Kaca:Bali-lontar-gaguritan-pancayoga-01-300ppi.pdf/80

Saking Wikisource
Kaca puniki sampun kauji-wacén

[ ᭗᭙ 79B]
᭗᭙᭞
ᬮᬶᬄ᭞ᬦᬸᬦᬲ᭄ᬢᬷᬃᬢᬲᬧᬸᬧᬸᬢ᭞ᬧᭂᬚᬶᬳᬸᬤᬸᬄᬩ᭄ᬬᬸᬮᬮᬸᬂ᭞ᬧᬫᬸᬕ᭄ᬧᬸᬕ᭄ᬢᬷᬃᬢᬦᬾᬢᬸᬦᬲ᭄᭞ᬧᬫᬜ᭄ᬘᬸᬢ᭄ᬫᬮᬶᬄ᭞ᬧᬗ᭄ᬮᬸᬓᬢᬦ᭄ᬧᬩᬺᬲᬶᬳᬦ᭄᭟᭐᭟ᬫᬮᬶᬄᬢᬷᬃᬣᬧᬜᭂᬚᭂᬕ᭄ᬢᬸᬦᬲ᭄᭞ᬕᭂᬮᬃᬲᬗ᭄ᬳᬧ
ᬗ᭄ᬭᬭᬧᬸᬄᬫᬮᬶᬄ᭞ᬢᭂᬧᬸᬗᬾᬫ᭄ᬭᬚᬄᬋᬓᭀ᭞ᬮ᭄ᬯᬶᬃᬲᬜ᭄ᬚᬢᬲᬗ᭄ᬳᬫᬸᬗ᭄ᬕᬸᬄ᭞ᬧᬸᬧᬸᬢ᭄ᬲᬵᬫᬵᬧᬸᬦ᭄ᬓᬂᬭᬶᬦᬚᬄ᭞ᬭᬶᬂᬓᬭᬂᬲᬫᬶ᭞ᬫᬳᬶᬍᬄᬲᬶᬭᬢᬂᬧᬶᬂᬢᬶᬕ᭟᭐᭟ᬧᬯᭂᬯᭂᬄᬩᬦ᭄ᬢᭂᬦ᭄ᬦᬭᬶᬂᬓᬢᬄ᭞ᬓᬵᬢᬸᬃᬭᬶᬂ
ᬳ᭄ᬬᬂᬧᬺᬣᬶᬯᬷᬚᬵᬢᬶ᭞ᬰᬸᬘᬶᬕᭂᬥᬾᬲᬲᬶᬧᬢᬦ᭄᭞ᬤᬓ᭄ᬱᬡᬲᭀᬭᭀᬳᬦ᭄ᬢᬸᬫᬹᬢ᭄᭞ᬧᬗᬫ᭄ᬩᬾᬬᬦ᭄ᬧᬗᬸᬮᬧᬦ᭄᭞ᬧ᭄ᬭᬲ᭄ᬫᬮᬶᬄ᭞ᬧᬋᬋᬱᬶᬓ᭄ᬢᭂᬧᬸᬂᬢᬯᬃ᭟᭐᭟ᬲᬂᬯᬶᬓᬸᬯᭂᬦᬂᬗᬦ᭄ᬢᭂᬩᬂ᭞ᬪᬸᬚᬗ᭄ᬕᬧᬫᬗ᭄ᬓᬸ
ᬫᬮᬶᬄ᭞ᬧᬶᬦᬦ᭄ᬤᬶᬢᬋᬱᬶᬬᭀᬕ᭄ᬬ᭞ᬳᭀᬮᬲᬲᬶᬄᬦᬗ᭄ᬕᬮ᭄ᬫᬢᬸᬃ᭞ᬧᬗᬦ᭄ᬢᭂᬩᬾᬢᬸᬦᬲ᭄ᬢᬶᬢ᭄ᬬᬂ᭞ᬭᬢᬸᬋᬱᬶ᭞ᬲᬧᬸᬦᬧᬶᬫᬓᬪᬷᬦ᭟᭐᭟ᬳᭂᬫ᭄ᬧᬸᬥᬂᬳ᭄ᬬᬂᬢᭂᬕᭂᬲ᭄ᬗᬸᬚᬗᬂ᭞ᬩᭂᬘᬶᬓᬂᬘᭂᬦᬶᬂᬫᬦᬫ᭄ᬧᬶ᭞
[ ᭘᭐ 80A]
ᬜᬭᭀᬦᬶᬦ᭄ᬓᬭᬂᬧᬸᬫᬳᬦ᭄᭞ᬋᬱᬶᬳᬃᬕᬯᭂᬦᬂᬢᬸᬢᬸᬃ᭞ᬭᬶᬂᬢᭂᬍᬂᬅᬚ᭄ᬜᬵᬦᬳᬤᭂᬕᬂ᭞ᬚ᭄ᬯᬓᬯᬶᬢᬶᬦ᭄᭞ᬕᬸᬲ᭄ᬢᬶᬦ᭄ᬜᬦᬾᬓᭀᬦ᭄ᬦᬶᬩᬓᬂ᭟᭐᭟ᬮᭀᬃᬓᬶᬤᬸᬮ᭄ᬓᬸᬮᭀᬦ᭄ᬯᬾᬢᬦ᭄᭞ᬧᬜ᭄ᬘᬳᬶᬓᬯᬸᬲ᭄ᬢᭂᬓᭂᬲᬶ
ᬦ᭄᭞ᬋᬱᬶᬕᬃᬕᬦᬭᬶᬂᬫᬥ᭄ᬬ᭞ᬬᬤᬶᬦ᭄ᬩᬦ᭄ᬢᭂᬦ᭄ᬫᬜ᭄ᬘᬓᭂᬮᬸᬤ᭄᭞ᬬᬤᬶᬦ᭄ᬫᬗ᭄ᬕᬸᬄᬫᬭᬶᬂᬓᬭᬂ᭞ᬢᬍᬃᬢᬸᬗ᭄ᬕᬶᬮ᭄᭞ᬕᬸᬲ᭄ᬢᬶᬦ᭄ᬜᬦᬾᬓᭀᬦ᭄ᬦᬶᬩᬓᬂ᭟᭐᭟ᬯᬾᬦ᭄ᬢᭂᬦ᭄ᬘᬭᬸᬧᬶᬦᬶᬄᬦᬶᬱ᭄ᬝ᭞ᬩᬮᬶᬓ᭄ᬲᬸᬫ᭄ᬧᬄᬘᬭᭀᬦ᭄ᬦᬾ
ᬓᬶ᭞ᬳᬸᬮᬫ᭄ᬩᬦ᭄ᬢᬾᬂᬳᬚᬶᬲᭀᬮᬲ᭄᭞ᬢᬦ᭄ᬯᭂᬦᬂᬫᬮᬓᬸᬳᬶᬫ᭄ᬩᬸᬄ᭞ᬳᬾᬩᬢ᭄ᬕᭂᬦᭂᬧ᭄ᬘᬮᭀᬦ᭄ᬚᬢᬄ᭞ᬢ᭄ᬯᬄᬳᬢᬦ᭄ᬤᬶᬂ᭞ᬳᬓᭂᬮᬢ᭄ᬓᬢ᭄ᬰᬤᬫᬮ᭟᭐᭟ᬧᬦᬸᬮᬓ᭄ᬤᬾᬱ᭄ᬝᬶᬗᬭᬦ᭄ᬬ᭞ᬤᬓ᭄ᬱᬡᬘ
ᬦᬂᬳᬢᬦ᭄ᬤᬶᬂ᭞ᬩᬸᬭᬢ᭄ᬯᬗᬶᬘᬦᬂᬭᬓ᭞ᬢ᭄ᬯᬓᬭᬓ᭄ᬫᬓᬲᬬᬸᬩ᭄᭞ᬓᬚᭂᬂᬓ᭄ᬮᬶᬬᭀᬦ᭄ᬮᬓ᭄ᬱᬡᬬᬂ᭞ᬫᬧᬗᬘᬶ᭞ᬲᬦ᭄ᬤᬶᬓᬵᬮᬢᭂᬧᭂᬢ᭄ᬫᬃᬕ᭄ᬬᬂ᭟᭐᭟ᬳᬫᬸᬦᬶᬓᬧᬸᬧᬸᬢ᭄ᬭᬦᬓ᭄᭞ᬏᬲᬸᬓ᭄ᬲᭂᬫᭂᬂ