[ ᭙᭔ 94B]
ᬧᬗ᭄ᬮᬸᬓᬢᬦ᭄ᬧᬩᬺᬲᬶᬳᬦ᭄ᬮᬸᬗ᭄ᬲᬸᬃ᭞ᬫᬶᬯᬄᬢᬷᬃᬣᬧᬗᭂᬦᬶᬗᭂᬦᬶᬂ᭞ᬲ᭄ᬣᬶᬢᬶᬉᬢ᭄ᬧᬢᬶᬧᬗᬫ᭄ᬩᬾᬬᬦ᭄᭟ᬧᬗᭂᬦ᭄ᬢᬲ᭄ᬧ᭄ᬭᬮᬶᬡᬫᬮᬶᬄ᭞ᬫ᭄ᬯᬂᬢᬷᬃᬣᬧᬜ᭄ᬯᬃᬕᬦ᭄᭞ᬧᬜᭂᬳᭂᬩ᭄ᬧᬗ᭄ᬭᬾᬓᬅᬲ᭄ᬣᬶ᭟᭐᭟ᬧᬗᬶᬭᬶᬫ᭄ᬧᬗ᭄ᬭᭀ
ᬭᬲ᭄ᬘᬭᬸ᭞ᬩᬾᬜ᭄ᬚᬂᬜᬚᬕᬫᬩᬱ᭄ᬫᬶ᭞ᬯᭂᬗᬶᬦ᭄ᬜᬦᬾᬫᬧᬶᬦᬸᬦᬲ᭄᭞ᬓᬾᬢᭀᬘᭂᬦᬶᬂᬳᬧᬂᬗᭂᬃᬢᬶ᭞ᬧᬶᬢ᭄ᬭᬦᬾᬫᬗ᭄ᬓᬶᬦ᭄ᬓᬯᬶᬢᬂ᭞ᬳᬬᬩᬶᬦ᭄ᬩᭂᬓᭂᬮ᭄ᬫᬗᬱ᭄ᬫᬶ᭟᭐᭟ᬳᬗ᭄ᬓᭂᬩ᭄ᬦᬲᬶᬲᬗᬸᬦ᭄ᬳᬶᬧᬸᬦ᭄᭞ᬫᬓᬫᬶᬯᬄᬕᭂ
ᬦ᭄ᬤᬂᬧᬾᬢ᭄ᬭᬶ᭞ᬲᭂᬦ᭄ᬢᬦᬦᬾᬲᬫᬶᬜᬸᬫ᭄ᬩᬄ᭞ᬮᬦᬂᬳᬶᬢ᭄ᬭᬷᬘ᭄ᬦᬶᬓ᭄ᬓᭂᬮᬶᬄ᭞ᬓ᭄ᬯᬗᬾᬦᬾᬚ᭄ᬯᬳᬋᬧᬂ᭞ᬳᬗ᭄ᬕᬾᬦ᭄ᬫ ᬜᭂᬫ᭄ᬩᬄᬧᬾᬢ᭄ᬭᬶ᭟᭐᭟ᬲᬓᬶᬂᬲ᭄ᬮᬦᬶᬂᬯᬶᬚᬂᬫᬸᬗ᭄ᬕᬸᬄ᭞ᬢᬸᬂᬢᬸᬂᬖ᭄ᬭᬡᬚ᭄ᬯᬧᬢᬶᬢᬶᬲ᭄᭞ᬳᬶᬥᭂᬧ᭄ᬕᬮᬂᬢᬸ
ᬫᬸᬲ᭄ᬭᬶᬂᬅᬢ᭄ᬫ᭞ᬓᬶᬤᬸᬂᬓᬓᬯᬶᬦ᭄ᬫᬦᬸᬮᬸᬗᬶᬦ᭄᭞ᬯᬾᬦ᭄ᬢᭂᬦ᭄ᬓᭂᬢᬄᬫᬗᬸᬘᬧᬂ᭞ᬗᬓ᭄ᬱᬫᬫᬢᬸᬃ᭞ᬭᬶᬂᬮᬮᬗᬶᬢ᭄᭟᭐᭟ᬲᬶᬗ᭄ᬕᬶᬄᬯᬬᬄᬮᬦᬂᬯᬤᬸ᭞ᬲᭂᬓᭂᬦ᭄ᬢᬶᬢ᭄ᬬᬂᬲᬦᬾᬫᬗ᭄ᬓᬶᬦ᭄᭞ᬧᬸᬧᬸᬢ᭄ᬫᬢᬸᬃᬭᬶᬂᬳᬶ
[ ᭙᭕ 95A]
ᬯᬬᬄ᭞ᬦᬸᬦᬲ᭄ᬲᬶᬦᬵᬫ᭄ᬧᬸᬭᬫᬗ᭄ᬓᬶᬦ᭄᭞ᬗ᭄ᬯᬍᬲ᭄ᬲ᭄ᬯᬾᬘᬦ᭄ᬳᬶᬯᬬᬄ᭞ᬳᬦ᭄ᬢᬸᬓ᭄ᬲᭂᬫ᭄ᬩᬄᬚᬕᬫᬪᬲ᭄ᬫᬷ᭟᭐᭟ᬫᬸᬕᬶᬫᬸᬕᬶᬦᭂᬫᬸᬭᬳᬬᬸ᭞ᬫᬦ᭄ᬢᬸᬓ᭄ᬓᬲ᭄ᬯᬃᬕᬦ᭄ᬫᬗ᭄ᬓᬶᬦ᭄᭞ᬢᬶᬢ᭄ᬬᬲᬫᬶᬤᬫᬸᬄᬯᬬᬄ᭞ᬦᬸᬦᬲ᭄ᬲᬶ
ᬦᬫ᭄ᬧᬸᬭᬫᬗ᭄ᬓᬶᬦ᭄᭞ᬋᬗᬵᬅᬓ᭄ᬱᬶᬳᬢᬸᬃᬢᬶᬢ᭄ᬬᬂ᭞ᬫᬯᬶᬢᬸᬲᬓᬶᬂᬲᬸᬓ᭄ᬮᬦᬶᬂᬳᬢᬶ᭟᭐᭟ᬇᬦ᭄ᬤᬶᬓ᭄ᬳᬶᬯᬂᬲᬓᬶᬂᬤᬸᬫᬸᬦ᭄᭞ᬲᬓᬶᬂᬳᬮᬶᬢ᭄ᬭᬯᬸᬄᬫᬗ᭄ᬓᬶᬦ᭄᭞ᬲᬮ᭄ᬯᬶᬃᬳᬶᬧᬸᬦ᭄ᬓᬜ᭄ᬘᬦ᭄ᬳᬶᬯᬂ᭞ᬢᬸᬦᬲ᭄ᬢᬶᬢ᭄ᬬᬂᬫᬓᬲᬫᬶ
ᬳᬶᬯᬂᬢᬶᬢ᭄ᬬᬂᬲᬓᬶᬂᬲᭀᬮᬄ᭞ᬫᬶᬯᬄᬳᬶᬯᬂᬲᬓᬶᬂᬫᬸᬜᬶ᭟᭐᭟ᬲᬓᬶᬂᬳᬶᬥᭂᬧ᭄ᬳᬶᬯᬂᬫᭂᬢᬸ᭞ᬕᬸᬂᬳᬫ᭄ᬧᬸᬭᬫᬓᬲᬫᬶ᭞ᬧᬸᬧᬸᬢ᭄ᬲᬫᬶᬢᬸᬦᬲ᭄ᬢᬶᬢ᭄ᬬᬂ᭞ᬓᬾᬯᬦ᭄ᬢᭂᬦ᭄ᬳᬸᬢᬂᬢᬶᬢ᭄ᬬᬫᬮᬶᬄ᭞ᬫᬾᬫᬾᬩᬧᬗᬭᬾᬓ
ᬢᬶᬢ᭄ᬬᬂ᭞ᬳᬸᬮᬶᬂᬫᬶᬚᬶᬮ᭄ᬫᬕᬥᬗᬶᬦ᭄᭟᭐᭟ᬳᬦᭂᬫ᭄ᬢᬳᬸᬦ᭄ᬮᬯᬲ᭄ᬳᬶᬧᬸᬦ᭄᭞ᬢᬸᬬᬸᬄᬗᭂᬫ᭄ᬧᬸᬫᬕᬤᬗᬶᬦ᭄᭞ᬚᬶᬦᬄᬩᬦ᭄ᬢᭂᬦ᭄ᬳᬓᬸᬤᬓᬸᬤ᭞ᬫᬶᬯᬄᬤᬳᬃᬢᬸᬃᬗᬗ᭄ᬕᭀᬳᬶᬦ᭄᭞ᬫᬕᬤᬗᬶᬦ᭄ᬓᬵᬮᬲᬸᬗ᭄ᬓᬦ᭄᭞
Kaca:Bali-lontar-gaguritan-pancayoga-01-300ppi.pdf/95
Kaca puniki sampun kauji-wacén
