[ ᭘᭖ 86B]
᭘᭖᭞
ᬧ᭄ᬭᬬᬰ᭄ᬘᬶᬢᬫᬮᬶᬄᬫᬸᬗ᭄ᬕᬸᬄ᭞ᬲᬦᬾᬳᬜᬃᬫ᭄ᬯᬂᬲᬶᬦᬸᬗ᭄ᬕᬮ᭄᭞ᬯᬾᬦ᭄ᬢᭂᬦ᭄ᬫᬮᬶᬄ᭞ᬲᬶᬩᬸᬄᬧᭂᬧᭂᬓ᭄ᬮᬦ᭄ᬓᬸᬓᬸᬲᬦ᭄᭟᭐᭟ᬲᬂᬧᬡ᭄ᬥᬶᬢᬳᬶᬤᬾᬶᬸᬬᭀᬕ᭄ᬬ᭞ᬫᬫᬸᬢᬸᬲ᭄ᬫᬫᬹᬚᬳᬶᬦ᭄᭞ᬓᬧᬸᬢᬸᬲᬦᬺᬱᬶ
ᬕᬡ᭞ᬭᬳᬲ᭄ᬬᬤᬳᬢ᭄ᬧᬸᬦᬶᬓ᭞ᬤᬓ᭄ᬱᬶᬡᬭᬶᬂᬦᬢᬃᬲᬋᬗᬂ᭞ᬓᬓᬺᬘᬾᬦᬶᬦ᭄᭞ᬲᬢᬸᬲ᭄ᬢᬶᬕᬂᬤᬰᬮᬶᬫ᭟᭐᭟ᬓᬶᬸᬤᬓ᭄ᬱᬶᬡᬫᬮᬶᬄᬕᭂᬦᬳᬂ᭞ᬭᬶᬂᬭᬚᬳᬦ᭄ᬦᬕᬲᬭᬶ᭞ᬳᬳᬃᬣᬧᬶ
ᬢᬸᬂᬤᬰᬲᬧ᭄ᬢ᭞ᬳᬚᬓᬶᬭᬂᬳᬚᬮᬗ᭄ᬓᬸᬂ᭞ᬧᬓᬸᬓᬸᬄᬲᬂᬫᬤ᭄ᬯᬾᬳᬸᬫᬄ᭞ᬳᬭᬦ᭄ᬦᬾᬓᬶ᭞ᬮᬦ᭄ᬩᬩᬦ᭄ᬢᭂᬦ᭄ᬦᬭᬶᬂᬲᬃᬕᬃ᭟᭐᭟ᬳᬫᬸᬦᬶᬓᬩᬦ᭄ᬢᭂᬦᬾᬢᭂᬕᭂᬲᬂ᭞ᬓᬜ᭄ᬘᬦ᭄ᬢᬦᬄᬳᬗ᭄ᬓᭂᬃᬳᬭ
ᬦᬶᬦ᭄᭞ᬓᬢᬶᬩᬦᬦ᭄ᬓᬜ᭄ᬘᬦᬶᬂᬳᬮ᭞ᬲᬗ᭄ᬕᬄᬢᭂᬕᬮ᭄ᬫᬶᬯᬄᬓᬸᬩᬸ᭞ᬬᬤᬶᬦ᭄ᬤᬸᬫᬄᬓᬭᬂᬳᬮ᭞ᬕᭂᬮᬶᬲ᭄ᬘᬭᭀᬦᬶᬦ᭄᭞ᬲᬤᬸᬭᬸᬂᬯᬦᭂᬂᬳᬢᬶᬩᬦ᭄᭟᭐᭟ᬧᬸᬧᬸᬢ᭄ᬢ᭄ᬯᬄᬋᬱᬶᬕᬡᬬᬂ᭞
[ ᭘᭗ 87A]
ᬬᬾᬦᬶᬂᬓᬲᬾᬧ᭄ᬫᬜᬭᭀᬦᬶᬦ᭄᭞ᬲᬶᬦᬄᬉᬧᬓᬵᬭᬳᬩᭀᬢ᭄᭞ᬧᬥᬾᬮᬶᬦ᭄ᬢᬂᬭᬶᬂᬳᬢᬳᬸᬦ᭄᭞ᬮᬩᬸᬕᭂᬦ᭄ᬢᬸᬄᬧᬮᬓ᭄ᬱᬡ᭞ᬍᬩᬶᬄᬍᬩᬶᬄ᭞ᬩᬦ᭄ᬢᭂᬦ᭄ᬘᬭᬸᬓᬢᭂᬮᬲᬂ᭟᭐᭟ᬓ᭄ᬭ
ᬫᬦᬶᬂᬘᬭᬸᬓᭀᬘᬧ᭄᭞ᬧᬸᬧᬸᬢ᭄ᬗᬫᬹᬚᬗᬪᬓ᭄ᬢᬶ᭞ᬫᬧ᭄ᬭᬰ᭄ᬘᬶᬢᬲᬋᬂᬲᬫ᭄ᬬ᭞ᬲᬂᬫᬤ᭄ᬯᬾᬓᬃᬬᬦᬾᬳᬤᬸᬂ᭞ᬪᬓ᭄ᬢᬶᬭᬶᬂᬪᬝᬵᬭᬲᬹᬃᬬ᭞ᬧᬸᬧᬸᬢ᭄ᬫᬗ᭄ᬓᬶᬦ᭄᭞ᬭᬶᬂᬲᬗ᭄ᬕᬃᬪᬓ᭄ᬢᬶᬧᬶᬂᬢᬶᬕ᭟᭐᭟ᬭᬶᬂᬪᬝᬵ
ᬭᬯᬢᭂᬓ᭄ᬤᬾᬯᬢ᭞ᬳᬶᬸᬭᬶᬂᬳ᭄ᬬᬂᬋᬋᬕᬡᬫᬮᬶᬄ᭞ᬫᬗ᭄ᬤᬢᬸᬫᬸᬲ᭄ᬲ᭄ᬯᬾᬘᬦ᭄ᬳᬶᬤ᭞ᬦᬶᬩᬓᬂᬢᬷᬃᬣᬧᬓᭂᬮᬸᬤ᭄᭞ᬦᬭᬶᬂᬓᬭᬂᬲᬫᬶᬫᬃᬕ᭄ᬬᬂ᭞ᬩᬦ᭄ᬢᭂᬦ᭄ᬫᬮᬶᬄ᭞ᬧᬗ᭄ᬮᬸᬓᬢᬦ᭄ᬧᬫ᭄ᬭᬬᬰ᭄ᬘᬶᬢ᭟᭐᭟ᬫᬶ
ᬤᭂᬃᬓᬶᬯᬢᬷᬃᬣᬫᬃᬕ᭄ᬬᬂ᭞ᬰᬾᬱᬦ᭄ᬜᬦᬾᬢᬸᬦᬲ᭄ᬲᬫᬶ᭞ᬲᬋᬂᬲᬫᬶᬚ᭄ᬯᬫᬮᬸᬓᬢ᭄᭞ᬳᬶᬮᬾᬦᬾᬧᬸᬧᬸᬢᬂᬮᬸᬗ᭄ᬲᬸᬃ᭞ᬘᬭᬸᬋᬱᬶᬕᬡᬓᭀᬘᬧ᭄᭞ᬧᭂᬦ᭄ᬥᭂᬫ᭄ᬲᬫᬶ᭞ᬭᬶᬂᬳᬋᬧ᭄ᬲᬗ᭄ᬕᬄᬓᬫᬸᬮᬦ᭄᭟᭐᭟
