[᭑᭐᭔ 104B]
᭑᭐᭔
᭔᭕᭟ᬯᬺᬓᭀᬥᬭᬲᬳᬲᬫᬸᬧᬸᬄ᭞ᬲᬂᬓᬮᬳᬸᬚᬭᬾ᭞ᬩᬶᬄᬪᬷᬫᬫ᭄ᬯᬄᬓᬶᬢᬧ᭄ᬭᬵᬧ᭄ᬢᬶ᭞ᬫᬗ᭄ᬓᬾᬧᬸᬢᬸᬮᬸᬲ᭄ᬢᬥᬄᬗᭀᬂ᭞ᬯᬺᬓᭀᬥᬭᬵᬲ᭄ᬭᬸᬳᬫᬸᬯᬸᬲ᭄᭞ᬳᬓᬸᬤᬸᬤᬹᬗᬭᬦ᭄ᬪᬷᬫ᭞ᬯᬺᬓᭀᬥᬭᬵᬭᬦᬾᬲ᭄ᬬᬓᬸ᭞ᬧᬫᬤᬾᬭᬶᬂᬦᬸᬱᬵᬫ᭄ᬩᬭ᭞
ᬪᬷᬫᬵᬓᭀᬦᬸᬫᬢ᭄ᬬᬾᬂᬓᬶᬢ᭟᭔᭖᭟ᬬᬦ᭄ᬯᬦᬶᬧ᭄ᬚᬄᬮᬯᬦᬦᬾᬲ᭄ᬬᬓᬸ᭞ᬧᬓ᭄ᬱᬳᬸᬭᬶᬧ᭄ᬫᬗ᭄ᬓᬾ᭞ᬲᭂᬫ᭄ᬩᬳᭂᬦ᭄ᬧᬜ᭄ᬘᬵᬢ᭄ᬫᬲᬫᬶ᭞ᬮᬦᬓᬶᬢᬢᬸᬗ᭄ᬕ᭄ᬯᬾᬂᬯᬦ᭞ᬬᬦ᭄ᬢᬦ᭄ᬪᬓ᭄ᬢᬶᬢᬦ᭄ᬯᬸᬦ᭄ᬳᬦ᭄ᬢᬸ᭞ᬲᬂᬓᬮᬧᬕ᭄ᬭᬾᬬᬂᬗᬸᬘᬧ᭄᭞ᬩᬶᬄᬯᬺᬓᭀᬥᬭᬓ᭠
ᬤᬮᬸᬭᬸᬂ᭞ᬫᬸᬘᬧᬶᬗᭀᬂᬫ᭄ᬩᬦ᭄ᬳᬸᬭᬶᬧ᭄ᬢ᭞ᬢᬦ᭄ᬯᬸᬭᬸᬂᬳᬶᬦᬭᬫᬗ᭄ᬲ᭟᭔᭗᭟ᬧᬥᬓ᭄ᬭᭀᬥᬲᬶᬭᬬᬦᬧᬕᬸᬢ᭄᭞ᬯᬺᬓᭀᬥᬭᬫᬗ᭄ᬓᬾ᭞ᬋᬩᬸᬢ᭄ᬓᬶᬦᭂᬫ᭄ᬩᬸᬮᬦ᭄ᬢᬜ᭄ᬚ᭄ᬭᬶᬄ᭞ᬓ᭄ᬦᬾᬂᬳ᭄ᬭᬹᬫᬶᬗ᭄ᬓᬶᬦ᭄ᬕᬃᬚ᭄ᬚᬶᬢ᭞ᬢᬦ᭄ᬮᬾᬦ᭄ᬪᬷᬫᬤᬾᬦ᭄ᬬᬧᬕᬸᬢ᭄᭞ᬓᬮᬪᬺᬕᬸᬳ
ᬫ᭄ᬭᬶᬄᬘᬶᬤ᭄ᬭ᭞ᬓᬘᬶᬤ᭄ᬭᬲᬶᬭᬕᬶᬦᬸᬢᬸᬓ᭄᭞ᬩᭂᬦ᭄ᬢᬃᬰᬶᬭᬄᬭᬄᬦ᭄ᬬᬫᬸᬜ᭄ᬘᬃ᭞ᬫᬢᬶᬲᬶᬭᬢᬦ᭄ᬧᬩᬶᬲ᭟᭔᭘᭟ᬲᬓ᭄ᬱᬡᬲᬶᬭᬯᬮᬸᬬ᭄ᬳ᭄ᬬᬂᬪᬺᬕᬸ᭞ᬓᬭᬶᬲᬶᬭᬳᬗᬾᬃ᭞ᬮᬸᬓᬢᬦᬶᬂᬤᬿᬢ᭄ᬬᬲᬫᬶ᭞ᬲᬂᬓᬮᬬᬳᬯᬲ᭄ᬢᬸᬫᭀᬦ᭄᭞
[᭑᭐᭕ 105A]
ᬬᬾᬦ᭄ᬳ᭄ᬬᬂᬪᬺᬕᬸᬮᬸᬓᬢ᭄ᬲᬵᬫ᭄ᬧᬸᬦ᭄᭞ᬲᬫᬕᬶᬭᬂᬬᬰᬾᬭᬡ᭞ᬳᬦᬢᬦ᭄ᬧᬲᬭᬗᬫᬸᬓ᭄᭞ᬮᬾᬦ᭄ᬢᬾᬓᬂᬳᬜᬸᬦ᭄ᬬᬩ᭄ᬭᬢ᭞ᬳᬫ᭄ᬭᬶᬄᬰᬶᬖ᭄ᬭᬮᬶᬦᬸᬓᬢᬦ᭄᭟᭔᭙᭟ᬯᬺᬓᭀᬥᬭᬢᬦ᭄ᬳᬮᬂᬗ᭄ᬕᬸᬕᬸᬢᬸᬓ᭄᭞ᬧ᭄ᬭᬡᬦᬶᬂᬤᬿᬢ᭄ᬬᬦᬾᬕᬤᬵ
ᬦ᭄ᬬᬢᬦ᭄ᬧᬗᬸᬤᬶᬮᬶ᭞ᬓᬢᭀᬦ᭄ᬤᬾᬲᬗᬦ᭄ᬢᭂᬦ᭄ᬓᬭᭀ᭞ᬲᬤᬾᬯᬲᬶᬭᬗ᭄ᬮᭂᬧᬲᬶᬳ᭄ᬭᬹ᭞ᬭ᭄ᬯᬤᬾᬯᬧᬋᬗᬫᬦᬄ᭞ᬧᬵᬃᬣᬥᬃᬫ᭄ᬫᬯᬗ᭄ᬰᬢᬸᬫᬹᬢ᭄᭞ᬳᬲᬲᬭᬦ᭄ᬫᬸᬗ᭄ᬕ᭄ᬯᬶᬂᬭᬣ᭞ᬲᬸᬧ᭄ᬦᬸᬄᬢᬶᬢᬶᬧ᭄ᬭᬶᬂᬧᬧ᭄ᬭᬗᬦ᭄᭟᭕᭐᭟ᬓᬵᬮᬲᬫᬵᬗ᭄ᬮᭂᬧᬲ᭄ᬳ᭄ᬭᬹ᭞ᬘᬶᬂᬘᬾᬂ
ᬧ᭄ᬭᬓᬶᬢ᭄ᬳ᭄ᬭᬹᬦᬾ᭞ᬕᬤᬦ᭄ᬬᬢᬦ᭄ᬧᬗᬸᬤᬶᬮᬶ᭞ᬓ᭄ᬭᭀᬥᬯᬺᬓᭀᬥᬭᬫᬗ᭄ᬓᭀ᭞ᬯᭂᬢ᭄ᬯᬩᬵᬬᬸᬩᬚ᭄ᬭᬵᬗ᭄ᬮᬶᬦᬸᬲ᭄᭞ᬓᬩ᭄ᬯᬂᬲᬭᬓᬳᬩᬮᬂ᭞ᬲᭂᬫ᭄ᬧᬮ᭄ᬧᬧᬮ᭄ᬳᬭᬸᬭᬸᬩᬸᬄ᭞ᬓᬮᬤᬾᬯᬫᬗ᭄ᬓ᭄ᬬᬢᬦ᭄ᬤᬂ᭞ᬲᬤᬾᬯᬳᬶᬦᬸᬗ᭄ᬲ᭄ᬬᬾᬂ
ᬰᬭ᭟᭕᭑᭟ᬢᬶᬩᬵᬭᬣᬲᬤᬾᬯᬭᬸᬲᬓ᭄ᬲ᭄ᬬᬄ᭞ᬤᬸᬮᬸᬃᬮᬦ᭄ᬮᬭᬲᬾ᭞ᬳᬲ᭄ᬗᬶᬢ᭄ᬫᬍᬲ᭄ᬳᬶᬫᬶᬢᬶᬢᬶᬲ᭄᭞ᬧ᭄ᬕᬢ᭄ᬕᬸᬮᬸᬦ᭄ᬬᬵᬢ᭄ᬫᬄᬓᬭᭀ᭞ᬓᬮᬤᬾᬯᬳᬯᬸᬯᬸᬲ᭄ᬧᬸᬧᬸᬢ᭄᭞ᬩ᭄ᬬᬓ᭄ᬢᬤᬤᬶᬳ᭄ᬬᬂᬧᬸᬮᬫ᭄ᬝ᭄ᬬ᭞ᬫ᭄ᬮᭂᬘᬸᬢ᭄ᬳᬗᬾᬭᬶᬂᬯᬸᬦᬯᬸᬲ᭄᭞ᬫ
Kaca:Bali-lontar-gaguritan-pandawa-dasa-01-300ppi.pdf/105
Kaca puniki sampun kauji-wacén
