[᭕᭙ 59B]
᭕᭙
ᬘᭂᬓᬧ᭄᭞ᬭᬶᬂᬳᬶᬳᬤᬶ᭞ᬗᬫ᭄ᬩᬶᬮ᭄ᬲᭂᬓᬭᬾᬭᬶᬂᬓᬃᬡ᭄ᬦ᭟ᬭᬭᬶᬲ᭄ᬢᬶᬢ᭄ᬬᬂᬫᬜᭂᬓᬭᬂ᭞ᬓᬢᬄᬧᬜ᭄ᬚ᭄ᬭᭀᬯᬦᬾᬳᬸᬦᬶᬂ᭞ᬭᬶᬂᬢᬶᬗ᭄ᬓᬄᬢᬶᬢ᭄ᬬᬗᬾᬮᬗ᭄ᬕ᭄ᬬ᭞ᬓᬵᬢᬸᬭᬶᬂ
ᬳᬶᬩᬧᬧ᭄ᬭᬪᬸ᭞ᬦᬶᬓᬫᬃᬕ᭄ᬕᬦ᭄ᬢᬶᬢ᭄ᬬᬂᬧᭂᬚᬄ᭞ᬓᬧᭀᬓᬯᬶ᭞ᬩᬯᬗ᭄ᬤᬾᬬᬂᬢᬶᬢ᭄ᬬᬂᬧᭂᬚᬄ᭟ᬓᬵᬮᬶᬄᬳᬶᬬᬤᬶᬮᬶᬦ᭄ᬢᬂᬢᬺᬱ᭄ᬡ᭞ᬢᬶᬢ᭄ᬬᬂᬭᬭᬶᬲ᭄ᬓᬯᬱ᭄ᬝᬦᬶᬦ᭄᭞
ᬳᬶᬫᬥᬾᬧᬓᬂᬭᬭᬲ᭄᭞ᬧᬋᬓᬦ᭄ᬧᬜ᭄ᬚ᭄ᬭᭀᬯᬦ᭄ᬤᬶᬢᬸ᭞ᬫᬦᭂᬩᬄᬩᬱᬭᬶᬂᬢᬶᬢ᭄ᬬᬂ᭞ᬮᬸᬄᬫᬸᬯᬦᬶ᭞ᬰ᭄ᬭᬶᬧ᭄ᬭᬫᬶᬰ᭄ᬯᬭᬶᬗᬦ᭄ᬤᬶᬓ᭟ᬓᬮᬶᬄᬳᬶᬤᬰ᭄ᬭᬶᬦᬭᬾᬦ᭄ᬤ᭄ᬭ
᭞ᬧᬢᬸᬢ᭄ᬦᬦᬓ᭄ᬫᬃᬕ᭄ᬕᬲᬶᬲᬶᬧ᭄᭞ᬭᬶᬂᬧᬫᬦ᭄ᬦᬦᬓ᭄ᬭᬶᬂᬤᭂᬳ᭞ᬫᬧᬦ᭄ᬳᬶᬤᬢ᭄ᬯᬭᬯᭂᬭᬸᬄ᭞ᬦᬦᬓ᭄ᬮᬗ᭄ᬕ᭄ᬬᬢᬸᬃᬗᬓᬸᬰᬸᬤ᭄ᬭ᭞ᬤ᭄ᬬᬧᬶᬦ᭄ᬤᬶᬦᬶ᭞ᬩᬧᬩ᭄ᬬᬂᬢ᭄ᬯᬭᬢᬢᬲ᭄
[᭖᭐ 60A]
᭟ᬫᬲᬶᬄᬢ᭄ᬯᬄᬫᬦᬳᬾᬩ᭄ᬭᬳ᭄ᬫ᭞ᬢᬦ᭄ᬯᬗ᭄ᬤᬾᬩᬧᬫᬢᬾᬦᬶᬦ᭄᭞ᬭᬤᬾᬦ᭄ᬫᬦ᭄ᬢ᭄ᬭᬶᬫᬢᬸᬃᬲᬦ᭄ᬤᬶᬓ᭞ᬢᬶᬢ᭄ᬬᬂᬓᬮᬶᬦ᭄ᬢᬗᬶᬂᬜᬸᬯᬸᬦ᭄᭞ᬧᬗᬦ᭄ᬤᬶᬓᬦ᭄ᬳᬚᬶ
ᬩ᭄ᬬᬂ᭞ᬮ᭄ᬬᬦ᭄ᬓᬯᬃᬡ᭄ᬦᬶ᭞ᬧᬸᬗ᭄ᬕᬯᬦᬾᬦ᭄ᬤᬶᬗᭂᬄᬳᭀᬃᬣ᭟ᬫᬲᭂᬮᬸᬭᬦ᭄ᬧᬥᬗᬧᬸᬭ᭄ᬬᬂ᭞ᬘᭂᬭᬶᬓ᭄ᬓᭂᬮᬶᬄᬮᬦᬂᬳᬶᬲ᭄ᬢ᭄ᬭᬶ᭞ᬳᬾᬩᭂᬓ᭄ᬱᭂᬓ᭄ᬱᭂᬓ᭄ᬭᬶᬂᬓᬭᬢᭀᬦ᭄᭞
ᬲᬂᬧ᭄ᬭᬪᬸᬗᬦ᭄ᬤᬶᬓᬓᬳᬮᬸᬲ᭄᭞ᬓᬓᬧᬢᬶᬄᬢ᭄ᬬᬂᬫᬶᬤᬃᬣ᭞ᬦᬾᬦᬾᬫᬗ᭄ᬓᬶᬦ᭄᭞ᬢ᭄ᬬᬂᬧᬘᬂᬦᬯᬸᬰᬩ᭄ᬥ᭞ᬬᬾᬦ᭄ᬪᬕ᭄ᬬᬭᬯᬸᬄᬳᬶᬦᬦᬓ᭄᭞ᬲᬗ᭄ᬕᬸᬧ᭄ᬢᬶᬢ᭄ᬬᬗᬶ
ᬗᬸᬕᬸᬫᬶ᭞ᬫᬦᬸᬯᬸᬃᬳᬶᬤᬧᬥᬡ᭄ᬥ᭞ᬫᬯᬾᬥᬳᬶᬤᬫᬧᬶᬓᬸᬮ᭄᭞ᬗᬶᬍᬳᬶᬦ᭄ᬫᬃᬕ᭄ᬕᬶᬤᬶᬓᭀᬣ᭞ᬧᬸᬗ᭄ᬕᬯᬲᬫᬶ᭞ᬲᭂᬤᬳᬦ᭄ᬫᬸᬯᬄᬧᬭᬓ᭄ᬮᬶᬬᬦ᭄᭟
Kaca:Bali-lontar-gaguritan-pakangraras-01-350ppi.pdf/60
Kaca puniki sampun kauji-wacén
