[᭗᭐ 70B]
᭗᭐
ᬩᬶᬲᬲᬵᬥᬸ᭞ᬩᬶᬲᬤᬤᬶᬭᭀᬩ᭄ᬦᬶᬂᬪ᭄ᬯᬦ᭞ᬩᬶᬲᬳᬲᬶᬄ᭞ᬩᬶᬲᬯᬶᬓᬸᬢᬦ᭄ᬧᬪᬵᬯ᭟᭒᭑᭟ᬢᬦ᭄ᬓᬸᬓᬸᬮ᭄ᬮᬦ᭄ᬤᬸᬭᬢ᭄ᬫᬓ᭞ᬢᬦ᭄ᬫᬵᬢᬶᬤᬾᬰᬢ᭄ᬭᬸᬰᬓ᭄ᬢᬶ᭞ᬬᬾᬓᬶᬧᬸᬦᬂᬦᬹᬱᬯᬦ᭞ᬗ᭄ᬕᭀᬦᬦᬶᬂᬭᬵᬢ᭄ᬓᬶᬢᬧ᭄ᬭᬪᬸ᭞ᬲᬓᬾᬲ᭄ᬬᬦᬶᬓ᭠
ᬦᬂᬳᬮᬲ᭄᭞ᬦᬭᬤᬤᬶ᭞ᬰ᭄ᬭᬷᬥᬃᬫ᭄ᬫᬯᬗ᭄ᬰᬵᬢᬸᬃᬪᬦ᭄ᬢ᭄ᬬ᭟᭒᭒᭟ᬭᬶᬳᬸᬯᬸᬲᬶᬭᬵᬦᭂᬫ᭄ᬩᬄ᭞ᬳ᭄ᬬᬂᬥᬃᬫ᭄ᬫᬫᬹᬃᬲᬸᬦ᭄ᬬᬫᬮᬶᬄ᭞ᬰ᭄ᬭᬶᬥᬃᬫ᭄ᬫᬯᬗ᭄ᬰᬲᬶᬦᬸᬢᬦ᭄᭞ᬭᬶᬂᬲᭀᬭᬶᬂᬯᬦ᭄ᬤᬶᬭᬢᬭᬸ᭞ᬓᬂᬭᬵᬄᬫᬗ᭄ᬓᬾᬳᬲ᭄ᬯᬪᬵᬯ᭞ᬭᬓ᭄ᬢᬗᭂᬦ᭄ᬤᬶᬄ᭞ᬳᬦ᭄ᬮᭂᬕ᭄ᬭᬶᬂ
ᬳᬦ᭄ᬢᬭᬶᬓ᭄ᬱᬵ᭟᭒᭓᭟ᬓᬵᬮᬲᬂᬳ᭄ᬬᬂᬫᬭᬸᬢᬮᬸᬗ᭄ᬳᬵ᭞ᬳᬯᬲ᭄ᬓᬸᬓᬸᬲ᭄ᬳᬪᬵᬯᬭᬡ᭄ᬟᬶ᭞ᬰᬶᬖ᭄ᬭᬲᬶᬭᬵᬳᬧ᭄ᬢᬶᬢᬸᬫᭀᬦ᭄᭞ᬭᬶᬂᬯᬶᬢᬶᬓᬂᬪᬵᬯᬳᬶᬓᬸ᭞ᬧᬭᬾᬂᬢᬸᬂᬢᬸᬂᬧ᭄ᬭᬵᬧ᭄ᬢᬾᬂᬧᬸᬓᬄ᭞ᬓᬢᭀᬜ᭄ᬚᬵᬢᬶ᭞ᬭᬵᬄᬩᬸᬬᬭᬶᬂᬦᬹᬱᬯᬦ
᭟᭒᭔᭟ᬩ᭄ᬬᬓ᭄ᬢᬤᬾᬦᬶᬭᬢᬸᬫᬶᬗ᭄ᬳᬮ᭄᭞ᬭᬵᬳᬶᬂᬧᬓᬧᬵᬡ᭄ᬥᬸᬫᬤ᭄ᬭᬶ᭞ᬭᬶᬦᬲᬤᬳᬢ᭄ᬳᬸᬢ᭄ᬢᬫ᭞ᬳᬶᬦᬸᬜ᭄ᬘᬭᬦ᭄ᬧᬹᬚᬵᬳᬶᬓᬸ᭞ᬫᬗ᭄ᬓ᭄ᬬᬵᬓᬸᬫ᭄ᬧᬸᬮ᭄ᬢ᭄ᬫᬳᬦ᭄ᬦᬭ᭞ᬘ᭄ᬫᭂᬂᬭᬡ᭄ᬟᬶ᭞ᬫᬗ᭄ᬓᬾᬳᬮᬶᬢ᭄ᬫᬗ᭄ᬓᬾᬳᬦ᭄ᬯᬫ᭄᭟᭒᭕᭟ᬧᬗᬤᭂ
[᭗᭑ 71A]
ᬕᬾᬕᬸᬂᬳᬧᬜ᭄ᬚᬂ᭞ᬫᬢᬳᬩᬂᬳᬲ᭄ᬫᬸᬭᬶᬫ᭄ᬭᬶᬫ᭄᭞ᬢᬸᬮ᭄ᬬᬪᬷᬫᬓᬸᬦ᭄ᬢᬷᬧᬸᬢ᭄ᬭ᭞ᬳᬕᬶᬯᭂᬂᬕᭂᬯᭂᬗᬕᬸᬮᬕᬸᬮ᭄᭞ᬳ᭄ᬬᬂᬧᬵᬯᬦᬳᬯᬘᬵᬦ᭞ᬯ᭄ᬭᬸᬳᬦ᭄ᬢᬾᬓᬶ᭞ᬧᬵᬡ᭄ᬥᬸᬫᬤ᭄ᬭᬶᬧᬹᬃᬯ᭄ᬯᬓᬶᬢ᭟᭒᭖᭟ᬫᬗ᭄ᬓᬾᬳᬓᬸᬳᬗ᭄ᬭᬾᬓᬓᬶᬢ᭞ᬓᬶᬢᬲᬸᬦᬹᬦᬓᬸᬫ
ᬗ᭄ᬓᬶᬦ᭄᭞ᬳᬭᬦᬦ᭄ᬢᬯᬺᬓᭀᬥᬭ᭞ᬲᬗᬶᬦᬸᬚᬭᬦᬫᬸᬯᬸᬲ᭄᭞ᬳᬓᬸᬳᬸᬦ᭄ᬲᬵᬚ᭄ᬜᬩᬧ᭞ᬳᬓᬸᬳᬫ᭄ᬭᬶᬄᬓᬯ᭄ᬭᬸᬳᬦ᭄ᬢᬦ᭄ᬫᬢ᭄ᬬᬾᬂᬭᬡ᭟᭒᭗᭟ᬲᬶᬤ᭄ᬟᬲᬓᬋᬧ᭄ᬢᬩᬧ᭞ᬯᬶᬦᬭᬳᬾᬂᬲᬹᬓ᭄ᬱ᭄ᬫᬾᬗᬢᬶ᭞ᬳᬶᬓᬸᬲᬦᬓ᭄ᬓᬾᬢᬚ᭄ᬬᬾᬱ᭄ᬝ᭞ᬧᬭᬕ
ᬬᬾᬄᬜᭀᬫᬳᬶᬓᬸ᭞ᬥᬃᬫ᭄ᬫᬯ᭄ᬓᬥᬃᬫ᭄ᬫᬯᬗ᭄ᬰ᭞ᬭᬦ᭄ᬬᬳᬸᬗ᭄ᬲᬶᬓᬂᬫᬸᬗ᭄ᬕ᭄ᬯᬶᬂᬲᭀᬭᬶᬂᬯᬦ᭄ᬢᬶᬭ᭟᭒᭘᭟ᬳ᭄ᬬᬂᬩᬵᬬᬸᬘᭂᬢ᭄ᬲᬶᬭᬮᬸᬗ᭄ᬳᬵ᭞ᬯᬺᬓᭀᬥᬭᬤᬦᬮᬭᬶᬲ᭄᭞ᬫᬸᬗ᭄ᬲ᭄ᬬᬾᬂᬲᭀᬭᬶᬓᬂᬯᬦ᭄ᬤᬶᬭ᭞ᬲᬵᬫ᭄ᬧᬸᬦ᭄ᬲᬾᬓᬲᬵᬦᬓ᭄ᬢᬸᬳᬸ᭞ᬫᬗ᭄ᬓ᭄ᬬᬧᬓᬲᬶᬭᬵ
ᬯ᭄ᬢᬸᬪᬵᬯ᭞ᬓᬸᬫ᭄ᬮᬩ᭄ᬓᬸᬦᬶᬂ᭞ᬲ᭄ᬦᬵᬦ᭄ᬬᬓᬫ᭄ᬤᬧ᭄ᬭᬶᬂᬯ᭄ᬬᬢ᭄᭟᭒᭙᭟ᬓᬢᭀᬦ᭄ᬤᬾᬳ᭄ᬬᬂᬫᬦᭀᬪᬵᬯ᭞ᬲᬕᬢ᭠ᬲᬶᬭᬵᬦᬸᬢ᭄ᬩᬸᬭᬶ᭞ᬧ᭄ᬭᬵᬧ᭄ᬢᬾᬂᬦᬸᬱᬤᬤᬶᬫᬦᭀᬦ᭄᭞ᬧᬓᬢᬦ᭄ᬧᬕ᭄ᬭᬬᬂᬮᬸᬦ᭄ᬢᬸᬓ᭄᭞ᬭᬶᬦᬲᬭᬲᬓᬭᬲ᭞ᬧᬵᬡ᭄ᬥᬸᬫᬤ᭄ᬭᬶᬕᬯᬾᬧ
Kaca:Bali-lontar-gaguritan-pandawa-dasa-01-300ppi.pdf/71
Kaca puniki sampun kauji-wacén
