[ ᭓᭔ 34B]
ᬫ᭄ᬯᬂ᭞ᬓᬲᬸᬗ᭄ᬓᭂᬫᬶᬦ᭄ᬓᬧᬶᬗᬶᬢᬂ᭟᭐᭟ᬗᬯᬶᬢᬂᬫᬮᬶᬄᬤᬸᬓ᭄ᬧᬸᬦᬶᬓᬸ᭞ᬓᭂᬫ᭄ᬩᬂᬆᬕᬫᬦᬾ᭞ᬳᬶᬦ᭄ᬤᬸᬩᬮᬯᬱ᭄ᬝᬦᬶᬦ᭄᭞ᬇᬦ᭄ᬤᭀᬦᬾᬲ᭄ᬬᬢᬍᬃᬧᬢᬸᬄ᭞ᬰᬶᬯᬩᬸᬤ᭄ᬥᬲᬵᬫᬵᬧᬸᬦ᭄ᬳᬤᬸᬂ᭞ᬲᬂᬫᬕᬸᬭᬸᬲᬫᬶ
ᬳᬾᬮᬄ᭞ᬰᬶᬯᬕᬸᬭᬸᬢᭂᬕᭂᬲ᭄ᬳᬶᬧᬸᬦ᭄᭞ᬦᭀᬭᬫᬶᬮᬶᬄᬧᬓᬤᬗᬦ᭄᭞ᬘᬢᬸᬃᬯᬗ᭄ᬰᬓᬳᬭᬸᬓᬂ᭟᭐᭟ᬓᬲᬬᬸᬩᬦ᭄ᬳᭀᬮᬶᬄᬦᬣᬭᬢᬸ᭞ᬯᬢᭂᬓ᭄ᬧᬡ᭄ᬥᬶᬢᬦᬾ᭞ᬲᬓᬶᬂᬭᬓ᭄ᬬᬢ᭄ᬗᬫᬺᬢᬦᬶᬦ᭄᭟
ᬮᬾᬤᬂᬳᬶᬤᬗᬚᬄᬗᬸᬭᬸᬓ᭄᭞ᬢᭂᬢᭂᬧ᭄ᬳᭀᬮᬶᬄᬧᬗᬦ᭄ᬓᬶᬦᬸᬫ᭄᭞ᬮᬦ᭄ᬲᬦ᭄ᬤᬗᬦ᭄ᬲᬧᬸᬧᬸᬢ᭞ᬗᬯᬶᬦᬂᬚᬕᬢᬾᬮᬸᬯᬸᬂ᭞ᬲᬭᬕ᭄ᬲᬾᬭᬾᬕ᭄ᬲᬃᬧᬦᬬ᭞ᬢᬧᬢᬧᬶᬢᬶᬦᬸᬭᬾᬓ᭄ᬱᬦ᭄᭟᭐᭟
ᬳᬲᬶᬂᬳᬲᬶᬂᬯ᭄ᬭᬸᬄᬳᬦᬭᬶᬂᬢᬸᬢᬸᬃ᭞ᬲᭂᬦᬸᬄᬓᬧᬺᬘᬬᬦᬾ᭞ᬓᬪᬶᬱᬾᬓᬳᬸᬮᬸᬦᬵᬕᬫᬶ᭞ᬦᬭᬶᬂᬧᬸᬭᬘᬦ᭄ᬤᬶᬫᬾᬭᬸ᭞ᬧᬫᬗ᭄ᬓᬸᬢᭂᬕᭂᬲᬶᬦ᭄ᬤᬶᬢᬸ᭞ᬗᬫᭀᬂᬯᬾᬤᬲᬳᬩᬚ᭄ᬭ᭞ᬲᬃᬯᬧᭂᬢᬓ᭄ᬲᬦ᭄ᬤ
[ ᭓᭕ 35A]
ᬗᬦ᭄ᬳᬶᬧᬸᬦ᭄᭞ᬗᬫᬗ᭄ᬕᭂᬳᬂᬗᬫᭀᬂᬢᬷᬃᬣ᭞ᬧᬸᬦᬶᬓᬓᬵᬗ᭄ᬕᬾᬦ᭄ᬲᬲᬶᬭᬵᬢ᭄᭟᭐᭟ᬧᬤᬦ᭄ᬤᬫ᭄ᬯᬂᬧ᭄ᬭᬦ᭄ᬤᬯᬢᭂᬓ᭄ᬯᬶᬓᬸ᭞ᬧᬡ᭄ᬥᬶᬢᬢᭂᬕᭂᬲᬾ᭞ᬩ᭄ᬭᬵᬳ᭄ᬫᬡᬯᬸᬲ᭄ᬧᬸᬧᬸᬢ᭄ᬫᬗᬚᬶ᭞ᬧᬥᬳᬶᬓᬸᬗᬭᬦ᭄ᬲᬸᬓᬸ
᭞ᬳᬦ᭄ᬤᬗᬭᬦ᭄ᬳᭂᬚᬦ᭄ᬳᬶᬓᬸ᭞ᬤᬤᬶᬚᬸᬭᬸᬗᬮᬓ᭄ᬱᬡᬬᬂ᭞ᬢᬸᬤᬸᬳᬦ᭄ᬳᬶᬤᬲᬂᬳ᭄ᬬᬂᬳᬬᬸ᭞ᬳᬶᬓᬸ᭞ᬗᬭᬦ᭄ᬫᬲᭂᬫ᭄ᬩᬳ᭄ᬬᬂ᭞ᬜᭂᬫ᭄ᬩᬄᬯᬶᬥᬶᬳᬶᬓᬸᬗᬭᬦ᭄᭟᭐᭟ᬓᬜ᭄ᬘᬦᬶᬂᬓᬳᬸᬜ᭄ᬘᬃᬭᬶᬂᬲᬂᬯᬶᬓᬸ᭞ᬭᬶᬂᬳ
ᬤᬶᬳᬬᬦᬾ᭞ᬯᬾᬤᬰ᭄ᬭᬹᬢᬶᬰ᭄ᬮᭀᬓᬫᬮᬶᬄ᭞ᬦᬶᬓᬮᬶᬗ᭄ᬕᬦ᭄ᬲᬂᬳ᭄ᬬᬂᬳᬬᬸ᭞ᬫᬜᬸᬲᬸᬧᬶᬦ᭄ᬲᬓᬶᬂᬳᬮᬸᬲ᭄᭞ᬤ᭄ᬯᬦᬶᬂᬳᬶᬤᬫᬭᬕᬰᬸᬓ᭄ᬮ᭞ᬳᬲᬶᬂᬰᬸᬘᬶᬓᬳᬦᬦ᭄ᬲᬸᬯᬸᬂ᭞ᬲᬓᬶᬂᬧᬸᬭᬧ᭄ᬭᬬᬗᬦ᭄᭞ᬮᬦ᭄ᬢᬸ
ᬭᬦ᭄ᬜᬫᬗᬲ᭄ᬢᬯ᭟᭐᭟ᬳᬫᬸᬦᬶᬓᬲᬵᬫ᭄ᬧᬸᬦ᭄ᬫᬫᬶᬢᬸᬢᬸᬃ᭞ᬳᬶᬩᭂᬃᬧᬓᬶᬗᬾ᭞ᬫᬗ᭄ᬓᬳᬸᬚᬃᬫᬳᬵᬋᬱᬶ᭞ᬫᬥᬾᬧᬹᬦ᭄ᬬᬳᬯᭀᬢ᭄ᬲᬦ᭄ᬢᬸᬦ᭄᭞ᬲᬤᬸᬓ᭄ᬗᬯᬶᬢ᭄ᬫᬧᬯᬗᬸᬦ᭄᭞ᬲᬧᬸᬦᬧᬶᬉᬧ
Kaca:Bali-lontar-gaguritan-pancayoga-01-300ppi.pdf/35
Kaca puniki sampun kauji-wacén
