[ ᭔᭘ 48B]
᭔᭘᭞
ᬗᬸᬦᬦ᭄ᬦᬭᬶᬂᬲᬗ᭄ᬕᬄ᭟᭐᭟ᬲᬗ᭄ᬕᬄᬓᬫᬸᬮᬦ᭄ᬯᬗᬸᬦᬂᬤᬶᬢᬸ᭞ᬫ᭄ᬯᬂᬧᬚᭂᬦᭂᬗᬦᬾ᭞ᬯᬗᬸᬦᬦ᭄ᬲᬂᬯᬳᬸᬫᬭᬩᬶ᭞ᬫᬓᬫᬸᬮᬦ᭄ᬲᬂᬫᬢᭂᬫᬸ᭞ᬗᬲ᭄ᬢᬯᬭᬶᬂᬲᬗ᭄ᬕᬄᬳᬶᬓᬸ᭞ᬭᭀᬗᬦ᭄ᬢᬶᬕᬭᭀ
ᬗᬦ᭄ᬳᬫ᭄ᬧᬢ᭄᭞ᬳᭀᬓᬦᬾᬫᬗ᭄ᬤᬭᬳᬬᬸ᭞ᬫᬤ᭄ᬯᬾᬳᬶᬥᭂᬧ᭄ᬩᬬᬸᬰᬩ᭄ᬤ᭞ᬳᬶᬭᬸᬂᬓᬃᬡᬫᬶᬯᬄᬢᬶᬗ᭄ᬳᬮ᭄᭟᭐᭟ᬲᬂᬧᬶᬢ᭄ᬭᬫᬢᭂᬧᬸᬂᬢᬯᬃᬲᬵᬫ᭄ᬧᬸᬦ᭄᭞ᬲᬦᬾᬲᬵᬫᬵᬧᬸᬦ᭄ᬫᬩᬾᬦ᭄᭞ᬲᬗ᭄ᬕᬄᬓ
ᬫᬸᬮᬦ᭄ᬳᬲ᭄ᬣᬶᬢᬶ᭞ᬫᬓᬓᬦ᭄ᬢᬶᬲᬂᬳ᭄ᬬᬂᬢᭂᬮᬸ᭞ᬳ᭄ᬬᬂᬇᬰ᭄ᬯᬭᬩ᭄ᬭᬵᬳ᭄ᬫᬯᬶᬱ᭄ᬡᬸ᭞ᬫᬶᬯᬄᬲᬂᬳ᭄ᬬᬂᬘᬢᬸᬃᬫᬸᬓ᭞ᬳᬶᬤᬫᬭᬕᬲᬂᬳ᭄ᬬᬂᬢᬸᬤᬸᬄ᭞ᬫᬗᬸᬤᬸᬳᬂᬳ᭄ᬬᬂᬤᬾᬯᬢ᭞ᬫᬜ᭄ᬭᭀᬯᬤᬶᬭᬶᬂᬳᬶᬫᬵᬦᬸᬱ
᭟᭐᭟ᬧᭀᬫᬧᭀᬫᬭᬵᬦᬓ᭄ᬳᬧᬂᬢᬸᬳᬸ᭞ᬫᬗ᭄ᬓᬉᬚᬃᬦᬪᬾ᭞ᬦᭂᬕᭂᬲᬂᬢᬸᬢᬸᬃᬲᬂᬥᬸᬫᬤᬶ᭞ᬤᬾᬯᬢᬰᬸᬘᬶᬫᬦᬸᬭᬸᬦ᭄᭞ᬤᬤᭀᬲᭀᬓᬤᬷᬃᬖᬢᬸᬯᬸᬄ᭞ᬫᬗᬦᬹᬢᬂᬓᭂᬘᬧ᭄ᬲᬵᬲᬦ᭞
[ ᭔᭙ 49A]
ᬓᬭᬶᬭᭀᬫᭀᬦ᭄ᬳᬶᬧᬸᬦ᭄ᬢᭂᬤᬸᬦ᭄᭞ᬦᬤᭀᬲᭀᬓᬲᬶᬕᬸᬕ᭄ᬢᭂᬫ᭄ᬧᬮ᭄᭞ᬘᭂᬦ᭄ᬤᭂᬓ᭄ᬢᬸᬯᬸᬄᬓᬲᬓᬶᬢᬦ᭄᭟᭐᭟ᬳᬫᬸᬦᬶᬓᬯᬸᬲ᭄ᬩᬧᬫᬦᬸᬢᬸᬃ᭞ᬲᬸᬲᬸᬧᬂᬤᬶᬳᬢᬶᬦᬾ᭞ᬫᬥᬾᬧᬹᬦ᭄ᬬᬫᬢᬸᬃᬲᬶ
ᬗ᭄ᬕᬶᬄ᭞ᬧᬶᬦᬶᬄᬯᬾᬦᬵᬢᭂᬦ᭄ᬢᬶᬕᬂᬤᬮᬸ᭞ᬯᭂᬗᬶᬦᬾᬲᬵᬫ᭄ᬧᬸᬦ᭄ᬗᬮᬗ᭄ᬓᬸᬂ᭞ᬫᬲᬦ᭄ᬲᬶᬋᬧ᭄ᬲᬸᬯᬸᬰᬹᬦ᭄ᬬ᭞ᬘᬓ᭄ᬭᬯᬓᬧᬓ᭄ᬱᬶᬢᬸᬳᬸ᭞ᬳᬦᬩ᭄ᬫᬶᬮᬸᬫᬜᬚᬬᬂ᭞ᬤᬶᬕᬶᬗᬶᬂᬢᬸᬢᬸᬃᬉᬢ᭄ᬢᬫ᭟᭐᭟ᬧᬸᬧᬸᬄᬕᬶᬦ
ᬥ᭟᭐᭟ᬓᭂᬢᬸᬢᭀᬮᬲᬲᬶᬄᬓᭀᬘᬧ᭄᭞ᬫᬧᬶᬦᬸᬦᬲ᭄ᬭᬶᬂᬲᬂᬋᬱᬶ᭞ᬲᬶᬗ᭄ᬕᬶᬄᬫᬗ᭄ᬓᬶᬦ᭄ᬭᬢᬸᬧ᭄ᬭᬡ᭄ᬥ᭞ᬓᬤᬶᬧᬲ᭄ᬯᬾᬘᬦᬾᬲᬵᬫ᭄ᬧᬸᬦ᭄᭞ᬮᬦ᭄ᬢᬸᬭᬂᬧᬶᬦᬸᬦᬲ᭄ᬢᬶᬢ᭄ᬬᬂ᭞ᬥᬸᬄᬳᬶᬘᬳᬶᬦ᭄᭞ᬧᬶᬤᬩ᭄ᬤᬩ᭄ᬩᬢ
ᬬᬚ᭄ᬜᬵ᭟᭐᭟ᬳᭂᬫ᭄ᬧᬸᬤᬮᬂᬲᬸᬂᬯᬘᬦ᭟ᬉᬥᬸᬄᬦᬓᭀᬮᬲᬲᬶᬄ᭞ᬩᬘᬓᬦᬾᬲᭀᬮᬲ᭄ᬲᭀᬭᭀᬄ᭞ᬦᬭᬶᬂᬩᬮᬶᬢᬫ᭄ᬬᬂᬲᬵᬫ᭄ᬧᬸᬦ᭄᭞ᬧ᭄ᬭᬢᬫᬗᬭᬦ᭄ᬲᭂᬕᭂᬳᬦ᭄᭞ᬓᬧᬶᬂᬓᬮᬶᬄ
Kaca:Bali-lontar-gaguritan-pancayoga-01-300ppi.pdf/49
Kaca puniki sampun kauji-wacén
