[ ᭕᭐ 50B]
᭕᭐᭞
ᬲᭀᬮᬄᬢᬗᬦᬾᬳᬦᬹᬢᬂ᭞ᬫᬗᬋᬧᬶᬦ᭄᭞ᬮᭀᬃᬓᬸᬮᭀᬦ᭄ᬯᬦ᭄ᬢᬄᬬᭀᬕ᭄ᬬ᭟᭐᭟ᬲᬸᬭᬸᬧ᭄ᬲᬹᬃᬬᬦᬾᬳᬦᬹᬢᬂ᭞ᬬᬤᬶᬦ᭄ᬫᬃᬕᬦ᭄ᬢᭀᬬᬫᬮᬶᬄ᭞ᬗᬦᬹᬢᬂᬳᬘᬶᬧᬗᭂᬲᭀᬃ᭞ᬪᬷᬦᬓᬧᬶᬦ᭄ᬩᬦ᭄ᬢᭂᬦ᭄ᬓᬢᬸᬃ
᭞ᬲᬦᬾᬓᬢᬸᬃᬭᬶᬂᬪᬝᬵᬭ᭞ᬫᬶᬯᬄᬯᬶᬥᬶ᭞ᬫᬋᬧ᭄ᬧᬹᬃᬯᬮᬓ᭄ᬱᬡᬬᬂ᭟᭐᭟ᬫᬗᬦᬹᬢᬶᬦ᭄ᬲᬹᬃᬬᬫᭂᬤᬮ᭄᭞ᬮ᭄ᬯᬶᬃᬲᭀᬮᬄᬫᬢ᭄ᬭᬶᬲᬦ᭄ᬥᬶ᭞ᬬᬤᬶᬦ᭄ᬫᬋᬧ᭄ᬓᬶᬤᬸᬮ᭄ᬯᭂᬦᬂ᭞ᬲᭀᬮᬄᬢᬗᬦ᭄ᬫᬗ᭄ᬤᬳᬤᬸᬂ᭞ᬮ᭄ᬯᬶᬃ
ᬦᬶᬂᬧᬶᬢᬸᬤᬸᬄᬩᬧᬦᬾᬗᬹᬦᬷ᭞ᬲᭀᬮᬄᬢᬗᬦᬾᬫᬜᬸᬫ᭄ᬩᬄ᭟᭐᭟ᬫᬬᭀᬕᬫᬗᬸᬜ᭄ᬘᬃᬯᬾᬤ᭞ᬲᬳᬫᭂᬦᭂᬂᬫᭂᬍᬂᬧᬢᬶᬢᬶᬲ᭄᭞ᬫᬗᬲ᭄ᬢᬯᬲᬳᬰᬸᬓ᭄ᬮ᭞ᬭᬶᬂᬲᬂᬰᬸᬓ᭄ᬮ
ᬫᬭᬕᬲᬸᬯᬸᬂ᭞ᬩᬩᬦ᭄ᬢᭂᬦᬾᬢ᭄ᬯᬄᬮᬦ᭄ᬢᬸᬭᬂ᭞ᬧᬗᭂᬦᬶᬗᬶᬦ᭄᭞ᬢᭀᬬᬦ᭄ᬘᬭᬸᬚ᭄ᬯᬫᬃᬕ᭄ᬬ᭄᭟᭐᭟ᬲᭂᬕᬳᬸᬮᬦ᭄ᬢᭂᬧᬸᬂᬢᬯᬃ᭞ᬩᬜᬳᬯᬂᬫᬶᬯᬄᬳᭂᬮᬶᬲ᭄᭞ᬩᬦ᭄ᬢᭂᬦᬾᬲᬫᬶᬳᬸᬦᬶᬗᬂ᭞ᬦᬾᬓᬲᬹᬃ
[ ᭕᭑ 51A]
ᬬᬧᬶᬦᬶᬄᬤᬸᬫᬸᬦ᭄᭞ᬫᬗ᭄ᬤᬮᬾᬤᬂᬳᬶᬤᬫᬲᬹᬃᬬ᭞ᬜᬚᭂᬦᭂᬗᬶᬦ᭄᭞ᬢᬢᬸᬚᭀᬦ᭄ᬲᬂᬫᬤ᭄ᬯᬾᬓᬃᬬ᭟᭐᭟ᬩᬦ᭄ᬢᭂᬦᬾᬭᬶᬂᬲᭀᬃᬳᬸᬦᬶᬗᬂ᭞ᬭᬶᬂᬲᬂᬳ᭄ᬬᬂᬳᬶᬩᬸᬧᬺᬣᬶᬯᬷ᭞ᬳᬢᬸᬭᬶᬦ᭄ᬳᬶᬤᬚᬸᬫᭂᬮᬕ᭄᭞
ᬫᬗᬓ᭄ᬱᬶᬳᬢᬸᬭᬦ᭄ᬳᬶᬧᬸᬦ᭄᭞ᬫᬶᬯᬄᬓᬜ᭄ᬘᬦᬶᬃᬩᬪᬹᬢᬦ᭄᭞ᬮᬦ᭄ᬧᬫᬮᬶ᭞ᬫᬗ᭄ᬤᬳᬶᬤᬫᬗ᭄ᬭᬯᬸᬳᬂ᭟᭐᭟ᬭᬶᬂᬫᬥ᭄ᬬᬫᬮᬶᬄᬳᬸᬦᬶᬗᬂ᭞ᬩᬩᬦ᭄ᬢᭂᬦᬾᬫᬓᬲᬫᬶ᭞ᬭᬶᬂᬤᬾᬯᬢᬦᬯᬲᬗ᭞ᬯᬯᬸ
ᬭᬭᬶᬲ᭄ᬳᬬᬩ᭄ᬤᬶᬢᬸ᭞ᬫᬤᬸᬮᬸᬭᬦ᭄ᬢᬢᬩᬸᬳᬦ᭄᭞ᬮᬯᬸᬢ᭄ᬓᬯᬶᬢᬶᬦ᭄᭞ᬩᬸᬬᭂᬂᬩᭂᬦᬂᬦᬫ᭄ᬩᬾᬗᬸᬮᬧ᭄᭟᭐᭟ᬤᬾᬯᬲᬗᬳᬸᬤᬸᬄᬗᬸᬦ᭄ᬤᬂ᭞ᬪᬸᬢᬪᬹᬢᬶᬮᬦ᭄ᬫᬫᭂᬤᬶ᭞ᬪᬹᬢᬬᬓ᭄ᬱᬪᬹᬢᬗᬤᬂ᭞ᬳᬶᬧᬫᬮᬶ
ᬯᬢᭂᬓ᭄ᬳᬦ᭄ᬢᬸ᭞ᬚᬶᬫ᭄ᬧᬾᬢᬦ᭄ᬫᬗ᭄ᬤᬢᭂᬓ᭞ᬫᬓᬲᬫᬶ᭞ᬤᬶᬢᬸᬳᬯᬲ᭄ᬳᬧᬂᬢᬯᬂ᭟᭐᭟ᬤᬶᬢᬸᬮᬯᬸᬢ᭄ᬧᬥᬳᬘᭂᬧᬂ᭞ᬢᬸᬗ᭄ᬕᬮᬂᬚ᭄ᬭᭀᬦᬶᬂᬳᬢᬶ᭞ᬓᬗᬶᬦ᭄ᬓᬯᬸᬄᬓᬚᬓᭂᬮᭀᬤ᭄᭞ᬤᬶᬢᬸᬕᬸᬲ᭄ᬢᬶᬦ᭄ᬜᬦᬾ
Kaca:Bali-lontar-gaguritan-pancayoga-01-300ppi.pdf/51
Kaca puniki sampun kauji-wacén
