Kaca:Bali-lontar-gaguritan-pandawa-dasa-01-300ppi.pdf/64

Saking Wikisource
Kaca puniki sampun kauji-wacén

[᭖᭓ 63B]
᭖᭓
ᬳᬦᬸᬧᬢ᭄ᬤᬾᬯ᭞ᬤ᭄ᬮᬳᬢᬦ᭄ᬳᬮᬳᬶᬂᬯᬾᬭᬶ᭞ᬲᬂᬧᬵᬡ᭄ᬥᬸᬲᬸᬓᬭᬸᬫᭂᬗ᭄ᬯᬶ᭞ᬲᬂᬲᬾᬦᬪᬶᬦᬦ᭄ᬢᬫᬦ᭄ᬢᬸᬓ᭄᭞ᬧ᭄ᬭᬵᬧ᭄ᬢᬾᬂᬓᬸᬝᬳᬯᬘᬦ᭞ᬤᬸᬄᬭᬭᬶᬫᬵᬲ᭄ᬳᬶᬗ᭄ᬲᬸᬦ᭄ᬢᬶ᭞ᬳᬓᬲ᭄ᬓᬸᬓᬸᬄ᭞ᬲᬶᬲᬾᬦᬭᬭᬾᬧ᭄ᬭᬪᬵᬯ᭟᭙᭕᭟ᬳᬦᬫᬦᬶᬲ᭄ᬓᬸᬭᬂᬳᬃᬚ᭄ᬚ᭞ᬳᬦ
ᬳᬃᬚ᭄ᬚᬓᬸᬭᬂᬫᬦᬶᬲ᭄᭞ᬢᬸᬮᬸᬲᬦᬵᬕᬯᬾᬢ᭄ᬭ᭞ᬳᬦ᭄ᬭᬸᬲ᭄ᬳᬵᬃᬚ᭄ᬚᬵᬦ᭄ᬭᬸᬲ᭄ᬫᬦᬶᬲ᭄᭞ᬫᬓᬓᭂᬫ᭄ᬗᬗᬶᬓᬂᬪᬹᬫᬶ᭞ᬲᬲᭀᬭᬶᬂᬯ᭄ᬬᬢ᭄ᬲᬶᬦᬗ᭄ᬕᬾᬂᬪᬸᬄ᭞ᬢᬦ᭄ᬳᬲᬫᬲᬫᬭᬹᬧ᭞ᬲᬂᬓᬸᬦ᭄ᬢᬶᬳᬲᬳᬸᬃᬓ᭄ᬜᬶᬂ᭞ᬳᬸᬮᬸᬦ᭄ᬢᬸᬫᬹᬢ᭄᭞ᬲᬵᬦ᭄ᬤᬶᬓᬰ᭄ᬭᬶᬧ᭄ᬭᬫᬾᬰ᭄ᬯᬭ᭟
᭙᭖᭟ᬰᬷᬯᬭᬄᬲᬥ᭄ᬬᬓᬸᬦ᭄ᬢᬶᬫᬧ᭄ᬭᬬᭀᬕ᭞ᬗ᭄ᬭᬡᬲᬶᬓᬳᬫᬢᬶᬢᬶᬲ᭄᭞ᬳ᭄ᬬᬂᬇᬦ᭄ᬤ᭄ᬭᬳᬶᬦᬭᬤᬦ᭞ᬢᬦ᭄ᬳᬓᬤᬢ᭄ᬯᬯᬂᬧ᭄ᬭᬵᬧ᭄ᬢᬶ᭞ᬤᬸᬮᬸᬭᬓᭂᬦ᭄ᬳᬸᬤᬦ᭄ᬭᬶᬭᬶᬲ᭄᭞ᬳᬓᬸᬦᬶᬂᬯᬃᬡ᭄ᬦᬦᬶᬓᬂᬪᬸᬄ᭞ᬚᬕ᭄ᬗᬤᭂᬕᬯᬘᬦ᭞ᬢᬶᬗ᭄ᬳᬮ᭄ᬳᬓᬸᬲᬸᬭᬧᬢᬶ᭞ᬲᬥ᭄ᬬᬵ
ᬢ᭄ᬫᬸ᭞ᬓᬸᬦ᭄ᬢᬶᬯᬭᬄᬲᬥ᭄ᬬᬓᬶᬢ᭟᭙᭗᭟ᬲᬓᬵᬋᬧ᭄ᬢᬲᬸᬦ᭄ᬯᬾᬳᬦ᭞ᬲᬂᬓᬸᬦ᭄ᬢᬶᬳᬢᬸᬃᬯᭀᬢ᭄ᬲᬭᬶ᭞ᬲᬸᬓᬲᬂᬳ᭄ᬬᬂᬧ᭄ᬭᬵᬧ᭄ᬢᬵᬦᭀᬦ᭄ᬢᭀᬦ᭄᭞ᬲᬸᬦᬫᬾᬢᬲᬸᬢᬲᬶᬓᬶ᭞ᬭᬹᬧᬩᬕᬸᬲ᭄ᬳᬧ᭄ᬓᬶᬓ᭄᭞ᬳᬃᬚ᭄ᬚᬢᬦ᭄ᬲᬫᬲᬫᬾᬂᬪᬸᬄ᭞ᬯᬶᬤᬕ᭄ᬟ᭠
[᭖᭔ 64A]
ᬢᬸᬃᬚᬬᬾᬂᬭᬡ᭞ᬓᬶᬦᬮᬸᬮᬸᬢᬦ᭄ᬤᬾᬦᬶᬂᬲ᭄ᬢ᭄ᬭᬷ᭞ᬓᬦ᭄ᬢᬶᬲᬵᬥᬸ᭞ᬓᬮᬸᬫ᭄ᬭᬳᬶᬂᬲᬦᬵᬕᬭ᭟᭙᭘᭟ᬫᬯᬸᬯᬸ᭠ᬲ᭄ᬳ᭄ᬬᬂᬲᬢᬬᬚ᭄ᬜᬵ᭞ᬲᬶᬤ᭄ᬟᬲᬓᬲᬚ᭄ᬜᬵᬭᬭᬶ᭞ᬢᬸᬫᬸᬮᬶᬳᬧᬸᬮᬂᬚᬶᬯ᭞ᬢᭂᬫ᭄ᬧᬸᬳᬶᬗᬲ᭄ᬢ᭄ᬭᬲ᭄ᬫᬭᬶ᭞ᬧᬥᬳᬗᬾᬦᬓᬶᬦ᭄‌ᬩᬸᬤ᭄ᬟᬶ᭞᭠
ᬳ᭄ᬬᬂᬰᬓ᭄ᬭᬳᬮᭀᬦ᭄ᬳᬫᬸᬯᬸᬲ᭄᭞ᬳᬭᬶᬲᬸᬢᬧᬯᬾᬳᬶᬗ᭄ᬯᬂ᭞ᬫᬗ᭄ᬓᬾᬢᬦ᭄ᬳᬗᬶᬡ᭄ᬟᬪᬸᬫᬶ᭞ᬲᬵᬫ᭄ᬧᬸᬦ᭄ᬲᬸᬦᬸ᭞ᬭᬶᬓᬵᬦᬸᬭᬸᬦ᭄‌ᬭᬵᬓ᭄ᬱ᭄ᬬᬾᬂᬧ᭄ᬭᬚ᭟᭙᭙᭟ᬭᬶᬯᬸᬲᬶᬭᬂᬳᬢ᭄ᬫᬸᬭᬲ᭞ᬳ᭄ᬬᬂᬰᬓ᭄ᬭᬘᭂᬢ᭄ᬲᬸᬦ᭄ᬬᬫᬮᬶᬄ᭞ᬲᬂᬓᬸᬦ᭄ᬢᬶᬧᬭᬾᬂᬲᬂᬓᬢᭀᬂ᭞ᬳ᭠
ᬢᬸᬭᬦᬲᬶᬤ᭄ᬟᬾᬂᬓᬵᬧ᭄ᬢᬶ᭞ᬫᬤ᭄ᬭᬧᬸᬢ᭄ᬭᬶᬫᬵᬢᬸᬭᬭᬶᬲ᭄᭞ᬲᬶᬗ᭄ᬕᬶᬄᬓᬓᬂᬫ᭄ᬩᭀᬓ᭄‌ᬯ᭄ᬮᬲᬶᬗ᭄ᬲᬸᬦ᭄᭞ᬢᬸᬮᬸᬲᬦᬵᬲᬶᬳᬶᬭᬶᬗ᭄ᬯᬂ᭞ᬧᬾᬢᬦᬲᬸᬢᬲᬸᬦ᭄ᬓᬮᬶᬄ᭞ᬗ᭄ᬕᭀᬦ᭄ᬳᬗ᭄ᬮᬶᬧᬸᬃ᭞ᬓᬵᬮᬦᬶᬂᬩ᭄ᬭᬳ᭄ᬫᬵᬦ᭄ᬢ᭄ᬬᬘᬶᬢ᭄ᬢ᭟᭑᭐᭐᭟ᬫ᭄ᬓᬦᬵᬢᬸᬃᬤᬾᬯᬶᬫᬤ᭄ᬭ᭞
ᬲᬂᬓᬸᬦ᭄ᬢᬶᬯᬯᬂᬦᬳᬸᬭᬶᬦ᭄᭞ᬤᬸᬄᬓᬶᬢᬫᬤ᭄ᬭᬶᬳᬦ᭄ᬢᭂᬦ᭄‌ᬫ᭄ᬩᭀᬓ᭄᭞ᬲᬥ᭄ᬬᬧᬾᬢᭂᬦ᭄ᬧᬸᬢ᭄ᬭᬓᬵᬮᬶᬄ᭞ᬧᬦ᭄ᬳᬾᬓᬦᬸᬕ᭄ᬭᬳᬾᬂᬓᬭᬶ᭞ᬳᬸᬦᬶᬧᬜ᭄ᬘᬲᬶᬄᬲᬂᬯᬶᬓᬸ᭞ᬳᬶᬗᬶᬡ᭄ᬟᬲᬾᬓᬤᬸᬓ᭄ᬳᬦ᭄ᬯᬫ᭄᭞ᬳ᭄ᬬᬂᬲᬹᬃᬬ᭄ᬬᬲᬶᬭᬳᬶᬦᬶᬱ᭄ᬝᬶ᭞ᬳᬲᬸᬂᬲᬸᬦᬸ᭞ᬓᬂ