[᭖᭒ 62B]
᭖᭒
ᬦᬸᬱᬤᬿᬢ᭄ᬬᬲᬢ᭄ᬯᬯᬶᬮ᭄᭞ᬢᬦ᭄ᬳᬸᬫᬦ᭄ᬤᬸᬓ᭄᭞ᬭᬶᬯᬶᬚᬶᬮᬶᬂᬧᬓᬤ᭄ᬮᬳ᭟᭘᭘᭟ᬭᬶᬯᬸᬲᬶᬭᬵᬧᬲᬂᬬᭀᬕ᭞ᬯ᭄ᬯᬮᬸᬂᬮᬾᬓ᭄ᬲ᭄ᬫᬬᬦ᭄ᬬᬫᬶᬚᬶᬮ᭄᭞ᬲᬂᬳ᭄ᬬᬂᬩᬵᬬᬸᬘᭂᬢ᭄ᬢᬦ᭄ᬓᬢᭀᬦ᭄᭞ᬳᬶᬮᬂᬪᬵᬯᬭᬶᬂᬭᬵᬢ᭄ᬲᬫᬶ᭞ᬰ᭄ᬭᬷᬓᬸᬦ᭄ᬢᬶᬯᬯᬂᬳᬢᬗᬶ᭞
ᬳᬫ᭄ᬓᬸᬮ᭄ᬧᬤᬲᬂᬰ᭄ᬭᬷᬧᬵᬡ᭄ᬥᬸ᭞ᬳᬯᬭᬄᬯᬸᬲ᭄ᬲᬶᬤ᭄ᬟᬓᬃᬬ᭄ᬬ᭞ᬲᬶᬤ᭄ᬟᬲᬓᬲᬚ᭄ᬜᬳᬚᬶ᭞ᬲᬂᬳ᭄ᬬᬂᬩᬵᬬᬸᬳᬲᬸᬂᬳᬦᬸᬕ᭄ᬭᬳᬾᬂᬲᬸᬢ᭟᭘᭙᭟ᬲᬂᬧᬵᬡ᭄ᬥᬸᬕᬃᬚ᭄ᬚᬶᬢᬘᬶᬢ᭄ᬢ᭞ᬫᬓᬤᬶᬤ᭄ᬬᬄᬫᬤ᭄ᬭᬧᬸᬢ᭄ᬭᬶ᭞ᬲᬂᬓᬸᬦ᭄ᬢᬶᬲᬵᬫ᭄ᬧᬸᬦ᭄ᬬᬩᭀᬩᭀᬢ᭄᭞
ᬓᬯ᭄ᬮᬲᬲᬶᬄᬤᬾᬦᬶᬂᬋᬱᬶ᭞ᬲᬓ᭄ᬯᬾᬳᬶᬓᬂᬢᬧᬢᬧᬶ᭞ᬲᬤᬶᬦᬳᬲᬸᬂᬧᬲᬸᬕᬸᬄ᭞ᬧᬥᬵᬫᬹᬚᬶᬲᬶᬄᬲᬂᬧ᭞ᬫᬓᬤᬶᬲᬂᬫᬾᬢ᭄ᬭᬶᬋᬱᬶ᭞ᬓᬮ᭄ᬮᬲ᭄ᬬᬸᬦ᭄ᬲᬂᬭᬭᬾᬲᬭᬶᬧᬶᬦᬹᬚᬵ᭟᭙᭐᭟ᬧᬶᬭᬂᬓᬸᬍᬫ᭄ᬧᬶᬭᬂᬤᬶᬦ᭞ᬳᬯᬬᬄᬧᬫᬺᬢ᭄ᬰ᭄ᬭᬷᬓᬸ
ᬦ᭄ᬢᬶ᭞ᬲᬫᬮᬦ᭄ᬲᬂᬫᬸᬗ᭄ᬕ᭄ᬯᬶᬂᬓᬸᬫ᭄ᬪᬵ᭞ᬢ᭄ᬯᬮᬸᬂᬘᬦ᭄ᬤ᭄ᬭᬧ᭄ᬭᬬᬫᬶᬚᬶᬮ᭄᭞ᬓᬮᬓᬺᬱ᭄ᬡᬏᬓᬤᬰᬶ᭞ᬭᬯᬶᬰᬶᬯ᭠ᬉᬓᬸᬧᬸᬚᬸᬢ᭄᭞ᬳᬦ᭄ᬫᬸᬘᬦ᭄ᬤ᭄ᬭᬫᬖᬫᬱ᭞ᬢᬸᬗ᭄ᬕᬮ᭄ᬤᬶᬦᬓᬭ᭄ᬯᬫᬶᬚᬶᬮ᭄᭞ᬓᬸᬦ᭄ᬢᬶᬳᬾᬲᬸᬓ᭄᭞ᬧᬸᬢ᭄ᬭᬲᬶᬗ᭄ᬕᬶᬢ᭄ᬭᬶᬂᬳᬲ᭄ᬢᬶᬦ᭟᭙᭑᭟
[᭖᭓ 63A]
ᬰᬢᬯᬶᬚᬶᬮᬦᬾᬂᬓᬸᬫ᭄ᬪ᭞ᬲᬤᬶᬦᬲᬳᬭᬶᬳᬭᬶ᭞ᬥᬺᬢᬭᬵᬲ᭄ᬢ᭄ᬭᬵᬢᬶᬕᬃᬚ᭄ᬚᬶᬢ᭞ᬫᬗᬺᬗᭃᬭᬶᬂᬧᬸᬢ᭄ᬭ᭠ᬲᬫᬶ᭞ᬧᬕ᭄ᬭᬾᬬᬂᬘ᭄ᬮᭂᬗᬶᬦ᭄ᬧᬲ᭄ᬗᬶ᭞ᬭᬶᬂᬧᬧᬚᬗᬦ᭄ᬬᬳᬸᬫᬸᬂ᭞ᬧᬶᬦᬗ᭄ᬓᬸᬦ᭄ᬬᬦᬸᬗ᭄ᬕᬮ᭄ᬦᬸᬗ᭄ᬕᬮ᭄᭞ᬧᬋᬂᬚᬸᬭ᭄ᬯᬮᬾᬦ᭄ᬕᬦ᭄ᬟᬭᬶ᭞ᬓᬶᬭᬶ
ᬲ᭄ᬮ᭄ᬫᬸᬄ᭞ᬪᬵᬯᬦ᭄ᬬᬳᬜᬢᬸᬃᬯᬃᬡ᭄ᬦ᭟᭙᭒᭟ᬧᬥᬢᬸᬢᬸᬕ᭄ᬢ᭄ᬫᬸᬢᭀᬬ᭞ᬲᬾᬦᬗᬭᬦ᭄ᬲᬸᬢ᭄ᬭᬰ᭄ᬭᬷᬓᬸᬦ᭄ᬢᬶ᭞ᬭᬶᬂᬳᬲ᭄ᬢᬶᬦᬤᬸᬃᬬ᭄ᬬᭀᬥᬦ᭞ᬬᬾᬓᬸᬧᬋᬗᬦᬸᬫᬶᬚᬶᬮ᭄᭞ᬢᬦ᭄ᬯᬃᬡ᭄ᬦᬾᬂᬳᬲ᭄ᬢᬶᬦᬫᬗ᭄ᬓᬶᬦ᭄᭞ᬲᬂᬧᬵᬡ᭄ᬥᬸᬓᬵᬮᬳᬩᬸᬭᬸ᭞ᬰ᭄ᬭᬷ
ᬓᬸᬦ᭄ᬢᬶᬗᭂᬫ᭄ᬩᬦ᭄ᬲᬂᬲᬦᬾ᭞ᬢᬶᬦᬸᬭ᭄ᬯᬂᬲᭀᬭᬶᬂᬯᬭᬶᬗᬶᬦ᭄᭞ᬮᬸᬳᬸᬭᬶᬂᬯᬢᬸ᭞ᬳᬦᬧᬲᬸᬭᬵᬚᬧ᭄ᬭᬵᬧ᭄ᬢ᭟᭙᭓᭟ᬤᬤᬶᬫᬮᬬᬹᬓᬸᬦ᭄ᬢᬶᬓᬕ᭄ᬬᬢ᭄᭞ᬢᬶᬦᬶᬗ᭄ᬕᬮ᭄ᬲᬂᬲᬾᬦᬫᬗ᭄ᬓᬶᬦ᭄᭞ᬩᬶᬦ᭄ᬟᬕ᭄ᬤᬾᬲᬶᬗ᭄ᬳᬵᬫᬗ᭄ᬓᭀ᭞ᬩᬯᬶᬲ᭄ᬲᬂᬲᬾᬦᬓᬶᬦᬫ᭄ᬩᬶᬢ᭄᭞
ᬓᬸᬫᬺᬜ᭄ᬘᭂᬂᬧᬤᬵᬦ᭄ᬬᬓᬵᬮᬶᬄ᭞ᬫᬹᬃᬤ᭄ᬟᬦᬶᬂᬲᬶᬗ᭄ᬳᬵᬢᬶᬦᬸᬚᬸ᭞ᬩᭂᬦ᭄ᬢᬃᬰᬶᬭᬄᬧᬲᬸᬭᬵᬚ᭞ᬢ᭄ᬫᬳᬦ᭄ᬳ᭄ᬬᬂᬧᬰᬸᬧ᭠ᬢᬶ᭞ᬰᬷᬖ᭄ᬭᬫ᭄ᬮᭂᬘᬸᬢ᭄᭞ᬲᬶᬭᬵᬰᬩ᭄ᬤᬭᬶᬗᬫ᭄ᬪᬭ᭟᭙᭔᭟ᬓᬸᬦ᭄ᬢᬶᬧᬵᬡ᭄ᬥᬸᬳᬭᬦᬦ᭞ᬲᬶᬲᬾᬦᬲᬂᬲᬶᬗ᭄ᬳᬵᬫᬦ᭄ᬢ᭄ᬭᬶ᭞ᬮᬪᬸᬦᬶᬂ
Kaca:Bali-lontar-gaguritan-pandawa-dasa-01-300ppi.pdf/63
Kaca puniki sampun kauji-wacén
