[ ᭑᭐᭒ 102B]
᭑᭐᭒᭞
ᬳᬢᬸᬭᬶᬦ᭄ᬧᬸᬚᬯᬮᬶ᭞ᬦᬶᬱ᭄ᬝᬫᬥ᭄ᬬᬉᬢ᭄ᬢᬫᬤᬶᬢᬸ᭞ᬲᬓᬲᬶᬤᬦ᭄ᬤᬶᬢᬸᬫᬮᬓᬸ᭞ᬢᬦ᭄ᬤᬤᭀᬲ᭄ᬗᬶᬭᬗᬶᬦ᭄ᬲᭀᬮᬄ᭞ᬜᬸᬂᬲᬸᬂᬪᬓ᭄ᬢᬶᬭᬶᬂᬮᬮᬸᬳᬸᬃ᭞ᬫᬗ᭄ᬤᬲᬶᬤᬧᭀᬮᬶᬄᬅᬫᬺᬢ᭞ᬗᬦᬸᬢᬂᬅᬢ᭄ᬫᬵᬦᬸᬱ᭟᭐᭟
ᬧᬳᬶᬮᬾᬦᬾᬦᬾᬯᬬᬚ᭄ᬜᬵᬧᬸᬧᬸᬢ᭄᭞ᬕᬸᬕᬸᬤᬶᬳᬢᬶᬦᬾ᭞ᬗᬭᬦ᭄ᬮᬧᬶᬲ᭄ᬓᬭᬶᬲᬸᬗ᭄ᬓᭂᬫᬶᬦ᭄᭞ᬳᬤᬸᬗᬂᬭᬕᬦᬾᬤᬸᬫᬸᬦ᭄᭞ᬭᬶᬂᬳᬶᬳᬤᬶᬫᬓᬘᬢᬸᬃ᭞ᬳᬶᬦ᭄ᬢᬶᬲᬭᬶᬦᬶᬂᬆᬕᬫ᭞ᬬᬤ᭄ᬬᬧᬶᬦ᭄ᬫᭀᬓ᭄ᬱᬦ᭄ᬳᬶᬧᬸᬦ᭄᭞ᬤᬶᬢᬸᬫ
ᬭᬦᬯᬂᬳᬯᬓ᭄᭞ᬆᬕᬫᬳᬶᬤᭂᬄᬳᬶᬤᭂᬄᬳᬩ᭟᭐᭟ᬧᬸᬧᬸᬄᬕᬶᬦᬤ᭟᭐᭟ᬳᭀᬮᬲ᭄ᬳᬲᬶᬄᬫᬢᬸᬃᬲᭂᬫ᭄ᬩᬄ᭞ᬲᬶᬗ᭄ᬕᬶᬄᬢᬶᬢ᭄ᬬᬂᬲᬧᬸᬦᬧᬶ᭞ᬥᬂᬳ᭄ᬬᬂᬕᬸᬭᬸᬫᬗᬦ᭄ᬤᬶᬓ᭞ᬫᬮᬶᬄᬓᬶᬥᬶᬓ᭄ᬓᬭᬶᬓᭂᬢᬸᬢ᭄᭞ᬲᭀ
ᬮᬳᬾᬫᬫᬸᬢᬬᬚ᭄ᬜᬵ᭞ᬧᬶᬋᬂᬘᭂᬦᬶᬂ᭞ᬧᬸᬧᬸᬢ᭄ᬗᬸᬧᬓᬵᬭᬧᬶᬢ᭄ᬭ᭟᭐᭟ᬭᬶᬂᬳᬩᬸᬮᬦ᭄ᬧᬶᬢᬸᬂᬤᬶᬦ᭞ᬬᭀᬕ᭄ᬬᬗᬤᬓᬂᬧᬗᬘᬶ᭞ᬲᭀᬮᬄᬫᬹᬢᬬᬚ᭄ᬜᬵᬓᭀᬘᬧ᭄᭞ᬗᬺᬱᬶᬕᬡᬫᬜ᭄ᬘᬓᭂᬮᬸᬤ᭄᭞ᬭᬶᬂᬧ
[ ᭑᭐᭓ 103A]
ᬫ᭄ᬭᬚᬦ᭄ᬫᬫ᭄ᬯᬂᬭᬶᬂᬦᬢᬃ᭞ᬳᬧᬂᬫᬘᬶᬭᬶ᭞ᬲᭀᬮᬳᬾᬫᬗᬗ᭄ᬓᬢ᭄ᬓᬃᬬ᭟᭐᭟ᬉᬥᬸᬄᬤᬾᬯᬧᬜ᭄ᬘᬤᬾᬯ᭞ᬧᬶᬦᬸᬦᬲᬾᬧᬸᬧᬸᬢ᭄ᬫᬗ᭄ᬓᬶᬦ᭄᭞ᬓᬾᬯᬮᬧᬶᬢᭂᬓᭂᬢ᭄ᬩᬧ᭞ᬳᬾᬮᬶᬗᬂᬚ᭄ᬯᬳᬧᬂᬢᬳᬸ᭞ᬧᬶᬢᬸᬢᬸᬭᬾᬋᬲᭂᬧ᭄ᬋᬲᭂᬧᬂ᭞ᬮ
ᬓ᭄ᬱᬡᬳᬶᬦ᭄᭞ᬳᬸᬦᬶᬗᬾᬓᬯᬂᬧᬤᬯᬂ᭟᭐᭟ᬦᭀᬭᬓᭂᬦᬳᬶᬫᬳᬶᬫ᭞ᬫᬮᬓ᭄ᬱᬡᬧᬂᬫᬪᬸᬓ᭄ᬢᬶ᭞ᬗᬯᬶᬦᬂᬢᭂᬍᬩ᭄ᬧᬗᬸᬕᭀᬦ᭄᭞ᬗᬸᬕᬸᬪᬸᬓ᭄ᬢᬶᬲᬦᬾᬢᬸᬳᬸ᭞ᬫᬳᬸᬭᬸᬓᬶᬦ᭄ᬳᬧᬂᬧᭂᬲᬚ᭞ᬳᬚᬕᬸᬜ᭄ᬚᬶᬄ᭞ᬫ
ᬮᬚᬄᬫᬦᬶᬧᬸᬭᬕ᭟᭐᭟ᬤᬤᬶᬧᭂᬓᭂᬦ᭄ᬓᬓᭂᬤᬾᬓᬦ᭄᭞ᬓᬶᬫᬸᬤᬂᬭᬕᬦᬾᬘᭂᬦᬶᬂ᭞ᬫᬮᬚᬄᬢ᭄ᬯᬭᬫᬦᬯᬂ᭞ᬳᬶᬦᬩ᭄ᬕᬸᬫᬶᬲᬵᬫ᭄ᬧᬸᬦ᭄ᬢᬳᬸ᭞ᬦᬶᬦᬄᬩᬧᬓᭂᬦᬩᬩᬶᬦᬦ᭄᭞ᬳᬸᬮ᭄ᬬᬦ᭄ᬘᭂᬦᬶᬂ᭞ᬓᬳᬸᬫ᭄ᬩᬮᬂᬳᬦᬭᬶᬂ
ᬚᬕᬢ᭄᭟᭐᭟ᬲᬂᬧᬜ᭄ᬘᬬᭀᬕᬫᬜᭂᬫ᭄ᬩᬄ᭞ᬲᬶᬗ᭄ᬕᬶᬄᬲᬶᬗ᭄ᬕᬶᬄᬫᬳᬵᬫᬸᬦᬶ᭞ᬫᬜᬸᬯᬸᬦᬂᬮ᭄ᬯᬶᬃᬩᬩᬯᭀᬲ᭄᭞ᬇᬦ᭄ᬤᬶᬓ᭄ᬢᬶᬢ᭄ᬬᬗᬾᬫᬕᬸᬭᬸ᭟ᬢᬶᬢ᭄ᬬᬂᬧᬫᬶᬢ᭄ᬤᬸᬄᬧᬗᭂᬫ᭄ᬧ᭄ᬯᬦ᭄᭞ᬲᬦᬾᬫᬗ᭄ᬓᬶᬦ᭄᭞ᬩᬸᬤᬮ᭄ᬢᬶᬢ᭄ᬬᬂ
Kaca:Bali-lontar-gaguritan-pancayoga-01-300ppi.pdf/103
Kaca puniki sampun kauji-wacén
