Kaca:Bali-lontar-gaguritan-pandawa-dasa-01-300ppi.pdf/4

Saking Wikisource
Kaca puniki sampun kauji-wacén

[᭓ 3B]

ᬲ᭄ᬫᬺᬢᬶ᭞ᬩ᭄ᬭᬵᬳ᭄ᬫᬢᬢ᭄ᬯᬮᬸᬤ᭄ᬭᬵᬲ᭄ᬢᬯ᭞ᬫᬳᬵᬤᬾᬯᬲᬂᬓᬵᬲ᭄ᬢᬸᬢᬶ᭞ᬢᬶᬱ᭄ᬡ᭄ᬯᬵᬲ᭄ᬢᬯᬫᬮᬶᬄ᭞ᬲᬫ᭄ᬩᬸᬇ᭠ᬰ᭄ᬯᬭᬢᬢ᭄ᬯᬸᬓᬸ᭞ᬫᬶᬲᭀᬭᬳ᭄ᬬᬂᬰᬶᬯᬢᬢ᭄ᬯ᭞ᬆᬃᬤ᭄ᬟᬦᬭᬾᬰ᭄ᬯᬭᬶᬲᬫᬶ᭞ᬳᬵᬕ᭄ᬦᬶᬢᬸᬢᬸᬃᬘᬦ᭄ᬤ᭄ᬭᬢᬢ᭄ᬯᬲᬹᬃᬬ᭄ᬬᬢᬢ᭄ᬯ᭟
᭑᭔᭟ᬢᬸᬫᬸᬗ᭄ᬓᬸᬮ᭄‌ᬳ᭄ᬬᬂᬫᬳᬵᬤᬾᬯ᭄ᬬ᭞ᬚᬸᬫᬸᬚᬸᬕ᭄ᬭᬶᬗ᭄ᬕ᭄ᬯᬦ᭄ᬲᬂᬳᬚᬶ᭞ᬳᬢᬜᬳᬸᬫᬢᬸᬃᬳᬮᭀᬦ᭄᭞ᬳᬗᬸᬕᬄᬬᭀᬕᬦ᭄ᬲᬂᬋᬱᬶ᭞ᬧᬸᬦᬧᬓ᭄ᬭᬡᬦᬶᬂᬳᬚᬶ᭞ᬢᬦ᭄ᬢᬸᬢᬸᬭᬦᬾᬧᬸᬓᬸᬮᬸᬦ᭄᭞ᬦᬯᬶᬳᬦᬤᭀᬱᬦᬶᬗ᭄ᬯᬂ᭞ᬭᬱᬵ
ᬗ᭄ᬮᬸᬢᬸᬳᬶᬓᬃᬬ᭄ᬬᬾᬓᬶ᭞ᬯᬭᬄᬢᬸᬳᬸ᭞ᬦᬯ᭄ᬬᬳᬶᬤᬲᬂᬳ᭄ᬬᬂᬲᬶᬮ᭄ᬲᬮ᭄᭟᭑᭟ᬫᬗ᭄ᬓᬦᬢᬜᬫᬳᬵᬤᬾᬯ᭄ᬬ᭞ᬳᬲᬫ᭄ᬩᬢ᭄ᬲᬃᬯ᭄ᬯᬶᬳᬦᬗᬶᬲ᭄᭞ᬪᬕᬯᬵᬦ᭄ᬤᬓ᭄ᬱ᭄ᬬᬰ᭄ᬭᬸᬫᭀᬚᬃ᭞ᬳᬄᬧᬭᬦ᭄ᬢᬮᬶᬗᬦ᭄ᬢᬾᬓᬶ᭞ᬓ᭄ᬭᬡᬓᬶᬢ᭠
ᬢᬦ᭄‌ᬢ᭄ᬯᬾᬓᬶ᭞ᬓᬶᬢᬢᬦ᭄ᬯᬶᬱᬬᬾᬂᬕᬸᬭᬸ᭞ᬗᬸᬮᬳᬓᭂᬦ᭄ᬲᬸᬓᬾᬂᬘᬶᬢ᭄ᬢ᭞ᬢᬳᬸᬭᬶᬂᬧᬯᬓᬦ᭄‌ᬍᬯᬶᬄ᭞ᬫᬲᬓᬾᬫᬸᬢ᭄᭞ᬩᬧᬫᬯᬲ᭄ᬓᬲᬸᬓᬦ᭄ᬢ᭟᭑᭖᭟ᬬ᭄ᬯᬤᬶᬦ᭄ᬲᬂᬳ᭄ᬬᬂᬦᬶᬮᬮ᭄ᬯᬶᬢ᭞ᬢᬦ᭄ᬓ᭄ᬭᬫᬦᬶᬂᬳᬫᬦ᭄ᬢ᭄ᬯᬾᬓᬶ᭞ᬫ
[᭔ 4A]
ᬦ᭄ᬢᬸᬧᬭᬦ᭄ᬳᬲᬫᭀᬦᭀ᭞ᬩᬶᬱᬲᬸᬓᬧᬤᬶᬤᬶᬬᬶᬦ᭄᭞ᬮ᭄ᬯᬲ᭄ᬓᬶᬢᬳᬬ᭄ᬯᬓᬭᬾᬓᬶ᭞ᬳᬚᬵᬗ᭄ᬬᭀᬗ᭄ᬬᭀᬓᬃᬬ᭄ᬬᬾᬓᬸ᭞ᬬᬤ᭄ᬬᬦ᭄‌ᬢ᭄ᬫᬸᬦᬶᬂᬲ᭄ᬯᬫᬶᬦ᭄ᬢ᭞ᬯᬭᬄᬓᬫᬶᬳᬗ᭄ᬲᬳᬶᬦ᭄᭞ᬫᬲᬓᬾᬯᬸᬄ᭞ᬢᬭᬸᬧ᭄‌ᬭᬶᬂᬦᬶᬮᬮ᭄ᬯᬶᬢ᭟᭑
᭗᭟ᬦᬳᬦ᭄ᬤᬸᬯᬸᬲ᭄ᬋᬱᬶᬤᬓ᭄ᬱ᭄ᬬ᭞ᬢᬦ᭄ᬲᬶᬧᬶᬭᬸᬦ᭄ᬢᬶᬓᬶᬂᬳᬢᬶ᭞ᬲᬶᬲ᭄ᬯᬮᬯᬦ᭄ᬫᬧ᭄ᬭᬬᭀᬕ᭞ᬳᬸᬚᬃᬳᬓ᭄ᬭᬲ᭄ᬫᬤᬸᬤᬶᬗᬶᬦ᭄᭞ᬳ᭄ᬬᬂᬫᬳᬵᬤᬾᬯ᭄ᬬᬢᬦ᭄ᬫᬭᬶ᭞ᬳᬦᬗᬶᬲ᭄‌ᬲᬃᬯ᭄ᬯᬶᬳᬸᬫᬢᬸᬃ᭞ᬮᬮᬸᬢᬦ᭄ᬲᬶᬄᬢᬳᬶᬭᬶᬗ᭄ᬯᬂ᭞ᬫᬗ᭄ᬓᬾᬳ᭄᭠
ᬮᬸᬦᬗ᭄ᬭᬶᬳᬶᬦᬶᬦ᭄᭞ᬫᬫ᭄ᬯᬶᬢ᭄ᬧᬸᬧᬸᬢ᭄᭞ᬢᬦ᭄‌ᬪᬓ᭄ᬢ᭄ᬬᬢᬦ᭄ᬲᬶᬦᬫ᭄ᬩᬢᬦ᭄᭟᭑᭘᭟ᬳᬾᬭᬂᬬᬦ᭄ᬓᬭᬶᬳᬸᬭᬶᬧ᭞ᬤᬤᬶᬧᬲᬫ᭄ᬩᬢ᭄ᬦᬶᬂᬯᬶᬥᬶ᭞ᬲᬸᬓᬳᬲᬸᬭᬸᬧᬦ᭄ᬫᬗ᭄ᬓᭀ᭞ᬩᬾᬲᬸᬓ᭄ᬢᭂᬫ᭄ᬩᬾᬦᬶᬂᬤᬸᬫᬤᬶ᭞ᬫᬯᭂᬢ᭄ᬯᬯᬸᬯᬸᬲ᭄ᬢᬦ᭄ᬬᬸᬓ᭄ᬢᬶ᭞᭠
ᬫᭀᬖᬢᬦ᭄ᬢᬸᬮᬸᬲ᭄ᬓᬵᬃᬬ᭄ᬬᬾᬓᬸ᭞ᬮᬸᬗ᭄ᬳᬵᬲᬶᬭᬳ᭄ᬬᬂᬫᬳᬵᬤᬾᬢ᭄ᬬ᭞ᬓᬕ᭄ᬬᬢ᭄ᬲᬯᬢᭂᬓ᭄‌ᬳ᭄ᬬᬂᬲᬫᬶ᭞ᬧᬥᬵᬗ᭄ᬭᬸᬗᬸ᭞ᬩ᭄ᬭᬳ᭄ᬫᬵᬦ᭄ᬢ᭄ᬬᬳ᭄ᬬᬂᬫᬳᬵᬤᬾᬯ᭄ᬬ᭟᭑᭙᭟ᬧᬥᬭᬸᬫᬱᬳᬾᬂᬘᬶᬢ᭄ᬢᬳ᭄ᬬᬂᬥᬃᬫ᭄ᬫᬳ᭄ᬬᬂᬧ᭄ᬭᬚᬵᬧᬢᬶ᭞ᬩ᭄ᬭᬵ