Kaca:Bali-lontar-gaguritan-pancayoga-01-300ppi.pdf/66

Saking Wikisource
Kaca puniki sampun kauji-wacén

[ ᭖᭕ 65B]
᭖᭕᭞
ᬦ᭄ᬢᭂᬦ᭄ᬭᬸᬦ᭄ᬢᬸᬢᬦ᭄ᬩᬦ᭄ᬢᭂᬦ᭄ᬳᬶᬓᬸ᭞ᬧᬗᬸᬮᬧ᭄ᬳᬫ᭄ᬩᬾᬦᬾ᭞ᬫᬶᬯᬄᬩᬦ᭄ᬢᭂᬦ᭄ᬲᭀᬮᬲ᭄ᬢᬦ᭄ᬤᬶᬂ᭞ᬧ᭄ᬭᬲ᭄ᬳᭂᬮᬶᬲ᭄ᬢᬸᬮᬸᬂᬢᬸᬗ᭄ᬕᬮ᭄ᬤᬶᬢᬸ᭞ᬧ᭄ᬭᬬᬰ᭄ᬘᬶᬢᬮᬦ᭄ᬲᬲᬬᬸᬢ᭄᭞ᬮ᭄ᬯᬶᬄᬧᬜᭂᬦᭂᬂᬮᬦ᭄ᬢᭂᬕᭂᬦᬦ᭄᭞ᬚᬗᬦ᭄ᬘᬮᭀᬦ᭄ᬲᭂ
ᬓᬸᬮ᭄ᬳᬶᬧᬸᬦ᭄᭞ᬧᬫ᭄ᬮᬲ᭄ᬧᬲ᭄ᬳᬮᬶᬢ᭄ᬧᬸᬧᬸᬢᬂ᭞ᬫᬗ᭄ᬤᬤᬤᭀᬲ᭄ᬳᬳᬸᬭᬶᬦ᭄ᬘᬦᬂ᭟᭐᭟ᬓ᭄ᬭᬫᬦᬶᬂᬗᬯᬗᬸᬦ᭄ᬕᭂᬤᭀᬂᬢᬸᬫ᭄ᬧᬂᬢᭂᬮᬸ᭞ᬮᬦ᭄ᬢᬸᬫ᭄ᬧᭂᬂᬮᬶᬫᬦᬾ᭞ᬧ᭄ᬭᬩᬶᬢ᭄ᬚᬗ᭄ᬓᭂᬧ᭄ᬮᬦᬂᬳᬶᬲ᭄ᬢ᭄ᬭᬷ᭞ᬓ᭄ᬯᬮᬶᬯᬚᬯ
ᬥᬄᬳᬶᬧᬸᬦ᭄᭞ᬳᭂᬫᬵᬲ᭄ᬲᬮᬓᬧ᭄ᬭᬶᬧᬶᬄᬳᬶᬧᬸᬦ᭄᭞ᬧ᭄ᬭᬶᬧᬶᬄᬢᭂᬫ᭄ᬩᬕᬚᬭᬸᬫ᭄ᬳᭂᬫᬵᬲ᭄᭞ᬧᭀᬤᬶᬫᬶᬭᬄᬧᬥᬤᬶᬢᬸ᭞ᬭᬶᬂᬯᬯᬗᬸᬦᬦ᭄ᬢᬗ᭄ᬓᭂᬧ᭄ᬫᬸᬗ᭄ᬕᬄ᭞ᬫᬓᬯᬥᬄᬚᭂᬫ᭄ᬩᬸᬂᬧᬝᬵᬓ᭄᭟᭐᭟ᬯᬦ᭄ᬢᬄᬢᬸ
ᬗ᭄ᬕᬶᬮ᭄ᬤᬕᬶᬂᬜᬧᬸᬦᬶᬓᬸ᭞ᬬᭀᬕ᭄ᬬᬧᭂᬦ᭄ᬥᭂᬫᬺᬓᬾ᭞ᬦᬭᬶᬂᬤᬲᬃᬯᬗᬸᬦᬦᬾᬓᬶ᭞ᬧ᭄ᬭᬬᬰ᭄ᬘᬶᬢᬬᭀᬕ᭄ᬬᬤᬸᬫᬸᬦ᭄᭞ᬲᬧᬳᬶᬮᬾᬦ᭄ᬫᬗ᭄ᬤᬧᬸᬧᬸᬢ᭄᭞ᬰᬸᬘᬶᬧᬚᬵᬢᬶᬦᬾᬬᭀᬕ᭄ᬬ᭞ᬤᬸᬃᬫᬗ᭄ᬕᬮ
[ ᭖᭖ 66A]
ᬲᬲᬬᬸᬢ᭄ᬳᬶᬧᬸᬦ᭄᭞ᬗᬋᬧ᭄ᬭᬬᬸᬦᬦ᭄ᬧᬸᬢᬶᬄᬚᭂᬦᬃ᭞ᬲᬧ᭄ᬭᬤᭂᬕ᭄ᬭᬦ᭄ᬢᬲᬦ᭄ᬯᭂᬦᬂ᭟᭐᭟ᬧ᭄ᬭᬲ᭄ᬤᬓ᭄ᬱᬶᬡᬧᬜᭂᬦᭂᬂᬩ᭄ᬭᬲᬘᬢᬸ᭞ᬮᬶᬫᬂᬗᬢᬸᬲ᭄ᬳᬃᬣᬦᬾ᭞ᬫᬗ᭄ᬓᬓᬚᬃᬯᬾᬤᬢᬲ᭄ᬢ᭄ᬭᬢ᭄ᬯᬶ᭞ᬬᬤᬶᬦᬃᬘᬧᬸ
ᬦᬶᬓᬯᬗᬸᬦ᭄᭞ᬮᬶᬗ᭄ᬕᬦᭂᬦ᭄ᬭᬶᬂᬳᭂᬤᭀᬂᬫᬾᬭᬸ᭞ᬫᬓᬮᬶᬗ᭄ᬕᬦ᭄ᬳ᭄ᬬᬂᬪᬝᬵᬭ᭞ᬫᬗ᭄ᬤᬲᬂᬧᬡ᭄ᬥᬶᬢᬫᬸᬢᬸᬲ᭄᭞ᬫᬗᬃᬤᬶᬅᬃᬘᬧᬸᬦᬶᬓ᭞ᬫᬶᬭᬄᬧᭀᬤᬶᬲᬋᬂᬭᬶᬂᬫᬹᬃᬤ᭟᭐᭟ᬬᭀᬕ᭄ᬬᬳᬶᬤᬲᬂᬧᬡ᭄ᬥᬶ
ᬢᬫᬸᬢᬸᬲ᭄᭞ᬫᬗᬸᬜ᭄ᬘᬃᬯᬾᬤᬦᬾ᭞ᬗᬲ᭄ᬢᬯᬬᬂᬧ᭄ᬭᬢᬶᬯᬷᬚᬵᬢᬶ᭞ᬫᬶᬯᬄᬅᬧᬄᬢᬾᬚᬩᬬᬸ᭞ᬳ᭄ᬬᬂᬲᬹᬃᬬ᭞ᬫ᭄ᬯᬂᬲᬶᬢᬗ᭄ᬲᬸ᭞ᬧᬜ᭄ᬘᬋᬱᬶᬤᬾᬯᬢᬲᬗ᭄ᬳ᭞ᬳ᭄ᬬᬂᬧ᭄ᬭᬫᬾᬲ᭄ᬢᬶᬢᬯᬂᬲᬸᬯᬸᬂ᭞ᬓᬢᬸ
ᬯᬸᬃᬫᬗ᭄ᬤᬧ᭄ᬭᬧ᭄ᬢ᭞ᬫᬳᬬᬸᬫᬰᬭᬶᬭ᭟᭐᭟ᬘᬢᬸᬃᬚᬦ᭄ᬫᬬᭀᬕ᭄ᬬᬲᬫᬶᬫᬧᬯᬗᬸᬦ᭄᭞ᬧ᭄ᬭᬬᬗᬦ᭄ᬲᬸᬗ᭄ᬕᬶᬦᬾ᭞ᬧᬤᬕᬶᬗᬦ᭄ᬧᬢᭂᬄᬲᬫᬶ᭞ᬧᬤ᭄ᬫᬲᬵᬡᬲᬮ᭄ᬯᬶᬃᬳᬶᬧᬸᬦ᭄᭞ᬕᭂᬤᭀᬂᬲᬭᬷᬓᬂᬯᬶᬦᬗᬸ