Kaca:Bali-lontar-gaguritan-pancayoga-01-300ppi.pdf/83

Saking Wikisource
Kaca puniki sampun kauji-wacén

[ ᭘᭒ 82B]
᭘᭒᭞
᭟ᬫᬶᬦᬓᬵᬤᬶᬓᬵᬭ᭞ᬩᬚᬂᬘᭀᬮᭀᬂᬳᬭᬦᬾᬓᬶ᭞ᬪᬬᬦᬵᬮᬧ᭄ᬭᬬᬰ᭄ᬘᬶᬢ᭞ᬢᬷᬃᬣᬢᭂᬕᭂᬧ᭄ᬓᬤᬶᬗᬹᬦᬷ᭞ᬩᬦ᭄ᬢᭂᬓ᭄ᬭᬸᬦ᭄ᬢᬸᬢᬦ᭄ᬢᬍᬃᬲᬫᬶ᭞ᬢᭂᬤᬸᬦ᭄ᬩᬜᬸᬓᭂᬢᭀᬕᬼᬲᬸᬂ᭞ᬳᬦᬭᬶᬂᬧᬦᬾᬫᬭᬚᬄ᭞ᬧᬲᬸᬂᬦᬵ
ᬫᬢᬍᬃᬓᬾᬗᬶᬦ᭄᭞ᬬᭀᬕ᭄ᬬᬦ᭄ᬳᬶᬧᬸᬦ᭄᭞ᬳᬦᭂᬫ᭄ᬩᬸᬮᬦ᭄ᬧᬳᭀᬢᭀᬦᬦ᭄᭟᭐᭟ᬲᭀᬮᬄᬚᬩᬧᬶᬦᬶᬄᬦᬶᬱ᭄ᬝ᭞ᬬᬤᬶᬦ᭄ᬩᬦ᭄ᬢᭂᬦ᭄ᬳᭀᬢᭀᬦ᭄ᬫᬮᬶᬄ᭞ᬭᬶᬲᬵᬫ᭄ᬧᬸᬦᬾᬳᬦᭂᬫ᭄ᬩᬸᬮᬦ᭄᭞ᬧᬜᬫ᭄ᬩᬸᬢᬦ᭄ᬚ᭄ᬯᬓᬃᬬᬦᬶ
ᬦ᭄᭞ᬗᬯᬶᬢ᭄ᬢᭂᬤᬸᬦ᭄ᬧᬺᬢᬶᬣᬷ᭞ᬲᬋᬂᬳᬬᬫ᭄ᬢᬗ᭄ᬓᭂᬩ᭄ᬤᬶᬢᬸ᭞ᬫᬶᬯᬄᬓᬢᬸᬃᬲᬧᬸᬧᬸᬢ᭞ᬲᬵᬫ᭄ᬧᬸᬦᬂᬫᬮᬶᬄᬗᬯᬮᬾᬦᬶᬦ᭄᭞ᬩᬦ᭄ᬢᭂᬦ᭄ᬧᬸᬧᬸᬢ᭄᭞ᬧᬗᬫ᭄ᬩᬾᬬᬦ᭄ᬧᬗᬸᬮᬧᬦ᭄᭟᭐᭟ᬭᬶᬂᬳᬋᬧ᭄ᬲᬗ᭄ᬕᬄᬓ
ᬫᬸᬮᬦ᭄᭞ᬓᬭᬶᬓᬢᬃᬢᬍᬃᬓᬾᬗᬶᬦ᭄᭞ᬮᬓ᭄ᬱᬡᬉᬧᬓᬵᬭ᭞ᬦᬭᬶᬂᬲᬶᬢᬷᬢᬸᬦᬲᬸᬮᬧᬶᬦ᭄᭞ᬲᬳᬩᬦ᭄ᬢᭂᬦᬾᬫᬮᬶᬄ᭞ᬭᬭᬾᬦᬾᬳᬸᬦᬶᬗᬤᬶᬢᬸ᭞ᬲᬳᬢᭂᬕ᭄ᬢᭂᬕ᭄ᬮᬦ᭄ᬤᬓ᭄ᬱᬶᬡ᭞ᬫᬶᬯᬄᬘᬦᬂᬩᬸᬭ
[ ᭘᭓ 83A]
ᬢ᭄ᬯᬗᬶ᭞ᬧᬸᬧᬸᬢ᭄ᬲᬵᬫ᭄ᬧᬸᬦ᭄᭞ᬭᬶᬂᬩᬮᬾᬦᬸᬮᬶᬢᬢᬩᬂ᭟᭐᭟ᬗᬲ᭄ᬢᬯᬚ᭄ᬯᬓᬯᬶᬢᬂ᭞ᬳᬬᬢ᭄ᬪᬝᬵᬭᬦᬾᬲᬫᬶ᭞ᬓᬧᬶᬋᬧ᭄ᬳ᭄ᬬᬂᬓᬤᬢᭀᬦ᭄᭞ᬫᬗ᭄ᬤᬮᬾᬤᬂᬫ᭄ᬭᬲᬓ᭄ᬱᬶᬦᬶᬦ᭄‌᭞ᬭᬶᬂᬤᬾᬯᬢᬫᬜᬺ
ᬯᬤᬶ᭞ᬗᬸᬧ᭄ᬢᬶᬭᬶᬂᬭᬭᬾᬦᬾᬯᬯᬸ᭞ᬫᬗ᭄ᬭᬕᬫᬦᬤᭀᬲ᭄ᬘᭀᬓ᭞ᬳᬫ᭄ᬧᬸᬭᬓᬾᬫᬯᭀᬦ᭄ᬘᬶᬭᬶ᭞ᬮ᭄ᬯᬶᬃᬧᬜᬸᬕᬸᬄ᭞ᬫᬓᬲᬫᬶᬚ᭄ᬯᬳᬢᬸᬭᬂ᭟᭐᭟ᬉᬢ᭄ᬢᬫᬫᬥ᭄ᬬᬢᬦᬸᬘᬧᬂ᭞ᬳᬫᭀᬗᬦ᭄ᬲᬂᬲᬸᬗ᭄ᬕᬶᬄᬲᬶᬗ᭄ᬕᬶᬄ᭞
ᬉᬧᬓᬵᬭᬭᬶᬂᬫᬵᬦᬸᬱ᭞ᬓᬾᬯᬮᬓᬾᬬᬦ᭄ᬫᬩᬺᬲᬶᬄ᭞ᬗᬋᬱᬶᬬᬚ᭄ᬜᬵᬗᬭᬦᬾᬓᬵᬳᬶ᭞ᬫᬯᬶᬦ᭄ᬢᭂᬦ᭄ᬫᬤᬸᬤᬸᬲ᭄ᬳᬕᬸᬂ᭞ᬰᬸᬘᬶᬳᬕᭂᬂᬧᬯᬶᬦ᭄ᬢᭂᬦᬦ᭄᭞ᬫᬧᬤᬫᭂᬮ᭄ᬓᬂᬉᬢ᭄ᬢᬫᬶ᭞ᬮᬦ᭄ᬲᬲᬬᬸᬢ᭄᭞ᬧᬚᬵᬢᬶᬰᬸ
ᬘᬶᬧᬜ᭄ᬘᬮᬶᬗ᭄ᬕ᭟᭐᭟ᬲᬂᬯᬶᬓᬸᬯᭂᬦᬂᬫᬸᬧᬶᬸᬢᬶᬂᬢᬸᬲᬶᬂ᭞ᬢᬸᬚ᭄ᬯᬦ᭄ᬜᬲᬂᬫᬩᬺᬲᬶᬄ᭞ᬧᬶᬗᬋᬧ᭄ᬰᬸᬘᬶᬮᬦ᭄ᬮᬦᬦ᭄᭞ᬤᬷᬃᬕᬬᬸᬰᬧᬲᬬᬸᬢ᭄ᬦᬾᬓᬶ᭞ᬲᬾᬯᭀᬲ᭄ᬘᬭᬸᬢᬪᬸᬢᬷ᭞ᬦᬶᬱ᭄ᬝᬦ᭄ᬜᬢ᭄ᬯᬶ