[᭑᭐᭒ 102B]
᭑᭐᭒
ᬲᬓᭂᬦᬕ᭄ᬦᬶᬫᬸᬭᬸᬩ᭄᭞ᬧᬓ᭄ᬱᬶᬳᬘ᭄ᬮᬸᬩᬶᬂᬲᬵᬕᬭ᭞ᬯᬸᬲ᭄ᬮᬶᬜᬶᬢ᭄ᬫᭂᬲᬢ᭄ᬭᬶᬂᬮᬸᬳᬸᬃ᭞ᬳᬶᬦᬸᬤᬦᬦᬕ᭄ᬦᬶᬲᬭ᭞ᬳᬶᬮᬂᬳᬧᬸᬬ᭄ᬳᬸᬯᬸᬲᬸᬤᬦ᭄᭟᭓᭒᭟ᬫᬸᬦ᭄ᬢᬩ᭄ᬓ᭄ᬭᭀᬥᬲᬂᬓᬮᬭᬶᬂᬫᬦᬸᬓ᭄᭞ᬳᬶᬦᬬᬢ᭄ᬘᬧᬦᬾ᭞ᬳ᭄ᬭᬹᬲᬫᬫᭃᬃᬓᬮᬮᬢ᭄ᬭᬶ᭞
ᬲᬂᬧᬓ᭄ᬱᬶᬲᬶᬭᬢᬦ᭄ᬫᬦᭀᬦ᭄᭞ᬧᬢᬶᬲᬦ᭄ᬤᬂᬧᬢᬶᬲᬸᬦ᭄ᬤᬸᬂ᭞ᬪᬷᬫᬫᬶᬮᬸᬓᬧ᭄ᬢᭂᬗᬦ᭄᭞ᬲ᭄ᬬᬧᬓᬮᬲ᭄ᬬᬧᬫᬦᬸᬓᬓ᭞ᬬᬢᬳᬶᬦᬯᬕᬶᬂᬮᬕ᭞ᬲᬲᬶᬂᬫᬬᬬᬦ᭄ᬕᬶᬦᬤᬦ᭄᭟᭓᭓᭟ᬲᬺᬗᭂᬦ᭄ᬲᬂᬓᬮᬲ᭄ᬭᬸᬧ᭄ᬭᬬᬵᬦᬫ᭄ᬩᬸᬢ᭄᭞ᬪᬶᬫᬮᬦ᭄ᬧ
ᬓ᭄ᬱᬶᬦᬾ᭞ᬓᬜ᭄ᬘᬶᬢ᭄ᬳ᭄ᬬᬂᬳᬭᬸᬡᬧ᭄ᬭᬵᬧ᭄ᬢᬶ᭞ᬦᬫᬾᬢ᭄ᬪᬷᬫᬤᬸᬫᬓᬭᭀ᭞ᬓᬾᬲᬳᬦᬶᬂᬯᬦᬳᬶᬓᬸ᭞ᬧᬦ᭄ᬲᬂᬓᬮᬢᬦ᭄ᬯᭂᬦᬂᬮᬶᬯᬢ᭄᭞ᬫᬭᬶᬂᬕᬦ᭄ᬤᬫᬥᬦᬳᬶᬓᬸ᭞ᬮᬶᬗᬶᬭᬲᬂᬳ᭄ᬬᬗᬭᬸᬡ᭞ᬪᬷᬫᬳᬓᭀᬦ᭄ᬧᬫᬸᬮᬶᬳ᭟᭓᭔᭟ᬳᬸᬦ᭄ᬤᬗ
ᬦᬶᬂᬲᬦᬓᬶᬭᬘᬢᬸᬃ᭞ᬓᭀᬦ᭄ᬋᬗᬮᬕ᭞ᬲᬂᬤᬿᬢ᭄ᬬᬭᬶᬂᬯᬦᬢᬾᬓᬶ᭞ᬯᬸᬲᬗᬸᬘᬧ᭄ᬯᭃᬃᬓᬭᭀ᭞ᬲᬂᬪᬷᬫᬧ᭄ᬭᬬᬳᬸᬫᬦ᭄ᬢᬸᬓ᭄᭞ᬧ᭄ᬭᬵᬧ᭄ᬢᬲᬶᬭᬂᬥᬃᬫ᭄ᬫᬯᬗ᭄ᬰ᭞ᬲᬕ᭄ᬭᬶᬢᬦ᭄ᬤᬾᬦᬶᬭᬵᬮᬓᬸ᭞ᬓᬕ᭄ᬬᬢ᭄ᬫᬸᬮᬢ᭄ᬭᬵᬤᬾᬦ᭄ᬪᬶᬫ᭞
[᭑᭐᭓ 103A]
ᬲᭂᬗ᭄ᬕᬸᬄᬓᬓᬵᬭᬶᬦ᭄ᬬᬧ᭄ᬭᬵᬧ᭄ᬢ᭟᭓᭕᭟ᬕᬶᬭᬂᬳᬢᬶᬧᬋᬓᬦᬶᬂᬮᬓᬸ᭞ᬲᬂᬧᬶᬦᬭᬦ᭄ᬫᬗ᭄ᬓᬾ᭞ᬫᬦᭀᬦ᭄ᬯᬺᬓᭀᬥᬭᬓᬮᬶᬄ᭞ᬢᬦ᭄ᬳᬦᬓᬕᬶᬯᬂᬓᬭᬾ᭞ᬓᬗ᭄ᬕᭂᬓ᭄ᬲᬫᬲᬗᬦ᭄ᬤᬸᬮᬸ᭞ᬰ᭄ᬭᬷᬥᬃᬫ᭄ᬫᬯᬗ᭄ᬰᬳᬗᬸᬘᬧ᭄᭞ᬳᬸᬚᬭᬾᬲᬃᬚ᭄ᬚᬯᬫᬭᬹᬫ᭄᭞ᬤᬸᬄᬲᬗᬧᬓᬶᬢᬤᬾᬯ᭞ᬓᬘᬸᬦ᭄ᬤᬸᬓ᭄ᬭᬶᬂᬫᬃᬕ᭄ᬕᬯᬦ᭟᭓᭖᭟ᬳᬸᬮᬸᬦ᭄ᬢᬜᬚᬵᬢᬶᬦᬶᬓᬂ᭠ᬮᬓᬸ᭞ᬦ᭄ᬤᬶᬢᬮᬫ᭄ᬧᬳᬦᬾ᭞ᬳᬜᬸᬚᬸᬃᬮᬸᬗ᭄ᬕᬸᬄᬳ᭄ᬬᬂᬓᬸᬦ᭄ᬢᬶ᭞ᬫᬓᬤᬶᬚᭃᬧᬵᬡ᭄ᬥᬸᬧᬸᬢ᭄ᬭ᭞ᬲᬂᬪᬷᬫᬯᬯᬂᬳᬫᬸᬯᬸᬲ᭄᭞ᬓᬶᬢ
ᬲᬧᬬᬦ᭄ᬳᬢᬜ᭞ᬦ᭄ᬤᬶᬦ᭄ᬲ᭄ᬯᬯᬾᬰ᭄ᬫᬭᬵᬢ᭄ᬓᬯᭂᬗ᭄ᬓᬸ᭞ᬫᬓᬤᬶᬲᬧᬵᬭᬦ᭄ᬲᬫ᭞ᬲᬸᬭᬹᬧᬢᬸᬮ᭄ᬬᬧᬵᬡ᭄ᬟ᭠ᬯ᭟᭓᭗᭟ᬳᬸᬮᬸᬦ᭄ᬥᬃᬫ᭄ᬫᬯᬗ᭄ᬰᬬᬦ᭄ᬚᬸᬚᬸᬮᬸᬓ᭄᭞ᬭᬢᬸᬦᬸᬱᬵᬫ᭄ᬩᬭᬾ᭞ᬳᬓᬸᬯᬺᬓᭀᬥᬭᬳᬭᬶ᭞ᬲᬸᬦ᭄ᬧᬵᬃᬣᬫᬫ᭄ᬭᬸ
ᬚᬸᬦᬵᬫ᭞ᬲᬂᬭ᭄ᬯᬤᬾᬯᬲᬤᬾᬯᬵᬦᬸᬢ᭄᭞ᬓᭀᬘᬧ᭄ᬲᬫᬫᬤ᭄ᬭᬶᬲᬸᬢ᭞ᬲᬂᬩᬧᬲᬶᬭᬳ᭄ᬬᬂᬧᬵᬡ᭄ᬥᬸ᭞ᬲᬂᬉᬫᭀᬭᬶᬂᬰᬢᬰᬺᬗ᭄ᬕ᭞ᬳᬸᬮᬸᬦ᭄ᬲᬫᬵᬭᬦ᭄ᬧᬜ᭄ᬕᬵᬢ᭄ᬫ᭟᭓᭘᭟ᬯᭂᬦ᭄ᬢᭂᬦ᭄ᬢ᭄ᬮᭂᬢᬶᬓᬶᬓᬂᬯᬺᬣᬭᬯᬸᬄ᭞ᬓᬵᬯᬲᬭ
Kaca:Bali-lontar-gaguritan-pandawa-dasa-01-300ppi.pdf/103
Kaca puniki sampun kauji-wacén
