Kaca:Bali-lontar-gaguritan-pandawa-dasa-01-300ppi.pdf/23

Saking Wikisource
Kaca puniki sampun kauji-wacén

[᭒᭒ 22B]
᭒᭒
ᬦ᭄ᬫᬶ᭞ᬲᬗ᭄ᬓᬦ᭄ᬤᬤᬶᬓᬫᬦᬸᬱᬵᬦ᭄᭟᭒᭟ᬤᬗᬸᬓᬯ᭄ᬭᬸᬳᬦᬮᬓᬶ᭞ᬗᬹᬦᬷᬧᬹᬃᬯ᭄ᬯ᭞ᬲᬂᬳ᭄ᬬᬂᬘᬢᬸᬃᬫᬸᬓᬵ᭞ᬧᬜ᭄ᬘᬗᬹᬦᬶᬫᬵᬲ᭄ᬢᬓᬦᬾ᭞ᬲᬶᬦᬶᬫ᭄ᬧᭂᬦ᭄ᬢᬸᬗ᭄ᬕᬮ᭄ᬭᬶᬂᬢᬦᬸ᭞ᬳ᭄ᬬᬂᬕᬡᬵᬓᭀᬦᬗ᭄ᬯᬲ᭄ᬢᬦᬶᬦ᭄᭞ᬯᬸᬯᬸᬲᬶᬭᬳ᭄ᬬᬂᬕᬡᬵ᭞ᬲᬶ
ᬗ᭄ᬕᬶᬄᬯ᭄ᬬᬓ᭄ᬢᬶᬫᬸᬓᬘᬢᬸᬃ᭞ᬢᬦ᭄ᬳᬦᬬᬍᬯᬶᬳᬦ᭞ᬩ᭄ᬭᬳ᭄ᬫᬵᬗᬸᬘᬧ᭄᭞ᬫᬹᬥᬲᬶᬭᬂᬕᬡᬵᬫᬹᬃᬢ᭄ᬢᬶ᭞ᬳᬸᬮᬸᬧᬜ᭄ᬘᬢᬦ᭄ᬓᬯ᭄ᬭᬸᬳᬵ᭟᭓᭟ᬩᬯᬶᬲᬶᬓᬸᬗᬫᬾᬢᬦᬫᬗ᭄ᬓᬶᬦ᭄᭞ᬳᬸᬮᬸᬦᬶᬭᬵ᭞ᬳ᭄ᬬᬂᬕᬸᬭᬸᬳᬶᬰ᭄ᬯᬭ᭞ᬲᬶᬭᬯ᭄ᬭᬸᬄ
ᬭᬶᬂᬧᬬ᭄ᬯᬤᬶᬦᬾ᭞ᬰ᭄ᬭᬸᬓᬶᬦᬸᬧᬓ᭄ᬫᬵᬲ᭄ᬢᬓᬦᬾᬓᬸ᭞ᬗ᭄ᬳᬶᬂᬢᬦ᭄ᬳᬦᬳᬗᬯ᭄ᬭᬸᬳᬶ᭞ᬫᬗᬂᬢᬲᬶᬭᬳ᭄ᬬᬂᬩ᭄ᬭᬳ᭄ᬫᬵ᭞ᬳᬸᬮᬸᬦᬶᬭᬦᭀᬭᬓᬦ᭄ᬢᬸᬦ᭄᭞ᬓᬤᬳᬢᬦ᭄ᬭᬸᬦ᭄ᬢᬶᬓᬶᬭ᭞ᬭᬶᬂᬳ᭄ᬬᬂᬕᬡᬵ᭞ᬩ᭄ᬭᬳ᭄ᬫᬵᬯᭂᬢ᭄ᬯᬲᬢᬩᬸᬬᬶ᭞ᬲ
ᬢᬸᬲ᭄‌ᬤ᭄ᬮᬧᬦ᭄ᬢᬵᬓ᭄ᬯᬾᬳᬶᬭᬵ᭟᭔᭟ᬤᬤᬶᬫᬸᬦ᭄ᬤᬸᬃᬲᬂᬳ᭄ᬬᬂᬕᬡᬫᬹᬃᬢ᭄ᬢᬶ᭞ᬦᬳᭂᬦ᭄ᬪᬵᬬ᭞ᬦᬗᬶᬲ᭄ᬳᬫ᭄ᬓᬸᬮ᭄ᬧᬵᬤ᭄᭞ᬭᬶᬂᬮᬸᬗ᭄ᬕᬸᬄᬳ᭄ᬬᬂᬕᬸᬭᬸᬰ᭄ᬯᬭᬾ᭞ᬳ᭄ᬬᬂᬕᬸᬭᬸᬰ᭄ᬯᬭᬾᬳᬫᬸᬯᬸᬲ᭄᭞ᬩᬧᬳᬸᬯᬸᬲᬦ᭄ᬢᬗᬶᬲᬾ᭞ᬳᬸᬮᬸᬦ᭄ᬫᬗ᭄ᬓᬾ
[᭒᭓ 23A]
ᬫᬮᬗᬦ᭞ᬳᬶᬮᬗᬦᬶᬂᬩᬹᬢᬳᬶᬓᬸ᭞ᬰᬷᬲᬶᬭᬳᬦ᭄ᬩᬲ᭄‌ᬦᬓᬵ᭞ᬓᬶᬦᬬᭀᬕ᭞ᬤᬤᬶᬧᬜ᭄ᬘᬤᬾᬯᬢᬋᬱᬶ᭞ᬫᬓᬰᬢ᭄ᬭᬸᬦᬶᬓᬂᬪᬹᬢᬵ᭟᭕᭟ᬢᬦ᭄ᬤᬸᬢᬸᬮᬸᬲᬗᬤᬓᭂᬦ᭄ᬓᬵᬮᬶ᭞ᬲᬢᬪᬹᬢ᭞ᬓᬮᬯᬦ᭄ᬧᬜ᭄ᬘᬦᬓᬵ᭞
ᬳᬦ᭄ᬢ᭄ᬬᬦ᭄ᬢᬭᬵᬫ᭄ᬬᬦᬶᬂᬧ᭄ᬭᬗᬾ᭞ᬓᬲᭀᬃᬲᬢᬪᬹᬢᬳᬶᬓᬸ᭞ᬲᬫᬬᬵᬗ᭄ᬫᬲᬶᬦ᭄ᬧᬢᬶ᭞ᬓ᭄ᬭᭀᬥᬲᬶᬭ᭠ᬲᬂᬳ᭄ᬬᬂᬩ᭄ᬭᬳ᭄ᬫᬵ᭞ᬧᬜ᭄ᬘᬦᬓᬵᬚ᭄ᬭᬶᬄᬓᬩᬸᬭᬸ᭞ᬳᬫ᭄ᬰᬶᬮ᭄ᬲᬶᬭᬭᬶᬂᬧᬵᬤᬳ᭄ᬬᬂ᭞ᬕᬸᬭᬸᬰ᭄ᬯᬭ᭞ᬳᬯ᭄ᬤᬶᬳ᭄ᬬᬂᬩ᭄ᬭᬳ᭄ᬫᬵᬦᬹᬢ᭄ᬩᬸᬭᬶ᭞ᬮᬸ
ᬗ᭄ᬳᬵᬭᬶᬂᬰᬯᬦᬶᬂᬪᬹᬢᬵ᭟᭖᭟ᬳᬯ᭄ᬮᬲᬶᬂᬳ᭄ᬬᬸᬦ᭄ᬲᬂᬳ᭄ᬬᬂᬩ᭄ᬭᬳ᭄ᬫᬵᬗᬓ᭄ᬱᬶ᭞ᬧᬸᬦᬂᬰᬯ᭞ᬰᬶᬖ᭄ᬭᬳᬶᬦ᭄᭠ᬭᬶᬧᬦ᭄᭞ᬲᬓ᭄ᬱᬡᬳᬸᬭᬶᬧ᭄‌ᬪᬹᬢᬦᬾ᭞ᬲᬂᬳ᭄ᬬᬂᬩ᭄ᬭᬳ᭄ᬫᬵᬲᬶᬭᬵᬦᬸᬤᬸᬄ᭞ᬭᬶᬂᬫᬤ᭄ᬬᬮᭀᬓᬵᬳᬜ᭄ᬚᬦ᭄ᬫᬶ᭞ᬤᬤᬶᬓᬸᬮᬤᬺ
ᬢᬭᬵᬲ᭄ᬢ᭄ᬭ᭞ᬓᬸᬦᭂᬂᬲᬂᬧᬜ᭄ᬘᬦᬓᬾᬓᬸ᭞ᬭᬶᬂᬲᬂᬧᬵᬡ᭄ᬥᬸᬓᭀᬦᬜ᭄ᬚᬦ᭄ᬫ᭞ᬫᬯᬥᬃᬫ᭄ᬫ᭞ᬳ᭄ᬬᬂᬕᬸᬭᬸ᭠ᬰ᭄ᬯᬭᬵᬦᬸᬤᬸᬳᬶᬦ᭄᭞ᬳᬫ᭄ᬚᬳᬦᬲᬢᬪᬹᬢᬵ᭟᭗᭟ᬲᬗ᭄ᬕ᭄ᬯᬦᬶᬓᬸᬲᬢᬪᬹᬢᬵᬜ᭄ᬚᬦ᭄ᬫᬾ᭞ᬧᬜ᭄ᬘᬦᬓᬵ᭞ᬬᭀᬕ᭄ᬬᬫ