[᭕᭑ 51B]
᭕᭑
ᬭ᭟᭑᭗᭟ᬰ᭄ᬭᬶᬤᬾᬯᬶᬦᬶᬭᬲᬂᬦᬵᬣ᭞ᬧᬱ᭄ᬧᬕᬦ᭄ᬤᬵᬓ᭄ᬭᬓᬦᬗᬶᬲ᭄᭞ᬫᬓᬦ᭄ᬤᬳᬾᬂᬲᬶᬢᬶᬓ᭄ᬮᬭᭀᬦ᭄᭞ᬓᬧ᭄ᬢᭂᬗᬦ᭄ᬩᬸᬤ᭄ᬟᬶᬓᬧᬢᬶᬦ᭄᭞ᬲᬓ᭄ᬭᬳᬶᬂᬲ᭄ᬢ᭄ᬭᬷᬦᬾᬂᬧᬸᬭᬶ᭞ᬳᬦᬗᬶᬲ᭄ᬳᬲ᭄ᬫᬸᬫᬗᬸ᭞ᬳᬗ᭄ᬮᬶᬮᬶᬃᬰ᭄ᬭᬷᬧ᭄ᬭᬫᬾᬰ᭄ᬯᬃᬬ᭄ᬬ᭞ᬮᬬᬹ᭠
ᬭᬶᬂᬧ᭄ᬤᭂᬫ᭄ᬦᬺᬧᬧᬸᬢ᭄ᬭᬶ᭞ᬓ᭄ᬭᭀᬥᬵᬗ᭄ᬩᬸᬃᬧᬢᬭ᭄ᬯᬦᬶᬦᬸᬭᬾᬂᬦᬢᬃ᭟᭑᭘᭟ᬭᬶᬢᬗᬶᬲᬶᬓᬂᬲᬭᬵᬚ᭄ᬜ᭞᭠ᬲᬂᬧ᭄ᬭᬪᬸᬓ᭄ᬭᬫᬮᬸᬭᬶᬲ᭞ᬮᬸᬭᬸᬕᭂᬦ᭄ᬧᬭᬾᬗᬸᬤ᭄ᬬᬦ᭞ᬳᬢᬶᬢᬶᬧ᭄ᬧ᭄ᬦᬸᬳᬾᬂᬫᬃᬕ᭄ᬕᬶ᭞ᬳᬦᬦ᭄ᬓᬸᬤᬲ᭄ᬬᬦ᭄ᬤᬦᬵᬱ᭄ᬝᬶ᭞ᬮ᭄ᬯᬶᬃᬢᬲᬶᬓ᭄
ᬭᬾᬩ᭄ᬤᬾᬦ᭄ᬬᬮᬓᬸ᭞ᬢᬦ᭄ᬯᬡ᭄ᬦᬵᬦ᭄ᬢᬓᬰᬶᬭᬵᬚ᭄ᬬ᭞ᬢᬸᬘᬧᬭᬶᬗᬸᬤ᭄ᬬᬦᬾᬓᬶ᭞ᬧᬭᬧ᭄ᬭᬪᬸ᭞ᬯ᭄ᬭᬸᬳᬾᬂᬮᬫ᭄ᬧᬄᬯᬮᬤ᭄ᬭᬶᬦᬵᬣ᭟᭑᭙᭟ᬧᬥᬳᬸᬗᬸᬭᬲᬭᬲᬦ᭄᭞ᬲᬶᬮᬶᬄᬢᬦ᭄ᬢ᭄ᬯᬦᬶᬓᬂᬓᬵᬧ᭄ᬢᬶ᭞ᬰ᭄ᬭᬷᬲᬸᬭᬾᬢᬄᬳᬘᬦᬲᬶᬗ᭄ᬕᬶᬄ
ᬤᬾᬯᬫ᭄ᬬᬦ᭄ᬳᬚᬶ᭞ᬧᬭᬦ᭄ᬤᬾᬭᬳᬗ᭄ᬭᬲᬦᬶᬦ᭄᭞ᬚᬮ᭄ᬯᬗ᭄ᬰᬵᬲᬶᬭᬳᬫ᭄ᬮᬸᬕᬸᬃ᭞ᬧᬸᬢ᭄ᬭᬶᬦᬶᬭᬂᬓᬰᬶᬭᬵᬚ᭞ᬢᬦᬸᬭᬸᬗᬗᬯᬾᬓᬮᬶ᭞ᬤᬤ᭄ᬬᬵᬫᬸᬯᬲ᭄᭞ᬫ᭄ᬭᭀᬚᬰᬶᬫᬸᬘᬾᬤᬾᬦᬵᬣ᭟᭒᭐᭟ᬲᬶᬗ᭄ᬕᬶᬄᬓᬓᬧ᭄ᬭᬫᬾᬰ᭄ᬯᬭ᭞ᬬᭀ᭠
[᭕᭒ 52A]
ᬕ᭄ᬬᬧᬮᬋᬦ᭄ᬭᬶᬂᬳᬢᬶ᭞ᬲᬵᬫ᭄ᬧᬸᬦ᭄ᬳᬓᬦ᭄ᬢ᭄ᬬᬾᬂᬫᭀᬫᭀ᭞ᬓᬂᬬᬸᬓ᭄ᬢᬶᬢᭀᬳᬦᬶᬂᬳᬸᬭᬶᬧ᭄᭞ᬩᬚ᭄ᬭᬧᬢᬶᬳᬦᬳᬸᬭᬶ᭞ᬬᬾᬓᬸᬬᬸᬓ᭄ᬢᬶᬮᬶᬂᬰ᭄ᬭᬷᬰᬶᬫᬸ᭞ᬲᬸᬲᬾᬦᬦᬲᬭᬵᬦ᭄ᬧᬰᬩ᭄ᬟ᭞ᬬᬦ᭄ᬫᬗ᭄ᬓᬦᬲᬚ᭄ᬜᬳᬚᬶ᭞ᬫᬺᬲᬯᬸᬯᬸᬲ᭄ᬢᬦ᭄ᬳᬲᬸᬲᬢ᭄ᬬᬾᬂ᭠
ᬮᬫ᭄ᬧᬄ᭟᭒᭑᭟ᬬᬦ᭄ᬲᬫ᭄ᬧᬾᬭᬶᬂᬫᬦᬭᬦᬵᬣ᭞ᬢᬦ᭄ᬯᬸᬦ᭄ᬓ᭄ᬦᬾᬂᬩ᭄ᬭᬳ᭄ᬫᬢ᭄ᬬᬾᬓᬶ᭞ᬫᬸᬃᬓ᭄ᬓᬬᬸᬓ᭄ᬢᬶᬢᬦ᭄ᬢᬶᬦᭀᬦ᭄ᬢᭀᬦ᭄᭞ᬲ᭄ᬬᬧᬫᬹᬃᬓ᭄ᬓᬲ᭄ᬬᬧᬬᬸᬓ᭄ᬢᬶ᭞ᬳᬦᬲᬶᬗ᭄ᬲᬮ᭄ᬢ᭄ᬯᬗᬭᬩᬶ᭞ᬬᬦ᭄ᬲᬫ᭄ᬧᬸᬦ᭄ᬧᬥᬲᬮᬸᬮᬸᬢ᭄᭞ᬰ᭄ᬭᬷᬤᬹᬃᬫ᭄ᬫᬓ
ᬯᬯᬂᬫᬸᬘᬧ᭄᭞ᬳᬯᬲ᭄ᬲᬚᬍᬜᬵᬲᬂᬫᬬᬢᬶ᭞ᬫ᭄ᬯᬂᬰ᭄ᬭᬷᬧᬵᬡ᭄ᬟᬸ᭞ᬬᭀᬕ᭄ᬬᬢᬹᬢᭂᬦ᭄ᬲᬮ᭄ᬯᬦᬶᬭ᭟᭒᭒᭟ᬲᬳᬸᬭᬶᬲᬂᬯᬦ᭄ᬢᬶᬭᬵᬚ᭞ᬬᬸᬓ᭄ᬢᬶᬮᬶᬂᬰ᭄ᬭᬷᬉᬢ᭄ᬢᬭᬵᬚᬶ᭞ᬬᭀᬕ᭄ᬬᬮᬫ᭄ᬧᬳᬦᬶᬂᬤᬹᬢ᭞ᬫᬵᬢᬸᬭᬶᬚᭃᬂᬫᬳᬵᬬᬢᬶ᭞ᬢᬦ᭄ᬯᬃᬡ᭄ᬦᬵ
ᬤᬹᬢᬯᬸᬲ᭄ᬮᬭᬶᬲ᭄᭞ᬢᬸᬘᬧᬰ᭄ᬭᬷᬫᬦᬭᬧ᭄ᬭᬪᬸ᭞ᬲᬵᬫ᭄ᬧᬸᬦ᭄ᬓᬸᬫ᭄ᬧᬸᬮᬦᬶᬂᬩᬮ᭞ᬲᬯᭀᬗᬶᬂᬫᬦᬭᬯᬮᬤ᭄ᬭᬶ᭞ᬬᬢ᭄ᬦᬓᬸᬓᬸᬄ᭞ᬗᬦ᭄ᬢᬶᬥᬢᭂᬂᬧᬭᬂᬫᬸᬓ᭟᭒᭓᭟ᬭᬳᬶᬦᬢᬢᬲ᭄ᬓᬫᬦ᭄ᬢ᭄ᬬᬦ᭄᭞ᬥᬢᭂᬂᬲᬯᭀᬂᬓᬰᬶᬧᬢᬶ᭞ᬭ᭠
Kaca:Bali-lontar-gaguritan-pandawa-dasa-01-300ppi.pdf/52
Kaca puniki sampun kauji-wacén
