[ ᭓᭙ 39B]
᭓᭙᭞
ᬫᬭᬕᬰᬸᬘᬶ᭟᭐᭟ᬳᬸᬲᬂᬳ᭄ᬬᬂᬯᬾᬤᬗᬭᬦ᭄᭞ᬫᬶᬯᬄᬰ᭄ᬭᬸᬢᬶᬰᬵᬲ᭄ᬫᬺᬢᬶᬲᬫᬶᬢᬸᬗ᭄ᬕᬶᬮ᭄᭞ᬲᬫᬶᬆᬕᬫᬯᬱ᭄ᬝᬦ᭄ᬳᬶᬧᬸᬦ᭄᭞ᬦᬳᬦᬦ᭄ᬯ᭄ᬯᬂᬲᬫ᭄ᬬᬕ᭄ᬜᬦ᭞ᬢᬦ᭄ᬧᬮᬶᬗ᭄ᬕᬧ᭄ᬭᬕᬬᬦ᭄ᬗᬤᬂᬲᬸᬯᬸᬂ
᭞ᬬᬦᬸᬘᬧᬂᬲᬫᬶᬳᬶᬯᬂ᭞ᬅᬓ᭄ᬱᬭᬢᭀᬂᬦᭂᬕᭂᬲᬶᬦ᭄᭟᭐᭟ᬫᬸᬗ᭄ᬕᬄᬓᭂᬘᬧ᭄ᬯᬮᬯᬶᬥ᭄ᬬ᭞ᬦᭀᬭᬧᬶᬗᬶᬢ᭄ᬤᬤᭀᬲ᭄ᬭᬵᬦᬓ᭄ᬫᬳᬸᬭᬸᬓᬶᬦ᭄᭞ᬳᬲᬶᬂᬯ᭄ᬯᬂᬩᬸᬤ᭄ᬥᬶᬘᬮᬸᬄ᭞ᬤᬳᬢ᭄ᬪᬕ᭄ᬬᬓᬳᬸᬘ
ᬧᬂ᭞ᬓᬳᬗ᭄ᬓᭂᬦᬂᬓᬓᭂᬧᬶᬢᬦ᭄ᬲᬂᬳ᭄ᬬᬂᬢᬸᬤᬸᬄ᭞ᬤᬤᭀᬲ᭄ᬤᬾᬯᬲᬫᬶᬳᬸᬚᬂ᭞ᬓᬜ᭄ᬘᬦ᭄ᬫᬸᬗ᭄ᬕᬄᬭᬶᬓᬂᬢᬸᬮᬶᬲ᭄᭟᭐ᬶᬫᬵᬦᬸᬱᬫᬳᭀᬢ᭄ᬢᬫ᭞ᬢ᭄ᬯᬶᬓᬓᬲᬶᬄᬭᬶᬂᬳᬶᬤᬲᬂᬳ᭄ᬬᬂᬯᬶᬥᬶ᭞ᬗᬸᬗ᭄ᬘᬃ
ᬯᬾᬤᬲᬮᬫ᭄ᬧᬄᬮᬓᬸ᭞ᬫᬗᬦᬹᬢᬂᬰᬸᬓ᭄ᬮᬦ᭄ᬫᬦᬄ᭞ᬫᬗᬲ᭄ᬢᬯ᭞ᬤ᭄ᬬᬲ᭄ᬢᬸᬦ᭄ᬓᬾᬳᬗ᭄ᬕᬾᬦ᭄ᬧᬢᬸᬮᬸᬂ᭞ᬗᬮᬓ᭄ᬱᬡᬬᬂᬘᬢᬸᬃᬬᬚ᭄ᬜᬵ᭞ᬗᬸᬜ᭄ᬘᬃᬯᬾᬤᬬᭀᬕᬘᭂᬦᬶᬂ᭟᭐᭟ᬬᬦ᭄ᬭᬶᬂᬳᬶᬦ᭄ᬤᬸᬯᬾ
[ ᭔᭐ 40A]
ᬤᬗᬭᬦ᭄᭞ᬦᬭᬶᬂᬚᬯᬶᬗᬭᬦ᭄ᬲᬳᬶᬃᬬᬤᬶᬦ᭄ᬜᬜᬶ᭞ᬬᬦ᭄ᬭᬶᬂᬩᬮᬶᬢᭂᬫ᭄ᬩᬂᬓᬶᬤᬸᬂ᭞ᬫ᭄ᬯᬂᬓᬓᬯᬶᬦ᭄ᬧᬗᬲ᭄ᬢᬯ᭞ᬗᬮᬶᬄᬕᭂᬦᬄᬓᬩ᭄ᬯᬢᬦ᭄ᬳᬶᬧᬸᬦ᭄ᬓᬶᬤᬸᬂ᭞ᬦᬭᬶᬂᬧᬸᬭᬧ᭄ᬭᬬᬗᬦ᭄᭞ᬫᬗᬲ᭄ᬢᬯᬲᬂ
ᬳ᭄ᬬᬂᬯᬶᬥᬶ᭟᭐᭟ᬭᬶᬂᬘᬢᬸᬃᬬᬚ᭄ᬜᬵᬳᬶᬓᬸᬯᭂᬦᬂ᭞ᬓᬮᬦ᭄ᬢᬭᬶᬦ᭄ᬳᬦ᭄ᬢᬸᬓ᭄ᬯᬾᬤᬮᬦ᭄᭄᭞ᬓᬾᬢᭀᬭᬵᬦᬓ᭄ᬳᬧᬂᬢᬳᬸ᭞ᬳᬶᬓᬗᬭᬦ᭄ᬧᬧᬶᬗᬶᬢᬦ᭄᭞ᬓᬳᬸᬘᬧᬂᬦᬭᬶᬂᬭᭀᬦ᭄ᬢᬮ᭄ᬢᭂᬕᭂᬲ᭄ᬳᬶ
ᬧᬸᬦ᭄᭞ᬳᬕᭂᬫᬦ᭄ᬧᬭᬧᬡ᭄ᬥᬶᬢ᭞ᬓᬳᬭᬦᬶᬦ᭄ᬓᬶᬢᬩ᭄ᬰᬸᬘᬶ᭟᭐᭟ᬳᬫᬸᬦᬶᬓᬧᬸᬧᬸᬢ᭄ᬭᬵᬦᬓ᭄᭞ᬚ᭄ᬯᬭᬭ᭄ᬬᬦᬶᬦ᭄ᬫᬫ᭄ᬩᬯᭀᬲ᭄ᬢᬶᬕᬂᬯᭂᬗᬶ᭞ᬏᬜ᭄ᬚᬂᬢᭂᬫ᭄ᬩᬾᬫᬮᬶᬄᬯᬦ᭄ᬢᬸᬦ᭄᭞ᬯᭂᬗᬶᬦᬾᬲᬵᬫᬵᬧᬸᬦ᭄ᬗ
ᬮᬶᬦ᭄ᬢᬂ᭞ᬢᬦᬸᬦᬶᬗᬦ᭄ᬲᬂᬳ᭄ᬬᬂᬲᬸᬃᬬᬦᬸᬗ᭄ᬕᬮ᭄ᬕᬸᬦᬸᬂ᭞ᬧᬭᬰᬶᬱ᭄ᬬᬲᬫᬶᬧ᭄ᬭᬧ᭄ᬢ᭞ᬕᭂᬥᬾᬢᬸᬮᬸᬲ᭄ᬓᬩᬯᭀᬲᬶᬦ᭄᭟᭐᭟ᬧᬸᬧᬸᬄᬲᬶᬦᭀᬫ᭄᭟᭐᭟ᬤᬶᬓ᭄ᬱᬦ᭄ᬳᬶᬤᬫᬧᬶᬦᬸᬦᬲ᭄᭞ᬳᭂᬫ᭄ᬧᬸᬤᬮᬂᬫᬶ
Kaca:Bali-lontar-gaguritan-pancayoga-01-300ppi.pdf/40
Kaca puniki sampun kauji-wacén
