Kaca:Bali-lontar-gaguritan-pakangraras-01-350ppi.pdf/72

Saking Wikisource
Kaca puniki sampun kauji-wacén

[᭗᭑ 71B]
᭗᭑
ᬳᬶᬤᬧ᭄ᬭᬫᬾᬰ᭄ᬯᬭᬶ᭞ᬭᬤᬾᬦ᭄ᬫᬦ᭄ᬢ᭄ᬭᬶᬗᬦ᭄ᬤᬶᬓᬳᬮᭀᬦ᭄᭞ᬢᭂᬓᬾᬦ᭄ᬫᬾᬫᬾᬩᬧᬩᭂᬓᬸᬂ᭞ᬳ᭄ᬬᬂᬩᬸᬤᬓ᭄ᬫᬢᬸᬃᬳᬸᬦᬶᬗ᭞ᬭᬶᬂᬩᬧᬳᬚᬶ᭞ᬓᬮᬶᬄᬳᬶᬤᬧ᭄ᬭ
ᬫᬾᬰ᭄ᬯᬃᬬ᭄ᬬᬵ᭟ᬫᬾᬫᬾᬩᬧᬳᬧᬂᬫᭂᬮᬄ᭞ᬫᬗᬶᬭᬶᬂᬳᬶᬤᬳᬶᬳᬤᬶ᭞ᬳᭂᬤᬫᬾᬫᬾᬜᬭᬸᬪᬱ᭞ᬦᬶᬓᬶᬧᬸᬢ᭄ᬭᬧᬭᬲᬸᬢ᭄ᬭ᭞ᬤ᭄ᬬᬧᬶᬦ᭄ᬮᬘᬸᬃᬫᬭᬕᬢᬶᬯᬲ᭄᭞
ᬢᭂᬋᬄᬕᬸᬲ᭄ᬢᬶ᭞ᬦᬗ᭄ᬳᬶᬂᬳᬶᬤᬫᬦ᭄ᬤᬪᬕ᭄ᬬ᭟ᬲᭂᬗ᭄ᬕᬄᬫᬾᬫᬾᬢᬦ᭄ᬧᬯᬗ᭄ᬰᬵ᭞ᬦᬾᬲᬸᬕᬶᬄᬓᬤᬾᬦᬂᬕᬸᬲ᭄ᬢᬶ᭞ᬤᬾᬦᬶᬂᬩᬸᬗᬄᬩᬳᬦ᭄ᬧᬗᬗ᭄ᬕᭀ᭞ᬢᬶᬗ᭄ᬓᬄ
ᬚᬦᬶᬲᬸᬩᬲᬭᬸ᭞ᬮᬶᬬᬸᬫᬗᬦ᭄ᬓᭂᬦᬂᬫᬾᬦᬓ᭄᭞ᬗᬓᬸᬕᬸᬲ᭄ᬢᬶ᭞ᬓᬾᬢᭀᬫᬾᬫᬾᬳᬧᬢᬢᬲ᭄᭟ᬤᬾᬩᭂᬓᬸᬂᬫᬢᬸᬃᬲᬦ᭄ᬤᬶᬓ᭞ᬢᬶᬢ᭄ᬬᬂᬗᬶᬭᬶᬂᬚᭂᬂ
[᭗᭒ 72A]
ᬢ᭄ᬯᬦ᭄ᬫᬢ᭄ᬭᬶ᭞ᬦᬗ᭄ᬳᬶᬂᬳᬕᬸᬂᬫᬗᬫ᭄ᬧᬸᬭ᭞ᬤᬾᬦᬶᬂᬢᬶᬢ᭄ᬬᬂᬕᭂᬦᬳᬾᬗᬸᬩᬸ᭞ᬢᬦᬸᬦᬶᬂᬢᬢᬦᬵᬕᬭ᭞ᬢᬸᬯᬦ᭄ᬫᬦ᭄ᬢ᭄ᬭᬶ᭞ᬳᬭᬶᬲ᭄ᬫᭂᬤᬮ᭄ᬧᬗᬦ᭄ᬤᬶᬓ᭟ᬦᬄ
ᬫᬾᬫᬾᬓᬾᬓᬾᬢᭀᬳᬶᬗᭂᬢᬂ᭞ᬓᬮᬶᬄᬤᬾᬯᬳᬶᬳᬤᬶᬤᬾᬯᬶ᭞ᬲᬵᬫ᭄ᬧᬸᬦᬂᬲᬸᬫᭂᬮᬂᬧᬗ᭄ᬭᬯᭀᬲ᭄᭞ᬲᬯᭂᬗᬶᬦᬾᬢᬶᬢ᭄ᬬᬂᬭᬯᬸᬄ᭞ᬫᬭᬶᬓᬶᬫ᭄ᬩᬓ᭄ᬢ
ᬬᬂᬪᬸᬱᬡ᭞ᬲᬃᬯ᭄ᬯᬍᬯᬶᬄ᭞ᬫᬵᬲ᭄ᬧᬶᬭᬓ᭄ᬮᬦ᭄ᬧᬫᭂᬋᬫᬦ᭄᭟ᬭᬤᬾᬦ᭄ᬤᬾᬯᬶᬫᬢᬸᬃᬲᬦ᭄ᬤᬶᬓ᭞ᬢ᭄ᬯᬦ᭄ᬫᬦ᭄ᬢ᭄ᬭᬶᬩᬸᬤᬮ᭄ᬕᭂᬮᬶᬲ᭄᭞ᬲᬭᬯᬸᬳᬾᬫᬭᬶᬂᬚ᭄ᬭᭀ
᭞ᬲᬂᬧ᭄ᬭᬪᬸᬲᭂᬤᭂᬓ᭄ᬫᬮᬸᬗ᭄ᬕᬸᬄ᭞ᬓᬮᬶᬄᬮᬦ᭄ᬧ᭄ᬭᬫᬾᬰ᭄ᬯᬃᬬ᭄ᬬ᭞ᬲᬕᬾᬢ᭄ᬧ᭄ᬭᬧ᭄ᬢᬶ᭞ᬭᬤᬾᬦ᭄ᬫᬦ᭄ᬢ᭄ᬭᬶᬭᬭᬶᬲ᭄ᬜᭂᬫ᭄ᬩᬄ᭟ᬲᬂᬧ᭄ᬭᬪᬸᬭᬭᬶᬲ᭄ᬗᬦ᭄ᬤᬶᬓ᭞ᬫᬶᬯᬄᬳᬶᬤ

Kapolihang saking "https://ban.wikisource.org/w/index.php?title=Kaca:Bali-lontar-gaguritan-pakangraras-01-350ppi.pdf/72&oldid=49521"