[᭑᭖ 16B]
᭑᭖
ᬗᬾᬂᬓᬸᬤ᭞ᬳᬲ᭄ᬢᬶᬧᬥᬢᭂᬫ᭄ᬯᬾᬂᬳᬲ᭄ᬢᬶ᭞ᬭᬣᬵᬧ᭄ᬭᬂᬭᬣ᭞ᬢᬗᬾᬄᬬᬧᬥᬵᬗ᭄ᬫᬲᬶᬦ᭄᭟᭑᭕᭟᭠ᬫᬸᬦ᭄ᬤᬸᬃᬧ᭄ᬯᬾᬓᬂᬩᬮᬲᬯᭀᬂᬯᬢᭂᬓ᭄ᬓᬸᬭᬸᬯᬵ᭞ᬫᬤᭂᬕ᭄ᬲᬸᬕᬡ᭄ᬟᬦᬺᬧᬢᬶ᭞ᬳᬦᬶᬢᬶᬳᬶᬂᬭᬣ᭞ᬩᬸᬩᬃᬲᬶᬂᬧᬶᬦᬋᬕ᭄ᬕᭂᬧᬂ᭞
ᬓᬸᬓᬸᬤ᭄ᬢᬦ᭄ᬯᬦᬶᬳᬧᬸᬮᬶᬄ᭞ᬲᬯᭀᬗᬶᬂᬫᬤ᭄ᬭ᭞ᬫᬮᬬᬹᬳᬓ᭄ᬯᬾᬄᬢᬦ᭄ᬯᬦᬶ᭟᭑᭖᭟ᬲᬂᬰᬵᬮ᭄ᬬᬦᬵᬣᬓᬵᬃᬬ᭄ᬬᬾᬂᬧᬸᬭᬳ᭄ᬢᬶᬦ᭞ᬳᬗᬺᬗᭃᬯᬤᬤ᭄ᬯᬦ᭄ᬬᬳᭂᬦ᭄ᬢᬶ᭞ᬓ᭄ᬭᭀᬥᬭᬢᬸᬦᬮ᭞ᬯᬸᬲ᭄ᬳᬫ᭄ᬯᬶᬢᬶᬂᬥᬺᬣᬭᬵᬱ᭄ᬝ᭄ᬭ᭞ᬧᬵᬡ᭄ᬥᬸᬯᬶ
ᬥᬸᬭᬲᬫᬵᬫ᭄ᬯᬶᬢ᭄᭞ᬧᬥᬧᬫᭂᬢ᭄ᬯ᭞ᬳᭀᬧᭂᬦ᭄ᬲᬯᭀᬂᬢᬡ᭄ᬟᬫᬦ᭄ᬢ᭄ᬭᬶ᭟᭑᭗᭟ᬬ᭄ᬬᬃᬗ᭄ᬓᬢ᭄ᬰ᭄ᬭᬷ᭠ᬰᬮ᭄ᬯᬲᬓᬾᬂᬭᬵᬚ᭄ᬬᬳᬲ᭄ᬢᬶᬦ᭞ᬧᬵᬡ᭄ᬥᬸᬰᬮ᭄ᬯᬵᬬᬦᬶᬦᬸᬗ᭄ᬲᬶ᭞ᬲᬾᬭᬶᬂᬮᬦ᭄ᬯᬶᬥᬸᬭ᭞ᬰᬵᬮ᭄ᬬᬫᬸᬗ᭄ᬲ᭄ᬬᬾᬂᬰ᭄ᬭᬶᬲᬸᬕ᭠
ᬡ᭄ᬟ᭞ᬧ᭄ᬭᬵᬧ᭄ᬢᬾᬂᬭᬡᬗ᭄ᬕᬡᬵᬢᬦ᭄ᬤᬶᬂ᭞ᬲᬶᬗ᭄ᬳᬵᬯᬶᬓ᭄ᬭᬫ᭞ᬧᬥᬵᬭᬣᬦ᭄ᬬᬵᬢᬗ᭄ᬓᬶᬲ᭄᭟᭑᭘᭟ᬧᬥᬘᭂᬧᭂᬢ᭄ᬤᬭᬸᬓᬶᬦ᭄ᬬᬧᬥᬯᬶᬤᬕ᭄ᬟ᭞ᬘ᭄ᬢᬾᬂᬓᬦᬦ᭄ᬘ᭄ᬢᬾᬂᬓᬾᬭᬶ᭞ᬓᬸᬬᭂᬗᬦ᭄ᬧᬮᬕᬵᬦ᭄᭞ᬓᬸᬤᬦ᭄ᬬᬧᬥᬧ᭄ᬭ
[᭑᭗ 17A]
ᬣᬫ᭞ᬲᬶᬮᬶᬄᬧᬦᬄᬲᬶᬮᬶᬄᬳᬸᬗ᭄ᬲᬶ᭞ᬲᬶᬮᬶᬄᬘᬶᬤ᭄ᬭᬦᭂᬦ᭄᭞ᬢᬦ᭄ᬳᬦᬓᬲᭀᬭᬦ᭄ᬢᬗ᭄ᬓᬶᬲ᭄᭟᭑᭙᭟ᬳᬲ᭄ᬯᬾᬧ᭄ᬭᬂᬦ᭄ᬬᬲᬂᬭ᭄ᬯᬵᬧᬥᬯᬶᬰᬾᬱᬵ᭞ᬧᬥᬵᬫᭂᬢ᭄ᬯᬓᭂᬦ᭄ᬓᬰᬓ᭄ᬢᬶᬦ᭄᭞ᬲᬸᬕᬡ᭄ᬟᬵᬢᬶᬭᭀᬤ᭄ᬭ᭞ᬲᬳᬲᬫᬦᬭᬶ
ᬓ᭄ᬮᬭᬲ᭄᭞ᬳ᭄ᬭᬹᬧᬜ᭄ᬘᬵᬕ᭄ᬦᬶᬬᬦ᭄ᬫᬶᬦᬸᬱ᭄ᬝᬶ᭞ᬰᬷᬖ᭄ᬭᬮᬶᬦ᭄ᬧᬲ᭄᭞ᬳᬲᭀᬭᭀᬢ᭄ᬤᬶᬮᬳᬶᬂᬗᬧᬸᬬ᭄᭟᭒᭐᭟ᬫᬸᬭᬸᬩ᭄ᬲᬯᬸᬓᬶᬭᬦᬘᬯᬂᬦᬡ᭄ᬟᬩ᭄ᬯᬦᬵ᭞ᬰ᭄ᬭᬷᬰᬵᬮ᭄ᬬᬬᬢ᭄ᬦᬦ᭄ᬤᬸᬓᬶᬦ᭄᭞ᬳ᭄ᬭᬹᬩ᭄ᬭᬹᬡᬳᬶᬦᬬᬢ᭄᭞ᬧᬫᬧ᭠
ᬕᬶᬗᬕ᭄ᬦᬶᬰᬭᬵ᭞ᬫᬶᬚᬶᬮ᭄ᬯᬾᬦᬶᬓᬂᬰᬬᬓᬶ᭞ᬮ᭄ᬯᬶᬃᬳᬮᬸᬦ᭄ᬧᬲᬂ᭞ᬬᬢᬳᬦᬶᬭᬫᬶᬗᬵᬧᬸᬬ᭄᭟᭒᭑᭟ᬓᬕ᭄ᬬᬢ᭄ᬲᬸᬕᬡ᭄ᬟᬭᬶᬢ᭄ᬮᬲᬶᬂᬳᬕ᭄ᬦᬶᬲᬭ᭞ᬫᬸᬦ᭄ᬢᬩ᭄ᬓ᭄ᬭᭀᬥᬢᬦᬕᬶᬕᬶᬲ᭄᭞ᬳ᭄ᬭᬹᬓᭀᬢᬶᬮᬶᬦ᭄ᬧᬲ᭄᭞ᬓᬯᭂ
ᬗᬦ᭄ᬰ᭄ᬭᬷᬰᬮ᭄ᬬᬦᬵᬣ᭞ᬳᬦᬧᬯᬾᬄᬦᬶᬭᬗᬸᬦᬶ᭞ᬲᬶᬓᬸᬡ᭄ᬟᬵᬚᬬ᭞ᬬᬾᬓᬫᬗ᭄ᬓ᭄ᬬᬓᬗᬶ᭠ᬦᬶᬱ᭄ᬝᬶ᭟᭒᭒᭟ᬫᬶᬚᬶᬮ᭄ᬧ᭄ᬯᬓᬂᬓᬵᬮᬭᭀᬭᭀᬓ᭄ᬭᬸᬭᬵᬓᬭ᭞ᬕᬮᬓ᭄ᬦ᭄ᬬᬢᬦ᭄ᬲᬶᬦᬶᬧᬶ᭞ᬲᬶᬂᬫᬧᬕ᭄ᬪᬶᬦᬵᬓ᭄ᬱ᭞ᬓᬸ
Kaca:Bali-lontar-gaguritan-pandawa-dasa-01-300ppi.pdf/17
Kaca puniki sampun kauji-wacén
