Kaca:Bali-lontar-gaguritan-pancayoga-01-300ppi.pdf/106

[ ᭑᭐᭕ 105B]
᭑᭐᭕᭞
ᬥᬂᬕᬸᬭᬸᬗᬦ᭄ᬤᬶᬓᬳᬮᭀᬦ᭄᭟᭐᭟ᬲᬢᬸᬗ᭄ᬕᬸᬦ᭄ᬕᭂᬲᬂᬳᬚᬲᬸᬭᬸᬤ᭄ᬗᬯᬾᬘᬮᬸᬄ᭞ᬫᬕᭂᬮᬃᬬᭀᬕᬫᬳᬵᬢᬶᬗ᭄ᬕᬶ᭞ᬚᬮᬭᬦ᭄ᬭᬦᬓ᭄ᬫᬫᬗ᭄ᬕᬸᬄ᭞ᬲᬨᬮᬬᭀᬕᬧᬂᬲᬳᬶ᭞ᬲᬶᬤ᭄ᬥᬦᬸᬗ᭄ᬕᬶᬮ᭄ᬭᬶᬂᬲᬂᬓᬢᭀᬂ᭟
᭐᭟ᬯᬸᬲ᭄ᬫᬦᬸᬗ᭄ᬕᬶᬮ᭄ᬭᬚᬬᭀᬕᬳᬭᬦᬾᬓᬸ᭞ᬜᬸᬓ᭄ᬱ᭄ᬫᬫᬩᭂᬦᭂᬃᬢ᭄ᬯᬶ᭞ᬜᬦ᭄ᬢᬾᬮᬂᬚᬷᬯᬭᬶᬂᬲᬂᬧᬢᬹᬢ᭄᭞ᬯᭂᬓᬲ᭄ᬫᬗ᭄ᬤᬩᬾᬩᬲ᭄ᬫᬸᬮᬶᬄ᭞ᬅᬲ᭄ᬣᬶᬢᬶᬬᭀᬕᬫᬗ᭄ᬤᬗᬃᬣᭀᬲ᭄᭟᭐᭟ᬤᬳᬢ᭄ᬧᬶᬗᬶᬢ᭄ᬳᭂᬦᬂ
ᬳᭂᬦᬶᬂᬚ᭄ᬭᭀᬦᬶᬂᬓᬮ᭄ᬩᬸ᭞ᬗᬯᬶᬢ᭄ᬜᬲᭀᬮᬄᬦᬾᬓᬶ᭞ᬰᬶᬮᬮᬸᬳᬸᬂ᭞ᬦᬶᬢ᭄ᬬᬤᬶᬧᬶᬂᬓᬮᬶᬳᬾ᭞ᬤᬩ᭄ᬤᬩ᭄ᬳᬾᬮᬶᬂᬧᬕᭂᬄᬳᬮᭀᬦ᭄᭟᭐᭟ᬅᬲᬵᬦᬓᬧᬶᬂᬢᬶᬕᬘᬗ᭄ᬓᭂᬫ᭄ᬢᬸᬢᬸᬧ᭄᭞ᬢᬶᬗ᭄ᬳᬮ᭄ᬩᭂᬦᭂᬃᬫᬶᬯᬄ
ᬮᬢᬶ᭞ᬲᭀᬮᬄᬢᬗᬦ᭄ᬢᬍᬃᬳᬕᬸᬂ᭞ᬓᬧᬶᬂᬘᬢᬸᬃᬗᬭᬦᬾᬓᬶ᭞ᬧ᭄ᬭᬡᬬᬫᬢᬦ᭄ᬫᬩᬯᭀᬲ᭄᭟᭐᭟ᬫᬶᬸᬤ᭄ᬭᬶᬸᬡᬶᬸᬢ᭄ᬯᬶᬸᬬᬶᬸᬢ᭄ᬦᬶᬸ᭞ᬫᭂᬓᭂᬓ᭄ᬩᬬᬸᬢ᭄ᬯᬶᬭᬲᬬᬂᬲᬫ᭄ᬧᬾᬳᬮᬸᬲ᭄᭞ᬧ᭄ᬭᬢ᭄ᬬᬭᬧᬜ᭄ᬘᬫ
[ ᭑᭐᭖ 106A]
ᬗ᭄ᬓᬶᬦ᭄᭞ᬗᬸᬢᬂᬳᬾᬮᬶᬂᬲᭂᬦᭂᬂᬗᭂᬫ᭄ᬩᬸᬲ᭄᭞ᬦᬸᬢᬸᬧ᭄ᬧᬜ᭄ᬘᭀᬦ᭄ᬤ᭄ᬭᬶᬬᬦᬾᬓᬶ᭞ᬓᬧᬶᬂᬳᭂᬦᭂᬫ᭄ᬦᬾᬓᬯᬸᬯᬸᬲ᭄᭟᭐᭟ᬫᬤ᭄ᬭᬡᬢ᭄ᬯᬶᬧ᭄ᬭᬬᬢ᭄ᬦᬭᬶᬧᬦᬸᬚᬸ᭞ᬧᬶᬂᬲᬧ᭄ᬢᬥ᭄ᬬᬦᬫᬗ᭄ᬓᬶᬦ᭄᭞ᬳᬸᬍᬂᬳᬯᬲ᭄ᬓᬂᬢᬶᬦᬸᬚᬸ
ᬓᬧᬶᬂᬅᬱ᭄ᬝᬫᬲᬫᬤᬶ᭞ᬦᬸᬗ᭄ᬕᬮ᭄ᬳᬶᬥᭂᬧᬶᬂᬧᬦᬸᬚᭀᬦ᭄᭟᭐᭟ᬳᬯᬳᬶᬸᬰᬾᬮᬶᬂᬳᬸᬍᬃᬩᭂᬦᭂᬃᬳᬭᬭᬸᬦ᭄ᬢᬸᬂ᭞ᬲᬶᬦᬃᬰᬸᬘᬶᬳᭂᬦᬶᬂᬚᬵᬢᬶ᭞ᬳᬗ᭄ᬕᬓᬢᭀᬦ᭄ᬲᬓᭂᬤᬧ᭄ᬤᬶᬢᬸ᭞ᬲᬦᬾᬦᬸᬦᬲ᭄ᬫᬗᬶᬘᬾᬦᬶᬦ᭄᭞
ᬳᬶᬓᬸᬂᬦᬸᬗ᭄ᬕᬮ᭄ᬗᬭᬦ᭄ᬳᬬᬶᬸᬯᬶᬸ᭟᭐᭟ᬳᬯᬲ᭄ᬳᬯᬲ᭄ᬳᬾᬮᬶᬂᬳᬾᬮᬶᬂᬤᬸᬓ᭄ᬲᬦᬶᬓᬸ᭞ᬥᬸᬥᬸᬲᬶᬋᬧ᭄ᬥᬸᬥᬸᬗᬶᬧᬶ᭞ᬯᬸᬲ᭄ᬳᬯᭀᬃᬭᬶᬂᬳ᭄ᬬᬂᬮᬸᬳᬸᬃ᭞ᬲ᭄ᬭᬳᬦᬳᬗ᭄ᬕᬩᬸᬤ᭄ᬥᬶ᭞ᬮᬓᬸᬦᬶᬂᬲᬫᬵᬤᬶᬧᭀᬮᭀᬲ᭄᭟
᭐᭟ᬪᬓ᭄ᬢᬶᬫᬃᬕᬢᭂᬕᭂᬲ᭄ᬜᬦᬾᬪᬓ᭄ᬢᬶᬚᬸᬚᬸᬃ᭞ᬜ᭄ᬭᬄᬦᭀᬭᬳᬾᬮᬶᬂᬦᬧᬶ᭞ᬗᬋᬧ᭄ᬢᬗ᭄ᬓᬶᬮ᭄ᬭᬶᬂᬲᬂᬳ᭄ᬬᬂᬳᬬᬸ᭞ᬦᬸᬮ᭄ᬬᬦᭀᬭᬦᬧᬶᬫᬮᬶᬄ᭞ᬚᬮᬦᬼᬫ᭄ᬧᭂᬂᬦᭂᬫᬸᬫᭀᬓ᭄ᬱ᭟᭐᭟ᬢᬺᬱ᭄ᬡᬳᬲᬶᬄ