[᭕᭗ 57B]
᭕᭗
ᬦ᭄ᬢᭀᬦ᭄᭞ᬲᬂᬧᬵᬡ᭄ᬥᬸᬳᬗᬸᬘᬧᬭᬶᬲ᭄᭞ᬤᬸᬄᬭᬭᬶᬫᬵᬲᬶᬗ᭄ᬲᬸᬦ᭄ᬓᬮᬶᬄ᭞ᬧᬋᬂᬧᬲ᭄ᬦᭂᬢᬦ᭄ᬫᬵᬲ᭄ᬓ᭄ᬯᬶᬩᬸ᭞ᬲᬂᬤ᭄ᬬᬄᬓᬵᬮᬶᬄᬳᬢᬸᬃᬪᬓ᭄ᬢ᭄ᬬ᭞ᬲᬓᬲᬚ᭄ᬜᬚ᭄ᬜᬵᬓᬓᬳᬚᬶ᭞ᬳᬸᬮᬸᬦ᭄ᬢᬸᬫᬸᬢ᭄᭞ᬓᬜ᭄ᬘᬶᬢ᭄ᬲᬂᬢᬧᬲ᭄ᬯᬷᬧ᭄ᬭᬵᬧ᭄ᬢ᭟᭕᭖᭟ᬗᬭᬦ᭄ᬋᬱᬶᬓᬦᭀ
ᬪᬯ᭞ᬫᬦᭀᬦ᭄ᬲᬶᬭᬰ᭄ᬭᬷᬦᬺᬧᬢᬶ᭞ᬲᬕᬢᬳᬢᬸᬃᬧᬢᬓᭀᬦ᭄᭞ᬲᬶᬗ᭄ᬕᬶᬄᬲᬧᬫᬭᬾᬂᬭᬶᬓᬶ᭞ᬦ᭄ᬤᬶᬲ᭄ᬯᬭᬵᬚ᭄ᬬᬫ᭄ᬯᬂᬧᬧᬲᬶᬄ᭞ᬲᬂᬧᬵᬡ᭄ᬥᬸᬳᬮᭀᬦ᭄ᬳᬸᬫᬢᬸᬃ᭞ᬥᬸᬄᬧᬸᬓᬸᬮᬸᬦ᭄ᬲᬂᬧᬡ᭄ᬟᬶᬢ᭞ᬳᬸᬮᬸᬦ᭄ᬭᬢᬸᬓᬯ᭄ᬮᬲᬲᬶᬄ᭞ᬦᬵᬫᬧᬵᬡ᭄ᬥᬸ᭞ᬓᬗ
ᬯᭂᬗ᭄ᬓ᭄ᬯᬾᬂᬭᬵᬢ᭄ᬳᬲ᭄ᬢᬶᬦ᭟᭕᭗᭟ᬧᬓ᭄ᬱᬧᬭᬾᬂᬰᬰᬺᬗ᭄ᬕᬵ᭞ᬓᬦ᭄ᬤᭂᬕ᭄ᬮᬫ᭄ᬧᬄᬫᬭᬶᬂᬭᬶᬓᬶ᭞ᬲᬥ᭄ᬬᬧᬲ᭄ᬦᭂᬢᬦ᭄ᬫᬗ᭄ᬓᭀ᭞ᬲᬂᬋᬱᬶᬯᬯᬂᬓᬳᬸᬭᬶᬦ᭄᭞ᬲᬶᬗ᭄ᬕᬶᬄᬤᬾᬯᬰ᭄ᬭᬷᬦᬺᬧᬢᬶ᭞ᬧᬗ᭄ᬳ᭄ᬬᬂᬦᬶᬂᬭᬵᬢ᭄ᬢᭂᬫ᭄ᬩ᭄ᬬᬢᬸᬭᬸᬦ᭄᭞ᬳᬸᬮᬸᬦᬢᬸᬭᬦᬤᬾᬯ᭞
ᬧᬋᬓ᭄ᬭᬶᬂᬲᬂᬕᬸᬭᬸᬋᬱᬶ᭞ᬋᬱᬶᬫᬾᬢ᭄ᬭᬷᬓᬸ᭞ᬢᬸᬳᬦᬶᬂᬗᬰ᭄ᬭᬫᬾᬂᬢᬧ᭟᭕᭘᭟ᬰᬶᬖ᭄ᬭᬫᬤᭂᬕ᭄ᬰ᭄ᬰ᭄ᬭᬷᬦᬭᬾᬦ᭄ᬤ᭄ᬭ᭞ᬧᬋᬂᬓᬦᭀᬪᬯᬋᬱᬶ᭞ᬢᬸᬫᬹᬢ᭄ᬮᬦ᭄ᬳᬦ᭄ᬢᭂᬦ᭄ᬬᬓᬭᭀ᭞ᬯᬤ᭄ᬯᬦ᭄ᬬᬲᬫᬳᬗᬶᬭᬶᬂ᭞ᬚᬸᬫᬸᬚᬸᬕ᭄ᬫᬭᬶᬂᬳᬰ᭄ᬭᬫᬶ᭞ᬲᬂ
[᭕᭘ 58A]
ᬫ᭄ᬧᬸᬬᭀᬕᬶᬰ᭄ᬯᬭᬵᬫᬸᬯᬸᬲ᭄᭞ᬳᬳᬸᬫ᭄ᬩᬧᬓᬦᭀᬪᬵᬯ᭞ᬲᬂᬳᬧᬤᬸᬮᬸᬭᬶᬂᬓᬫᬶ᭞ᬯᬯᬂᬫᬵᬢᬸᬃ᭞ᬓᬦᭀᬪᬵᬯᬲᬳᬲᭂᬫ᭄ᬩᬄ᭟᭕᭙᭟ᬥᬸᬄᬧᬸᬓᬸᬮᬸᬦ᭄ᬲᬸᬲᬸᬳᬸᬦᬦ᭄᭞ᬬᬾᬓᬶᬭᬢᬸᬳᬲ᭄ᬢᬶᬦᬾᬓᬶ᭞ᬲᬂᬯᭂᬗ᭄ᬓ᭄ᬯᬾᬂᬭᬵᬢ᭄ᬪᬵᬭᬢᬯᬃ᭠
ᬱ᭞ᬲᬂᬰ᭄ᬭᬷᬧᬵᬡ᭄ᬥᬸᬬᬦ᭄ᬧᬧᬲᬶᬄ᭞ᬰᬶᬖ᭄ᬭᬲᬶᬭᬵᬫᬾᬢ᭄ᬭᬶᬋᬱᬶ᭞ᬮᬸᬗᬬᬦᬶᬭᬲᬶᬦᬫ᭄ᬩᬸᬢ᭄᭞ᬳᬲᬸᬂᬧᬶ᭠ᬦᬭᬶᬲᬧ᭞ᬥᬸᬄᬩᬧᬲᬂᬰ᭄ᬭᬶᬦᬶᬂᬪᬹᬫᬶ᭞ᬢᭂᬫ᭄ᬩ᭄ᬬᬭᬯᬸᬄ᭞ᬩᬧᬫᬭᬾᬂᬯᬦᬵᬰ᭄ᬭᬫ᭟᭖᭐᭟ᬧᬭᬦ᭄ᬤᬓᬗᬶᬦᬸᬮᬢᬦ᭄᭞ᬲ
ᬫ᭄ᬪᬯᬤᬳᬢ᭄ᬓᬂᬪᬹᬫᬶ᭞ᬲᬂᬧᬵᬡ᭄ᬥᬸᬳᬸᬫᬢᬸᬭᬮᭀᬦ᭄᭞ᬲᬶᬗ᭄ᬕᬶᬄᬯᬘᬦᬲᬂᬋᬱᬶ᭞ᬳᬸᬮᬸᬦ᭄ᬲᬥ᭄ᬬᬬᬦᬮᬭᬶᬲ᭄᭞ᬭᬶᬂᬰᬢᬰᬺᬗ᭄ᬕᬵᬧᬸᬓᬸᬮᬸᬦ᭄᭞ᬳᬕᬸᬂᬦᬮᬦᬶᬂᬳᬸᬘ᭄ᬮᬾᬯ᭞ᬓ᭄ᬦᬾᬂᬲᭀᬢ᭄ᬓᬶᬡ᭄ᬟᬶᬫᬋᬱᬶ᭞ᬲᬾᬚ᭄ᬜᬵᬗ᭄ᬮᭂᬩᬸᬃ᭞ᬩ᭄ᬭᬳ᭄ᬫᬦ᭄ᬢ᭄ᬬᬾᬂ
ᬋᬱᬶᬓᬶᬡ᭄ᬟᬫ᭟᭖᭑᭟ᬬᬦ᭄ᬰᬦ᭄ᬢᬲᬚ᭄ᬜᬵᬫᬸᬦᬷᬦ᭄ᬤ᭄ᬭᬾ᭞ᬗ᭄ᬕᭀᬦᬗ᭄ᬓ᭄ᬯᬰᬶᬱ᭄ᬬᬥᬃᬫ᭄ᬫᬵᬚᬶ᭞ᬳᬸᬮᬸᬦ᭄ᬲᬥ᭄ᬬᬲ᭠ᬧᬕᬸᬭᭀᬦ᭄᭞ᬦᬥᬄᬯᬲᭂᬄᬤᬵᬋᬱᬶ᭞ᬲᬸᬓᬢᬧᬤᬸᬓᬋᬱᬶ᭞ᬮᬸᬓᬢᭂᬦ᭄ᬲᭀᬢ᭄ᬓᬶᬡ᭄ᬟᬫᬾᬓᬸ᭞ᬳᬲ᭄ᬯᬾᬦᬦ᭄ᬤᬂᬓᬚ
Kaca:Bali-lontar-gaguritan-pandawa-dasa-01-300ppi.pdf/58
Kaca puniki sampun kauji-wacén
