[᭒᭖ 26B]
᭒᭖
ᬧᬭᬦᬵᬣ᭟᭒᭓᭟ᬤᬦ᭄ᬮᬸᬫᬓᬸᬲᬶᬭᬂᬧᬭᬫᬵᬃᬱᬶ᭞ᬤᬤᬶᬓᬢᭀᬦ᭄᭞ᬲᬂᬓᬵᬮᬶᬳᬮᬕᬵ᭞ᬧᬥᬯᬶᬰᬾᬱᬩᬸᬤ᭄ᬟᬶᬦᬾ᭞ᬰ᭄ᬭᬸᬳᬶᬦᬫᬾᬢ᭄ᬧᬸᬲ᭄ᬢᬓᬾᬓᬸ᭞ᬭᬶᬂᬢᬗᬦ᭄ᬧᬵᬡ᭄ᬟᬸᬦᬺᬧᬢᬶ᭞ᬳᬶᬦᬭᬤ᭄ᬤᬶᬮᬄᬦ᭄ᬬᬧ᭄ᬭᬵᬧ᭄ᬢ᭞ᬫᬲᬸᬓᬶᬂ
ᬧᬸᬲ᭄ᬢᬓᬳᬶᬓᬸ᭞ᬓᬕ᭄ᬬᬢ᭄ᬲᬶᬭᬂᬫᬦᬭᬦᬵᬣ᭞ᬦ᭄ᬤᬸᬮ᭄ᬯᬪᬷᬱ᭄ᬫᬵ᭞ᬳᬶᬦᬶᬭᬶᬂᬤᬾᬦ᭄ᬳᬦ᭄ᬢᭂᬦ᭄ᬓᬵᬮᬶᬄ᭞ᬰ᭄ᬭᬸᬩᬶᬦᬸᬜ᭄ᬘᬮ᭄ᬲᬜ᭄ᬚᬢᬦ᭄ᬬ᭟᭒᭔᭟ᬩᬯᬶᬲ᭄ᬮᬬᬹᬲᬶᬭᬂᬫᬦᬭᬧᬢᬶ᭞ᬲᬶᬦᬗ᭄ᬲᬶᬧ᭄ᬢᬵ᭞ᬓᬓᬵᬰ᭄ᬭᬶᬦᬭᬾᬦ᭄ᬤ᭄ᬭ᭞ᬢᬶᬗ᭄ᬳᬮᬦ᭄ᬓᬵ
ᬮᬶᬄᬳᬭᬶᬦᬾ᭞ᬯᬸᬲ᭄ᬫᬵᬢᬷᬳᬸᬭᬶᬧᬶᬂᬫ᭄ᬧᬸ᭞ᬓᬓᬵᬯᬋᬗᬦᬪᬓ᭄ᬢᬶ᭞ᬧᬶᬦ᭄ᬢᬵᬲᬶᬳᬶᬭᬲᬂᬋᬱ᭄ᬬ᭞ᬓᬧᬦᬂᬢᬦ᭄ᬓᬯ᭄ᬮᬲᬶᬂᬳ᭄ᬬᬸᬦ᭄᭞ᬢᬸᬯᬶᬲᬶᬭᬧ᭄ᬭᬵᬕᬦᬶᬃᬫ᭄ᬫᬮ᭞ᬓᬵᬃᬬ᭄ᬬᬾᬂᬚᬕᬢ᭄᭞ᬧᬵᬡ᭄ᬥᬸᬯᬶᬥᬸᬭᬬᬦ᭄ᬲᭂᬗᬶᬢ᭄᭞ᬧᬋᬂᬳᬢᬸᬭ
ᬦᬚᬷᬯᬵ᭞᭒᭕᭟ᬦᬳᬦ᭄ᬯᬸᬯᬸᬲ᭄ᬦᬶᬭᬗᬦ᭄ᬢᭂᬦ᭄ᬓᬵᬮᬶᬄ᭞ᬫᬓᭀᬦ᭄ᬪᬓ᭄ᬢ᭄ᬬ᭞ᬲᬶᬭᬂᬳᬚᬶᬫᬦᬭ᭞ᬤᬳᬢ᭄ᬫᬭᬲᬾᬂᬩᬸᬤ᭄ᬟᬶᬦᬾ᭞ᬳᭂᬗ᭄ᬲᭂᬓ᭄ᬢᬯᬶᬱᬬᬾᬂᬯᬸᬯᬸᬲ᭄᭞ᬓᬧᬺᬧᭂᬓᬦᬶᬓᬂᬓᬵᬧ᭄ᬢᬶ᭞ᬲᬶᬦᬫ᭄ᬗᬸᬢ᭄ᬮᬸᬗᬬᬦᬶᬭ᭞ᬓᬭᭀᬫᬢᭂᬭᬾᬂ
[᭒᭗ 27A]
ᬲᬂᬫ᭄ᬧᬸ᭞ᬳᬭᬱᬫ᭄ᬫᭂᬡ᭄ᬟᭂᬓᬦᭂᬫ᭄ᬩᬄ᭞ᬳᬗᬵᬓ᭄ᬱᬫ᭞ᬳᬢᬸᬭᬾᬳᬤᬸᬮᬸᬃᬢᬗᬶᬲ᭄᭞ᬳᬸᬭᬶᬧᬦᬳᬸ᭠ᬮᬸᬦ᭄ᬢᬸᬳᬦ᭄᭟᭒᭖᭟ᬫᬗ᭄ᬓᬾᬳᬸᬮᬸᬦ᭄ᬳᬦ᭄ᬟᬵᬲᬶᬄᬲᬂᬋᬱᬶ᭞ᬲᬧᬦᬤ᭄ᬬ᭞ᬲᬤᬾᬭᬵᬗ᭄ᬭᬾᬳᬦ᭞ᬢᬦ᭄ᬯᬶᬯᬮᬾᬂᬲᬓᬲᬵ
ᬚ᭄ᬜᬾ᭞ᬓᬢ᭄ᬓᬾᬂᬚᬕᬢ᭄ᬧᬭᬧ᭄ᬭᬪᬸ᭞ᬲᬓᬲᬗ᭄ᬳᬦᬶᬂᬧᬺᬢᬶᬯᬶ᭞ᬲᬓᬸᬗ᭄ᬓᬸᬮᬦᬶᬂᬳᬓᬰᬵ᭞ᬲᬫᬓᬵᬢᬸᬭᬾᬂᬲᬂᬫ᭄ᬧᬸ᭞ᬬᬦ᭄ᬳᬦᬢᬦ᭄ᬲᬾᬤᭂᬧᬶᬂᬯ᭄ᬯᬂ᭞ᬲᬧ᭄ᬭᬦᬵᬣ᭞ᬢᬦ᭄ᬭᭀᬯᬂᬳᬸᬮᬸᬦ᭄ᬫᬵᬢ᭄ᬬᬦᬶ᭞ᬗ᭄ᬳᬶᬂᬬᬦ᭄ᬲᬵᬫ᭄ᬧᬸᬦ᭄ᬲᬶᬦᭀ
ᬫᬾᬳᬦ᭄᭛᭜᭛ᬧᬸᬄᬲᬶᬦᭀᬫ᭄᭟᭑᭟ᬦᬳᬦ᭄ᬫᬸᬯᬸᬲ᭄ᬫᬦᬭᬦᬵᬣ᭞ᬗᬵᬓ᭄ᬱᬫᬲᬳᬵᬯᭀᬢ᭄ᬲᬭᬶ᭞ᬲᬂᬋᬱᬶᬳᬗᬸᬘᬧᬮᭀᬦ᭄᭞ᬳᬳᬸᬫᬳᬸᬫ᭄ᬦᬺᬧᬢᬶ᭞ᬳᬬ᭄ᬯᬢᬲᬗ᭄ᬲᬬᬾᬂᬳᬸᬭᬶᬧ᭄᭞ᬬᬦ᭄ᬲᬵᬫ᭄ᬧᬸᬦ᭄ᬓᬶ
ᬢᬲᬮᬸᬮᬸᬢ᭄᭞ᬲᬾᬓᬲᬾᬮ᭄ᬯᬶᬦᬶᬗᬵᬲ᭄ᬢᬶᬦ᭞ᬫᬓᬥᬃᬫ᭄ᬫᬦᬶᬗᬦᬶᬯᬶ᭞ᬗᬤᬸᬢᬸᬢᬸᬃ᭞ᬲᬰᬦᬦ᭄ᬭᬢᬸᬳᬸᬢ᭄ᬢᬫ᭟᭒᭟ᬢᬢᬢᬢᬢᬶᬢᬢ᭞ᬢᬢᬢᬸᬢᬸᬢᬶᬢᬶᬢᬸᬢᬶ᭞ᬢᬢᬲ᭄ᬢᬸᬢᬸᬃᬢᬢ᭄ᬯᬢᭀᬦ᭄ᬢᬾᬦ᭄᭞ᬢᭂᬢᭂᬄ
Kaca:Bali-lontar-gaguritan-pandawa-dasa-01-300ppi.pdf/27
Kaca puniki sampun kauji-wacén
