[᭕᭘ 58B]
᭕᭘
ᬦ᭄ᬢᬓ᭞ᬯᭂᬤ᭄ᬬᬧᬋᬓ᭄ᬧᬭᬾᬗᬶᬲ᭄ᬢ᭄ᬭᬶ᭞ᬮᬭᬲᬯ᭄ᬕᬸᬂ᭞ᬬᬦ᭄ᬢᭂᬫ᭄ᬯᬾᬂᬲ᭄ᬢ᭄ᬭᬷᬳᬦ᭄ᬢᬓᬵ᭟᭖᭒᭟ᬫᬗ᭄ᬓᬦᬵᬢᬸᬃᬧᬵᬡ᭄ᬥᬸᬦᬵᬣ᭞ᬋᬱᬶᬫᬾᬢ᭄ᬭᬶᬳᬦᬵᬳᬸᬭᬶ᭞ᬲᬓᬾᬂᬲᬶᬄᬦ᭄ᬬᬭᬶᬂᬲᬂᬓᬢᭀᬂ᭞ᬳᬳᬸᬫ᭄ᬩᬧᬰ᭄ᬭᬷᬦᬺᬧᬢ᭞ᬋᬗ᭄ᬯᬵᬦᬳᬸᬚᬭᬶᬭᬾᬓᬶ᭞ᬳᬚ
ᬓᬵᬕᬸᬗᬦᬶᬂᬲᬸᬗ᭄ᬲᬸᬢ᭄᭞ᬧᭀᬮᬳᬶᬂᬫᬰᬭᬷᬭᬚᬦ᭄ᬫ᭞ᬳᬕᬸᬂᬧᬵᬧᬳᬕᬸᬂᬍᬯᬶᬄ᭞ᬩ᭄ᬭᬳ᭄ᬫᬵᬯᬶᬱ᭄ᬡᬸ᭞ᬢᬦ᭄ᬲᬶᬫ᭄ᬧᬂᬬᬗ᭄ᬕᬲ᭄ᬢᬩᬧᬵ᭟᭖᭓᭟ᬳᬚᬤᬸᬄᬓᬢᭂᬫ᭄ᬯᬾᬂᬮᬭ᭞ᬳᬚᬲᬸᬓᬵᬫᬗ᭄ᬕᬶᬄᬬᬸᬓ᭄ᬢᬶ᭞ᬧᬦ᭄ᬢᬦ᭄ᬧᬲᬳᬦᬓᬭᭀ᭞ᬢᬦ᭄ᬤ
ᬤᬶᬬᬦ᭄ᬮᬶᬦᬾᬲᬦᬶ᭞ᬓ᭄ᬭᬫᬦᬶᬂᬯ᭄ᬯᬂᬚᬦ᭄ᬫᬓᬓᬶ᭞ᬫᬯᬳᬮᬫᬯᬳᬬᬸ᭞ᬧᬦ᭄ᬬᬲᬵᬫ᭄ᬧᬸᬦ᭄ᬲᬶᬦᬸᬭᬢᬦ᭄᭞ᬭᬶᬂᬬᬫᬵᬦᬶᬮᭀᬓᬓᬓᬶ᭞ᬲᬫᬫᬸᬗ᭄ᬕᬸᬄ᭞ᬧᭀᬮᬳᬶᬂᬤᬤᬶᬫᬦᬸᬱᬵ᭟᭖᭔᭟ᬬᬦ᭄ᬬᬫᬲᬥᬦᬳᬮ᭞ᬤᭀᬄᬧᬭᬳᬫᬗ᭄ᬕᬶᬄ
ᬬᬸᬓ᭄ᬢᬶ᭞ᬲᬧᬭᬦ᭄ᬬᬳᬦ᭄ᬫᬸᬓᬢᭀᬦ᭄᭞ᬬᬦ᭄ᬬᬫᬲᬥᬦᬬᬸᬓ᭄ᬢᬶ᭞ᬲᬧᬮᬓᬸᬦ᭄ᬬᬳᬦᬤᬶ᭞ᬢᬦ᭄ᬳᬸᬭᬸᬂᬳᬦ᭄ᬫᬸᬳᬬᬸ᭞ᬲᬫᬲᬵᬫ᭄ᬧᬸᬦ᭄ᬯᬶᬦᬾᬄᬲᬸᬓᬢ᭄᭞ᬓ᭄ᬭᬡᬳᬦᬫᬸᬤᬭᬶᬭᬶᬄ᭞ᬳᬷᬦᬯᬶᬪᬸᬄ᭞ᬲᬫᬭᬹᬧᬪᬶᬦᬘᬶᬢ᭄ᬢ᭟᭖᭕᭟
[᭕᭙ 59A]
ᬫᬗ᭄ᬓᬾᬓᬶᬢᬧᬲᬂᬲᬧ᭞ᬤᬾᬦᬶᬭᬂᬓᬶᬡ᭄ᬟᬫᬋᬱᬶ᭞ᬲᬂᬳ᭄ᬬᬂᬏᬓᬪ᭄ᬯᬦᬫᬓᭀᬦ᭄᭞ᬫᬫᬶᬦᬦ᭄ᬤᬓᬶᬢᬓᬓᬶ᭞ᬲᬚ᭄ᬜᬦ᭄ᬬᬳᬦᬸᬓ᭄ᬮᬩᬶᬦᬶᬄ᭞ᬧᬦ᭄ᬳ᭄ᬬᬂᬧᬜ᭄ᬘᬧ᭄ᬭᬚᬢᬸᬭᬸᬦ᭄᭞ᬓᬶᬦᭀᬦ᭄ᬮᬸᬓᬢᬦᬶᬂᬲᭀᬤ᭞ᬤᬤᬶᬲᬗ᭄ᬰᬓᬶᬢᬓᬓᬶ᭞ᬳᬦᬸᬦᬸᬲᬸᬧ᭄᭞
ᬫᬭᬶᬂᬕᬭᬲᬃᬯ᭄ᬯᬩᬧ᭟᭖᭖᭟ᬳᬬ᭄ᬯᬢᬩᬸᬤ᭄ᬟᬶᬫᭀᬳᬶᬢ᭞ᬬᬦ᭄ᬲᬵᬫ᭄ᬧᬸᬦ᭄ᬧ᭄ᬭᬲᬫᬫᬶᬚᬶᬮ᭄᭞ᬯᬗ᭄ᬰᬵᬦ᭄ᬢ᭠ᬳᬜᬓ᭄ᬭᬪ᭄ᬯᬦ᭞ᬦᬸᬭᬸᬦ᭄ᬲᬮᬸᬳᬸᬃᬭᬶᬂᬪᬹᬫᬶ᭞ᬳᬦ᭄ᬮᬲᬦᬫᬹᬃᬓ᭄ᬓᬚᬸᬢᬶ᭞ᬳᬫ᭄ᬚᬳᬦᬶᬂᬲᬃᬯ᭄ᬯᬰᬢ᭄ᬭᬸ᭞ᬳᬗ᭄ᬮᬸᬓᬢ᭄ᬧᬶᬢ᭄ᬭᬓᬲᬲᬃ᭞ᬗ
ᬯᬾᬩᬸᬗᬳᬶᬓᬂᬪᬸᬫᬶ᭞ᬳᬵᬢ᭄ᬫᬚᬧᬵᬡ᭄ᬥᬸᬦᬸᬧᬢ᭄ᬤᬾᬯᬓ᭄ᬦᬾᬂᬲᬧᬵ᭟᭖᭗᭟ᬤᬤᬶᬤᬲᬭᬶᬓᬂᬚᬕᬢ᭄᭞ᬗᬸᬦᬶᬯᬾᬄᬓ᭄ᬮᬶᬳᬦᬶᬂᬪᬹᬫᬶ᭞ᬫᬓᬧᬗᬦ᭄ᬢᬸᬗᬦ᭄ᬪ᭄ᬯᬦ᭞ᬢᬦ᭄ᬮᬾᬦ᭄ᬯᬗ᭄ᬰᬵᬓᬶᬢᬓᬓᬶ᭞ᬫ᭄ᬯᬂᬰ᭄ᬭᬬᬓᬦ᭄ᬢ᭄ᬬᬾᬂᬯᬶᬥᬶ᭞ᬤ᭄ᬭᬓᬾᬂᬢᬧᬵᬢ
ᬗ᭄ᬕ᭄ᬯᬾᬂᬯᬶᬓᬸ᭞ᬫᬓᬳᬸᬭᬶᬧᬶᬂᬲᬪᬸᬯᬦ᭞ᬓᬶᬦᬮᬸᬮᬸᬢᬦ᭄ᬤᬾᬦᬶᬂᬚᬦ᭄ᬫᬶ᭞ᬓᬦ᭄ᬢᬶᬲᬵ᭞ᬓᬂᬧᬦᬸᬚ᭄ᬯᬾᬂᬭᬡᬩ᭄ᬭᬢ᭟᭖᭘᭟ᬓ᭄ᬭᬡᬓᬶᬢᬳᬦ᭄ᬫᬸᬤᬸᬄᬓ᭞ᬲᬓᬶᬂᬲᬚ᭄ᬜᬦ᭄ᬬᬳ᭄ᬬᬂᬮᬶᬘᬶᬦ᭄᭞ᬳᬗᬯᬾᬧᬸᬢ᭄ᬭᬧ᭄ᬭᬤᬦ᭞ᬲᬧᬸᬮᬸᬄᬧᬵᬡ᭄ᬟᬯᬤ᭠
Kaca:Bali-lontar-gaguritan-pandawa-dasa-01-300ppi.pdf/59
Kaca puniki sampun kauji-wacén
