Kaca:Bali-lontar-gaguritan-pakangraras-01-350ppi.pdf/4

[᭓ 3B]
᭓
ᬓᬩᬓ᭄ᬢᬲᬧᬭᬦ᭄ᬧᬭᬦ᭄᭞ᬕᭂᬮᬶᬲ᭄ᬧ᭄ᬭᬧ᭄ᬢᬶ᭞ᬢᬶᬩᬫᬭᬶᬂᬢᬫᬦ᭄ᬤᭂᬳ᭟᭠ᬢᬦ᭄ᬓᭀᬘᬧᬦ᭄ᬫᬭᬶᬂᬢᬫᬦ᭄᭞ᬓᭀᬘᬧ᭄ᬧ᭄ᬭᬩᭂᬓᭂᬮᬾᬫᬗ᭄ᬓᬶᬦ᭄᭞ᬲᬳᬶᬮᬂ
ᬧᭂᬢᭂᬗᬾᬋᬓᭀ᭞ᬭᬤᬾᬦ᭄ᬫᬦ᭄ᬢ᭄ᬭᬶᬢ᭄ᬯᬭᬓᬦ᭄ᬢᬸᬦ᭄᭞ᬕᭂᬮᬶᬲ᭄ᬤᬦᬾᬧᬥᬵᬮᬸᬗ᭄ᬳᬵ᭞ᬫᬗᬸᬮᬢᬶ᭞ᬲᬢᬶᬩᬧᬭᬦᬾᬓᭀᬘᬧ᭄᭟ᬧᬦ᭄ᬢᬵᬓᬃᬣᬮᬓ?
ᬮᬯᬦ᭄᭞ᬚᬭᬸᬥᬾᬄᬲᬋᬂᬫᬫᬃᬕ᭄ᬕᬶ᭞ᬫᬗᭂᬮᬶᬂᬫᬲᬲᬫ᭄ᬩᬢᬦ᭄᭞ᬤᬶᬚᬳᬭᬢᬸᬫᬮᬸᬗ᭄ᬕᬄ᭞ᬤᬾᬯᬩᬕᬸᬲ᭄ᬕᬸᬲ᭄ᬢᬶᬦ᭄ᬢᬶᬢ᭄ᬬᬂ᭞ᬭᬤᬾᬦ᭄ᬫᬦ᭄ᬢ᭄ᬭᬶ᭞ᬤᬶᬚᬦᬚ
ᬦᬶᬭᬸᬭᬸᬄᬢᬶᬢ᭄ᬬᬂ᭟ᬬᬦ᭄ᬩᭀᬬᬓᭂᬦᬓᬧᭂᬦ᭄ᬤᬓ᭄᭞ᬲᬸᬓᬢᬶᬢ᭄ᬬᬂᬗᭂᬫᬲᬶᬦ᭄ᬫᬢᬶ᭞ᬤ᭄ᬬᬧᬶᬦ᭄ᬢᬶᬢ᭄ᬬᬂᬫᬗ᭄ᬕᬶᬄᬓᬯᭀᬦ᭄᭞ᬦᬾᬦ᭄ᬢᭂᬦ᭄ᬢᬶᬢ᭄ᬬᬂᬓᬲᬳᬶᬂᬭ
[᭔ 4A]
ᬢᬸ᭞ᬩ᭄ᬬᬓ᭄ᬢᬧᬧᬓᬚᬦ᭄ᬢᬓ᭞ᬢᬶᬢ᭄ᬬᬂᬩᬭᬂ᭞ᬬ᭄ᬬᬤᬶᬦ᭄ᬢᬶᬩᬫᬭᬶᬂᬓᬯᬄ᭟ᬢᬦ᭄ᬓᭀᬘᬧ᭄ᬧᬸᬦ᭄ᬢᬓᬃᬣᬮ᭞ᬓᭀᬘᬧ᭄ᬧ᭄ᬭᬩᭂᬓᭂᬮ᭄ᬧᬮ᭄ᬧᬥᬫᬸᬮᬶᬄ᭞ᬲᬭ
ᬯᬸᬳᬾᬭᬶᬂᬦᬕᬭ᭞ᬫᬗ᭄ᬭᬭᬶᬲ᭄ᬓᬰ᭄ᬭᭀᬳᬕᬸᬂ᭞ᬕᭂᬮᬶᬲ᭄ᬫᬸᬗ᭄ᬕᬄᬭᬶᬂᬩᬜ᭄ᬘᬶᬗᬄ᭞ᬲᬫᬶᬲᭂᬤᬶᬄ᭞ᬫᬢᬸᬃᬲᭂᬫ᭄ᬩᬄᬭᬶᬂᬲᬂᬦᬵᬣ᭟ᬲᬂᬧ᭄ᬭᬪᬸᬭᬭᬶᬲ᭄ᬗᬦ᭄ᬤᬶᬓ᭞ᬓᬾ
ᬓ᭄ᬓᬾᬦ᭄ᬓ᭄ᬭᬡᬤᬤᬶᬲᭂᬤᬶᬄ᭞ᬧ᭄ᬭᬩᭂᬓᭂᬮᬾᬫᬢᬸᬃᬲᬶᬕ᭄ᬲᬶᬕᬦ᭄᭞ᬕᬸᬲ᭄ᬢᬶᬦ᭄ᬢᬶᬢ᭄ᬬᬂᬲᬗᬳᬸᬮᬸᬦ᭄᭞ᬢᬶᬢ᭄ᬬᬂᬦᬸᬦᬲ᭄ᬕᬸᬂᬲᬫ᭄ᬧᬸᬭ᭞ᬫᬢᬸᬃᬲᬶᬲᬶᬧ᭄᭞ᬢ᭄ᬯᬦ᭄ᬫᬦ᭄ᬢ᭄ᬭᬶ
ᬳᬶᬤᬳᬶᬘᬮ᭄᭟ᬲᭂᬤᭂᬓ᭄ᬢᬶᬢ᭄ᬬᬂᬗᭂᬧᬸᬂᬓᬶᬤᬂ᭞ᬭᬭᬶᬲ᭄ᬭᬯᬸᬄᬳᬸᬚᬦ᭄ᬳᬗᬶᬦ᭄᭞ᬧᭂᬢᭂᬂᬮᬶᬤᭂᬕ᭄ᬢᬦ᭄ᬢᭀᬦ᭄ᬢᬶᬫ᭄ᬧᬮ᭄᭞ᬳᬓᬾᬄᬓᬬᬸᬧᬸᬗ᭄ᬓᬢ᭄ᬳᭂᬭᬸ᭠