[᭕᭓ 53B]
᭕᭓
ᬫ᭄ᬧᬄ᭞ᬥᬢᭂᬂᬭᬶᬗ᭄ᬕ᭄ᬯᬦ᭄ᬲᬂᬓᬶᬦᬵᬧ᭄ᬢᬶ᭞ᬧᬥᬵᬫᬸᬯᬸᬲ᭄᭞ᬬᬬᬶᬢᭂᬫ᭄ᬯᬾᬂᬲᬂᬧᬵᬡ᭄ᬟᬶᬢ᭟᭓᭐᭟ᬲᬳᬭᬶᬲᬂᬓᬶᬦᬲ᭄ᬕᭂᬳᬦ᭄᭞ᬲᬶᬗ᭄ᬩᬶᬄᬰᬩ᭄ᬤᬰ᭄ᬭᬷᬦᬺᬧᬢᬶ᭞ᬧᬋᬂᬳᬮᬓᬸᬧᬥᬵᬮᭀᬦ᭄᭞ᬗᬪᬶᬯᬤᬭᬶᬂᬲᬂᬋᬱᬶ᭞ᬫᬦ᭄ᬤᭂᬕ᭄ᬯᭀᬂᬗᬯ᭠
ᬭᬯᬶᬭᬶᬲᬂᬓᬮᬶᬄᬧᬥᬚᬸᬫᬸᬚᬸᬕ᭄᭞ᬲᬶᬦᬫ᭄ᬩᬸᬢ᭄ᬤᬾᬫᬸᬦᬶᬯᬭ᭞ᬳᬳᬸᬫ᭄ᬳᬳᬸᬫ᭄ᬦᬵᬣᬓᬮᬶᬄ᭞ᬬ᭄ᬯᬓᬤ᭄ᬮᬸᬭᬸᬂᬓᬶᬢᬲᬫ᭄ᬧᬾᬮᬯᬦ᭄ᬓᬤᬂ᭟᭓᭑᭟ᬋᬲᭂᬧ᭄ᬋᬲᭂᬧᬦᬘᬶᬢ᭄ᬢ᭞ᬧᬭᬦ᭄ᬮᬪᬵᬦ᭄ᬳᬢᬶᬩ᭄ᬭᬗ᭄ᬢᬶ᭞ᬢᬦ᭄ᬮᬾᬦ᭄ᬗᬯᬾᬭᬸᬦ᭄ᬤᬄ
ᬪ᭄ᬯᬦ᭞ᬲᬶᬂᬪᬕ᭄ᬦᬢᬦ᭄ᬳᬸᬭᬸᬂᬫᬵᬢᬶ᭞ᬧᬦ᭄ᬓᬭᬶᬳᬾᬦᬶᬗ᭄ᬲᬸᬦ᭄ᬓᬮᬶᬄ᭞ᬲᬸᬫ᭄ᬬᬸᬓ᭄ᬦᬵᬣᬧᬥᬵᬫᬸᬯᬸᬲ᭄᭞ᬲᬶᬗ᭄ᬕᬶᬄᬤᬾᬯᬓᬰᬶᬭᬵᬚ᭞ᬫᬸᬯᬄᬤᬾᬯᬫᬦᬭᬧᬢᬶ᭞ᬬᭀᬕ᭄ᬬᬢᬸᬭᬸᬢ᭄᭞ᬲᬶᬭᬋᬱᬶᬦᬪᬶᬯᬭ᭟᭓᭒᭟ᬳᬧᬦ᭄ᬢ
ᬦ᭄ᬤᬤᬶᬧᬗ᭄ᬕᬶᬮᬦ᭄᭞ᬧᬢᭂᬫ᭄ᬯᬦᬶᬂᬲᬂᬳ᭄ᬬᬂᬓᬯᬶ᭞ᬢᬸᬤᬸᬄᬓᬃᬫ᭄ᬫᬦ᭄ᬬᬧᬦᬸᬯᬸᬲ᭄ᬓᬢᭀᬦ᭄᭞ᬢᬦ᭄ᬯᭂᬦᬂᬫᭀᬳᬶᬢᬾᬂᬓᬵᬧ᭄ᬢᬶ᭞ᬳᬧᬦ᭄ᬲᬫᬵᬮᬸᬗ᭄ᬕᬄᬳᬚᬶ᭞ᬢᬦ᭄ᬳᬦᬳᬮᬦᬶᬂᬮᬓᬸ᭞ᬬᬦ᭄ᬩᬶᬦᬫᬵᬃᬕ᭄ᬕᬵᬧᬓ᭄ᬭᬫ᭞ᬲᬫ᭄ᬬᬦᬵᬣ᭠
[᭕᭔ 54A]
ᬢᬗ᭄ᬕ᭄ᬯᬾᬂᬳᬚᬶ᭞ᬤᬤ᭄ᬬᬵᬫᬸᬯᬸᬲ᭄᭞ᬧᬸᬱ᭄ᬧᬥᬭᬲᬧ᭄ᬭᬡᬫ᭄ᬬ᭟᭓᭓᭟ᬲᬶᬗ᭄ᬕᬶᬄᬤᬾᬯᬤᬾᬯᬦᬵᬣ᭞ᬫᬓᬤᬶᬲᬂᬫᬳᬵᬬᬢᬶ᭞ᬢᬸᬳᬸᬬᬸᬓ᭄ᬢᬶᬳᬲᬫᭀᬦᭀ᭞ᬲᬮᬶᬂᬋᬱᬶᬦᬵᬣᬲᬫᬶ᭞ᬧᬦ᭄ᬲᬸᬢᬾᬗ᭄ᬲᬸᬦ᭄ᬲᬾᬓᬲ᭄ᬢ᭄ᬭᬷᬰ᭄ᬭᬷᬰᬮ᭄ᬯᬕᬦ᭄ᬢ᭄ᬬ
ᬦᬶᬂᬯᬸᬯᬸᬲ᭄᭞ᬲᬶᬗ᭄ᬕᬶᬄᬤᬾᬯᬓᬰᬶᬭᬵᬚ᭞ᬚᬮ᭄ᬯᬗ᭄ᬰᬓᬢᬸᬭᬾᬂᬳᬚᬶ᭞ᬕᬯᬾᬲᬸᬦᬸ᭞ᬲᬤᬾᬭᬵᬗ᭄ᬭᬾᬄᬲᬓᬥᬢ᭄ᬯᬦ᭄᭟᭓᭔᭟ᬲᬳᬦᬦᬶᬂᬯᬮᬤ᭄ᬭᬶᬧᬸᬭ᭞ᬓᬩᬾᬄᬓᬢᬸᬭᬶᬂᬲᬂᬳᬚᬶ᭞ᬲᬂᬋᬱᬶᬳᬗᬸᬘᬧᬮᭀᬦ᭄᭞ᬳᬳᬸᬫ᭄ᬩᬧᬓᬰᬶᬧ
ᬢᬶ᭞ᬧᬳᬬ᭄ᬯᬦᬲᬸᬢᬫᬗ᭄ᬓᬶᬦ᭄᭞ᬓᬮᬶᬄᬳᬢᭂᬭᬦᬫᬦ᭄ᬢᬸᬓ᭄᭞ᬓᬢ᭄ᬓᬾᬂᬲᬶᬭᬧᬭᬦᬵᬣ᭞ᬧᬋᬂᬧᬭᬾᬂᬓᬰᬶᬧᬢᬶ᭞ᬲᬳᬸᬃᬫᬦᬸᬓ᭄᭞ᬯᬢᭂᬓ᭄ᬦᬵᬣᬳᬢᬸᬢᬸᬢᬦ᭄᭟᭓᭕᭟ᬲᬳᬸᬯᬸᬲᬶᬭᬵᬕᬸᬦᬶᬢ᭞ᬰ᭄ᬭᬷᬓᬰᬶᬧᬢᬶᬤᬾ᭠
ᬦ᭄ᬳᬕ᭄ᬮᬶᬲ᭄᭞ᬓᭀᬦ᭄ᬓᭀᬦᬾᬂᬚ᭄ᬭᭀ᭞ᬳᬥᬗᭂᬦ᭄ᬲᬃᬯ᭄ᬯᬧᬲᬚᬶ᭞ᬓᬸᬦᭂᬂᬲᬶᬭᬧ᭄ᬭᬫᬾᬰ᭄ᬯᬭᬶ᭞ᬓᭀᬦ᭄ᬫᬧᬕᬾᬂᬦᬺᬧᬲᬸᬢᬶᬸᬦᬸ᭞ᬲᬂᬓᬶᬦᭀᬦᬵᬫᬸᬮᬶᬄᬢᬦᬸᬘᬧ᭄᭞ᬋᬱᬶᬲᬄᬳᬲ᭄ᬢᬶᬦᬧᬸᬭᬶ᭞ᬦᬺᬧᬧᬵᬡ᭄ᬟᬸᬯᬶᬥᬸᬭᬵᬓᭀᬦ᭄ᬲᬶᬭᬮᬗ᭄ᬳᬵ᭟
Kaca:Bali-lontar-gaguritan-pandawa-dasa-01-300ppi.pdf/54
Kaca puniki sampun kauji-wacén
