Kaca puniki sampun kauji-wacén
[᭙᭑ 91B]
᭙᭑
ᬚᬯᬶᬦ᭄ᬲᬸᬭᬢ᭄ᬓᬾᬓ᭄ᬓᬾᬦ᭄ᬤᭂᬫᬂ᭞ᬫᬢᬸᬃᬕᭂᬮᬶᬲ᭄᭞ᬳᬶᬤᭂᬫᬂᬭᬭᬶᬲ᭄ᬫᬜᭂᬫ᭄ᬩᬄ᭟ᬇᬗ᭄ᬕᬶᬄᬤᬾᬯᬰ᭄ᬭᬶᬦᬭᬾᬦ᭄ᬤ᭄ᬭ᭞ᬢᬶᬢ᭄ᬬᬂᬤᬯᭂᬕ᭄ᬫᬢᬸᬃᬲᬶᬲᬶᬧ᭄᭞ᬫᬗ
ᬢᬸᬭᬂᬧᬗᬦ᭄ᬤᬶᬓᬵ᭞ᬭᬳᬶᬦ᭄ᬧᬤᬸᬓᬲᬗ᭄ᬳᬮᬸᬦ᭄᭞ᬓᬃᬱᬳᬶᬤᬧᬘᬂᬫᬫᬃᬕ᭄ᬕ᭞ᬲᬓᬾᬂᬓᬤᬾᬭᬶ᭞ᬫᬮᬶᬄᬓᬮᬶᬄᬤᬶᬦᬲᭂᬫᭂᬗᬦ᭄᭟ᬲᬂ
ᬧ᭄ᬭᬪᬸᬳᬶᬤᬗᬦ᭄ᬤᬶᬓ᭞ᬭᬶᬂᬳᬶᬤᬭᬳᬤᬾᬦ᭄ᬫᬦ᭄ᬢ᭄ᬭᬶ᭞ᬦᬦᬓ᭄ᬩᬕᬸᬲ᭄ᬧᬫᬦ᭄ᬦᬦᬦ᭄ᬓ᭄᭞ᬩᬸᬯᬶᬦ᭄ᬧᬸᬯᬦ᭄ᬳᬶᬤᬭᬯᬸᬄ᭞ᬓᬮᬶᬄᬮᬦ᭄ᬳᬶᬤᬳᬶᬩ᭄ᬬᬂ᭞ᬜ
ᬦ᭄ᬤᬂᬧᬧᬕᬶᬦ᭄᭞ᬤᬶᬢᬗ᭄ᬕᬸᬦ᭄ᬤᬾᬰᬦᬾᬓᬚ᭟ᬲᬫ᭄ᬧᬸᬦ᭄ᬲᭀᬭᬾᬲᬸᬭᬸᬧ᭄ᬲᬸᬃᬬ᭄ᬬ᭞ᬓᬯᬸᬮᬦᬾᬩᬸᬤᬮ᭄ᬲᬫᬶ᭞ᬲᭀᬭᭀᬄᬳᬦᬾᬗᬯ
[᭙᭒ 92A]
ᬗᬸᬦ᭄ᬧᬧᬬᭀᬦ᭄᭞ᬢᬢᬭᬶᬗᬾᬲᬫᬶᬧᬸᬧᬸᬢ᭄᭞ᬓᬾᬯᬮᬤᬾᬭᬾᬂᬫᬧᬬᬲ᭄᭞ᬫᬶᬯᬄᬭᬶᬂᬭᬶᬂ᭞ᬮᬮᬸᬳᬸᬃᬫᬲᬶᬫ᭄ᬩᬃᬓᬺᬢᬲ᭄᭞ᬲᬫ᭄ᬧᬸ
ᬦ᭄ᬩᬸᬩᬃᬓᬂᬲᬶᬦᬾᬪ᭞ᬲᬂᬦᬵᬣᬗᬤᬢᭀᬦ᭄ᬕᭂᬮᬶᬲ᭄᭞ᬰ᭄ᬭᬶᬧ᭄ᬭᬫᬾᬰ᭄ᬯᬭᬶᬓᬧᭂᬦ᭄ᬤᬓ᭄᭞ᬫᬜᬧᬳᬢᬸᬭᬾᬳᬮᬸᬲ᭄᭞ᬳᬶᬤᭂᬫᬂᬋᬓᬾᬧ᭄ᬭᬧ᭄ᬢ
᭞ᬲᬧᬸᬦᬧᬶ᭞ᬦᬸᬦᬲ᭄ᬭᬢᬸᬧᬗᬦ᭄ᬤᬶᬓ᭟ᬲᬂᬧ᭄ᬭᬪᬸᬫᬗᬦ᭄ᬤᬶᬓ᭞ᬳᬭᬶᬲ᭄ᬳᬤᬶᬚᬕᬫᬭᬶᬓᬶ᭞ᬫᬓᬮᬶᬳᬦ᭄ᬮᬦᬂᬯᬤᭀᬦ᭄᭞ᬩᬸᬯᬶᬦ᭄ᬧᬸᬯ
ᬦ᭄ᬚᬦ᭄ᬢᭂᬦ᭄ᬭᬯᬸᬄ᭞ᬰ᭄ᬭᬶᬧ᭄ᬭᬫᬾᬰ᭄ᬯᬭᬶᬳᬾᬕᬃ᭞ᬢᬶᬢ᭄ᬬᬂᬫᬧᬕᬶᬦ᭄᭞ᬳᬶᬳᬤᬶᬳᬚᬓ᭄ᬳᬶᬦᬦᬓ᭄᭟ᬚ᭄ᬭᭀᬦᬶᬂᬯᭂᬗᬶᬢᬦ᭄ᬘᬭᬶᬢ᭞ᬕᭂᬮᬶᬲ᭄ᬓᭀᬘ
