Kaca:Bali-lontar-gaguritan-pandawa-dasa-01-300ppi.pdf/28

Saking Wikisource
Kaca puniki sampun kauji-wacén

[᭒᭗ 27B]
᭒᭗
ᬢᭂᬢᭂᬄᬢᬶᬦ᭄ᬢᬚᬸᬢᬶ᭞ᬢᬸᬢᬸᬄᬢᬶᬢᬄᬮᬢᭂᬓᬢᬶ᭞ᬢᬸᬦ᭄ᬢᬸᬦ᭄ᬢᬶᬦ᭄ᬢᬢᬾᬢᬾᬄᬢᬸᬢᬸᬃ᭞ᬢᬢᬺᬢᬢᭀᬢᬶᬢᬶᬲ᭄ᬢ᭞ᬢᬸᬢᬸᬢᬶᬂᬢᬲ᭄ᬢ᭄ᬭᬓᬺᬢᬢᬶ᭞ᬢᬸᬢᬸᬃᬢᬦ᭄ᬢᬸ᭞ᬢᬢᬕ᭄‌ᬢᬺᬧ᭄ᬢᬶᬢᬢ᭄ᬯᬦᬵᬣ᭟᭓᭟ᬳᬧᬦ᭄ᬦᬵᬣᬫ᭄ᬯᬂᬧᬵᬡ᭄ᬟᬶ᭠
ᬢ᭞ᬫᬺᬢ᭄ᬢᬯᬶᬱ᭄ᬬᬦᬶᬢᬂᬪᬸᬫᬶ᭞ᬬᬦ᭄ᬬᬸᬓ᭄ᬢᬶᬓ᭄ᬭᬫᬲᬂᬓᬯᭀᬂ᭞ᬫᬶᬯᬄᬧ᭄ᬭᬢᬧᬲᬂᬋᬱᬶ᭞ᬳᬯᬲ᭄ᬳᬬᬸᬦᬶᬓᬂᬪᬸᬫᬶ᭞ᬳᬶᬥᭂᬧᬶᬂᬯᭀᬂᬲᬫᬢᬸᬢᬸᬃ᭞ᬢᬦ᭄ᬳᬦᬩᬸᬤ᭄ᬟᬶᬇᬗ᭄ᬰᬓᬵ᭞ᬲᬫᬬᬳᬓᬺᬢ᭄ᬢᬶᬬᬸᬓ᭄ᬢᬶ᭞ᬗ᭄ᬕᬯᬾᬋᬡ᭄ᬟᬸᬄ᭞ᬦᬶᬓ
ᬦᬂᬲᬪᬫᬡ᭄ᬟᬮᬵ᭟᭔᭟ᬬᬦ᭄ᬲᬂᬦᬵᬣᬲᬮᬄᬳᬸᬮᬢ᭄᭞ᬤᬾᬦ᭄ᬬᬵᬗ᭄ᬭᬜ᭄ᬘᬦᬪᬸᬫᬶ᭞ᬲᬂᬧᬵᬡ᭄ᬟᬶᬢᬳᬗᬺᬭᭀᬲᭀᬢ᭄᭞ᬫᬗᬸᬮᬳᬓᭂᬦ᭄ᬢᬂᬪᬹᬓ᭄ᬢᬶ᭞ᬲᬰᬵᬦᬲᬲ᭄ᬢ᭄ᬭᬵᬢᬶᬗ᭄ᬕᬮᬶᬦ᭄᭞ᬳᬧᬸᬳᬭᬳᬯᬻᬮᬶᬗ᭄ᬮᬸᬂ᭞ᬯᬶᬓᬸ
ᬢᬦ᭄ᬯᭂᬦᬂᬳᬦ᭄ᬢᬶᬓᬵ᭞ᬗᭂᬦ᭄ᬤᬾᬲᬶᬭᬚᬦ᭄ᬢᬶᬪᭀᬕᬶ᭞ᬯᬶᬱ᭄ᬬᬵᬢ᭄ᬫᬸ᭞ᬩᬶᬦᬡ᭄ᬟᬭᬶᬂᬬᬫᬮᭀᬓᬵ᭟᭕᭟ᬳᬦᬦᬵᬣᬳᬫ᭄ᬭᬶᬄᬲᬸᬓᬵ᭞ᬧ᭄ᬭᬶᬓ᭄ᬱᬲᬶᬭᬾᬂᬪᬸᬓ᭄ᬢᬶᬫᬹᬓ᭄ᬢᬶ᭞ᬢᬦ᭄ᬳᬦᬥᬦᬦᬶᬂᬯᬤ᭄ᬯᬯᭀᬂ᭞ᬧᬜ᭄ᬘᬇᬦ᭄ᬤ᭄ᬭ᭄ᬬᬓᬳᬸᬮᬸ
[᭒᭘ 28A]
ᬭᬶᬦ᭄᭞ᬳᬾᬮᬶᬓᬶᬂᬯᭀᬂᬤᬭᬶᬤ᭄ᬭᬾᬓᬶ᭞ᬢᬦᬍᬮᬦᬵᬫᬗ᭄ᬕᬸᬄᬓᬧ᭄ᬭᬪᬸᬦ᭄᭞ᬢᬦ᭄ᬫᬭᬶᬢᬶᬦᬶᬡ᭄ᬟᬾᬂᬚᬕᬢ᭄᭞ᬇᬥᭂᬧᬶᬂᬯ᭄ᬯᬂᬫᬹᬃᬓ᭄ᬓᬯᬺᬤ᭄ᬟᬶ᭞ᬢᬦ᭄ᬧᬢᬸᬢᬸᬃ᭞ᬫᬓ᭄ᬭᬡᬭᬸᬦ᭄ᬤᬄᬓᬂᬪ᭄ᬯᬦᬵ᭟᭖᭟ᬲᬵᬥᬸᬥᬃᬫ᭄ᬫᬤᬤᬶᬳᬶᬮᬂ᭞ᬮᭀᬪᬤ᭄ᬭᭀᬳᬓ
ᬦᬾᬫᭂᬦ᭄ᬢᬶᬓ᭄᭞ᬢᬶᬭᬸᬦ᭄ᬬᬧᭀᬮᬄᬲᬂᬓᬢᭀᬂ᭞ᬬᬦ᭄ᬲᬦᬵᬣᬓᬶᬃᬢ᭄ᬢᬶᬬᬸᬓ᭄ᬢᬶ᭞ᬚᬕᬢ᭄ᬲᬫᬶᬳᬲ᭄ᬢᬶᬢᬶᬪᬓ᭄ᬢᬶ᭞ᬬᬦ᭄ᬲᬂᬧ᭄ᬭᬪᬸᬳᬗᬺᬭᬸᬲᬸᬢ᭄᭞ᬧᬶᬲᬸᬦᬦᬾᬤᬤ᭄ᬬᬵᬕᬮᬓ᭄᭞ᬭᬸᬫᬓᭂᬢ᭄ᬧᬤᬦᬺᬧᬢᬶ᭞ᬗᬯᬾᬢᬸᬫ᭄ᬧᬸᬃ᭞ᬕ᭄ᬭᬶᬂ
ᬲᬲᬩ᭄‌ᬫ᭄ᬭᬡᬕᬮᬓ᭄᭟᭗᭟ᬬᬾᬓᬸᬓᬶᬢᬓᬬᬢ᭄ᬦᬵᬓ᭄ᬦᬵ᭞ᬭᬸᬫᬲᬭᬲᬳᬶᬂᬩᬸᬤ᭄ᬟᬶ᭞ᬳᬬ᭄ᬯᬮᬸᬗ᭄ᬲᬸᬭᬶᬧᬗ᭄ᬭᬯᭀᬲ᭄᭞ᬲᬶᬧᬢ᭄‌ᬲᭂᬧᬢ᭄ᬤᬾᬦᬶᬂᬳᬚᬶ᭞ᬧᬹᬃᬯ᭄ᬯᬵᬤᬶᬕᬫᬓᬸᬓᬸᬳᬶᬦ᭄᭞ᬳᬗ᭄ᬕᭀᬦ᭄ᬲᬸᬮᬸᬄᬲᬶᬗ᭄ᬲᬮ᭄ᬢᬸᬳᬸ
᭞ᬫ᭄ᬯᬂᬤ᭄ᬭᬾᬓᬦᬶᬂᬤᬤᬶᬦᬵᬣ᭞ᬳᬬ᭄ᬯᬧᬲᬄᬩ᭄ᬭᬢᬢᬓᬶᬃᬢ᭄ᬢᬶ᭞ᬧᬦ᭄‌ᬳ᭄ᬬᬂᬯᬮᬸ᭞ᬳᬧᬸᬧᬸᬮ᭄ᬓᬵᬦᬦ᭄ᬲᬂᬦᬵᬣ᭟᭘᭟ᬕᬶᬭᬶᬩ᭄ᬭᬢᬵᬯᬃᬱᬩ᭄ᬭᬢᬵ᭞ᬇᬦ᭄ᬤ᭄ᬭᬩ᭄ᬭᬢᬬᬫᬩ᭄ᬭᬢᬶ᭞ᬲᬵᬕᬭᬩ᭄ᬭᬢᬵᬕ᭄ᬦᬶᬩ᭄ᬭᬢ᭞ᬲᬹᬃᬬ᭄ᬬᬩ᭄ᬭᬢᬧ᭠