[᭔ 4B]
᭔
ᬳ᭄ᬫᬯᬶᬱ᭄ᬡᬸᬲᬹᬃᬬ᭄ᬯᬘᬦ᭄ᬤ᭄ᬭ᭞ᬪᬕᬯᬵᬦ᭄ᬓᬱ᭄ᬬᬧᬫᬮᬶᬄ᭞ᬲᬳᬤᬫ᭄ᬧᬢᬶᬦ᭄ᬬᬲᬫᬶ᭞ᬮᬸᬗ᭄ᬳᬵᬢᬦ᭄ᬧᬫ᭄ᬯᬶᬢ᭄ᬳᬶᬂᬫ᭄ᬧᬸ᭞ᬭᬶᬦᬲᬢᬦ᭄ᬲᬶᬤ᭄ᬟᬓᬃᬬ᭄ᬬ᭞ᬓᬾᬯᬮᬳ᭄ᬬᬂᬦᬯᬋᬱᬶ᭞ᬓᬃᬬ᭄ᬬᬓᬸᬓᬸᬄ᭞ᬧᬦ᭄ᬲᬶᬭᬲᬾᬓᬦᬶᬂᬤᬤ᭄ᬬ᭟᭒᭐᭟
ᬢᬦ᭄ᬳᬸᬘᬧᭂᬦ᭄ᬭᬶᬂᬧᬰ᭄ᬭᬫᬦ᭄᭞ᬳ᭄ᬬᬂᬫᬳᬵᬤᬾᬯᬶᬲᬶᬸᬲᬄᬮᬭᬶᬲ᭄᭞ᬦᬗᬶᬲ᭄ᬲᬸᬫᬫ᭄ᬩ᭄ᬭᬄᬯᬾᬧᬦᭀᬦ᭄᭞ᬢᬦ᭄ᬫᬭᬶᬲᬸᬫ᭄ᬲᭂᬮᬾᬂᬳᬢᬶ᭞ᬧ᭄ᬭᬵᬧ᭄ᬢᬲᬂᬳ᭄ᬬᬂᬦᬶᬮᬮ᭄ᬯᬶᬢᬾᬓᬶ᭞ᬳᬢᬜᬲᬃᬯ᭄ᬯᬶᬳᬫ᭄ᬓᬸᬮ᭄᭞ᬥᬹᬄᬭᬭᬶᬫᬵᬲ᭄ᬳᬵᬢ᭄ᬫᬚ᭄ᬯᬶᬢ᭞
ᬧᬭᬦ᭄ᬲᭂᬕᬦ᭄ᬳᬳᬦᬗᬶᬲ᭄᭞ᬯᬭᬄᬢᬸᬳᬸ᭞ᬪᬝᬭᬶᬯᬸᬯᬸᬲᬢᬸᬃᬲᭂᬫ᭄ᬩᬄ᭟᭒᭑᭟ᬲᬶᬗ᭄ᬕᬶᬄᬯᬘᬦᬦ᭄ᬳ᭄ᬬᬗᬶᬗ᭄ᬯᬂ᭞ᬯ᭄ᬬᬓ᭄ᬢᬶᬓᬳᬶᬮᬗᬦᬲᬶᬄ᭞ᬲᬶᬦᬓᬶᬢᬦᬶᬂᬲ᭄ᬯᬘᬶᬢ᭄ᬢ᭞ᬲᬂᬩᬧᬵᬲᬳᬲᬭᬸᬦ᭄ᬢᬶᬓ᭄᭞ᬢᬦ᭄ᬫᬭᬶᬳᬗ᭄ᬮᬭᬾᬂᬳᬢᬶ᭞᭠
ᬫᬗ᭄ᬓ᭄ᬬᬲᬸᬦ᭄ᬫᬋᬤᬶᬦ᭄ᬢᬸᬯᬸᬄ᭞ᬳᬫ᭄ᬯᬶᬢ᭄ᬧᬵᬤᬪᬝᬭ᭞ᬩᬾᬲᬸᬓ᭄ᬢᭂᬫ᭄ᬩ᭄ᬬᬦᬶᬂᬤᬸᬫᬤᬶ᭞ᬫᬗ᭄ᬤᬾᬲᬵᬫ᭄ᬧᬸᬦ᭄᭞ᬦᬶᬗ᭄ᬯᬂᬗᬫ᭄ᬬᬓᭂᬦ᭄ᬮᬭ᭟᭒᭒᭟ᬧᬶᬦ᭄ᬢᬂᬓ᭄ᬯᬶᬲᬦ᭄ᬫᬢᬦᬶᬂᬳ᭄ᬬᬂ᭞ᬲᬵᬫ᭄ᬧᬸᬦ᭄ᬲᬂᬳ᭄ᬬᬂᬯᬋᬕ᭄ᬳᬲᬶᬄ᭞ᬭᬶᬂᬧᬲᬸᬦ᭄ᬚ᭄ᬯᬫᬳᭂᬗ᭄ᬕᭀᬦ᭄᭞
[᭕ 5A]
ᬢᬦ᭄ᬮᬾᬦ᭄ᬓᬶᬢᬳᬦ᭄ᬤᬺᬩᬾᬦᬶᬦ᭄᭞ᬬ᭄ᬯᬤᬶᬦ᭄ᬧᬶᬂᬲᬧ᭄ᬢᬤᬸᬫᬤᬶ᭞ᬢᬦ᭄ᬧᬲᬄᬮᬯᬦ᭄ᬳ᭄ᬬᬗᬶᬗ᭄ᬲᬸᬦ᭄᭞ᬤᬤᬶᬧᬦᬗ᭄ᬕᬦ᭄ᬧᬵᬤᬳ᭄ᬬᬂ᭞ᬫᬓᬥᬃᬫ᭄ᬫᬦᬶᬗᬦᬶᬯᬶ᭞ᬫᬗ᭄ᬓᬭᬢᬸ᭞ᬤᬫᭂᬮᬦᬲᭂᬫ᭄ᬩᬳᬶᬗ᭄ᬯᬂ᭟᭒᭓᭟ᬲᬳᬸᬭᬶᬳ᭄ᬬᬂᬦᬶᬮᬮ᭄ᬯᬶᬢ᭞ᬥᬸᬄ
ᬭᬭᬶᬫᬵᬲ᭄ᬫᬳᬵᬤᬾᬯᬶ᭞ᬭᬭᬶᬳ᭄ᬬᬸᬦ᭄ᬫᬶᬦ᭄ᬢᬧᬮᬢ᭄ᬭ᭞ᬳᬸᬮᬸᬦ᭄ᬢᬦ᭄ᬯ᭄ᬦᬂᬢᬦᬲᬶᬄ᭞ᬲᬓᬲᬵᬚ᭄ᬜᬵᬦ᭄ᬢᬫᬵᬲ᭄ᬓ᭄ᬯᬭᬶ᭞ᬓᬾᬯᬮᬓᬶᬢᬤᬺᬓᬾᬂᬳ᭄ᬬᬸᬦ᭄᭞ᬫᬗ᭄ᬓᬾᬓᬓᬵᬢᬸᬤᬸᬳᬶᬂᬓᬶᬢ᭞ᬬᭀᬕ᭄ᬬᬲᬳᭂᬗ᭄ᬕᭀᬦ᭄ᬬᬜ᭄ᬚᬦ᭄ᬫᬶ᭞ᬫᬓᬳᬶ
ᬩᬸ᭞ᬬᬾᬓᬸᬲᬸᬲᬸᬧᬦᬤᬾᬯ᭟᭒᭔᭟ᬳᬦᬲᬶᬭᬕᬶᬭᬶᬭᬵᬚ᭞ᬲᬂᬳᬶᬫᬯᬵᬦ᭄ᬗᬭᬦ᭄ᬬᬾᬓᬶ᭞ᬭᬶᬂᬗ᭄ᬓᬦᬳᬫᬶᬦ᭄ᬢᬵᬫᬺᬣ᭞ᬬᬦ᭄ᬲᬸᬩᬵᬢᬸᬢᬸᬕᬶᬂᬓᬃᬢ᭄ᬢᬶ᭞ᬫᬫᭂᬢ᭄ᬯᬭᬭᬶᬦᬾᬂᬕᬶᬭᬶ᭞ᬳᬶᬲ᭄ᬢ᭄ᬭᬶᬢᬦ᭄ᬲᬫᬲᬫᬾᬂᬮᬸᬄ᭞ᬳᬬᬸᬢᬦ᭄ᬧᭀ
ᬧᬫᬾᬂᬭᬭᬲ᭄᭞ᬕᬶᬭᬶᬧᬸᬢ᭄ᬭᬶᬗᬭᬦ᭄ᬭᬭᬶ᭞ᬭᬶᬓᬵᬫᬢ᭄ᬫᬸ᭞ᬮᬦ᭄ᬓᬓᬦ᭄ᬢᬵᬗᬭᬦ᭄ᬰᬶᬯ᭟᭒᭕᭟ᬦᬳᬦ᭄ᬮᬶᬂᬘᬂᬦᬶᬮᬮ᭄ᬯᬶᬢ᭞ᬳ᭄ᬬᬂᬫᬳᬵᬤᬾᬯ᭄ᬬᬳᬗᬜ᭄ᬚᬮᬶ᭞ᬳᬫ᭄ᬯᬶᬢ᭄ᬮᬫ᭄ᬧᬳᬶᬭᬲᬤᬭᬵᬮᭀᬦ᭄᭞ᬢᬦ᭄ᬯᬃᬡ᭄ᬦᬦ᭄ᬫᬲᬸᬓᬶᬂᬕᬶᬭᬶ᭞ᬢᬸ
Kaca:Bali-lontar-gaguritan-pandawa-dasa-01-300ppi.pdf/5
Kaca puniki sampun kauji-wacén
