Kaca:Bali-lontar-gaguritan-pancayoga-01-300ppi.pdf/74

Saking Wikisource
Kaca puniki sampun kauji-wacén

[ ᭗᭓ 73B]
᭗᭓᭞
ᬯᬾᬤ᭞ᬤᬶᬕᬫᬲᬲᬵᬦᬤᬺᬢᬶ᭞ᬫᬓᬫᬶᬯᬄᬅᬤᬶᬧᬹᬭᬡ᭞ᬓᬜ᭄ᬘᬦ᭄ᬢᬸᬢᬸᬃᬫᬉᬢ᭄ᬢᬫᬶ᭞ᬲᬫᬶᬳᬶᬓᬓᬲ᭄ᬮᬫᬢᬶᬦ᭄᭞ᬳ᭄ᬬᬂᬲᬭᬲ᭄ᬯᬢᬶᬓᬢᬸᬳᬸᬃ᭞ᬲᬳᬩᬦ᭄ᬢᭂᬦᬸᬧᬓᬵᬭ᭞ᬲᬭᬲ᭄ᬯᬢᬶᬓ
ᬯᬱ᭄ᬝᬦᬶᬦ᭄᭞ᬢᭀᬬᬓᬸᬫ᭄ᬓᬸᬫ᭄᭞ᬓᬢᬸᬦᬲ᭄ᬲᬋᬂᬲᬫ᭄ᬬᬦ᭄᭟᭐᭟ᬕᭂᬥᬾᬢᬸᬮᬸᬲ᭄ᬦᬸᬮ᭄ᬬᬜᭂᬫ᭄ᬩᬩᬄ᭞ᬇᬕᬫᬭᬢᬸᬩᬯᭀᬲᬶᬦ᭄᭞ᬦᬾᬗᬦᬹᬢᬂᬲᬶᬫᬅᬤᬢ᭄᭞ᬉᬧᬓᬵᬭᬮᬦ᭄ᬧᬗᬘᬶ᭞ᬳᭂᬫ᭄ᬧᬸ
ᬥ᭄ᬬᬂᬳ᭄ᬬᬂᬫᬜᬯᬸᬭᬶᬦ᭄᭞ᬗᬯᬶᬢ᭄ᬗᬦ᭄ᬢᬾᬦ᭄ᬢᭂᬕᭂᬲ᭄ᬳᬶᬧᬸᬦ᭄᭞ᬫᬗᬭᬦ᭄ᬫᬵᬦᬸᬱᬬᬚ᭄ᬜᬵ᭞ᬯᬶᬥᬶᬯᬾᬤᬦ᭄ᬫᬜᬓ᭄ᬱᬶᬦᬶᬦ᭄᭞ᬢᭂᬕᭂᬲ᭄ᬳᬶᬧᬸᬦ᭄᭞ᬕᭂᬦᬶᬯᭀᬬᬮᬓ᭄ᬧᬡ᭄ᬥᬶᬢ᭟᭐᭟ᬢ᭄ᬭᬶᬬᭀᬤᬰᬲᬓ᭄ᬱᬶᬗ
ᬭᬦ᭄᭞ᬲᬶᬦᬗ᭄ᬕᭂᬄᬳᬶᬤᬳ᭄ᬬᬂᬯᬶᬥᬶ᭞ᬩᬦ᭄ᬢᭂᬦ᭄ᬜᬦᬾᬪᬬᬓᬯᭀᬦᬦ᭄᭞ᬩᬦ᭄ᬢᭂᬦ᭄ᬲᬲᬬᬸᬢᬢᬦ᭄ᬤᬶᬂ᭞ᬧ᭄ᬭᬬᬰ᭄ᬘᬶᬢᬳᬶᬓᬫᬮᬶᬄ᭞ᬳᬤᬸᬮᬂᬧᬸᬦᬶᬓᬧᬸᬧᬸᬢ᭄᭞ᬲᭀᬮᬄᬗᬦ᭄ᬢᬾᬦ᭄ᬲᬧᬸᬦᬶᬓ᭞ᬦᬭᬶᬂ
[ ᭗᭔ 74A]
ᬦᬢᬂᬫᬋᬧ᭄ᬓᬗᬶᬦ᭄᭞ᬮᬦᬂᬯᬥᬸ᭞ᬗᬋᬧᬶᬦ᭄ᬩᬦ᭄ᬢᭂᬦ᭄ᬢᬢᬩᬦ᭄᭟᭐᭟ᬦᬾᬮᬦᬂᬫᬸᬗ᭄ᬕᬸᬄᬭᬶᬂᬓᬦᬦ᭄᭞ᬭᬶᬂᬓᬶᬭᬶᬲᬦᬾᬳᬶᬲ᭄ᬢ᭄ᬭᬶ᭞ᬫᬜᬸᬫ᭄ᬩᬄᬜᬸᬓᬸᬧᬂᬢᬗᬦ᭄᭞ᬲᬶᬳᬲᭂᬓᬃᬲᬦᬾᬫ᭄ᬭᬶᬓ᭄᭞ᬦᬸᬦᬲ᭄ᬢᬷᬃ
ᬣᬭᬶᬂᬳ᭄ᬬᬂᬯᬶᬥᬶ᭞ᬫᬰ᭄ᬭᬡᬢᬷᬃᬣᬳᬫᬶᬸᬮᬸᬫᬸᬃ᭞ᬫᬾᬲᬶᬩᬸᬗ᭄ᬳᬯᬃᬡᬮᬶᬫ᭞ᬳᬢᬸᬭᬾᬫᬗ᭄ᬓᬶᬦ᭄ᬓᬯᬶᬢᬶᬦ᭄᭞ᬫᬗ᭄ᬤᬳᬤᬸᬂ᭞ᬮᬦᬂᬳᬶᬲ᭄ᬢ᭄ᬭᬷᬫᬧᬶᬦᬸᬦᬲ᭄᭟᭐᭟ᬲᬶᬗ᭄ᬕᬶᬄᬭᬢᬸᬫᬭᬕᬲᬹᬃᬬ᭞ᬘᬶᬗᬓ᭄ᬢᬶᬢ᭄ᬬᬂ
ᬲᬋᬂᬓᬮᬶᬄ᭞ᬭᬢᬸᬫᬭᬕᬳ᭄ᬬᬂᬲ᭄ᬫᬭ᭞ᬳᬓ᭄ᬱᬶᬳᬢᬸᬃᬢᬶᬢ᭄ᬬᬂᬫᬗ᭄ᬓᬶᬦ᭄᭞ᬫᬮᬦ᭄ᬢᬭᬦ᭄ᬘᬦᬂᬯᬗᬶ᭞ᬦᬶᬓᬶᬳᬫᭂᬂᬳᬫᭂᬂᬭᬢᬸ᭞ᬳᬭᬦ᭄ᬜᬲ᭄ᬬᬦᬗᬭᬦ᭄᭞ᬢᬸᬦᬲ᭄ᬢᬶᬢ᭄ᬬᬂᬲᬦᬾᬫᬗ᭄ᬓᬶᬦ᭄᭞ᬘᬶᬗ
ᬓ᭄ᬭᬢᬸ᭞ᬳᬶᬧᬸᬦ᭄ᬳᬗ᭄ᬕᬾᬦ᭄ᬢᬶᬢ᭄ᬬᬂᬲᭀᬫᬄ᭟᭐᭟ᬳᬶᬘᬾᬦ᭄ᬢᬶᬃᬣᬧᬗ᭄ᬭᬸᬯᬢᬦ᭄᭞ᬲᭂᬩᭂᬮ᭄ᬓᬦ᭄ᬤᭂᬮ᭄ᬫᬗ᭄ᬤᬫᬶᬮᬶ᭞ᬳᬜᬸᬤ᭄ᬳᬶᬧᬸᬦ᭄ᬓᬲᬗ᭄ᬓᬦ᭄ᬧᬭᬦ᭄᭞ᬧᬢᭂᬫᬸᬦ᭄ᬢᬶᬢ᭄ᬬᬂᬫᬗ᭄ᬤᬩᬺᬲᬶᬄ᭞ᬮᬾᬤᬂᬭ