[᭖᭑ 61B]
᭖᭑
ᬭᭀᬦ᭄᭞ᬭᬶᬢ᭄ᬮᬲᬶᬓᬂᬧᬓᬫᬶᬚᬶᬮ᭄᭞ᬓᬢᬸᬭᬶᬚᭃᬂᬰ᭄ᬭᬷᬦᬺᬧᬢᬶ᭞ᬤᬺᬱ᭄ᬝᬭᬵᬱ᭄ᬝ᭄ᬭᬧ᭄ᬭᬵᬧ᭄ᬢᬵᬢᬸᬦ᭄ᬢᬸᬦ᭄᭞ᬳᬫ᭄ᬓᬸᬮ᭄ᬖᬭᬢᬶᬦᬗᬶᬲᬦ᭄᭞ᬧ᭄ᬭᬵᬧ᭄ᬢᬲᬶᬭᬂᬩ᭄ᬬᬱᬋᬱᬶ᭞ᬓᭀᬦᬸᬫᬸᬦᬸᬄ᭞ᬲᬫᬯᬶᬤᬳᬦ᭄ᬓᬸᬫ᭄ᬪᬵ᭟᭘᭒᭟ᬰᬢᬲᬫᬵᬓ᭄ᬯᬾᬄᬦᬶᬭ᭞
ᬮᬶᬦᬯᬤ᭄ᬤᬾᬩ᭄ᬬᬰᬋᬱᬶ᭞ᬓᬢᭀᬦ᭄ᬲᬫᬪᬸᬢᬚᬦ᭄ᬫᬵ᭞ᬲᬂᬋᬱᬶᬗᬺᬤᬦᬯᬶᬥᬶ᭞ᬳᬦᬤᬾᬯᬢ᭄ᬭᬶᬳᬜ᭄ᬚᬦ᭄ᬫᬶ᭞ᬤ᭄ᬮᬳᬗᬭᬦ᭄ᬲᬂᬬᬸᬬᬸᬢ᭄ᬲᬸ᭞ᬯᬷᬭᬩᬵᬳᬸᬮᬾᬦ᭄ᬲ᭄ᬭᬦᬫ᭞ᬫᬗ᭄ᬓᬦᬮᬶᬂᬩ᭄ᬬᬰᬋᬱᬶ᭞ᬓᭀᬦᬦᬸᬗ᭄ᬕᬸᬯ᭄ᬯᬮᬸᬂᬮᬾᬓ᭄ᬫᬵ
ᬯᬓ᭄ᬫᬵᬦᬸᬱᬵ᭟᭘᭓᭟ᬮᬸᬗ᭄ᬳᬵᬘᭂᬢ᭄ᬲᬂᬋᬱᬶᬩ᭄ᬬᬰ᭞ᬢᬦ᭄ᬯᬃᬡ᭄ᬦᬾᬂᬳᬲ᭄ᬢᬶᬦᬫᬗ᭄ᬓᬶᬦ᭄᭞ᬓᬯᬸᬯᬸᬲᬦ᭄ᬭᬶᬂᬳ᭠ᬰ᭄ᬭᬫ᭞ᬲᬂᬧᬵᬡ᭄ᬥᬸᬳᬗᭂᬫ᭄ᬩᬦ᭄ᬧᬸᬢ᭄ᬭᬶ᭞ᬭᬶᬦᬲᬢᬦ᭄ᬲᬶᬤ᭄ᬟᬚᬵᬢᬶ᭞ᬫᬗ᭄ᬕᭂᬄᬫᬗ᭄ᬕᬮᬦᬶᬓᬂᬪᬸᬄ᭞ᬯᬯᬂᬲᬶᬭᬵᬯᬘᬦ᭞ᬤᬸᬄᬓᬸ᭠
ᬦ᭄ᬢᬷᬫᬵᬲᬶᬗ᭄ᬲᬸᬦ᭄ᬭᬭᬶ᭞ᬓᬶᬢᬵᬦ᭄ᬭᬸᬲ᭄᭞ᬫᬓᬳᬸᬭᬶᬧᬶᬂᬲᬪᬸᬯᬦ᭟᭘᭔᭟ᬧᬶᬦ᭄ᬢᬦᭂᬦ᭄ᬲᬵᬦ᭄ᬫᬣᬾᬂᬲᬂᬳ᭄ᬬᬂ᭞ᬳᬦ᭄ᬟᬲᬸᬢᬫᬸᬯᬄᬲᬶᬓᬶ᭞ᬳᬓᬰᬭᬶᬂᬧᬸᬢ᭄ᬭᬓᬢᭀᬦ᭄᭞ᬰ᭄ᬭᬷᬓᬸᬦ᭄ᬢᬷᬳᬲᬳᬸᬃᬲᬶᬗ᭄ᬕᬶᬄ᭞ᬲᬳᬲᬚ᭄ᬜᬵᬓᬓᬳᬚᬶ᭞ᬫᬗ᭄ᬓᬾ᭠
[᭖᭒ 62A]
ᬗ᭄ᬲᬸᬦ᭄ᬦ᭄ᬟᬵᬧᬸᬓᬸᬮᬸᬦ᭄᭞ᬰᬷᬖ᭄ᬭᬳᬦᬫ᭄ᬢᬫᬬᭀᬕ᭞ᬗ᭄ᬭᬡᬲᬶᬓᬧ᭄ᬯᬗᬲ᭄ᬢᬸᬢᬶ᭞ᬓᬜ᭄ᬘᬶᬢ᭄ᬭᬯᬸᬄ᭞ᬲᬂᬳ᭄ᬬᬂ᭠ᬩᬵᬬᬸᬲᬧ᭄ᬭᬪᬵᬯ᭟᭘᭕᭟ᬲᬾᬦ᭄ᬤᬸᬂᬭᬶᬬᬸᬢ᭄ᬳᬕᭂᬦ᭄ᬢᬸᬭᬦ᭄᭞ᬓ᭄ᬢᬸᬕ᭄ᬮᬶᬦᬸᬄᬮᬶᬦᬸᬲ᭄ᬪᬸᬫᬶ᭞ᬢᬝᬶᬢ᭄ᬓᬸᬫ᭄ᬟᬧ᭄ᬭᬶᬗᬓᬰ᭞ᬤᬸᬮᬸᬃᬳᬤᬦ᭄
ᬕ᭄ᬋᬄᬳᬦᬶᬢᬶᬃ᭞ᬲᬯᬂᬩᬸᬩᬸᬭᬶᬓᬂᬪᬹᬫᬶ᭞ᬯ᭄ᬯᬾᬦᬶᬂᬲᬵᬕᬭᬫᬸᬦ᭄ᬢᬩ᭄ᬫᬸᬫ᭄ᬩᬸᬮ᭄᭞ᬓᬸᬦ᭄ᬢᬶᬓᬭᬶᬤ᭄ᬭᬓᬾᬂᬘᬶᬢ᭄ᬢ᭞᭠ᬢᬃᬳᭀᬩᬄᬤᬾᬦᬶᬭᬵᬗᬧ᭄ᬢᬶ᭞ᬤᬤᬶᬢᬸᬭᬸᬦ᭄᭞ᬳ᭄ᬬᬂᬩᬵᬬᬸᬭᬶᬂᬲᬫ᭄ᬯᬦᬶᬭ᭟᭘᭖᭟ᬳᬯᬘᬦᬓᬸᬦ᭄ᬢᬷᬳᬫᬶᬸᬧ᭞ᬲᬕᬢᬗᬲ᭄ᬢᬸ
ᬢᬷᬓᬫᬶ᭞ᬯᬭᬄᬲᬓᬲᬚ᭄ᬜᬫᬗ᭄ᬓᭀ᭞ᬲᬂᬓᬸᬦ᭄ᬢᬷᬳᬢᬸᬭᬯᭀᬢ᭄ᬲᬭᬶ᭞ᬲᬶᬗ᭄ᬕᬶᬄᬲᬸᬓᬢᬳ᭄ᬬᬂᬫᬫᬶ᭞ᬲᬸᬦ᭄ᬦ᭄ᬟᬧᬸᬢ᭄ᬭᬧᬸᬓᬸᬮᬸᬦ᭄᭞ᬚᬮᬸᬳᬲ᭄ᬢᬶᬢᬶᬦᬶᬗᬸᬮᬄ᭞ᬧᬓᬸᬓᬸᬄᬲᬂᬲᬵᬥᬸᬩᬸᬤ᭄ᬟᬶ᭞ᬚᬶᬯᬦᬶᬂᬪᬸᬄ᭞ᬳᬶᬮᬗᬦᬶᬂᬰᬢ᭄ᬭᬸᬫᬸᬃᬓ᭄ᬓ
᭟᭘᭗᭟ᬫᬗ᭄ᬓᬦᬵᬢᬸᬃᬤᬯᬶᬧᬢᬄ᭞ᬳ᭄ᬬᬂᬩᬵᬬᬸᬲᬸᬓᬵᬦᬸᬕ᭄ᬭᬳᬶ᭞ᬳᬧᬸᬮᬂᬮᬸᬮᬸᬢ᭄ᬭᬶᬂᬧᬗ᭄ᬓᭀᬦ᭄᭞ᬳ᭄ᬬᬂᬩᬵᬬ᭄ᬯᬯᬘᬦᬵᬳᬭᬶᬲ᭄᭞ᬤᬸᬄᬓᬸᬦ᭄ᬢᬷᬫᬵᬲᬶᬗ᭄ᬲᬸᬦ᭄ᬭᬭᬶ᭞ᬲᬶᬤ᭄ᬟᬚᬵᬢᬶᬲᬓᬋᬧ᭄ᬫᬸ᭞ᬢᬦ᭄ᬓᬸᬮᬦᬶᬂᬤᬾᬯᬢ᭞ᬫᬵ
Kaca:Bali-lontar-gaguritan-pandawa-dasa-01-300ppi.pdf/62
Kaca puniki sampun kauji-wacén
