Kaca:Bali-lontar-gaguritan-pancayoga-01-300ppi.pdf/23

Saking Wikisource
Kaca puniki sampun kauji-wacén

[ ᭒᭒ 22B]
᭒᭒᭞
ᬫᬤᬶᬚᬦ᭄ᬫ᭞ᬫᬸᬗ᭄ᬕᬄᬓᭂᬮᬲ᭄ᬓᬯᬱ᭄ᬝᬦᬶᬦ᭄᭞ᬤᬤᬶᬚᬦ᭄ᬫᬩᭂᬮᭀᬕ᭄ᬧᬶᬲᬦ᭄᭞ᬫᬗᬦ᭄ᬗᬶᬦᬸᬫ᭄ᬳᬸᬤᬸᬄᬲᬳᬶ᭟᭐᭟ᬤᬶᬦᬶᬢᭀᬗᭀᬲ᭄ᬳᬮᬍᬢᬸᬄ᭞ᬕᬸᬫᬶᬦᬾᬕᭂᬦᬳᬶᬦ᭄ᬫᬗ᭄ᬓᬶᬦ᭄᭞ᬳᭂᬦ᭄ᬢᬶᬓᬦ᭄ᬳᬶᬥᭂᬧ᭄ᬫᬗᬯᬶᬦᬂ
᭞ᬤᬤᬶᬩᭂᬓᭂᬮ᭄ᬳᬸᬮᬂᬳᬸᬮᬶᬄ᭞ᬫᬶᬸᬗᬶᬸᬧᬸᬳᬕᭂᬢ᭄ᬤᬤᭀᬲ᭄ᬚᬦ᭄ᬫ᭞ᬧᬓ᭄ᬯᬢᬶᬦ᭄ᬫᬮᬚᬄᬤᬶᬦᬶ᭟᭐᭟ᬭᬕᬦᬾᬤᬩ᭄ᬤᬩᬶᬦ᭄ᬤᬸᬫᬸᬦ᭄᭞ᬫᬗ᭄ᬤᬾᬦ᭄ᬢᬦ᭄ᬲᬗ᭄ᬲᬭᬧᬗ᭄ᬕᬶᬄ᭞ᬭᬸᬭᬸᬗᬾᬦᭂᬫᬸᬲᬗ᭄ᬲᬭ᭞ᬫᬗ᭄ᬤᬾᬦ᭄ᬢᬦ᭄ᬦᬦ᭄ᬤᬓᬶᬦ᭄ᬲ
ᬓᬶᬢ᭄᭞ᬳᬓ᭄ᬯᬾᬄᬕᭀᬤᬦᬭᬶᬂᬧᬤ᭞ᬫᬗᬚᬓᬶᬦ᭄ᬗᬮᬶᬄᬯᬾᬘᬶ᭟᭐᭟ᬢᬢᬸᬚᭀᬦ᭄ᬫᬵᬦᬸᬱᬳᬶᬤᬸᬧ᭄᭞ᬢᬢᬶᬕᬜᬦ᭄ᬤᬂᬢᬢᬶᬗᬶᬦ᭄᭞ᬧᭂᬃᬢᬫᬦᬶᬂᬓᬯᬚᬶᬩᬦ᭄᭞ᬓᬧᬶᬂᬓᬮᬶᬄᬚᬲᬩᭂᬘᬶ
ᬓ᭄᭞ᬓᬧᬶᬂᬢᬶᬕᬲᬲᭂᬦᭂᬗᬦ᭄᭞ᬦᬾᬫᬕᬸᬡᬭᬶᬂᬳᬶᬚᬦ᭄ᬫᬶ᭟᭐᭟ᬓᬯᬶᬓ᭄ᬯᬦ᭄ᬤᬳᬢ᭄ᬓᬲᬸᬫ᭄ᬩᬸᬂ᭞ᬓᬩᭂᬮᭀᬕᬦ᭄ᬫᬸᬲᬸᬄᬕᬸᬫᬶ᭞ᬫᬗᬯᬶᬦᬂᬤᬸᬫᬤᬶᬲᬲᬃ᭞ᬅᬢ᭄ᬫᬦᬾᬦᬵᬭᬓᬗᭂᬫᬲᬶᬦ᭄᭞ᬜᭀᬫᬦ᭄ᬳ
[ ᭒᭓ 23A]
ᬲᬸᬂᬫᬧᬶᬦᬸᬦᬲᬦ᭄᭞ᬩᭀᬬᬓᬾᬤᬤᭀᬲ᭄ᬢᭂᬩᬸᬲᬶᬦ᭄᭟᭐᭟ᬫ᭄ᬧᬸᬥᬂᬳ᭄ᬬᬂᬦᬶᬫ᭄ᬩᬮ᭄ᬳᬢᬸᬃ᭞ᬲᬓᬶᬂᬳᬶᬦ᭄ᬤᬸᬓᬢᭂᬕᬭᬶᬦ᭄᭞ᬳᬶᬦ᭄ᬤᬸᬘᬶᬦᬫᬶᬯᬄᬚᬯ᭞ᬓᬦ᭄ᬤᬸᬕᬶᬭᬯᬸᬄᬓᬩᬮᬶ᭞ᬢᬢᭂᬕᬃᬳᬦ᭄ᬢᬸᬓᬸᬧ
ᬓᬭ᭞ᬪᬾᬯᬶᬸᬓᬶᬸᬬᬓᬸᬢᬂᬗᬍᬧᬲᬶᬦ᭄᭟᭐᭟ᬧᬸᬧᬸᬄᬅᬤ᭄ᬭᬶ᭟᭐᭟ᬫᬥᬾᬧᬹᬦ᭄ᬬᬗᬋᬧᬂᬫᬫᬸᬳᬸᬦ᭄᭞ᬢᬸᬮᬸᬲᬂᬲ᭄ᬯᬘᬦᬾ᭞ᬲᬶᬗ᭄ᬕᬶᬄᬫ᭄ᬧᬸᬲᬂᬅᬤᬶᬮ᭄ᬯᬶᬄ᭞ᬓᬜ᭄ᬘᬦ᭄ᬜᬧᬳᬶᬤᭂᬃᬳᬶᬓᬸ᭞ᬕᬦ᭄ᬥᬃᬯ
ᬕᬦ᭄ᬥᬃᬯᬶᬳᬶᬓᬸ᭞ᬫ᭄ᬧᬸᬥᬂᬳ᭄ᬬᬂᬦᬶᬫ᭄ᬩᬮ᭄ᬢᬢᬭ᭄᭞ᬋᬗ᭄ᬯᬭᬦᬓ᭄ᬧᬂᬢᬸᬳᬸ᭞ᬇᬦ᭄ᬤᭀᬦᬾᬲ᭄ᬬᬧᬸᬮᭀᬲᬗ᭞ᬲᬫᬶᬤᬸᬤᬸᬫᬤ᭄ᬯᬾᬰᬶᬯ᭟᭐᭟ᬫᬸᬗ᭄ᬕᬄᬫᬭᬶᬂᬩᬩᬤ᭄ᬓᬯᬸᬯᬸᬲ᭄᭞ᬲᬓᬶᬂᬳᬶᬦ᭄ᬤᬸᬋᬓᬾ᭞ᬫᬫᭂᬜ᭄ᬘᬃ
ᬭᬶᬂᬧᬸᬮᭀᬚᬯᬶ᭞ᬦᬭᬶᬂᬩᬮᬶᬢᬦ᭄ᬤᬦ᭄ᬳᬶᬧᬸᬦ᭄᭞ᬓᬢᬄᬯᬯᬗᬸᬦᬦ᭄ᬤᬸᬫᬸᬦ᭄᭞ᬯᬯᬗᬸᬦᬦ᭄ᬰᬶᬯᬩᬸᬤ᭄ᬥ᭞ᬪᬲᬚᬯᬓᬸᬦᬫᬸᬗ᭄ᬕᬸᬄ᭞ᬢᬳᬸᬦ᭄ᬲᬗᬤᬰᬳᬶᬓ᭞ᬢᬗ᭄ᬕᬸᬦᬶᬧᬸᬦ᭄ᬢ᭄ᬯᬄᬲᬶᬦᬸᬗ᭄ᬕᬮ᭄᭟᭐᭟