Kaca puniki sampun kauji-wacén
[᭘᭗ 87B]
᭘᭗
ᬮᬶᬄᬮᬦ᭄ᬧ᭄ᬭᬫᬾᬰ᭄ᬯᬭᬶ᭞ᬫᬗ᭄ᬭᬯᭀᬲᬂᬧᬘᬂᬮᬸᬗ᭄ᬳᬵ᭞ᬧᬜ᭄ᬚ᭄ᬭᭀᬯᬦᬾᬕᬶᬭᬂᬓᬸᬫ᭄ᬧᬸᬮ᭄᭞ᬗᬶᬦ᭄ᬢᬾᬗᭂᬫ᭄ᬩᬦ᭄ᬧᬗᬸᬦᭂᬗᬦ᭄᭞ᬩᬬᬦ᭄ᬲᬗ᭄ᬳᬶᬢ᭄᭞
ᬲᬓᬢᬳᬶᬂᬧᬜ᭄ᬚ᭄ᬭᭀᬯᬦ᭄᭟ᬮᬸᬄᬫᬸᬯᬦᬶᬧᬥᬲᬸᬓ᭞ᬲᬓᬢᬳᬶᬂᬤᬕᬶᬂᬧᬸᬭᬶ᭞ᬢᭂᬓᬦᬶᬂᬓᬚᬩᬚᬩ᭞ᬫᬓᬫᬶᬯᬄᬳᬶᬜᬩᭂᬓᬸᬂ᭞ᬦ᭄ᬤᬶᬗᭂᬄ
ᬕᬸᬲ᭄ᬢᬶᬦᬾᬲᬸᬩᬓᬃᬯ᭄ᬯᬦ᭄᭞ᬭᬤᬾᬦ᭄ᬤᬾᬯᬶ᭞ᬲᬫ᭄ᬧᬸᬦᬺᬓᬾᬭᬶᬂᬓᭀᬭᬶᬧᬦ᭄᭟ᬩ᭄ᬯᬶᬦ᭄ᬧᬘᬂᬓᬧᬩᬸᬜ᭄ᬘᬶᬗᬂ᭞ᬭᬶᬂᬳᬶᬤᬭᬳᬤᬾᬦ᭄ᬫᬦ᭄ᬢ᭄ᬭᬶ᭞
ᬳᭂᬦ᭄ᬢᭀᬓ᭄ᬭᬡᬧᬥᬗᭀᬭᭀᬂ᭞ᬮᬸᬄᬫᬸᬯᬦᬶᬧᬢᬶᬓᭂᬧᬸᬕ᭄᭞ᬗᬮᬶᬄᬧᬗᬗ᭄ᬕᭀᬦᬾᬫᭂᬮᬄ᭞ᬳᬤᬜᬶᬮᬶᬄ᭞ᬳᬤᬜᬾᬯᬳᬤ
[᭘᭘ 88A]
ᬦᬸᬫ᭄ᬩᬲ᭄᭟ᬳᬦᬾᬜᬶᬮᬶᬄᬢᭀᬂᬫᬩᬳᬦ᭄᭞ᬩᬸᬤ᭄ᬥᬶᬫᭂᬮᬶᬲᬶᬂᬗᭂᬮᬄᬧᬶᬧᬶᬲ᭄᭞ᬫᬗᬭᬸᬫᬸᬦ᭄ᬢᬸᬃᬗᬫᭀᬓ᭄ᬫᭀᬓ᭄᭞ᬓᬢᬸᬗ᭄ᬕᬮᬶᬦ᭄ᬢᬦ᭄ᬓᬕᬸᬕᬸ
᭞ᬫᬶᬭᬶᬩ᭄ᬓᬾᬧᬮᬶᬂᬩᭀᬩᬩ᭞ᬤᬶᬓᬤᬾᬭᬶ᭞ᬤᭂᬧᬂᬓᬾᬦᬾᬲᬸᬩᬮᬶᬯᬢ᭄᭟ᬢ᭄ᬯᬭᬓᭀᬢᬳᬾᬦ᭄ᬫᬩᬶᬓᬲ᭄᭞ᬫᬳᭀᬭᬢᬚᬶ
ᬳᬢᭂᬩᬶᬄ᭞ᬢᬸᬫᬶᬦ᭄ᬜᬦᬾᬫᬗ᭄ᬭᬯᭀᬲ᭄᭞ᬓᬗ᭄ᬕᭀᬯᬂᬕᭂᬮᬳᬾᬲᬮᬸᬓ᭄᭞ᬤ᭄ᬬᬧᬶᬦ᭄ᬩᬸᬗᬄᬩᬳᬦ᭄ᬜᭂᬮᬂ᭞ᬳᬾᬩᬾᬃᬳᬶᬮᬶᬄ᭞ᬫᬗᭂᬫ᭄ᬩᬾᬕᬂ
ᬕᭂᬮᬄᬳᬦᬓ᭄᭟ᬤ᭄ᬬᬧᬶᬦ᭄ᬚᭂᬮᬾᬮᬫᬸᬦ᭄ᬕᭂᬮᬄ᭞ᬤ᭄ᬬᬧᬶᬦ᭄ᬫᭂᬮᬄᬩᬳᬜᬶᬮᬶᬄ᭞ᬤᬶᬧᭂᬮᬶᬳᬾᬩᬳᬦ᭄ᬗᬦ᭄ᬗᭀ᭞ᬳᬸᬲᬦ᭄ᬳᬶᬮᬂ
