Kaca:Bali-lontar-gaguritan-pancayoga-01-300ppi.pdf/85

Saking Wikisource
Kaca puniki sampun kauji-wacén

[᭘᭔ 84B]
ᬧᭂᬝᬵᬓ᭄ᬓᬂᬬᭀᬕ᭄ᬬ᭟᭐᭟ᬧᬸᬧᬸᬢ᭄ᬗᬦ᭄ᬢᭂᬦᬸᬧᬓᬵᬭ᭞ᬧᬯᭂᬯᭂᬳᬾᬰᬸᬘᬶᬳᬮᬶᬢ᭄᭞ᬤᬸᬮᬸᬃᬘᬭᬸᬳᬓᭂᬤᭂᬗᬦ᭄᭞ᬉᬢ᭄ᬢᬫᬦᬾᬩᬯᭀᬲᬶᬦ᭄ᬫᬗ᭄ᬓᬶᬦ᭄᭞ᬲᭀᬭᭀᬳᬦ᭄ᬕᭂᬦᭂᬧ᭄ᬤᬸᬮᬸᬭᬶᬦ᭄᭞ᬮᬦ᭄ᬰᬸᬘᬶ
ᬮᬦ᭄ᬮᬦᬦ᭄ᬫᬸᬗ᭄ᬕᬸᬄ᭞ᬫᬮᬶᬄᬘᬦᬂᬭᬵᬓᬤᬓ᭄ᬱᬶᬡ᭞ᬧᬸᬮᭀᬕᬾᬫ᭄ᬩᬮ᭄ᬫᬮᬶᬄᬓᬓᬮᬶᬄ᭞ᬳᬸᬮᬫ᭄ᬳᬶᬧᬸᬦ᭄᭞ᬳᬬᬫ᭄ᬧᬸᬢᬶᬄᬧᬲ᭄ᬮᬓᬾᬦᬦ᭄᭟᭐᭟ᬩᬦ᭄ᬢᭂᬦ᭄ᬦᬭᬶᬂᬲᭀᬃᬓᭀᬘᬧ᭄᭞ᬳᬲᭀᬭᭀᬄᬩ
ᬦ᭄ᬢᭂᬦ᭄ᬩᬩᬗ᭄ᬓᬶᬢ᭄᭞ᬲᬭᬶᬦᬾᬫᬜ᭄ᬘᬓᬸᬲᬸᬫ᭞ᬳᬬᬫ᭄ᬩ᭄ᬭᬸᬫ᭄ᬩᬸᬦ᭄ᬦᬾᬲᬶᬦᬸᬗ᭄ᬕᬶᬮ᭄᭞ᬳᬾᬩᬢ᭄ᬕᭂᬦᭂᬧ᭄ᬫᬦᬹᬢ᭄ᬳᬸᬭᬶᬧ᭄᭞ᬢᬸᬫ᭄ᬧᭂᬗᬾᬧᬸᬢᬶᬄᬳᬓᬸᬢᬸᬲ᭄᭞ᬢᬷᬃᬣᬕᭂᬦᭂᬧ᭄ᬢᬸᬦᬲᬂ᭞ᬭᬶᬂᬳ᭄ᬬᬂᬲᬹᬃᬬᬦᬸᬦᬲ᭄ᬓᬾᬗᬶᬦ᭄᭞
ᬲᬵᬫᬵᬧᬸᬦ᭄ᬧᬸᬧᬸᬢ᭄‌᭞ᬬᬾᬦᬶᬂᬗᬸᬧᬓᬭᬳᬸᬫᬄ᭟᭐᭟ᬬᬾᬦ᭄ᬗᬭᬸᬕ᭄ᬭᬸᬕ᭄ᬢᬦᬄᬳᬜᬃ᭞ᬗᬯᬶᬢᬶᬦ᭄ᬧᬘᬕ᭄ᬕᭂᬦᬳᬶᬦ᭄᭞ᬬᭀᬕ᭄ᬬᬘᬭᬸᬫᬜ᭄ᬘᬲᬢ᭞ᬓᬯᭂᬯᭂᬄᬭᬸᬦ᭄ᬢᬸᬢᬦ᭄ᬕᬸᬮᬶᬂ᭞ᬫᬫᬗ᭄ᬕᬸᬄᬳᬶ
[ ᭘᭕ 85A]
ᬓᬯᬱ᭄ᬝᬦᬶᬦ᭄᭞ᬬᬤᬶᬦ᭄ᬳᬗ᭄ᬓᭂᬃᬢᬦᬄᬳᬶᬧᬸᬦ᭄᭞ᬏᬮᬶᬂᬓᬤᬶᬫᬸᬯᬬᬚ᭄ᬜᬵ᭞ᬫᬸᬗ᭄ᬕᬸᬄᬓᬤᬶᬦᬾᬫᬃᬕᬶᬦᬶᬦ᭄᭞ᬧᬸᬧᬸᬢ᭄ᬲᬵᬫ᭄ᬧᬸᬦ᭄᭞ᬳᭀᬮᬲᬲᬶᬄᬓᬩᬯᭀᬲᬦ᭄᭟᭐᭟ᬧᬸᬧᬸᬄ
ᬕᬶᬦᬥ᭟᭐᭟ᬬᬾᬦᬶᬂᬧᬫᬭᬶᬰᬸᬤᬦ᭄ᬬ᭞ᬓᬭᬂᬳᬗ᭄ᬓᭂᬃᬧᬦᭂᬲ᭄ᬫᬮᬶᬄ᭞ᬮ᭄ᬯᬶᬃᬦᬶᬂᬫᬵᬢᬶᬲᬮᬄᬳᬸᬮᬄ᭞ᬬᬤᬶᬦᬾᬮᬩ᭄ᬯᬦ᭄ᬳᬫᬸᬓ᭄᭞ᬫᬢᬶᬮᬩᬸᬄᬗᬫᬢ᭄ᬬᬂᬳᬯᬓ᭄᭞ᬯᭂᬦᬂᬘᬭᭀᬦᬶᬦ᭄
᭞ᬗᬋᬱᬶᬕᬡᬫᬫᬸᬧᬸᬢᬂ᭟᭐᭟ᬗᬤᬓᬓᭂᬦ᭄ᬲᬗ᭄ᬕᬄᬢᬸᬢ᭄ᬯᬦ᭄᭞ᬳᬸᬗ᭄ᬕᬳᬶᬦ᭄ᬤᬦ᭄ᬤᬦᬦ᭄ᬰᬸᬘᬶ᭞ᬫ᭄ᬯᬂᬭᬓᬧ᭄ᬭᬲ᭄ᬤᬓ᭄ᬱᬶᬡ᭞ᬳᬃᬣᬲ᭄ᬬᬸᬧᬶᬢᬸᬂᬳᬢᬸᬲ᭄᭞ᬘᬦᬂᬩᬸᬭᬢ᭄ᬯᬗᬶᬫᬸᬗ᭄ᬕᬄ᭞ᬍᬗᬯ
ᬗᬶ᭞ᬲᬫᬶᬫᬸᬗ᭄ᬕᬄᬦᬭᬶᬲᬗ᭄ᬕᬃ᭟᭐᭟ᬫᬮᬶᬄᬭᬶᬂᬳᬋᬧᬶᬂᬲᬗ᭄ᬕᬃ᭞ᬢᬦᬄᬭᬚᬄᬓᬬᬳᬶᬓᬶ᭞ᬧᬤ᭄ᬫᬅᬱ᭄ᬝᬤᬮᬗᬭᬦ᭄᭞ᬫᬶᬯᬄᬢᬸᬫ᭄ᬧᭂᬂᬧᬥᬫᬦᬹᬢ᭄᭞ᬳᬸᬭᬶᬧ᭄ᬕᭂᬦᬄᬧᬜ᭄ᬘᬯᬭ᭞