[᭑᭐᭐ 100B]
᭑᭐᭐
ᬤᬶᬋᬱ᭄ᬬ᭞ᬓᬜ᭄ᬘᬶᬢ᭄ᬧ᭄ᬭᬵᬧ᭄ᬢᬲᬶᬭᬂᬪᬷᬫ᭟᭑᭘᭟ᬢᬦ᭄ᬲᬄᬳᬫᬯᬕᬤᬵᬫᬶᬤᭂᬃᬮᬸᬫᬓᬸ᭞ᬗᬸᬮᬢᬶᬰᬦᬾ᭞ᬓᬕ᭄ᬬᬢᬶᬓᬂᬤᬿᬢ᭄ᬬᬲᬫᬶ᭞ᬢᭂᬫ᭄ᬩ᭄ᬬᬵᬩᭀᬫᬦᬸᬱᬵᬢᭀᬦ᭄ᬢᭀᬦ᭄᭞ᬕᬶᬭᬂᬳᬢᬶᬧ᭄ᬭᬬᭀᬦᬳᬸᬢ᭄᭞ᬳᬸᬚᬭᬾᬳᬗ᭄ᬭᬶ
ᬓ᭄ᬳᬲᬸᬕᬮ᭄᭞ᬓᬶᬢᬦᬭᬢᬫ᭄ᬩ᭄ᬬᬭᬯᬸᬄ᭞ᬮᬗ᭄ᬖ᭄ᬬᬢᬸᬫ᭄ᬭᬧᬶᬂᬓᬦᬦ᭞ᬓᬶᬢᬤᬓ᭄ᬳᬶᬦᬭᬫᬗ᭄ᬰ᭟᭑᭙᭟ᬲᬧᬓᬶᬢᬧᬭᬗ᭄ᬓᬾᬗᭀᬢᬦ᭄ᬯ᭄ᬭᬸᬄ᭞ᬦ᭄ᬤᬶᬢᬧ᭄ᬭᬤᬾᬰᬦᬾ᭞ᬲᬂᬪᬷᬫᬯᬯᬂᬦᬳᬸᬭᬶ᭞ᬳᬓᬸᬧᬵᬡ᭄ᬟᬯᬯ᭄ᬭᬸᬳᬦ᭄ᬓᭀ᭞ᬪᬷᬫᬳᬭ
ᬦᬾᬲ᭄ᬬᬓᬸ᭞ᬭᬢᬸᬫᬭᬶᬂᬳᬶᬦ᭄ᬤ᭄ᬭᬧ᭄ᬭᬱ᭄ᬝ᭞ᬲᬂᬤᬿᬢ᭄ᬬᬲᬸᬓᬳᬗ᭄ᬭᬸᬗᬸ᭞ᬬᬦ᭄ᬚᬵᬢᬶᬓᬶᬢᬧᬵᬡ᭄ᬟᬯ᭞ᬲᬸᬧᬢᬶᬗᭀᬂᬤᬰᬤᬿᬢ᭄ᬬ᭟᭒᭐᭟ᬲᬓᬾᬂᬮᬯᬲ᭄ᬗᭀᬂᬭᬶᬂᬯᬦᬫᬸᬗ᭄ᬕᬸᬄ᭞ᬓᬶᬢᬓᬂᬳᬶᬦᬧᬾ᭞ᬮᬸᬓᬢᬦᬶᬂᬲᭀᬢ᭄ᬳ᭄ᬬᬂᬭᬹᬘᬶ᭞
ᬲᬂᬪᬷᬫᬲᬶᬭᬵᬯᬘᬦ᭞ᬓᬶᬢᬲᬧᬤᬿᬢ᭄ᬬᬳᬶᬓᬸ᭞ᬳᬶᬗᭀᬂᬗᬭᬦ᭄ᬓᬮᬮᬸᬳᬶᬢ᭞ᬓᬮᬲᭀᬭᬓᬮᬪᬺᬕᬸ᭞ᬓᬮᬮᬸᬤ᭄ᬭᬓᬮᬤᬾᬯ᭞ᬦᬢ᭄ᬭᬶᬯᬶᬱ᭄ᬡᬸᬓᬺᬢᬸᬓᬮ᭟᭒᭑᭟ᬓᬮᬤᬓ᭄ᬱᬳᬶᬗᭀᬂᬓᬂᬧᬫᬸᬗ᭄ᬲᬸ᭞
[᭑᭐᭑ 101A]
ᬬᭀᬕ᭄ᬬᬮᬸᬓᬢᬦᬾ᭞ᬲᬂᬪᬷᬫᬯᬯᬂᬦᬳᬸᬭᬶ᭞ᬢᬦ᭄ᬳᬋᬧ᭄ᬳᬓᬸᬮᬸᬓᬢ᭄ᬓᭀ᭞ᬳᬓᬸᬫᬸᬤᬢᬦ᭄ᬳᬦᬯ᭄ᬭᬸᬄ᭞ᬳᬓᬸᬮᬸᬗ᭄ᬳᬵᬕᬕᬜ᭄ᬘᬗᬦ᭄᭞ᬲᬂᬤᬿᬢ᭄ᬬᬲᬸᬕᬮ᭄ᬳᬫᬸᬯᬸᬲ᭄᭞ᬦᬯ᭄ᬬᬢᬤᬸᬤᬹᬲᬂᬪᬶᬫ᭞ᬚᬵᬢᬶᬫᬭᬧᬸᬭᬧᬦ᭄᭟᭒᭒᭟
ᬓᬵᬋᬧᬶᬗᭀᬂᬗᬺᬩᬸᬢ᭄ᬳᬦᬤᬄᬫᬸ᭞ᬲᬂᬪᬷᬫᬳᬸᬚᬭᬾ᭞ᬬᬓᬾᬤᬿᬢ᭄ᬬᬲᬧᬸᬮᬸᬄᬲᬶᬓᬶ᭞ᬢᭀᬕᬦᬓᬤᬂᬫᬸᬫᬗ᭄ᬓᭀ᭞ᬓᭀᬦ᭄ᬋᬩᬸᬢᬦᬲ᭄ᬬᬓᬸ᭞ᬫᬲᬳᬓᬸᬳᬚ᭄ᬭᬶᬳᬦ᭞ᬲᬂᬤᬿᬢ᭄ᬬᬵᬲ᭄ᬭᬸᬲᬶᬭᬵᬗᬺᬩᬸᬢ᭄᭞ᬢᬦ᭄ᬓᬾᬯᭂᬭ
ᬦ᭄ᬭᭀᬤᬾᬦ᭄ᬪᬷᬫ᭞ᬭᬶᬦᭂᬩᬸᬢ᭄ᬲᬸᬫᬗ᭄ᬓᬶᬦ᭄ᬩᬶᬦ᭄ᬢᬓ᭄᭟᭒᭓᭟ᬭᬫᬾᬓᬂᬧ᭄ᬭᬂᬭᬶᬂᬕᬡ᭄ᬟᬫᬥᬦᬾᬓᬸ᭞ᬢᬦ᭄ᬳᬦᬪᬶᬱᬓᬕᬶᬗ᭄ᬲᬶᬃ᭞ᬲᬓ᭄ᬯᬾᬄᬲᬭᬓᬮᬳᬸᬢ᭄ᬢᬫ᭞ᬢᬦ᭄ᬢᬸᬫᬫᬄᬭᬶᬂᬲᬂᬩᬵᬬᬸ᭞ᬪᬷᬫᬓ᭄ᬭᭀᬥᬲᬶᬗ᭄ᬳᬵᬦᬤ᭞ᬲᬲᬶᬂᬧᬋᬓ᭄
ᬬᬕᬶᬦᬸᬢᬸᬓ᭄᭞ᬓᬮᬮᬸᬤ᭄ᬭᬲᬶᬭᬵᬢᬦ᭄ᬤᬂ᭞ᬲᬚ᭄ᬜᬵᬓᬺᬢᬶᬬᬰᬾᬂᬲ᭄ᬫᬭ᭟᭒᭔᭟ᬫᬸᬢᭂᬃᬫᬸᬰᬮᬫ᭠ᬮᬸᬗᬶᬤ᭄ᬫᬸᬭᬸᬗ᭄᭞ᬪᬷᬫᬧᬧᬕᬦᬾ᭞ᬲᬜ᭄ᬚᬢᬦ᭄ᬓᬸᬗᬫᬾᬢ᭄ᬳᬸᬭᬶᬧ᭄᭞ᬲᬂᬪᬷᬫᬲᬸᬕᬮ᭄ᬯᬘᬦ᭞ᬳᬾᬄᬓᬮᬬ᭄ᬯᬢᬗᬾᬄᬯᬸ
Kaca:Bali-lontar-gaguritan-pandawa-dasa-01-300ppi.pdf/101
Kaca puniki sampun kauji-wacén
