Kaca:Bali-lontar-gaguritan-pakangraras-01-350ppi.pdf/43

Saking Wikisource
Cebur nuju navigasi Cebur nuju parerehan
Kaca puniki sampun kauji-wacén

[᭔᭒ 42B]
᭔᭒
ᬋᬧᬾᬍᬯᬶᬄ᭞ᬩᬸᬢᬦ᭄ᬢ᭄ᬯᬭᬓᬮᬄᬧᬶᬭᬓ᭄᭞ᬤᬤᬶᬳᬸᬦᬶᬂᬲᬂᬫ᭄ᬧᬸ᭞ᬧᬳ᭄ᬭᬡ᭄ᬥᬰᬓ᭄ᬢᬶᬦᬸᬯᬪ᭞ᬫᬗ᭄ᬯᬱ᭄ᬝᭀᬦᬶᬦ᭄᭞ᬰᬸᬤ᭄ᬭᬲᬶᬳᬦᭀᬫ᭄ᬢᬦ᭄ᬧᬰᬶᬯ
᭟ᬓᬢᬄᬳᬦ᭄ᬢᬸᬓᬶᬧᬸᬦ᭄ᬦᬸᬢᬸᬭᬂ᭞ᬢᬶᬗ᭄ᬓᬳᬾᬫᬰᬶᬯᬭᬕᬶ᭞ᬓᬭᬡᬫᬾᬡᬓᬾᬢᬦ᭄ᬬᭀᬕ᭄ᬬ᭞ᬓᬲᬫ᭄ᬩ᭄ᬭᬫᬤᬶᬢᬸᬓᬳᬶᬗᬸ᭞ᬓᬮᬦ᭄ᬜᬦᬾᬫᬵ
ᬲᬸᬓᬤᬸᬓ᭞ᬓᬍᬧᬲᬶᬦ᭄᭞ᬫᬧᬦ᭄ᬲᬸᬩᬓᬤᬦᬶᬦ᭄ᬰᬸᬤ᭄ᬭ᭟ᬲᬧᬸᬦᬶᬓᬳᬶᬧᬸᬦ᭄ᬫᬧᬚᬃ᭞ᬲᬤᬾᬭᬾᬗᬾᬳᬶᬧᬸᬦ᭄ᬫᬢᬶ᭞ᬭᬶᬓᬲᬫ᭄ᬧᬸᬦᬶᬧᬸᬦᬾ
ᬧᭂᬚᬄ᭞ᬭᬄᬳᬶᬧᬸᬦ᭄ᬫᬶᬬᬶᬓ᭄ᬗᬮᬸᬩ᭄᭞ᬫᬶᬬᬶᬓᬾᬗᭂᬩᭂᬓᬶᬦ᭄ᬲᬾᬢ᭄ᬭ᭞ᬰ᭄ᬭᬶᬪᬸᬧᬢᬶ᭞ᬳᬮᭀᬦ᭄ᬫᭂᬤᬮ᭄ᬧᬗᬦ᭄ᬤᬶᬓ᭟ᬓᬓᬳᭂᬤᬫᬗ᭄ᬯᬾᬭᬵ
[᭔᭓ 43A]
ᬬᬂ᭞ᬳᬧᬂᬳᭂᬤᬢᬳᬸᬳᬶᬘᭂᬦᬶᬂ᭞ᬳᬶᬧᬢᬶᬄᬳᬸᬫᬢᬸᬃᬳᬮᭀᬦ᭄᭞ᬲᬦ᭄ᬤᬶᬓᬦ᭄ᬘᭀᬓᭀᬃᬳᬶᬭᬢᬸ᭞ᬇᬗ᭄ᬕᬶᬄᬤᬾᬯᬢᬶᬢ᭄ᬬᬂ᭞ᬫᬫᬶᬦ᭄ᬤᬄ᭞ᬢᬸᬫᬪ
ᬓ᭄ᬢᬶ᭞ᬕᬸᬲ᭄ᬢᬶᬧᬢᬶᬄᬗ᭄ᬭᬭᬶᬲ᭄ᬩᬸᬤᬮ᭄᭟ᬲᬸᬩᬤᬮᬾᬳᬶᬕᬸᬲ᭄ᬢᬶᬗᬸᬭᬄ᭞ᬲᬂᬧ᭄ᬭᬪᬸᬗ᭄ᬭᬯᭀᬲᬂᬕᬮᬶᬄ᭞ᬳᭀᬲᭂᬓᬶᬤᬵᬦᬦᭂᬂᬩᭂᬗᭀᬂ᭞ᬧᭂ
ᬤᬲᬤᬳᬦᬓ᭄ᬢᬬᬸ᭞ᬓᬸᬤ᭄ᬬᬂᬚᬦᬶᬫᬗᭂᬦ᭄ᬓᭂᬩᬂ᭞ᬫᬲᬢᬦᬶ᭞ᬦᬦᬓ᭄ᬕᬮᬸᬄᬬᬫᬦᬯᬂ᭟ᬢᬦ᭄ᬓᭀᬘᬧᬶᬤᬲᬂᬦᬵᬣ᭞ᬓᬘᬭᬶᬢᬭᬤᬾᬦ᭄ᬤᬾᬯᬶ᭞
ᬲᬸᬩᬍᬫᬄᬧᬲᭂᬫᭂᬗᬦ᭄᭞ᬭᬤᬾᬦ᭄ᬕᬮᬸᬄᬲᬫ᭄ᬧᬸᬦ᭄ᬫᬯᬸᬗᬸ᭞ᬭᬭᬶᬲ᭄ᬳᬶᬤᬓᬧᬜ᭄ᬘᭀᬭᬦ᭄᭞ᬢᬸᬃᬫᬰᬸᬘᬶ᭞ᬲᬫ᭄ᬧᬸᬦᬶᬤᬯᬸᬲᬦ᭄ᬫᬧᬬᬲ᭄᭟ᬫᬵ