[᭖ 6B]
᭖
ᬕᬢ᭄᭞ᬯᬤ᭄ᬯᬦ᭄ᬬᬢᬦ᭄ᬯᬦᬶᬫᬹᬫᬶᬓ᭄᭞ᬲᬫᬵᬦᬸᬗ᭄ᬲᬸᬂ᭞ᬲᬮ᭄ᬯᬦᬶᬓᬂᬩ᭄ᬭᬢᬯᬃᬱᬵ᭟᭓᭒᭟ᬫᬓᬢ᭄ᬭᬶᬲᬵ᭠ᬫ᭄ᬧᬸᬦᬭᬩ᭄ᬬ᭞ᬤᬺᬱ᭄ᬝᬭᬵᬲ᭄ᬢ᭄ᬭᬓᬂᬧᬶᬦᬸᬚᬶ᭞ᬫᬓᬲ᭄ᬢ᭄ᬭᬷᬲᬓᬶᬂᬕᬦ᭄ᬤᬭ᭞ᬫᬗᬭᬦ᭄ᬤ᭄ᬬᬄᬕᬦ᭄ᬤᬭᬷ᭞ᬲᬂᬧᬵᬡ᭄ᬟᬸᬳᬭᬩᬶᬓᬮᬶᬄ᭞
ᬚ᭄ᬬᬾᬱ᭄ᬝᬧᬸᬢ᭄ᬭᬶᬯᬶᬢ᭄ᬦᬶᬂᬬᬥᬸ᭞ᬳᬧᬧᬲᬶᬄᬦᬶᬤ᭄ᬬᬧᬢᬄ᭞ᬓᬗᬦᭀᬫ᭄ᬯᬶᬚᬢ᭄ᬫᬥ᭄ᬭᬧᬢᬶ᭞ᬳᬚᬸᬚᬸᬮᬸᬓ᭄᭞ᬤ᭄ᬬᬄᬰ᭄ᬭᬶᬫᬥ᭄ᬭᬷᬦᬸᬘᬧ᭟᭓᭓᭟ᬖᬭᬦᬶᬭᬵᬃᬬ᭄ᬬᬯᬶᬥᬸᬭ᭞ᬯᬶᬢ᭄ᬦᬶᬂᬯᬦ᭄ᬢᬶᬧᬸᬭᬦᬵᬕᬭᬶ᭞ᬗᬭᬦ᭄ᬤ᭄ᬬᬄᬲᬸᬰ᭄ᬭᬫᬯᬢ᭄ᬬ᭞᭠
ᬲᬫᬭᬸᬧᬦ᭄ᬬᬳᬩᬗ᭄ᬓᬶᬢ᭄᭞ᬲᬂᬧᬵᬡ᭄ᬥᬸᬳᬶᬦᬸᬘᬧ᭄ᬫᬗ᭄ᬓᬶᬦ᭄᭞ᬓᬵᬮᬮᬸᬗ᭄ᬳᬵᬳᬩᬸᬩᬸᬭᬸ᭞ᬲᬾᬭᬶᬂᬮᬵᬯᬦ᭄ᬤᬾᬯᬶᬫᬥ᭄ᬭ᭄ᬬ᭞ᬧ᭄ᬭᬵᬧ᭄ᬢᬭᬶᬗᬮᬲ᭄ᬢᬦᭀᬮᬶᬄ᭞ᬤᬤ᭄ᬬᬍᬲᬸ᭞ᬳᬭᬵᬃᬬ᭄ᬬᬦ᭄ᬲᭀᬭᬶᬂᬯᬦ᭄ᬤᬶᬭ᭟᭓᭔᭟ᬯᬃᬡ᭄ᬦᬦᭂᬦ᭄ᬋᬱᬶᬓᬶᬡ᭄ᬟ᭠
ᬫ᭞ᬫᬗᬫᭃᬂᬭᬶᬂᬯᬦᬕᬶᬭᬶ᭞ᬓᬢᭀᬦ᭄ᬢᬂᬳᬭᬶᬡᬯᬤᭀᬦ᭄᭞ᬓᬬᬳᬦᬸᬤᬸᬢᬶᬂᬓᬵᬧ᭄ᬢᬶ᭞ᬭᬭᬶᬲ᭄ᬲᬶᬭᬲᬶᬮᬸᬃᬭᬸᬧᬶ᭞ᬭᬹᬧᬵᬭᬶᬡᬮᬓᬶᬳᬶᬓᬸ᭞ᬚᬶᬦᬫᬄᬧᬸᬦᬂᬳᬭᬶᬡ᭞ᬲᬂᬧᬡ᭄ᬟᬸᬲᬶᬭᬢᬸᬫᭂᬮᬶᬂ᭞ᬩᬸᬭᭀᬦ᭄ᬭᬸᬲᬸᬄ᭞ᬰᬶᬖ᭄ᬭ
[᭗ 7A]
ᬳᬗ᭄ᬮᭂᬧᬲ᭄ᬯᬭᬵᬲ᭄ᬢ᭄ᬭ᭟᭓᭕᭟ᬅᬭᬶᬡᬲ᭄ᬢ᭄ᬭᬷᬓ᭄ᬦᬾᬂᬲᬵᬭ᭞ᬲᬵᬓ᭄ᬱᬡᬢᬸᬫᬸᬮᬶᬫᬵᬢᬶ᭞ᬓᬕ᭄ᬬᬢ᭄ᬲᬂᬋᬱᬶᬓᬶᬡ᭄ᬟᬫ᭞ᬦᬸᬮ᭄ᬯᬲᬶᬭᬂᬧᬵᬡ᭄ᬥᬸᬘᬸᬭᬶ᭞ᬫᬢ᭄ᬬᬦᬶᬲᬂᬫᬓ᭄ᬭᬶᬥᬾᬓᬶ᭞ᬤᬤ᭄ᬬᬧ᭄ᬭᬓᬰᬳᬫᬸᬯᬸᬲ᭄᭞ᬢᬦ᭄ᬧᭀᬮ
ᬳᬶᬂᬓ᭄ᬱᬢ᭄ᬭ᭄ᬬᭀᬢ᭄ᬢᬫ᭞ᬪᬕ᭄ᬦᬳᬫᬗ᭄ᬕᬶᬄᬯᬶᬪᭀᬕᬶ᭞ᬢᬦ᭄ᬧᬢᬸᬢᬸᬃ᭞ᬫᭀᬖᬓᬶᬢᬫᬵᬢ᭄ᬬᬵᬓ᭄ᬭᬶᬥ᭟᭓᭖᭟ᬫᬗ᭄ᬓᬦᬰᬧᬲᬂᬋᬱ᭄ᬬ᭞ᬯᬯᬂᬢᬲᬶᬭᬧᬫᬸᬮᬶᬄ᭞ᬲᬂᬧᬵᬡ᭄ᬟᬸᬤᬳᬢ᭄ᬓᬮᬭᭀᬦ᭄᭞ᬭᬸᬫᭂᬗ᭄ᬯᬵᬩ᭄ᬭᬳ᭄ᬫᬵᬦ᭄ᬢ᭄ᬬᬾᬂ
ᬋᬱᬶ᭞ᬢᬦ᭄ᬫᬭᬶᬳᬗᬲᬶᬳᬲᬶᬄ᭞ᬥᬸᬄᬭᬭᬶᬫᬵᬲ᭄ᬚ᭄ᬯᬶᬢᬦᬶᬗ᭄ᬲᬸᬦ᭄᭞ᬫᬗ᭄ᬓᬾᬢᬦ᭄ᬯᭂᬦᬂᬭᬶᬦᬱᬵᬦ᭄᭞ᬲᬫᬬᬦᬶᬗ᭄ᬯᬂᬫ᭄ᬕᬢ᭄ᬲᬶᬄ᭞ᬬ᭄ᬫᬢ᭄ᬫᬸ᭞ᬓᬓᬦ᭄ᬳᬸᬭᬸᬂᬧᬮᬢ᭄ᬭ᭟᭓᭗᭟ᬤᬾᬯᬶᬫᬤ᭄ᬭᬶᬲᭃᬓᬶᬂᬘᬶᬢ᭄ᬢ᭞ᬯᬶᬦᬭᬄᬓᬧ᭄ᬕ
ᬢᬶᬂᬳᬲᬶᬄ᭞ᬳᬗᭂᬫ᭄ᬩᭂᬂᬗᭂᬫ᭄ᬩᭂᬂᬯᬾᬧᬦᭀᬦ᭄᭞ᬮ᭄ᬯᬶᬃᬫᬶᬡᬓᬲᬢᬦ᭄ᬯᬭᬶᬄ᭞ᬓᬤᬶᬓᭂᬫ᭄ᬩᬂᬲᬳᬶᬂᬮ᭠ᬭᬶ᭞ᬓᬬᬭᬭᬾᬧ᭄ᬕᬢᬶᬂᬲᬸᬲᬸ᭞ᬳᬧᬦ᭄ᬦᭀᬭᬓᬲᬳᬶᬂᬘᬶᬢ᭄ᬢ᭞ᬫᬯᭂᬢ᭄ᬯᬯᬸᬯᬸᬲᬫᬦᬶᬲ᭄᭞ᬥᬸᬄᬧᬸᬓᬸᬮᬸᬦ᭄᭞ᬩ
Kaca:Bali-lontar-gaguritan-pandawa-dasa-01-300ppi.pdf/7
Kaca puniki sampun kauji-wacén
