Kaca:Bali-lontar-gaguritan-pancayoga-01-300ppi.pdf/50

Saking Wikisource
Kaca puniki sampun kauji-wacén

[ ᭔᭙ 49B]
᭔᭙᭞
ᬫᬫᬗ᭄ᬕᬸᬄᬳᬶᬓᬗᬭᬦ᭄᭟᭐᭟ᬧᬶᬂᬢᬶᬕᬫᬜ᭄ᬘᬓᬸᬲᬸᬫ᭞ᬫᬜ᭄ᬘᬓᭂᬮᬸᬤ᭄ᬯᬦ᭄ᬢᬄᬢᬸᬗ᭄ᬕᬶᬮ᭄᭞ᬓᬧᬶᬂᬘᬢᬸᬃᬫᬜ᭄ᬘᬲᬢ᭞ᬋᬱᬶᬕᬦᬧᬜ᭄ᬘᬲᬵᬫ᭄ᬫ᭄ᬧᬸᬦ᭄᭞ᬓᬧᬶᬂᬳᬦᭂᬫ᭄ᬫᬜ᭄ᬘᬲᬵᬦᬓ᭄᭞ᬧᬶ
ᬢᬸᬫᬮᬶᬄ᭞ᬩᬮᬶᬓ᭄ᬲᬸᬫ᭄ᬧᬄᬳᬶᬓᬸᬗᬭᬦ᭄᭟᭐᭟ᬮᬩᬸᬕᭂᬦ᭄ᬢᬸᬄᬓᬧᬶᬂᬅᬱ᭄ᬝ᭞ᬢᬯᬸᬃᬳᬕᬸᬂᬲᬗᬫᬗ᭄ᬓᬶᬦ᭄᭞ᬓᬧᬶᬂᬤᬰᬦᬾᬓᬩᬯᭀᬲ᭄᭞ᬫᬜ᭄ᬘᬫᬮᬶᬓ᭄ᬭᬫᬳᬶᬓᬸ᭞ᬓᬧᬶᬂᬲᭀᬮᬲ᭄ᬫᬫᬸᬧᬸ
ᬓᬮᬸᬤ᭄ᬭ᭞ᬦᬾ ᬳᬲᬶᬓᬶ᭞ᬫᬜ᭄ᬘᬩᬮᬶᬓ᭄ᬭᬫᬗᬭᬦ᭄᭟᭐᭟ᬧᬫᭀᬂᬤᬾᬰᬯᬦ᭄ᬢᬄᬯᭂᬦᬂ᭞ᬜᬭᭀᬦᬶᬦ᭄ᬧ᭄ᬭᬬᬗᬦ᭄ᬯᬾᬘᬶ᭞ᬮᬩᬸᬕᭂᬦ᭄ᬢᬸᬄᬩᬮᬶᬓ᭄ᬲᬫ᭄ᬧᬄ᭞ᬬᬤᬶᬦ᭄ᬫᬜ᭄ᬘᬲᬵᬦᬓ᭄ᬧᬢᬹ
[ ᭕᭐ 50A]
ᬢ᭄᭞ᬲᭀᬃᬧᬸᬦᬶᬓᬭᬶᬂᬧᬸᬫᬳᬦ᭄᭞ᬫᬵᬘᬶᬳᬘᬶ᭞ᬫᬜᬭᭀᬦᬶᬦ᭄ᬓᬭᬂᬭᬸᬲᬓ᭄᭟᭐᭟ᬲᬸᬦ᭄ᬤᬭᬶᬕᬫᬫᬦᭂᬕᭂᬲᬂ᭞ᬲᬩᬦ᭄ᬢᬳᬸᬦ᭄ᬫᬧᬗᬘᬶ᭞ᬲᬦᬗ᭄ᬓᭂᬦ᭄ᬰᬰᬶᬄᬓᬲᬗ᭞ᬭᬶᬂᬢᬶᬍᬫ᭄ᬓᭂᬢᬄᬲᬵᬫ᭄ᬧᬸ
ᬦ᭄᭞ᬫᬲᬂᬘᬭᬸᬭᬶᬂᬧᭂᬫ᭄ᬧᬢᬦ᭄᭞ᬦᬾᬗᭀᬋᬕᬶᬦ᭄᭞ᬩᬸᬚᬗ᭄ᬕᬧᬫᬗ᭄ᬓᬸᬯᭂᬦᬂ᭟᭐᭟ᬲᬓᬶᬂᬗᬹᬦᬶᬮᬓ᭄ᬱᬡᬬᬂ᭞ᬢᬳᬸᬦ᭄ᬩᬭᬸᬓᬯᬱ᭄ᬝᬦᬶᬦ᭄᭞ᬳᬶᬦ᭄ᬤᬸᬩᬮᬶᬦᬾᬓᬩᬯᭀᬲ᭄᭞ᬗᬸᬢ᭄ᬢᬫᬬᬂᬗᬕᭂᬫ᭄ᬲᬵ
ᬫ᭄ᬧᬸᬦ᭄᭞ᬓᬾᬢᭀᬓᭂᬢᬸᬢ᭄ᬳᬧᬂᬢᬯᬂ᭞ᬳᬚᬕᬸᬜ᭄ᬚᬶᬄ᭞ᬗᭂᬫ᭄ᬧᭀᬦᬶᬦ᭄ᬮᬯᬶᬲᬵᬕᬫ᭟᭐᭟ᬳᭀᬮᬲᬲᬶᬄᬫᬢᬸᬃᬲᭂᬫ᭄ᬩᬄ᭞ᬮᬦ᭄ᬢᬸᬭᬂᬭᬢᬸᬫᬮᬶᬳᬶᬦ᭄᭞ᬓᬵᬮᬦᬶᬂᬫᬘᬘᬭᭀᬦ᭄᭞ᬓᬤᬶᬦᬧᬶᬲᭀᬮᬄ
ᬳᬶᬧᬸᬦ᭄᭞ᬲᬧᬲᬶᬭᬳᬬᬢ᭄ᬢᬶᬢ᭄ᬬᬂ᭞ᬦᬾᬳᬢᬸᬭᬶᬦ᭄᭞ᬫᬗ᭄ᬤᬳᬸᬦᬶᬂᬭᬢᬸᬢᬶᬢ᭄ᬬᬂ᭟᭐᭟ᬳᬶᬤᬰᬶᬯᬫᬗᬦ᭄ᬤᬶᬓ᭞ᬲᬓᬶᬂᬫᬗ᭄ᬓᬶᬦ᭄ᬳᬧᬂᬢᬾᬮᬶᬂ᭞ᬫᬗᬘᬶᬭᬶᬂᬯᬢᭂᬓ᭄ᬪᬸᬢ᭞ᬫᬧᬯᬾᬯᬾᬄᬯᬱ᭄ᬝᬦ᭄ᬳᬶᬧᬸᬦ᭄᭞