Kaca:Bali-lontar-gaguritan-pancayoga-01-300ppi.pdf/37

Saking Wikisource
Kaca puniki sampun kauji-wacén

[ ᭓᭖ 36B]
᭓᭖᭞
ᬅᬗ᭄ᬕᬭ᭟᭐᭟ᬰ᭄ᬭᬷᬚᬬᬓᬲᬸᬦᬸᬓᭀᬘᬧ᭄᭞ᬧᬫᬸᬦ᭄ᬢᬢ᭄ᬚᬕᬗᭂᬦ᭄ᬢᭀᬲᬶᬦ᭄᭞ᬳᬓ᭄ᬯᬾᬄᬧᬡ᭄ᬥᬶᬢᬦᬾᬋᬓᭀ᭞ᬭᬶᬫ᭄ᬭᬶᬫ᭄ᬢᬓᬸᬢ᭄ᬭᬭᬶᬲ᭄ᬫᬢᬸᬃ᭞ᬫᬧᬫᬸᬗᬸᬭᬶᬂᬲᬂᬦᬵᬣ᭞ᬧᬶᬓᬬᬸᬦᬶᬦ᭄᭞ᬧᬫᬮᬓᬺᬢᬦᬶᬂ
ᬚᬕᬢ᭄᭟᭐᭟ᬓᬵᬮᬤᬶᬢᬸᬫᬤᬩ᭄ᬤᬩᬦ᭄᭞ᬲᬂᬧ᭄ᬭᬪᬸᬫᬦᬗᬸᬦ᭄ᬓᬶᬃᬣᬶ᭞ᬭᬳᬦᬤᬮᬸᬭᬶᬂᬢᬸᬦᭀᬦ᭄᭞ᬗᬭᬦ᭄ᬲᬾᬢ᭄ᬭᬕᬡ᭄ᬥᬫᬬᬸ᭞ᬓᬕᬾᬢᬵᬲᬥ᭄ᬬᬓᬭᬯᬸᬳᬦ᭄᭞ᬤᬾᬯᬷᬰ᭄ᬭᬷ᭞ᬓᭂᬦᬶᬲᬧᬦ᭄ᬤᬤᭀᬲ᭄ᬤᬸᬃ
ᬕ᭟᭐᭟ᬮᬾᬤᬂᬳᬶᬤᬫᬧᬯᬭᬄ᭞ᬫᬭᬶᬂᬳᬶᬤᬓᬭᬧᬵᬢᬶ᭞ᬫᬗ᭄ᬤᬳᬶᬤᬫᬘᬘᬭᭀᬦ᭄᭞ᬳᬦ᭄ᬢᬸᬓ᭄ᬘᬭᬸᬫᬜ᭄ᬘᬓᭂᬮᬸᬤ᭄᭞ᬭᬶᬂᬤᬶᬦᬅᬗ᭄ᬕᬭᬤᬸᬗᬸᬮᬦ᭄᭞ᬭᬯᬸᬄᬫᬗ᭄ᬓᬶᬦ᭄᭞ᬓᭂᬦᬶᬤᬾᬯᬮ
ᬓ᭄ᬱᬡᬬᬂ᭟᭐᭟ᬫᬜ᭄ᬘᬲᬢᬫᬓᬤᬲᬃ᭞ᬫᬶᬯᬄᬫᬜ᭄ᬘᬲᬵᬦᬓ᭄ᬫᬮᬶᬄ᭞ᬚᬚᬢᬄᬫᬶᬯᬄᬕᬕᭂᬘᭀᬓ᭄᭞ᬚᬗᬦ᭄ᬘᬮᭀᬦ᭄ᬮᬦ᭄ᬓᬓᬸᬮᬸᬩ᭄᭞ᬫᬗᬦᬹᬢᬶᬦ᭄ᬳᬸᬭᬶᬧ᭄ᬤᬶᬦ᭞ᬩᬗᬸᬦ᭄ᬳᬸᬭᬶᬧ᭄᭞ᬫᬓ
[ ᭓᭗ 37A]
ᬫᬶᬯᬄᬩᬬᬂᬩᬬᬂ᭟᭐᭟ᬳᬓ᭄ᬯᬾᬄᬦᬶᬓᬬᬦ᭄ᬩᬯᭀᬲᬂ᭞ᬘᬘᬭᭀᬦ᭄ᬧᬗᬘᬶᬳᬘᬶ᭞ᬯᭂᬗᬶᬦᬶᬂᬩᬸᬤ᭄ᬥᬓ᭄ᬮᬶᬯᭀᬦ᭄᭞ᬫᬸᬧᬸᬓᭂᬫ᭄ᬩᬂᬢᭂᬧᭂᬢ᭄ᬤᬶᬢᬸ᭞ᬫᬾᬫᬾ ᬚᬕᬶᬧᬘᬂᬫᬸᬗ᭄ᬕᬄ᭞ᬲᬓᬶᬂᬳᬯᬶᬘᬶ᭞
ᬲᬮᬫᬢᬶᬦ᭄ᬳᬦ᭄ᬢᬸᬓ᭄ᬘᬧᬄ᭟᭐᭟ᬳᬫ᭄ᬧᬸᬤᬮᬂᬫᬦᬢ᭄ᬯᬬᬂ᭞ᬇᬡ᭄ᬥᬶᬓ᭄ᬳᬶᬤᬪᬝᬵᬭᬷᬰ᭄ᬭᬷ᭞ᬰᬰᬶᬄᬩᬸᬦ᭄ᬢᭂᬃᬦᬸᬚᬸᬋᬓᭀ᭞ᬢᬭᬤᬸᬗᬸᬮᬦ᭄ᬫᬦᬸᬚᬸ᭞ᬭᬯᬸᬄᬫᬗ᭄ᬓᬶᬦ᭄ᬓᬭᬶᬢᬫ᭄ᬬᬂ᭞ᬦᬭᬶᬂᬩᬮᬶ᭞ᬕᬮᬸᬗ
ᬦ᭄ᬦᬤᬶᬓᬓᭂᬢᬳᬂ᭟᭐᭟ᬪᬝᬵᬭᬷᬫᬸᬗ᭄ᬕᬄᬓᬘᬧᬄ᭞ᬦᬭᬦᬾᬲᬳᬶᬭᬶᬂᬲᬫᬶ᭞ᬫᬸᬧᬸᬓᭂᬫ᭄ᬩᬂᬫᬸᬗ᭄ᬕᬄᬧᬾᬜ᭄ᬚᭀᬃ᭞ᬲᬲᬬᬸᬢ᭄ᬩᬦ᭄ᬢᭂᬦᬾᬤᬶᬢᬸ᭞ᬫᬶᬯᬄᬘᬧᬄᬓᬕᬦ᭄ᬢᬸᬗᬂ᭞ᬤᬸᬮᬸᬃᬪᬓ᭄ᬢᬶ᭞ᬗᬦ᭄ᬢᬸ
ᬓᬂᬤᬸᬯᬸᬭᬘᬫᬄ᭟᭐᭟ᬳᬫᭀᬦ᭄ᬢᭀᬤᬾᬯᬚᬗ᭄ᬕᭂᬮᬂ᭞ᬉᬥᬸᬄᬘᭂᬦᬶᬂᬳᭀᬮᬲᬲᬶᬄ᭞ᬩᬾᬲᬸᬓ᭄ᬫᬮᬶᬳᬶᬦ᭄ᬫᬩᬯᭀᬲ᭄᭞ᬆᬕᬫᬦᬾᬫᬗ᭄ᬤᬗᬮᬦ᭄ᬢᬸᬃ᭞ᬳᭂᬫ᭄ᬧᬸᬥᬂᬳ᭄ᬬᬂᬫᬗᬦ᭄ᬤᬶᬓ᭞