[᭓᭙ 39B]
᭓᭙
ᬰᬓ᭄ᬢᬶ᭞ᬢᬗᬾᬄᬩᬮᬦ᭄ᬬ᭞ᬢᬓᬸᬓᬭᭀᬳᬫᬢ᭄ᬬᬦᬶᬦ᭄᭟᭓᭐᭟ᬬᬓᬾᬓᬶᬢᬯᬶᬓᬸᬓᬭ᭄ᬯᬫ᭠ᬮᬗᬦ᭄ᬓ᭄ᬯ᭞ᬢᬸᬯᬶᬢ᭄ᬓᬤᬾᬯᬋᬱᬶ᭞ᬓᭀᬦ᭄ᬓᬦ᭄ᬢ᭄ᬬᬭᬶᬂᬓᬶᬢ᭞ᬩᬶᬦᬦᬶᬂᬳ᭄ᬬᬂᬰᬶᬯᬩᬸᬤ᭄ᬟ᭞ᬬ᭄ᬯᬤᬶᬦ᭄ᬤᬿᬢ᭄ᬬᬲᬸᬭᬰᬓ᭄ᬢᬶ᭞ᬫᬓ
ᬲ᭄ᬭᬬᬦ᭄ᬢ᭞ᬫᬲᬳᬓᬸᬳᬗᬶᬗ᭄ᬲᬶᬭᬶᬦ᭄᭟᭓᭑᭟ᬗ᭄ᬓᬵᬦ᭄ᬓ᭄ᬭᭀᬥᬋᬱᬶᬓᬭᭀᬦᬸᬫᬦᬸᬫᬦ᭄᭞ᬓᬸᬫ᭄ᬢᭂᬃᬚᬚᬦ᭄ᬬᬯᭀᬓ᭄ᬩ᭄ᬭᬶᬲ᭄᭞ᬫᬩᬵᬂᬦᬾᬢ᭄ᬭᬦᬶᬭ᭞ᬲᬳᬲᬵᬦᬸᬤᬶᬂᬳᬗᬸᬘᬧ᭄᭞ᬳᬶᬄᬓᬶᬢᬯᭀᬂᬘ᭄ᬫᭂᬃᬘᬸᬯᬶᬮ᭄᭞ᬢᬦ᭄ᬓ᭄ᬭ
ᬫᬚᬦ᭄ᬫ᭞ᬲ᭄ᬬᬧᬳᬭᬦ᭄ᬓᬶᬢᬓᬵᬮᬶᬄ᭟᭓᭒᭟ᬦᬮᬶᬗᬶᬭᬋᬱᬶᬓᬮᬶᬄᬲᬶᬦᬳᬸᬭᬦ᭄᭞ᬳᬓᬸᬢᬦ᭠ᬬᬬᬥᬸᬓᬵᬮᬶᬄ᭞ᬭᬵᬦ᭄ᬓᬺᬱ᭄ᬡᬓᬃᬱᬡ᭞ᬲᬤ᭄ᬬᬦ᭄ᬓᬸᬮᬭᬶᬲᬶᬂᬧᬸᬘᬓ᭄᭞ᬓᬶᬢᬵᬭᬦ᭄ᬭ᭄ᬯᬓᬾᬢᬸᬋᬱᬶ᭞ᬯᬶᬓᬸᬭ᭄ᬯᬚ
ᬬ᭞ᬯ᭄ᬭᬸᬄᬳᬓᬸᬳᬭᬦ᭄ᬢᬓᬮᬶᬄ᭟᭓᭓᭟ᬦᬵᬮᬶᬂᬓᬺᬡ᭄ᬡᬲᬂᬩ᭄ᬭᬵᬳ᭄ᬫᬡᬢᬦ᭄ᬧᬗᬸᬘᬧ᭄᭞ᬕᬕ᭄ᬭᬾᬧᬾᬦᬦ᭄ᬢᬗᬦ᭄ᬓᬵᬮᬶᬄ᭞ᬕᬸᬢ᭄ᬕᬸᬢᭂᬦ᭄ᬯᬚᬦ᭄ᬬ᭞ᬢ᭄ᬓᬵᬦᬸᬤᬸᬓ᭄ᬓᬮᬶᬄᬳᬦᬸᬚᬄ᭞ᬲᬂᬲᬶᬦᬸᬤᬸᬓ᭄ᬓᬦ᭄ᬢᬦ᭄ᬓᬦᬶᬦ᭄᭞ᬢᬦ᭄᭠
[᭔᭐ 40A]
ᬯ᭄ᬭᬸᬳᬶᬂᬮᬭ᭞ᬲᬶᬮᬶᬄᬩᬦ᭄ᬤᬲᬶᬮᬶᬄᬕᬶᬢᬶᬓ᭄᭟᭓᭔᭟ᬲ᭄ᬭᬸᬦᬩᭂᬢᬦ᭄ᬯᬢᬗᬶᬭᬋᬱᬶᬓᬭ᭄ᬯᬵ᭞ᬢᬶ᭠ᬓᭂᬮ᭄ᬓᬧᬶᬲᬦ᭄ᬓᬭᬦ᭄ᬢᬶ᭞ᬧᬥᬢᬦ᭄ᬧᬲᬭ᭞ᬧᬥᬮᬗ᭄ᬕᬸᬓ᭄ᬧ᭄ᬭᬸᬗᬶᬭ᭞ᬧᬋᬂᬧᬋᬓ᭄ᬫᬓᬓᬵᬮᬶᬄ᭞ᬧ᭄ᬭᬂᬦᬸᬗ᭄ᬕᬮ᭄ᬦᬸᬗ᭄ᬕᬮ᭄᭞
ᬲᬂᬓᬺᬱ᭄ᬡᬓᬓᬃᬱᬡᬵᬲ᭄ᬗᬶᬢ᭄᭟᭓᭕ᬭᭀᬓ᭄ᬳᬭᬸᬓᭂᬢ᭄ᬓᬭᬸᬓᭂᬢ᭄ᬓᬺᬱ᭄ᬡᬓᬓᬃᬱᬡᬵ᭞ᬢᬸᬃᬓᬤ᭄ᬓᬸᬂᬓᬕᬶᬢᬶᬓᬶᬦ᭄᭞ᬓᬤᭂᬤᭂᬮ᭄ᬓᬢᬫ᭄ᬧ᭄ᬬᬮ᭄᭞ᬢᬦ᭄ᬮᬭᬲᬂᬤᬶᬦᬤᭂᬮ᭄᭞ᬯᬯᬂᬫᬍᬲ᭄ᬳᬫᬸᬓᬸᬮᬶᬦ᭄᭞ᬚᬚᬲᬂᬋᬱ᭄ᬬ᭞ᬫ᭄ᬭ᭠
ᬲᬢ᭄ᬭᬸᬲ᭄ᬭᬶᬂᬕᬶᬕᬶᬃ᭟᭓᭖᭟ᬫᬸᬦ᭄ᬤᬸᬃᬧ᭄ᬯᬾᬓᬶᬂᬋᬱᬶᬭ᭄ᬯᬵᬗᬤᬸᬄᬓᬮᬭᬦ᭄᭞ᬫᬾᬗᭂᬢ᭄ᬭᬶᬂᬧᬹᬃᬯ᭄ᬯᬦ᭄ᬬᬗᬹᬦᬶ᭞ᬮᬫ᭄ᬧᬄᬲᬶᬭᬂᬩᬧ᭞ᬲᬂᬳ᭄ᬬᬂᬳᬭᬦᬭᬬᬡ᭞ᬫᬮᬳᬦᬭᬢᬸᬰᬓ᭄ᬢᬶ᭞ᬲᬶᬭᬫ᭄ᬩᭀᬤ᭄ᬪᬵᬯ᭞ᬓᬸᬲᬵᬗ᭄ᬕᭀᬦ᭄ᬬᬳᬗ᭄ᬮᭂᬲᬶᬦ᭄
᭟᭓᭗᭟ᬯᬯᬂᬲᬂᬋᬱᬶᬓᬵᬮᬶᬄᬦᬸᬲᬸᬧᬶᬂᬮᬮᬂ᭞ᬫᬬᭀᬕᬢᬸᬃᬳᬗ᭄ᬮᭂᬧᬲᬶᬦ᭄᭞ᬓᬸᬫᭂᬤᬸᬲᬶᬓᬂ᭠ᬮᬂ᭞ᬮ᭄ᬯᬶᬃᬯᬃᬱᬢᬶᬩᬾᬗᬓᬰ᭄᭞ᬗᬧᬫ᭄ᬩᬳᬶᬂᬮᬮᬂᬢᬦ᭄ᬓᬦᬶᬦ᭄᭞ᬲᬂᬦᬺᬧᬓᬭ᭄ᬯᬵ᭞ᬦᬸᬭᬸᬕᬦ᭄ᬓᬸᬰᬫᬶᬖ᭄ᬦᬦᬶᬦ᭄᭟᭓᭘᭟
Kaca:Bali-lontar-gaguritan-pandawa-dasa-01-300ppi.pdf/40
Kaca puniki sampun kauji-wacén
