Kaca:Bali-lontar-gaguritan-pancayoga-01-300ppi.pdf/46

Saking Wikisource
Kaca puniki sampun kauji-wacén

[ ᭔᭕ 45B]
᭔᭕᭞ᬦ᭄ᬫᬲᬸᬓ᭄ᬭᬶᬂᬧᬸᬭᬶ᭟᭐᭟ᬓᬲᬾᬧᬤᬶᬧᬢᬶᬢ᭄ᬭᬸᬂ᭞ᬦᬗ᭄ᬕᬮ᭄ᬬᬸᬤᬓᬮᬸᬤᬦ᭄ᬯᭂᬗᬶ᭞ᬭᬤᬾᬦ᭄ᬧᬢᬢᬄᬫᬗᭀᬧᬕᬂ᭞ᬏᬩᭂᬓ᭄ᬚᭂᬫᬸᬃᬚ᭄ᬭᭀᬦᬶᬂᬧᬸᬭᬷ᭞ᬫᬸᬲᬸᬄᬕᬮᬓ᭄ᬢᬦ᭄ᬢᬶᬦᬗ᭄ᬕᬮ᭄᭞ᬅᬤᬶ
ᬧᬢᬶᬢ᭄ᬭᬸᬂᬓᬮᬶᬮᬶᬄ᭟᭐᭟ᬲᬂᬧ᭄ᬭᬪᬸᬜᬶᬗ᭄ᬓᬶᬃᬗᬮᬚᬸᬃ᭞ᬲᬋᬂᬧᬸᬢ᭄ᬭᬶᬲᬓᬶᬂᬩᬮᬶ᭞ᬲᬤᬸᬓ᭄ᬳᬩᬤ᭄ᬳᬦᭂᬫ᭄ᬩᭂᬮᬲ᭄᭞ᬧᬸᬭᬷᬓ᭄ᬮᬸᬓᬸᬂᬦᬾᬓᬳᬸᬗ᭄ᬲᬶ᭞ᬲᬋᬂᬧᬢᬶᬄᬕᬚᬄᬫᬤ᭞ᬚ
ᬯᬢᬶᬫᬸᬓᬾᬄᬫᬗᬶᬭᬶᬂ᭟᭐᭟ᬭᬄᬤᬶᬢᬸᬢᭂᬗ᭄ᬕᭂᬓ᭄ᬧᬧᬶᬢᬸ᭞ᬲ᭄ᬬᬸᬧᭂᬢᬂᬳᬢᬸᬲ᭄ᬬᬸᬲᬕᬸᬫᬶ᭞ᬧ᭄ᬭᬪᬸᬫᬚᬧᬳᬶᬢ᭄ᬓᬮᬄ᭞ᬧ᭄ᬭᬪᬸᬤᭂᬫᬓ᭄ᬦᬭᬶᬂᬚᬯᬶ᭞ᬧᬸᬮᭀᬢᬶᬫᬸᬃᬢᭂᬮᬄᬓᬚᬚᬄ
᭞ᬓᬧᬓ᭄ᬱᬓᬲᭂᬮᬫ᭄ᬲᬫᬶ᭟᭐᭟ᬓᬧᬢᬾᬦᬶᬦᬲᬶᬂᬧᬗ᭄ᬕᬸᬄ᭞ᬓᬢᬄᬫᬗᭂᬫᬲᬶᬦ᭄ᬫᬢᬶ᭞ᬯᬾᬦ᭄ᬢᭂᬦ᭄ᬢᬓᬸᬢ᭄ᬧᬘᬂᬧᭂᬚᬄ᭞ᬜᭂᬭᬄᬳᬶᬧᬸᬦ᭄ᬓᬲᬸᬦᬢᬶᬦ᭄᭞ᬯᬾᬦ᭄ᬢᭂᬦ᭄ᬳᭀᬮᬶᬄᬫᬲᬗ᭄ᬓᭂ
[ ᭔᭖ 46A]
ᬮᬶᬩᬦ᭄᭞ᬫᬗ᭄ᬭᬭᬶᬲ᭄ᬭᬤ᭄ᬓᬩᬮᬶ᭟᭐᭟ᬧᬸᬧᬸᬄᬅᬤ᭄ᬭᬶ᭟᭐᭟ᬫᬥᬾᬧᬹᬦ᭄ᬬᬲᭂᬫᭂᬂᬢᬗ᭄ᬓᬶᬮ᭄ᬲᬵᬫ᭄ᬧᬸᬦ᭄᭞ᬮ᭄ᬯᬶᬃᬦᬶᬂᬯᬘᬦᬦᬾ᭞ᬫᬢ᭄ᬯᬗᬾᬭᬶᬂᬳ᭄ᬬᬂᬦᬪᬶ᭞ᬳᭂᬫ᭄ᬧᬸᬤᬮᬂᬦᬸᬮ᭄ᬬᬫᬯᬸ
ᬯᬸᬲ᭄᭞ᬋᬗᭂᬦ᭄ᬭᬦᬓ᭄ᬤᬾᬦᬢᬸᬳᬸ᭞ᬲᬲᬵᬫᬵᬧᬸᬦ᭄ᬭᬶᬂᬩᬮᬶᬦᬸᬗ᭄ᬕᬮ᭄᭞ᬓ᭄ᬯᬾᬄᬧᬡ᭄ᬥᬶᬢᬧᬭᬳᭂᬫ᭄ᬧᬸ᭞ᬰᬶᬯᬩᬸᬤ᭄ᬥᬲᬸᬭᬲ᭞ᬫᬤᬩ᭄ᬤᬩ᭄ᬗᬶᬮᬶᬗᬂᬰᬶᬱ᭄ᬬ᭟᭐᭟ᬲᭀᬮᬲ᭄ᬕᬸᬭᬸᬲᬓᬶᬂᬲᭂᬩ᭄ᬭᬂᬓᬸᬫ᭄ᬧᬸ
ᬮ᭄᭞ᬯᬸᬕ᭄ᬫᬚᬧᬳᬶᬢᬾ᭞ᬧ᭄ᬭᬭᬸᬤᬦ᭄ᬭᬯᬸᬄᬓᭂᬩᬮᬶ᭞ᬧᬭᬅᬃᬬ᭄ᬬᬮᬦ᭄ᬧᬭᬳᬕᬸᬂ᭞ᬫᬶᬯᬄᬧᬲᭂᬓ᭄ᬲᬢ᭄ᬭᬶᬬᬭᬯᬸᬄ᭞ᬲᬫᬶᬲᬵᬫᬵᬧᬸᬦ᭄ᬧᭀᬮᬶᬄᬕᭂᬦᬄ᭞ᬫᬤᬩ᭄ᬤᬩ᭄ᬭᬶᬂᬩᬮᬶᬳᬤᬸᬂ᭞ᬗᬯᬶᬮᬗᬶᬦ᭄ᬮ᭄ᬯᬶᬃᬧ᭄ᬭ
ᬬᬗᬦ᭄᭞ᬭᬶᬂᬕᬸᬦᬸᬂᬬᬤᬶᬦ᭄ᬭᬶᬂᬓᭀᬢ᭟᭐᭟ᬩᬩᬯᭀᬲᬾᬲᬫᬶᬧᬸᬧᬸᬢ᭄ᬳᬤᬸᬂ᭞ᬲᬳᬾᬬᭀᬕ᭄ᬬᬋᬓᬾ᭞ᬋᬤ᭄ᬓᬳ᭄ᬬᬗᬦ᭄ᬳᭀᬲᬓᬶᬦ᭄᭞ᬦᬶᬓᬲᬫᬶᬦᬭᬶᬂᬕᬸᬦᬸᬂ᭞ᬓᬳ᭄ᬬᬗᬦ᭄ᬢᬶᬕᬂᬧᬸᬦᬶᬓᬸ᭞