Kaca:Bali-lontar-gaguritan-pancayoga-01-300ppi.pdf/26

Saking Wikisource
Kaca puniki sampun kauji-wacén

[ ᭒᭕ 25B]
᭒᭕᭞
ᬦ᭄ᬤᬄᬲᬳᬶᬲᬳᬶ᭞ᬩᬶᬮᬂᬢᬸᬫ᭄ᬧᭂᬓ᭄ᬫᬓᬢᬶᬧᬢ᭄᭟᭐᭟ᬕᬸᬲ᭄ᬢᬶᬦ᭄ᬜᬦᬾᬓᬳᬸᬘᬧᬂ᭞ᬲᬦᬾᬚᭂᬫᭂᬢ᭄ᬢᬸᬭᬶᬂᬩᬃᬢᬶ᭞ᬯᬢᭂᬓ᭄ᬚᬶᬫ᭄ᬤᬶᬢᬸᬦᭀᬗᭀᬲ᭄᭞ᬲᬃᬯᬶᬜᬸᬘᬶᬯᬯᬶᬥ᭄ᬬᬦ᭄ᬳᬶᬧᬸᬦ᭄᭞ᬳᬸᬫᬄ
ᬜᬦᬾᬮ᭄ᬯᬶᬃᬧᬭᬫᬦ᭄᭞ᬲᬓᭂᬧᬢ᭄ᬲᬭᬷ᭞ᬫᬧᬭᬩ᭄ᬳᬶᬚ᭄ᬭᭀᬜᭀᬫᬦ᭄᭟᭐᭟ᬲᬦᬾᬳᬶᬲ᭄ᬢ᭄ᬭᬷᬓᬩᬯᭀᬲᬂ᭞ᬤᬾᬯᬳᬬᬸᬓᬧᬭᬩᬶᬦ᭄᭞ᬕᬸᬮᬶᬂᬩᬾᬩᬾᬓ᭄ᬧᬗ᭄ᬭᬲᬓ᭄᭞ᬗᬦᬫ᭄ᬩᬸᬮᬦ᭄ᬢᭂ
ᬢᭂᬧ᭄ᬤᬶᬢᬸ᭞ᬯᬾᬦ᭄ᬢᭂᬦ᭄ᬲᬦᬾᬗᬗ᭄ᬕᬾᬦ᭄ᬳᬬᬫ᭄᭞ᬫᬗᬢᬸᬭᬶᬦ᭄᭞ᬩᬦ᭄ᬢᭂᬦ᭄ᬜᬦᬾᬫᬲᭀᬭᭀᬳᬦ᭄᭟᭐᭟ᬦᬶᬓᬲᬫᬶᬮᬶᬦ᭄ᬢᬂᬕᬜ᭄ᬚᬄ᭞ᬳᬶᬭᬸᬗᬾᬘᭂᬧᭂᬢ᭄ᬫᬗᬲᬶᬃ᭞ᬳᬯᬶᬦᬦ᭄ᬗᬤᭂᬓ᭄ᬘᬘᬭᭀᬦ᭄
᭞ᬦᬭᬶᬂᬓᬢᬄᬧᬸᬦ᭄ᬓᬲᬸᬕᬸᬄ᭞ᬓᬜ᭄ᬘᬦ᭄ᬳᬦᬓ᭄ᬦᬗᬸᬦ᭄ᬓᬃᬬ᭞ᬫᬮᬧᬦᬶᬦ᭄᭞ᬫᬗ᭄ᬤᬢᬦ᭄ᬓᬳᬤᬸᬓ᭄ᬓᬵᬮ᭟᭐᭟ᬯᬾᬦ᭄ᬢᭂᬦ᭄ᬲᬦᬾᬚᬸᬭᬸᬗᬤᬂ᭞ᬳᬲᬶᬂᬳᬦᬓ᭄ᬜᬫ᭄ᬩᬸᬢ᭄ᬓᬃᬤᬶ᭞ᬗᬮᬶᬓᬤ᭄ᬳᬶᬧᬸᬦ᭄ᬫᬦᭀ
[ ᭒᭖ 26A]
ᬗᭀᬲ᭄᭞ᬲᬫᬶᬗᬤᬮ᭄ᬲᭀᬮᬄᬳᬶᬧᬸᬦ᭄᭞ᬧᬫᬮᬶᬚᬚᬕᬦ᭄ᬗᬭᬦ᭄᭞ᬫᭂᬤᬶᬫᭂᬤᬶ᭞ᬫ᭄ᬯᬢᬂᬫᬗᬮᬶᬄᬳᬸᬧᬄ᭟᭐᭟ᬦᬾᬗᬯᬶᬦᬂᬓᭀᬳᭀᬲ᭄ᬤᬤᬲ᭄᭞ᬲᬯᬢᭂᬓᬶᬂᬪᬹᬢᬪᬹᬢᬶ᭞ᬓᬤᬾᬰᬧᬸᬦ᭄ᬧᬵ
ᬢᬶᬓᭀᬲᭀᬤ᭄᭞ᬗᬮᬶᬄᬳᬶᬮᬶᬄᬧᬵᬢᬶᬮᬸᬧ᭄ᬮᬸᬧ᭄᭞ᬗᭂᬮᬸᬤᬶᬦ᭄ᬳᬦᬓ᭄ᬲᭂᬗ᭄ᬓᬮ᭞ᬦᬧᬶᬍᬯᬶᬃ᭞ᬳᬸᬫᬄᬳᬸᬯᬸᬕ᭄ᬢᭂᬧᬾᬦ᭄ᬳᭂᬫ᭄ᬩᬶᬤᬦ᭄᭟᭐᭟ᬢᭂᬧᬸᬦ᭄ᬓᬬᬸᬗᬸᬭᬸᬕ᭄ᬩᬂᬩᬂ᭞ᬗᬭᬸᬕ᭄ᬭᬸᬕ᭄ᬗᬭ᭄ᬯᬓ᭄ᬫᬮᬶᬄ᭞ᬓᬜ᭄ᬘᬦᬶᬂ
ᬯᬯᬗᬸᬦᬦ᭄ᬋᬓᭀ᭞ᬬᬤᬶᬦ᭄ᬫᬧ᭄ᬯᬗᬸᬦ᭄ᬓᬸᬩᬸ᭞ᬫᬳᬕᭂᬄᬮ᭄ᬯᬶᬃᬓᬢᬜ᭄ᬘᭂᬩᬂ᭞ᬫᬶᬯᬄᬤᬾᬱ᭄ᬝᬶ᭞ᬫᬢᬸᬮᬸᬂᬫᬫ᭄ᬯᬢᬂᬳᬸᬧᬄ᭟᭐᭟ᬲᬓᬶᬂᬭᬶᬓᬮᬫᬗᬤᬓᬂ᭞ᬯᬯᬗᬸᬦᬦ᭄ᬭᬯᬸᬄᬫᬗ᭄ᬓᬶᬦ᭄᭞ᬉᬧᬓᬵᬭᬪᬹᬢ
ᬬᬚ᭄ᬜᬵ᭞ᬩᬩᬦ᭄ᬢᭂᬦ᭄ᬘᬘᬭᭀᬦ᭄ᬫᬸᬗ᭄ᬕᬸᬄ᭞ᬤᬷᬦᬪᬶᬦᬓᬢᭂᬕᭂᬲᬂ᭞ᬧᬮᬧᬦᬶᬦ᭄᭞ᬳᬶᬫᬵᬦᬸᬱᬫᬤ᭄ᬯᬾᬦᬯᬂ᭟᭐᭟ᬫᬗᬦᬸᬢᬂᬓᬭᬂᬭᬸᬲᬓ᭄᭞ᬢᬦᬳᬾᬤᬶᬢᬸᬢᬓᭀᬦᬶᬦ᭄᭞ᬳ

Kapolihang saking "https://ban.wikisource.org/w/index.php?title=Kaca:Bali-lontar-gaguritan-pancayoga-01-300ppi.pdf/26&oldid=51551"