥᬢᭀᬦ᭄᭞ᬥᬃ
ᬫ᭄ᬫᬯᬗ᭄ᬰᬫᬗ᭄ᬕᭂᬄᬧ᭄ᬭᬪᬸ᭞ᬧᬦᬗ᭄ᬕᬦ᭄ᬬᬳᬭᬶᬓᬧᬢ᭄᭞ᬧᬹᬃᬡ᭄ᬦᬓᬺᬢᬶ᭞ᬭᬵᬫ᭄ᬬᬾᬂᬲᬪᬵᬯᬺᬤ᭄ᬟ᭄ᬬᬾᬂᬚᬕᬢ᭄᭟᭔᭘᭟ᬲᬫᬢᬦ᭄ᬧᬲᬳᬶᬂᬩ᭄ᬭᬢ᭞ᬜᬸᬦ᭄ᬬᬲᬾᬯᬦᬲᬳᬭᬶ᭞ᬲᬂᬳ᭄ᬬᬂᬳᬤᬶᬢ᭄ᬬᬲᬶᬢᭀᬦ᭄᭞ᬳᬮᬳᬶᬂᬲᬂᬓᬶᬃᬣᬶᬳᬬᬸ᭞ᬓ
Kaca:Bali-lontar-gaguritan-pandawa-dasa-01-300ppi.pdf/73
Kaca puniki sampun kauji-wacén
