Kaca:Bali-lontar-gaguritan-pancayoga-01-300ppi.pdf/27

Saking Wikisource
Kaca puniki sampun kauji-wacén

[ ᭒᭖ 26B]
᭒᭖᭞
ᬦ᭄ᬢᬸᬓ᭄ᬱᬸᬮᬸᬃᬧᬗᬃᬢ᭄ᬬᬦ᭄᭞ᬧᬦᬕᬶᬳᬾ ᬳᬧᬂᬢᬳᬸ᭞ᬭᬶᬂᬫ᭄ᬧᬸᬮᬸᬢᬸᬓ᭄ᬤᬶᬢᬸᬗᭂᬦᬄ᭞ᬫᬗᬤᬦᬶᬦ᭄᭞ᬘᬘᬭᭀᬦᬾᬪᬷᬦᬪᬷᬦ᭟᭐᭟ᬩᬩᬦ᭄ᬢᭂᬦᬾᬓᬲᬶᬦᬳᬂ᭞ᬬᬤᬶᬦ᭄ᬳᬕᬸᬂᬬᬤᬶᬦ᭄ᬳᬮᬶᬢ᭄
᭞ᬫᬗᬦᬢᬶᬦ᭄ᬓᬸᬭᬂᬭᬸᬲᬓ᭄᭞ᬓᬢᬄᬚᬵᬢᬶᬯᬱ᭄ᬝᬦ᭄ᬳᬶᬧᬸᬦ᭄᭞ᬮᬫᬸᬦ᭄ᬢᭀᬩᬧᬦᭂᬕᭂᬲᬂᬳᭀᬮᬲᬲᬶᬄ᭞ᬫᬲᬯᬸᬃᬢᬶᬢ᭄ᬬᬂᬜᬸᬯᬸᬦᬂ᭟᭐᭟ᬧᬸᬧᬸᬄᬧᬗ᭄ᬓᬸᬃ᭟᭐᭟ᬓᭂᬢᬸᬢ᭄ᬩᬗᬸᬦ᭄ᬲᬸᬩᬍᬫᬄ᭞
ᬲᬳᬪᬓ᭄ᬢᬶᬲᬶᬗ᭄ᬕᬶᬄᬭᬢᬸᬫᬳᬵᬋᬱᬶ᭞ᬤᬸᬭᬸᬂᬯᬦᭂᬄᬭᬵᬦᬓᭂᬫ᭄ᬧᬸ᭞ᬫᬗ᭄ᬭᬸᬗᬸᬍᬯᬶᬄᬯᭂᬚᬗᬦ᭄᭞ᬳ᭄ᬬᬂᬆᬕᬫᬓᬬᬂᬳᬧᬬᬾᬓᬦ᭄ᬤᬸᬮᬸ᭞ᬲᬂᬋᬱᬶᬓᭂᬜᬸᬂᬫᬦᬗ᭄ᬕᬮ᭄᭞ᬳᬸᬤᬸᬄᬭᬵᬦᬓ᭄ᬫᬸᬥᬚᬵ
ᬢᬶ᭟᭐᭟ᬗᬹᬦᬶᬳᬸᬯᬸᬲ᭄ᬓᬳᬸᬚᬗᬂ᭞ᬗᬸᬤᬓᬭᬶᬭᬵᬦᬓ᭄ᬕᬸᬮᬸᬩᬶᬂᬧᬗᬃᬢᬶ᭞ᬓᬾᬯᬮᬧᬂᬭᬵᬦᬓ᭄ᬗᬸᬕᬸ᭞ᬳ᭄ᬬᬂᬆᬕᬫᬢᬦ᭄ᬧᬭᬹᬧ᭞ᬭᬶᬂᬅᬚ᭄ᬜᬵᬦᬰᬸᬓ᭄ᬮᬦ᭄ᬫᬦᬄᬘᬧ᭄ᬮᬲ᭄ᬗᬸᬕᬸ᭞ᬳᬫ᭄ᬩᬮᬦᬶᬂᬯ᭄ᬯᬧᬃ
[ ᭒᭗ 27A]
ᬘᬬ᭞ᬓᬜ᭄ᬘᬦ᭄ᬫᬺᬢᬓᬧᬶᬦᭂᬳᬶᬦ᭄᭟᭐᭟ᬳᭂᬦ᭄ᬢᬶᬓᬦ᭄ᬳᬓᬸᬤᬂᬓᬸᬤᬂ᭞ᬳᬦᬾᬂᬪᬹᬫᬶ᭞ᬤᬤᭀᬲ᭄ᬫᬺᬢᬳᬗᭂᬩᭂᬓᬶᬦ᭄᭞ᬫᬗᬸᬭᬶᬧᬶᬦ᭄ᬲᬓᬶᬂᬤᬗᬸ᭞ᬓᬜ᭄ᬘᬦᬶᬂᬯᬢᭂᬓ᭄ᬫᬗ᭄ᬓᬶᬳᬦ᭄᭞
ᬧᭀᬮᬶᬄᬤᬸᬫᬦ᭄᭞ᬭᬲᬢᬦ᭄ᬓᭂᬦᬾᬂᬳᬶᬦᬶᬢᬸᬂ᭞ᬧᬜ᭄ᬘᬲᬫᬶᬓᬫᬶᬚᬶᬮᬂ᭞ᬧᬜ᭄ᬘᬲᬫᬶᬓᬫᬶᬚᬶᬮᬂ᭞ᬓᬜ᭄ᬘᬦ᭄ᬫᭂᬦ᭄ᬢᬶᬓ᭄ᬚ᭄ᬯᬯᬶᬮᬗᬶᬦ᭄᭟᭐᭟ᬲᬦᬾᬫᬺᬢᬬᬂᬲᬢᬢ᭞ᬲ᭄ᬬᬂᬭᬢ᭄ᬭᬶᬲᬓᬶᬂᬧᬸᬜᬫ᭄ᬯᬂᬳᬸᬫ᭄ᬩᬶ᭞
ᬲᬓᬶᬂᬲᭂᬓᬃᬫᬶᬯᬄᬤᬯᬸᬦ᭄᭞ᬯᭀᬄᬜᬦᬾᬮᬶᬦ᭄ᬢᬂᬉᬢ᭄ᬢᬫ᭞ᬦᬤᭀᬲ᭄ᬫᬺᬢ᭞ᬲᬵᬫ᭄ᬧᬸᬦ᭄ᬢᬸᬦᬲ᭄ᬲᬓᬶᬂᬤᬗᬸ᭞ᬳᬲᬸᬂᬲᬓᬶᬂᬓᬸᬤᬂᬳᬩᬤ᭄᭞ᬦᭀᬭᬳᬦᬦᭀᬭᬳᬸᬦᬶᬂ᭟᭐
᭟ᬲᬫᬶᬳᬢᬸᬩ᭄ᬢᬦ᭄ᬧᬸᬢᬸᬲᬦ᭄᭞ᬗᬫᬶᬚᬶᬮᬶᬦ᭄ᬗᭂᬫᬸᬱᬤ᭄ᬭᬲᬧᬲ᭄ᬢᬶ᭞ᬧᬳᬶᬢ᭄ᬫᬦᬶᬲ᭄ᬫᬲᭂᬫ᭄ᬩᭂᬗᬸ᭞ᬭᬲᬲᭂᬧᭂᬢ᭄ᬫᬶᬯᬄᬮᬮᬄ᭞ᬭᬹᬧᬧᬢᭂᬄᬭᬲᬦ᭄ᬜᬦᬾᬧᬥᬤᬸᬤᬸ᭞ᬳᬶᬦᬩ᭄ᬧᬢᭂᬄ