[ ᭓᭑ 31B]
᭓᭑᭞
ᬭᬸᬯᬶᬰᬾᬱ᭞ᬗᬫᬗ᭄ᬕᭂᬳᬂᬦᬭᬶᬂᬕᬸᬫᬶ᭞ᬥᬃᬫᬦᬶᬂᬰᬶᬱ᭄ᬬᬬᭀᬕ᭄ᬬ᭞ᬓᬵᬮᬦᬪᬾᬫᬗ᭄ᬭᬯᬸᬳᬶᬦ᭄᭞ᬗᬤᭂᬕ᭄ᬚᭂᬕ᭄ᬚᭂᬕ᭄ᬲᭀᬮᬄᬪᬓ᭄ᬢᬶ᭞ᬗᬮᬧ᭄ᬓᬲᭀᬃᬭᬶᬂᬥᬂᬕᬸᬭᬸ᭞ᬓᬲᬸᬰᬷᬮᬦᬾᬳᬦᬹᬢᬂ᭞ᬲᬳᬰᬸᬘᬶ
ᬫᬗ᭄ᬮᬤᬾᬦᬶᬦ᭄᭞ᬲᬃᬯᬳᬭᬹᬫ᭄᭞ᬮᬜ᭄ᬘᬭᬦᬾᬫᬜᬫ᭄ᬩ᭄ᬭᬫ᭟᭐᭟ᬬᬤᬶᬦ᭄ᬪᬓ᭄ᬢᬶᬭᬶᬂᬲᬂᬦᬵᬣ᭞ᬲᭀᬮᬳᬾᬧᬢᭂᬄᬭᬶᬂᬦᬪᬶ᭞ᬲᬸᬯᬸᬤ᭄ᬫᬢᬸᬃᬫᬧᬶᬦᬸᬦᬲ᭄᭞ᬕᬸᬭᬸᬮᭀᬓᬓᬯᬱ᭄ᬝᬦᬶᬦ᭄᭞ᬅᬕᬫᬓ
ᬩᬯᭀᬲ᭄ᬫᬮᬶᬄ᭞ᬫᬓᬾᬮᬶᬗᬂᬭᬶᬂᬯ᭄ᬯᬂᬤᬸᬲᬸᬦ᭄᭞ᬭᬓ᭄ᬬᬢᬾᬫᬗ᭄ᬤᬾᬦᬸᬦᬶᬗ᭞ᬓᬜ᭄ᬘᬦ᭄ᬘᭀᬭᬄᬧᬵᬢᬶᬧᬵᬢᬾᬦᬶᬦ᭄᭞ᬯᭂᬦᬂᬳᬸᬓᬸᬫ᭄᭞ᬧᬶᬮᬶᬄᬓᬲᬶᬄᬦᭀᬭᬯᭂᬦᬂ᭟᭐᭟ᬲᬢᬢᬫᬶᬢ᭄ᬭᬗᬶᬦ᭄ᬭᬓ᭄ᬬ
ᬢ᭄᭞ᬓᬦ᭄ᬤᬸᬕᬶᬲᬫ᭄ᬧᬿᬫᬗᬃᬣᬶ᭞ᬲᬦᬾᬳᬶᬯᬂᬓᭂᬓᬶᬲᬮᬄ᭞ᬇᬕᬫᬦᬾ ᬫᬦᭂᬧᬲᬶᬦ᭄᭞ᬆᬕᬫᬪᬓ᭄ᬢᬶᬭᬶᬂᬯᬶᬥᬶ᭞ᬉᬕᬫᬕᬶᬸᬲᬶᬫᬅᬤᬢ᭄ᬫᬸᬗ᭄ᬕᬸᬄ᭞ᬤᬲᬭᬶᬦ᭄ᬢᬢᬢᬦᬵᬕᬭ᭞ᬚᬕᬢ᭄ᬲᬫᬶ
[ ᭓᭒ 32A]
᭓᭒᭞
ᬫᬗ᭄ᬤᬳᬸᬦᬶᬂ᭞ᬮᬦ᭄ᬧᬗᬶᬩᬸᬃ᭞ᬩᬮᬫᬦ᭄ᬢ᭄ᬭᬷᬫᬗ᭄ᬤᬚᬶᬃᬡ᭟᭐᭟ᬥᬃᬫᬦᬶᬂᬯ᭄ᬯᬂᬳᬲᬲᬵᬦᬓ᭄᭞ᬲᬂᬓᬓᬂᬮᬯᬦ᭄ᬲᬂᬳᬭᬶ᭞ᬗᬶᬘᬾᬦ᭄ᬢᭂᬫ᭄ᬧᬢᬢᬲᭀᬮᬄ᭞ᬬᬤᬶᬦ᭄ᬫᬦᬶᬩᬓᬂᬫᬸᬜᬶ᭞
ᬲᬃᬯᬳᬤᬸᬂᬩᭂᬘᬶᬓ᭄ᬫᬦᬶᬲ᭄᭞ᬳᬭᬶᬦᬾᬍᬕᬫᬦᬶᬭᬸ᭞ᬬ᭄ᬬᬤᬶᬦ᭄ᬦᬫ᭄ᬧᬶᬯᬯᬭᬶᬲᬦ᭄᭞ᬓᬲᬸᬗᬦ᭄ᬭᬶᬂᬳᬦᬓ᭄ᬮᬶᬗ᭄ᬲᬶᬃ᭞ᬫᬗ᭄ᬤᬳᬤᬸᬂ᭞ᬧᬥᬫᭂᬦᬂᬧᬥᬓᬮᬄ᭟᭐᭟ᬓᬕᬾᬢ᭄ᬲᬂᬳᬭᬶᬫᬫᬸᬗᬮ᭄
᭞ᬢᬫ᭄ᬩᭂᬢᬾᬗᬯᬶᬦᬂᬧᭂᬮᬶᬄ᭞ᬳᬶᬭᬶᬓᬲᬂᬓᬓᬂᬬᭀᬕ᭄ᬬ᭞ᬫᬸᬜᬶᬳᬮᬸᬲ᭄ᬫᬧᬓᬾᬮᬶᬂ᭞ᬳᬦᬕᬦᬲ᭄ᬩᬗ᭄ᬕ᭄ᬭᬲ᭄ᬦᬶᬕ᭄ᬢᬶᬕ᭄᭞ᬫᬗᬯᬶᬦᬂᬫᬾᬗᬲ᭄ᬢᬓᬸᬢ᭄᭞ᬓᬧᬸᬗ᭄ᬓᬸᬃᬳᬶᬧᬸᬦ᭄ᬗᬯᬍᬲᬂ᭞ᬫᬦᬶᬭᬸᬲᬂᬓᬓ
ᬧᭂᬮᬶᬄ᭞ᬧᬥᬕᬗ᭄ᬲᬸᬮ᭄᭞ᬗᬯᬶᬦᬂᬢᬸᬗ᭄ᬓᬲ᭄ᬫᬲᬦᬓ᭄᭟᭐᭟ᬤᬃᬫᬦᬶᬂᬲᬵᬦᬓ᭄ᬳᬮᬶᬢᬦ᭄᭞ᬲᬢᬢᬗᬲᭀᬃᬫᬫᬸᬜᬶ᭞ᬦᬭᬶᬂᬓᬓᬃᬫᬯᬶᬯᬾᬓ᭞ᬗᬦᬹᬢᬂᬓᬤᬶᬧᬓᬾᬮᬶᬂ᭞ᬳᬢᬜ
Kaca:Bali-lontar-gaguritan-pancayoga-01-300ppi.pdf/32
Kaca puniki sampun kauji-wacén
