[ ᭑᭐᭑ 101B]
᭑᭐᭑᭞
ᬳᬓᬾᬮᬦ᭄ᬳᬦᬫᬦ᭄ᬫᬸᬗ᭄ᬕᬸᬄ᭞ᬲᭂᬳᭂᬢᬦ᭄ᬫᬮᬶᬄᬫᬸᬗ᭄ᬕᬸᬄ᭞ᬭᬭᬶᬲᬂᬦᬸᬦᬲ᭄ᬓᬸᬮᬸᬄ᭞ᬦᬭᬶᬂᬲᭂᬓᬄᬫᬗ᭄ᬓᬶᬦ᭄ᬲᬶᬭᬢᬂ᭞ᬧᬸᬧᬸᬢ᭄ᬲᬵᬫ᭄ᬧᬸᬦ᭄ᬗᬚᬸᬫ᭄ᬲᭂᬓᬄ᭟᭐᭟ᬯᬃᬡᬦᭂᬦ᭄ᬤᬕᬶᬂᬲᭂᬓᬄᬧᬸᬦᬶᬓᬸ᭞ᬕᭂᬮᬶᬸᬂᬲᬶᬸ
ᬗ᭄ᬳᬶᬸᬧᬶᬸᬦᬶᬸᬫᬶᬸᬗ᭄ᬓᬶᬸ᭞ᬫᬯᬤᬄᬲᭀᬓ᭄ᬦᬫᬦᬾ᭞ᬧᬸᬤᬶᬫᬶᬭᬄᬢᭂᬕᭂᬲ᭄ᬫᬤᬕᬶᬂ᭞ᬧᬤ᭄ᬫᬳᬺᬤᬬᬭᬚᬄᬳᬶᬓᬸ᭞ᬲᬫᬶᬯᬦ᭄ᬢᬄᬲᬵᬫ᭄ᬧᬸᬦ᭄ᬧᬸᬧᬸᬢ᭄᭞ᬉᬮᬦ᭄ᬢᬕᬅᬦ᭄ᬢᬲᭂᬓᬄ᭞ᬧ᭄ᬭᬭᬳᬶᬘᬦ᭄ᬤᬦᬫᭂᬦᬸᬃ᭞ᬢᬢᭂ
ᬓᭂᬦ᭄ᬜᬦᬾᬘᬭᬂᬳᬳ᭞ᬲᭂᬓᬃᬭᬢ᭄ᬦᬫᬓᬧᬬᬲ᭄᭟᭐᭟ᬓᬲ᭄ᬢᬗ᭄ᬕᬶᬮᬦ᭄ᬨᬮᬫᭂᬤᭀᬦ᭄ᬫᬸᬗ᭄ᬕᬸᬄ᭞ᬮᬦ᭄ᬳᬶᬲᬶᬦ᭄ᬭᭀᬗᬾ᭞ᬫᬤᬕᬶᬂᬧᬜ᭄ᬘᬢᬭᬸᬫᬮᬶᬄ᭞ᬢᬧᬶᬄᬲᭂᬓᬄᬫᬶᬯᬄᬚᬭᬸᬫ᭄᭞ᬤᬯᬸᬦ᭄ᬩᬶᬗᬶᬦ᭄ᬫ
ᬦ᭄ᬤᭀᬭᬶᬫᬸᬗ᭄ᬕᬸᬄ᭞ᬉᬧᬓᬵᬭᬦᬾᬳᬬᬩᬂ᭞ᬫᬩᬺᬲᬶᬄᬫᬲᬶᬲᬶᬕ᭄ᬳᬫ᭄ᬩᬸᬄ᭞ᬭᬶᬂᬓᬓᭀᬘᭀᬃᬘᬭᬶᬢᬬᬂ᭞ᬲᬸᬭᬦᬤᬶᬧᬩᬺᬲᬶᬳᬦ᭄᭟᭐᭟ᬢᬷᬃᬣᬦ᭄ᬜᬦᬾᬧᬢᭂᬄᬓᬤᬶᬲᬵᬫ᭄ᬧᬸᬦ᭄᭞ᬬᬤᬶᬦ᭄ᬧᬳᬶᬮᬾ
[ ᭑᭐᭒ 102A]
ᬦᬾ᭞ᬓᬤᬶᬗᬩᬾᬦ᭄ᬢᬺᬱ᭄ᬫᬪᬲ᭄ᬫᬷ᭞ᬉᬧᬓᬵᬭᬩᬦ᭄ᬢᭂᬦ᭄ᬧᬢᬸᬄ᭞ᬅᬲ᭄ᬣᬶᬦᬾᬭᬶᬂᬩᬸᬗ᭄ᬓᬓ᭄ᬩᬸᬗ᭄ᬓᬸᬲ᭄᭞ᬓᬸᬮᬶᬢ᭄ᬜᬦᬾᬚ᭄ᬯᬫᬭᬚᬄ᭞ᬒᬁᬓᬵᬭᬵᬫᬺᬢᬫᬸᬗ᭄ᬕᬸᬄᬤᬶᬢᬸ᭞ᬧᬫᬶᬢᬂᬲᬳᬵᬲᭂᬫ᭄ᬩᬄ᭞ᬫᬤᬸᬮᬸᬃᬓᬶᬤᬸᬂᬑᬁᬲᭂᬫ᭄ᬩᬄ
᭟᭐᭟ᬭᬭᬶᬲ᭄ᬓᬶᬭᬶᬫ᭄ᬢᬺᬱ᭄ᬓᬲᬵᬕᬭᬳᬜᬸᬤ᭄᭞ᬮ᭄ᬯᬶᬃᬗᬹᬦᬷᬮᬫ᭄ᬧᬳᬾ᭞ᬳᬭᬳᬶᬦᬧᬸᬧᬸᬢᬂᬫᬗ᭄ᬓᬾᬦ᭄᭞ᬧᬸᬧᬸᬢ᭄ᬢᬶᬕᬂᬤᬦᬦ᭄ᬳᬶᬧᬸᬦ᭄᭞ᬜᬶᬤᬓᬃᬬᬯᬱ᭄ᬝᬦ᭄ᬳᬶᬧᬸᬦ᭄᭞ᬘᬦᬂᬳᭂᬦ᭄ᬢᬶᬮ᭄ᬮᬦ᭄ᬓᬢᬶᬧᬢ᭄᭞ᬧᬲᭂᬕᭂᬳᬦ᭄ᬮᬦ᭄ᬮᬦ᭄ᬧ᭄ᬭᬭ
ᬧᬸᬄ᭞ᬧᬸᬧᬸᬢ᭄ᬦᬸᬦᬲ᭄ᬢᬶᬃᬣᬭᬶᬂᬲᬗ᭄ᬕᬄ᭞ᬢᬸᬢᬸᬕ᭄ᬲᭀᬮᬲ᭄ᬗᬢᬸᬭᬂᬧᬹᬦ᭄ᬬ᭟᭐᭟ᬘᬭᬶᬢᬬᬂᬦᬾᬫᬤᬦ᭄ᬧᬳᬶᬗ᭄ᬓᬸᬧ᭄᭞ᬯᬸᬲ᭄ᬗᬩᬾᬬᭀᬕ᭄ᬬᬦ᭄ᬜᬦᬾ᭞ᬳᭂᬮᬢ᭄ᬜᬦᬾᬫᬮᬶᬄᬳᬰᬰᬶᬄ᭞ᬭᬶᬂᬲᬗ᭄ᬕᬄᬢ᭄ᬯᬶᬫᬮᬓᬸ᭞ᬗᬢᬸ
ᬭᬶᬂᬩᬦ᭄ᬢᭂᬦ᭄ᬧᬳᬶᬗ᭄ᬓᬸᬧ᭄᭞ᬧᬸᬚᬯᬮᬶᬢ᭄ᬭᬸᬲᬂ᭞ᬳ᭄ᬬᬂᬤᬾᬯᬢᬳᬢᬸᬭᬶᬦ᭄ᬤᬶᬢᬸ᭞ᬲᬸᬂᬲᬸᬂᬳᬶᬤᬭᬶᬂᬧᬫ᭄ᬭᬚᬦ᭄᭞ᬧᬶᬢ᭄ᬭᬧᬸᬧᬸᬢ᭄ᬤᬤᭀᬲ᭄ᬤᬾᬯ᭟᭐᭟ᬳ᭄ᬬᬂᬤᬾᬯᬢᬳᬭᬦ᭄ᬜᬦᬾᬓᬯᬸᬯᬸᬲ᭄᭞ᬗᬦᬫ᭄ᬰᬰᬶᬄᬋᬓᬾ
Kaca:Bali-lontar-gaguritan-pancayoga-01-300ppi.pdf/102
Kaca puniki sampun kauji-wacén
