[᭕᭔ 54B]
᭕᭔
᭓᭖᭟ᬧᬋᬂᬧᬭᬾᬂᬓᬰᬶᬧᬸᬭ᭞ᬢᬦ᭄ᬯᬃᬡ᭄ᬦᬦ᭄ᬲᬵᬫ᭄ᬧᬸᬦ᭄ᬮᬸᬫᬭᬶᬲ᭄᭞ᬳᬓᬦ᭄ᬤᬓᬦ᭄ᬤᬲᬧ᭄ᬮᬓᭀᬦ᭄᭞ᬲᬺᬕᭂᬧ᭄ᬲᭀᬧᬘᬭᬲᬫᬶ᭞ᬤᬸᬫᭀᬦᬰ᭄ᬭᬷᬓᬰᬶᬧᬢᬶ᭞ᬯᬶᬥᬸᬭᬲᬋᬂᬰ᭄ᬭᬷᬧᬵᬡ᭄ᬥᬸ᭞ᬯᬶᬭᬵᬝᬰᬵᬮ᭄ᬬᬤ᭄ᬭᬸᬧᬤ᭞ᬥᬃᬫ᭄ᬫᬓᬾᬢᬸᬥᬃᬫ᭄ᬫᬵ᭠
ᬚᬶ᭞ᬳᬸᬦ᭄ᬢᬢᬶᬓᬸ᭞ᬲᬂᬫᬓ᭄ᬭᬫᬫᬲᬦ᭄ᬤᬶᬗ᭟᭓᭗᭟ᬯᬶᬗ᭄ᬓᬶᬗᬶᬭᬲᬂᬫᬓ᭄ᬭᬫ᭞ᬚᬮᬶᬗ᭄ᬰᬲᬮ᭄ᬯᬵᬦᬺᬧᬢᬶ᭞ᬲᬸᬭᬾᬢᬄᬰ᭄ᬭᬷᬫᬸᬲᬸᬢ᭞ᬓᭀᬧᬭᬵᬚᬩᬚ᭄ᬭᬧᬢᬶ᭞ᬲᬸᬲᬾᬦᬲᬸᬕᬦ᭄ᬟᬧᬢᬶ᭞ᬰᬓᬸᬦᬶᬭᬯᬸᬄᬭᬶᬂᬧᬸᬗ᭄ᬓᬸᬃ᭞ᬫᬶᬮ᭄ᬯᬵᬗᬶᬭᬶᬂᬲᬂ
ᬫᬓ᭄ᬭᬫ᭞ᬯᬤ᭄ᬯᬧᬥᬢ᭄ᬯᬦ᭄ᬬᬾᬦᬶᬭᬶᬂ᭞ᬲᬓ᭄ᬯᬾᬄᬧ᭄ᬭᬪᬸ᭞ᬲᬫᬵᬮᬸᬗ᭄ᬕ᭄ᬯᬾᬂᬭᬣᬮᬶᬫᬦ᭄᭟᭓᭘᭟ᬍᬗᭂᬂᬳ᭠ᬍᬧᬶᬓᬗ᭄ᬳᬯᬦ᭄᭞ᬲᬪᬲᬪᬾᬂᬓᬰᬶᬧᬢᬶ᭞ᬧᬲ᭄ᬕᭂᬄᬦ᭄ᬬᬵᬓ᭄ᬯᬾᬄᬢᬶᬦᭀᬦ᭄ᬢᭀᬦ᭄᭞ᬲᬧᬃᬲ᭄ᬯᬧᬃᬲ᭄ᬯᬧᬲᬚᬶ᭞ᬳᬾᬃᬧᬺᬜ᭄ᬚᬓ᭄
ᬮᬦ᭄ᬓ᭄ᬮᬧᬮᬶᬢ᭄᭞ᬲᬫᬶᬧᬥᬳᬲᬸᬲᬸᬫ᭄ᬩᬸ᭞ᬲᬃᬯ᭄ᬯᬨᬮᬲᬧᬦᬕᬦ᭄᭞ᬲᬸᬓᬲᬯᭀᬂᬧᬥᬫᬸᬓ᭄ᬢᬶ᭞ᬦᬥᬄᬗᬶᬦᬸᬫ᭄᭞ᬕᬶᬭᬂᬧᬥᬕᬸᬬ᭄ᬯᬦ᭄ᬕᬸᬬ᭄ᬯᬦ᭄᭟᭓᭙᭟ᬢᬗᬾᬄᬯᭀᬗᬶᬓᬂᬧ᭄ᬭᬵᬧ᭄ᬢ᭞ᬲ᭄ᬢ᭄ᬭᬷᬚᬮᬸᬳᬓᬸᬂᬕᬸᬂᬳᬤ᭄ᬫᬶᬢ᭄᭞ᬲᬶ
[᭕᭕ 55A]
ᬮᬶᬄᬓᬜ᭄ᬘᬸᬃᬳᬢᬶᬢᬸᬫᭀᬦ᭄᭞ᬲᬤ᭄ᬬᬯ᭄ᬭᬸᬳᬾᬂᬭᬓᬤᬾᬯᬶ᭞ᬧᬥᬵᬳ᭄ᬬᬲ᭄ᬲᬶᬧᬢ᭄ᬩᬺᬲᬶᬄ᭞ᬯᬯᬗᬶᬫᬶᬜᬓ᭄ᬲ᭄ᬢᬫ᭄ᬩᬮ᭄᭞ᬲᬸᬫᬃᬯᬗᬶᬦ᭄ᬬᬭᬶᬂᬳᬯᬦ᭄᭞ᬗᬯᬾᬬᬸᬦ᭄ᬳ᭄ᬬᬸᬦ᭄ᬲᬂᬗ᭄ᬮᬭᬶᬲ᭄᭞ᬢᬦ᭄ᬓᬳᬾᬢᬸᬥᬢᭂᬂᬭᬶᬂᬲᬪᬵᬲᬂᬦᬵ᭟᭔᭐᭟ᬲ
ᬫᬢᬸᬫᬸᬭᬸᬦ᭄ᬭᬶᬂᬭᬣ᭞ᬲᬓ᭄ᬯᬾᬳᬶᬓᬂᬯᬢᭂᬓ᭄ᬳᬚᬶ᭞ᬩᬶᬦ᭄ᬬᬵᬚᬶᬦ᭄ᬬᬲᬂᬓᬢᭀᬂ᭞ᬧᬸᬱ᭄ᬧᬕᬦ᭄ᬟᬭᬦ᭄ᬢᭂᬦ᭄ᬳᬚᬶ᭞ᬳᬶᬦᬶᬭᬶᬗᬶᬂᬧᬭᬧᬢ᭄ᬦᬶ᭞ᬭᬹᬧᬦ᭄ᬬᬧᬥᬵᬬᬸᬳᬬᬸ᭞ᬫᬯᬓ᭄ᬭᬫᬲᬂᬫᬓ᭄ᬭᬫ᭞ᬮᬾᬦ᭄ᬯᬲ᭄ᬢ᭄ᬭᬧᬜᬫ᭄ᬩ᭄ᬭᬫᬵᬚᬶ᭞ᬧᬥᬵᬗ᭄ᬭᬗ᭄ᬲᬸᬓ᭄᭞
ᬓᬢᬸᬭᬶᬂᬳᬚᬶᬲᭀᬯᬂᬲᭀᬯᬂ᭟᭔᭑᭟ᬲᬳᬦᬦᬶᬂᬧᬭᬦᬵᬣ᭞ᬲᬫᬲᬶᬭᬳᬦᬗ᭄ᬕᬧᬶ᭞ᬲᬫᬸᬯᬳᬸᬫᬲᬓᬶᬂᬓᬸᬝ᭞ᬭᬶᬂᬲᬮ᭄ᬯᬲ᭄ᬢᬶᬢᬢᬵᬮᬶᬗ᭄ᬕᬶᬄᬕᬶᬭᬂᬧᬥᬲᬮᬾᬂᬕᬸᬬ᭄ᬯᬦᬶ᭞ᬫᬕᬲ᭄ᬬᬓ᭄ᬲᬫᬳᬫᬸᬯᬸᬲ᭄᭞ᬲᬸᬓᬭᬵᬫ᭄ᬬᬚ᭄ᬭᭀ
ᬦᬶᬂᬘ᭄ᬭᬗ᭄ᬘᬂ᭞ᬓᬜ᭄ᬘᬶᬢ᭄ᬚᬸᬭ᭄ᬯᬵᬤᬸᬮᬸᬃᬧ᭄ᬭᬵᬧ᭄ᬢᬶ᭞ᬯᬕᬦ᭄ᬯᬕᬸᬲ᭄᭞ᬳᬢᬸᬃᬲ᭄ᬟᬄᬢᬂᬩᭀᬓᭀᬫᬵᬲ᭄᭟᭔᭒᭟ᬧᬥᬯᬕᭂᬤ᭄ᬗᬤᬸᬲ᭄ᬫᬶᬢ᭞ᬳᬸᬮᬄᬦ᭄ᬬᬧ᭄ᬭᬢᬫᬾᬂᬳᬚᬶ᭞ᬲᬂᬧ᭄ᬭᬪᬸᬫᬯᬸᬯᬸᬲ᭄ᬳᬮᭀᬦ᭄᭞ᬲᬶᬗ᭄ᬕᬶᬄᬤᬾᬯᬦᬵᬣᬲᬫᬶ᭞ᬳᬦ᭄ᬢ᭄ᬬ᭠
Kaca:Bali-lontar-gaguritan-pandawa-dasa-01-300ppi.pdf/55
Kaca puniki sampun kauji-wacén
